Morgunblaðið - 19.12.1995, Blaðsíða 4
4 C ÞRIÐJUDAGUR 19. DESEMBER 1995
MORGUNBLAÐIÐ
KA fær Val í
heimsókn
DREGIÐ var í átta liða úrslit bikar-
keppninnar í handknattleik um helg-
ina. Stórleikur þessarar umferðar er
án efa leikur bikarmeistara KA á
Akureyri og íslandsmeistara Vals, en
liðin léku til úrslita í bikarkeppninni
í fyrra. Breiðablik fær Fram í heim-
sókn, Selfyssingar fara til Húsavíkur
og Eyjamenn taka á móti Víkingum,
A-liðinu, að þessu sinni.
Hjá stúlkunum eru hörkuleikir. Vík-
ingur fær Eyjastúlkur í heimsókn,
Sljarnan tekur á móti Haukum, Fram
fær FH-inga í Safamýrina og Fylkir
tekur á móti KR.
Leikirnir fara fram miðvikudaginn
10. janúar.
Öruggt á
Grænlandi
ÍSLENSKA karlalandsliðið í hand-
knattleik sigraði það grænlenska 28:19
I síðari leik liðanna sem fram fór í
Nuuk á laugardaginn. ísland sigraði
40:14 í fyrri leiknum. „Það var meiri
mótspyrna í síðari leiknum,“ sagði
Þorbjörn Jensson landsliðsþjálfari eftir
leikinn. „Grænlendingar voru reynsl-
unni ríkari og einbeitingin ekki eins
góð hjá okkur,“ sagði þjálfarinn.
Allir tólf leikmenn landsliðsins léku
I báðum leikjunum og allir útileikmenn-
irnir náðu að skora í báðum leikjunum.
Þorbjörn sagði að áhugi Grænlendinga
á handknattleik væri mikill og hjá þeim
væru nokkrir Ieikmenn sem gætu
spjarað sig í deildinni hér heima ef
þeir æfðu með íslenskum liðum. Hann
sagði að örvhentu skytturnar Kim
Hogaard og Arent Olsen hefðu verið
bestu menn liðsins.
„Ég sá líka kvennaleik í ferðinni og
þau lið voru þokkaleg. Dómararnir í
leikjum okkar voru grænleskir og
stóðu sig mjög vel og þessi ferð var
öll hin ánægjulegasta og ég held að
þetta séu langbestu móttökur sem ég
hef fengið í svona keppnisferð,“ sagði
Þorbjörn.
í fyrri leiknum gerðu íslensku strák-
arnir 22 mörk úr hraðaupphlaupum
en í þeim síðari gerðu Grænlendingar
mun færri mistök í sókninni þannig
að ekki var skorað eins mikið úr hrað-
aupphiaupum.
MikeTyson
lagði Mathis
BANDARÍSKI hnefaleikakappinn Mike
Tyson lagði landa sinn Buster Mathis
yngri eftir að þeir höfðu slegist í tvær
lotur og 2,32 minútum betur um helg-
ina. Tyson, sem er 29 ára gamall, þótti
ekki sannfærandi í þessari viðureign
en hann gerði vel þegar liann sló Mat-
his í gólfið. Hann náði góðu höggi með
hægri þannig að Mathis varð að rétta
úr sér og þá lét Tyson til skarar skríða
og rétti móthetja sínum einn með
vinstri, annan með hægri og síðan aftur
vinstri.
Tyson mun berjast við Bretann Frank
Bruno í mars um WBC heimsmeistara-
titilinn, og þrátt fyrir að allir séu sam-
mála um að hann sé ekki eins góður
og hann var fyrir nokkrum árum, er
engin hræðslumerki að sjá á honum.
„Ég vissi alttaf hvað Mathis var að
gera og þetta var aldrei spurning um
hver færi með sigur. Ég hlakka mikið
til bardagans um titilinn i mars. Ég er
ekki hræddur við neinn," sagði Tyson.
Heimsmet í
stangarstökki
ÁSTRALSKA stúlkan Emma George
bætti eigið heimsmet í stangarstökki
á móti í Perth í Ástralíu á sunnudag-
inn er hún vippaði sér yfír 4,28 metra.
Hún stökk 4,25 í síðasta mánuði en
bætti metið nú um 3 sentimetra.
