Morgunblaðið - 14.12.1995, Blaðsíða 7
MORGUNBLAÐIÐ
FIMMTUDAGUR 14. DESEMBER 1995 F 7
Bylgjan í
jólafötin
ÞEGAR jólin nálgast með ys og þys tekur dagskrá
útvarpsstöðvanna gjarnan nokkrum breytingnm. Fólk
vill hlusta á létta og skemmtilega þætti á meðan það
hugar að undirbúningnum. Þessa dagana er Bylgjan
að klæðast jólafötunum og hefur verið gerð þónokk-
ur breyting á helgardagskránni.
Fyrir jólin í fyrra voru Valdís Gunnarsdóttir og
Jón Axel Olafsson með þætti sem tekið var eftir síð-
degis á laugardögum. Þau hafa nú flutt sig um set
og verða með jólalegan þátt á Bylgjunni næstu föstu-
dagsmorgna. „Það má bóka að það verður mikið um
að vera hjá okkur, enda er það alltaf þannig svona
rétt fyrir jólin,“ sagði Valdís Gunnarsdóttir þegar
starfsmenn kynningardeildar íslenska útvarpsfélags-
ins hittu hana í útsendingu fyrir hádegi á mánudag.
Valdís og Jón Axel fylgjast með jólaundirbúningi
„Við ætlum að fylgjast vel með jólaundirbúningi
landsmanna, slá á léttu strengina og hver veit nema
við gerum at í svo sem eins og tveimur eða þremur .
kunnum einstaklingum." Jón Axel og Valdís hafa
bæði verið áberandi á öldum ljósvakans eftir að
útvarpsrekstur var gefinn fijáls en Jón hefur meira
sinnt öðrum málum undanfarið. Það leynir sér ekki
að hann hlakkar töluvert til þess að komast aftur í
útvarpið: „Það er alltaf gaman að gera einn og einn
þátt og rifja upp stemmninguna sem ríkir í beinni
útsendingu. Og stemningin er svo rífandi skemmti-
leg og ósvikin svona rétt fyrir jólin.“
VALDÍS Gunnarsdóttir og Jón Axel Ólafsson eru
með jólalegan þátt á sunnudagsmorgnum.
Eiríkur og Siggi
Eiríkur Jónsson hefur skapað sér algjöra sérstöðu
sem útvarpsmaður og á einkar auðvelt með að tala
við fólk og fá það til að sýna á sér nýjar hliðar,
eins og sjónvarpsþættimir hans hafa sannað. Eirík-
ur fékk líka annan kunnan sjónvarpsmann til að
sýna á sér nýja hlið í útvarpi og það bar að með
nokkuð sérstökum hætti.
„Við vorum á ferð með Bylgjunni og Stöð 2 úti í
Vestmannaeyjum og ég í beinni útsendingu með
morgunþáttinn minn þegar hann vaggaði inn í salinn
og byijaði að tala í hljóðnemann. Eg lét þetta bara
gott heita og hef ekki ennþá haft fyrir því að reka
hann út,“ segir Eiríkur um félaga Sigurð L. Hall
án þess að depla auga. Þeir félagar halda sínu striki
fram að jólum en ef að líkum lætur eiga þeir þó
eftir að setja sinn svip ájólaundirbúninginn og
krydda tilveruna með orðaflaumi og viðtölum án
hliðstæðu.
Fléttuþættir á laugardögum
Erla Friðgeirsdóttir og Halldór Backman stjórna
blönduðum útvarpsþætti eftir hádegi á laugardög-
um og kenna hann við fléttu. Á laugardögum er
gjarnan mikið um að vera í menningarlífi landans
og fólk stendur fyrir alls kyns uppákomum úti um
borg og bý. Erla og Dóri fylgjast náið með öllu því
helsta sem fram fer, eru á þönum um borgina og
flytja jólastemninguna inn á heimili landsmanna.
Páll Þorsteinsson kominn aftur
Útvarpsmaðurinn Páll Þorsteinsson gengur nú
aftur til liðs við Bylgjuna eftir nokkurra ára hlé.
Hann verður með þátt eftir hádegi á sunnudögum
ásamt Valdísi Gunnarsdóttur en þau störfuðu reynd-
ar saman hér á árum áður. Ætlunin er að bjóða
góðum gestum í hljóðstofu, fá girnilegar matarupp-
skriftir fyrir jólin og gera útvarpsþátt sem er gott
undirspil við kökubaksturinn og jólahreingerning-
una. „Það kitlaði mig mjög þegar mér var boðið að
vera með þennan þátt ásamt Valdísi,“ segir Páll
þegar hann er spurður um endurkomu sína á Bylgj-
una. „Við höfum unnið áður saman og með góðum
árangri. Ég býst líka fastlega við að þetta verði
skemmtilegt og vona innilega að hlustendur hafi
gaman af.“
Ishokkí og
fótbolti
18.30 ►íþróttir Pjöl-
breytt íþróttaefni ræður
ríkjum á sjónvarpsstöðinni
Sýn í dag. Klukkan 18.30
verður dagskrá frá NHL-
deildinni í íshokkí en hún
býður upp á það besta í þess-
ari hröðu og hörðu íþrótt.
Kl. 19.30 tekur síðan við bein
útsending frá ítölsku knatt-
spyrnunni og verður sýndur
stórleikur Juventus og Inter
Milan. Klukkan 21.30 verða
sýndar svipmyndir frá leikj-
um í Evrópukeppninni í
knattspyrnu en íþróttadag-
skráin endar á leik vikunnar
í ameríska fótboltanum og
hefst sú útsending klukkan
22.30.
GIANLUCA Vialli, leik-
maður Juventus.
EINS og margir vita reiddu framleiðendur Forrest Gump sig
mikið á tölvubrellur við gerð myndarinnar. Stríðshéljan Gary
Sinise missti fæturnar með stafrænum aðferðum og skýjum á
himni var snúið við svo dæmi séu tekin. Einnig mátti skera
niður statistakostnað með fyrrgreindum aðferðum, eins og
myndin sýnir.
Ekki er
allt sem
sýnist
* í * *
... íbio
í ÞEIRRI útgáfu Demolition Man sem ætluð var Bandarikjamark-
aði brá nafni Taco Bell matsölukeðjunnar fyrir á tjaldinu (við
höfuð Söndru Bullock). En þar sem fáir þekkja staðina utan heima-
landsins var brugðið á það ráð að selja skilti Pizza Hut í staðinn
þegar myndinni var dreift erlendis.
DISNEY fyrirtækið hafði
huga á því að markaðs-
setja My Father the Hero
ásamt öðrum barna-
myndum fyrirtækisins
sem á markað komu um
svipað leyti. Svo illa vildi
til hins vegar til að sund-
bolur Katherine Heigl
var helst til efnislítill fyr-
ir umræddan markhóp
og því var brugðið á það
ráð að mála yfir bakhluta
stúlkunnar í auglýsinga-
skyni, án þess þó að spilla
ánægju kvikmyndaliúss-
gesta varanlega.