KORFUKNATTLEIKUR
Tvrframlengt
í Smáranum
- og Blikarsigruðu á baráttunni
„VIÐ unnum á liðsheildinni því nýju mennirnir, sem komu inn á
íframlengingunni, stóðu sig,“ sagði Blikinn Halldór Kristmanns-
son eftir 97:89 sigur á ÍR í Smáranum á sunnudaginn, hörkuleik
sem þurfti að framlengja tvívegis til að knýja fram úrslit. „Tveir
úr okkar liði komu frá IR í ár og sigurinn er því sætari. Það var
orðið tímabært að vinna þvf þeir hafa tvisvar unnið okkur f vet-
ur og vonandi erum við komnir á siglingu. Þetta er fyrsti sigur
sem við höfum unnið á sunnudegi f ár en við höfum unnið fjóra
leiki á fimmtudögum."
Stefán
Stefánsson
skrífar
Frá upphafi var baráttan mikil og
kom það niður á gæðum leiksins
þó að hann væri ágæt skemmtun
fyrir áhorfendur.
Blikar gættu þess
vandlega að Herbert
Amarson kæmist
ekki í færi og reyndu
að hindra John Rhodes undir körf-
unni. Gestunum úr Breiðholtinu gekk
illa að hitta og voru Blikar yfir næst-
um allan fyrri hálfleik.
Eftir að Blikar höfðu náð 12 stiga
forskoti í síðari hálfleik, skelltu ÍR-
ingar á þá pressuvöm og komust
loks yfir. En Blikar áttu nóg eftir
af baráttuþreki, náðu yfirhöndinni
aftur á því þreki svo að á síðustu
sekúndunum náði Herbert að jafna
fyrir ÍR, 76:76, úr tveimur vítaskot-
um og framlengja þurfti leikinn.
Eftir mikinn barning komust Blik-
ar yfir, 85:82, þegar ein og hálf
mínúta var eftir en Márus Arnarson
minnkaði muninn í 85:84 þegar hálf
var eftir. Eftir átök undir körfu Blika
11 sekúndum fyrir leikslok tókst
John Rhodes að næla sér í tvö víta-
skot en hitti úr hvorugu. Hinum
megin fékk Einar Hannesson einnig
tvö vítaskot, þegar 6 sekúndur voru
eftir, en hitti aðeins úr öðru þeirra
og þegar 2 sekúndur voru eftir á
klukkunni jafnaði Herbert, 86:86,
svo að framlengja þurfti á ný.
Síðari framlengingin einkenndist
af baráttu og mistökum. IR-ingar
komust yfir en síðan small allt sam-
an hjá Kópavogsdrengjunum og þeir
sigu framúr.
Blikar mættu undirbúnir til þessa
leiks og þó liðið hafi ekki leikið glæsi-
legan körfubolta, var baráttan og
trúin á sigur til staðar. Þótt þeir
hafi oft átt í mesta basli með að fínna
leiðina að körfu ÍR-inga, gáfust þeir
ekki upp og uppskáru eftir því þó
að hurð hafi oft skollið nærri hælum.
Halldór Kristmannsson og Michael
Thoele voru bestu menn liðsins en
sigur vannst engu að síður á liðs-
heildinni.
Það vantaði einhvem neista í ÍR-
liðið, sem ætti að geta betur. Her-
bert fékk að vísu lítinn frið og fóru
þijú af 11 þriggja stiga skotum hans
í körfuna en í heildina reyndi liðið
20 þannig skot en aðeins fjögur röt-
uðu rétta leið. John Rhodes sýndi
einna mestu baráttuna og tók 27
fráköst og Jón Örn Guðmundsson
var góður en þurfti að yfirgefa völl-
inn með 5 villur.
Meistararnir með meistara-
takta gegn Haukum
Islandsmeistarar Njarðvíkinga
sýndu sannkallaða meistaratakta
þegar þeir mættu Haukum úr Hafn-
arfírði í Njarðvík á
sunnudagskvöldið.
Haukar, sem höfðu
sigrað í 17 leikjum í
röð, fengu heldur
betur á baukinn;
voru gersamlega yfirspilaðir og fóru
heim með 32 stiga tap á bakinu,
110:78. Auk þess náðu Njarðvíkingar
með sigrinum Haukunum að stigum
í riðlinum. „Þetta var sætur sigur
og án efa besti leikur liðs í deildinni
í vetur - það gekk næstum allt upp
hjá okkur og við getum farið stoltir
í jólafríið,“ sagði Hrannar Hólm
þjálfari Njarðvíkinga kampakátur
eftir Ieikinn. í hálfleik var staðan
57:42 fyrir Njarðvík.
Eftir jafna byijun á upphafsmínút-
unum náðu Haukar góðum kafla og
Björn
Blöndal
skrifar frá
Njarðvik
Stefán Þór
Sæmundsson
skrifar frá
Akureyri
um leið undirtökunum. En þá fóru
Njarðvíkingar í gang og 12 stig
þeirra í röð breyttu gangi leiksins;
frá því að vera 2 stigum undir, 24:26,
komust þeir 10 stigum yfir, 36:26.
Þar með var tónninn gefinn og Hauk-
arnir sem hafa oft séð það svartara
en þetta náðu aldrei upp neinni bar-
áttu og urðu að sætta sig við músar-
hlutverkið að þessu sinni. „Þetta
voru vissulega mikil vonbrigði, ég
átti alltaf von á bakslagi eftir gott
gengi en ég átti ekki von á þessum
ósköpum. Varnarleikurmn, okkar
sterka hlið, var afleitur. Ég held líka
að menn hafí einfaidlega ekki verið
andiega tilbúnir í þennan leik og
sumir í liðinu hefðu betur keypt sér
miða til að sitja meðal áhorfenda
frekar en að klæðast keppnisbún-
ingi,“ sagði Reynir Kristjánsson
þjálfari Hauka.
Það má taka undir það með
Hrannari Hólm þjálfara Njarðvíkinga
að leikur Njarðvíkinga var frábær
og um leið góð skemmtun. Rondey
Robinson og Teitur Örlygsson voru
sem fyrr aðalmennirnir, Kristinn Ein-
arsson var einnig mjög góður og
setti mikilvæg stig. Friðrik Ragnars-
son var einnig ágætur. Hjá Haukum
var Jason Williford sá eini sem hafði
eitthvað að gera í Njarðvíkinga, aðr-
ir léku undir getu.
Þórssigur í átakaleik
Þósarar eru ekki vanir að sækja
gull í greipar Suðumesjalið-
anna í körfuknattleik en það varð
heldur betur breyt-
ing á í leik Þórs og
Grindvíkinga á Ak-
ureyri sl. sunnudags-
kvöld. Þór hafði yfir-
höndina allan tímann
og sigraði með 20 stiga mun, 108:88,
þrátt fyrir að Fred Williams hafi
verið rekinn af leikvelli þegar 10
mínútur voru til leiksloka. Williams
og Marel Guðlaugsson voru að
„stinga saman nefjum“ og var greini-
lega ekki um vinahót að ræða. Við-
skiptum þeirra lauk með því að Will-
iams keyrði boltann þéttingsfast í
höfuð Marels og var sendur í sturtu,
en svo virtist sem Marel hefði skallað
Bandaríkjamanninn fyrst og kynt
þannig undir pottinum uns upp úr
sauð.
Þetta var einn fjörugasti körfubol-
taleikurinn á Akureyri í vetur og
synd fyrir Þórsara að fara í jólafrí
mitt í bullandi uppsveiflu. Þeir höfðu
góða forystu allan leikinn, Grindvík-
ingar náðu aðeins tvisvar að minnka
muninn í eitt stig, 6:5 og síðan 18:17.
Liðið komst aldrei í gang. Herman
Myers var sá eini sem skoraði að
ráði í fyrri hálfleik en Williams og
Konráð voru sterkir hjá Þór. Staðan
í leikhléi var 47:38.
Áhorfendur á bandi heimamanna
óttuðust að Grindvíkingar kæmu
grimmir til seinni hálfleiks og að
hinn algengi slæmi kafli myndi hijá
Þórsara. Óttinn reyndist ástæðulaus
því Þórsarar settu í fluggír og héldu
10-15 stiga forskoti allt þar til Will-
iams var rekinn út af. Þá var staðan
74:62 og 10,15 mín. til leiksloka.
Grindvíkingar virtust ætla að ganga
á lagið og minnkuðu muninn niður
i sjö stig, 79:72, en Þórsarar voru
einfaldlega sterkari og keyrðu fram
úr á ný. Þeir héldu haus þrátt fyrir
mikinn atgang og pressu gestanna
og rúlluðu yfir þá í lokin.
Fróðlegt er að bera þennan leik
saman við fyrri leik liðanna á Akur-
Morgunblaðið/Bjami Eiríksson
ROIMDEY Robinson lék stórt hlutverk hjá Njarðvíkingum, sem
fóru létt með Hauka í Njarðvík.
eyri. Þá voru Myers og Guðmundur
kóngamir á vellinum, hirtu flest frá-
köst og lögðu grunninn að sigri
Grindvíkinga. í þeim leik var Birgir
Öm Birgisson fjarri góðu gamni en
nú var hann með og sýndi hvers
hann er megnugur undir körfunni.
Krístinn var frábær í seinni hálfleik,
Konráð, Williams, Kristján og Haf-
steinn góðir og Böðvar fann sig vel.
Þórsliðið barðist geysilega vel í vörn
og sókn og uppskar sanngjarnan sig-
ur. Lykilmenn Grindvíkinga fundu
sig ekki. Myers hvarf í seinni hálf-
leik, Guðmundur var frekar daufur
og aðeins Helgi Jónas og Hjörtur
létu verulega að sér kveða í lokin.
Keflvíkíngar kafsigldu
Tindastól í síðari háifleik
Keflvíkingar gerðu góða ferð til
Sauðárkróks og sigrúðu 69:88
eftir að staðan í hálfleik hafði verið
jöfn, 41:41. Leikur-
Björn inn var J'afn °S
Björnsson spennandi í fyrri
skrífar frá hálfleik og voru
Sauöárkróki Burns og Gunnar
Einarsson í aðalhlutverki hjá Kefla-
vík en Pétur Guðmundsson og Torrey
John hjá heimamönnum.
Stax í byijun seinni hálfleiks skipti
um því Keflvíkingar komu mjög
grimmir til leiks á meðan Tindastóls-
menn röðuðu á sig villum og um
miðjan hálfleikinn voru þrír þeirra
komnir með fjórar villur. Keflvíking-
ar juku forskotið jafnt og þétt og
um miðjan hálfleikinn var aldrei
spuming hvort liðið myndi sigra.
Keflvíkingar voru nánast með
kennslustund fyrir heimamenn á
lokamínútunum.
Burns, Jón Kr. og Gunnar Einars-
son voru bestu leikmenn gestanna
en Torrey John var sá eini sem sýndi
góðan Ieik í liði heimamanna.
Skallagrímur sterkari
í nágrannaslag
Skallagrímur vann liðsmenn
Akraness 94:80 í jöfnum bar-
áttuleik í Borgarnesi á sunnudaginn.
mmmm Heimamenn höfðu
Theodór yfirhöndina nær all-
Þórðarson an leikinn en náðu
skrifarfrá aldrei að hrista
Borgarnesi Skagamennina alveg
af sér fyrr en á lokamínútunum.
„Skagamenn vantar þá breidd sem
við Borgnesingar höfum,“ sagði Ari
Gunnarsson einn af bestu leikmönn-
um Skallagríms sem skoraði 21 stig
í þessum leik, þar af fjórar mikilvæg-
ar 3ja stiga körfur. „Vömin er smoll-
in saman hjá okkur og liðsheildin er
orðin mun sterkari. Það rúllar ekkert
lið yfir okkur í dag og það er virki-
lega gaman að spila eftir fimm sigra
í röð. Þá má ekki gleyma okkar frá-
bæru áhorfendum sem bregðast okk-
ur aldrei.“
Þessi leikur var dæmigerður ná-
grannaslagur. Mikil spenna, barátta
og mistök á báða bóga frá fyrstu
mínútu í bland við stanslaus öskur
og fagnaðarlæti frá troðfullri áhorf-
endastúkunni, sem skipuð var stuðn-
ingsmönnum beggja liðanna.
Heimamenn sigu fljótlega nokkr-
um stigum fram úr Skagamönnum
og héldu síðan 3 til 7 stiga forskoti
út nær allan leikinn. í leikhlé var
staðan 35:31 fyrir heimamenn. Miklu
munaði að vörninni tókst að halda
Milton Bell niðri og skoraði hann
ekki nema 8 stig fram að leikhlé.
Skagamenn byijuðu af miklum
krafti eftir leikhlé og náðu að jafna
43:43 eftir 5 mínútna leik. En það
var eins og aukinn kraftur færðist í
liðsmenn Skallagríms í hvert sinn
sem Skagamenn nálguðust þá um
of og svöruðu þá oft með 3ja stiga
körfum og náðu þá aftur forskoti
sínu. Skagamenn náðu að jafna aftur
um miðjan síðari hálfleikinn, 60:60,
og halda í við heimamenn þar til um
3 mínútur voru eftir af leiktímanum.
Þá sýndu leikmenn Skallagríms styrk
liðsheildarinnar og náðu öruggu for-
skoti og sigruðu með 14 stiga mun,
94:80.
Liðsheildin var mjög góð hjá Skal-
lagrími en bestir voru þeir Alexand-
er, Ari Gunnarsson og Bragi
Magnússon. Hjá ÍA voru þeir Harald-
ur Leifsson og Bjarni Magnússon
bestir, þá átti Milton Bell mjög góðan
seinni hálfleik.
Þreytt að Hlíðarenda
að
ivar
Benediktsson
skrifar
Það var þreyta yfir leikmöúnum
Vals og KR er liðin áttust við
Hlíðarenda á sunnudagskvöidið.
Leikurinn var lítið
augnayndi, íjölda-
mörg mistök litu
dagsins ljós beggja
vegna jafnt í vöm og
sókn og nokkrir kaflar komu í leikn-
um þegar leikmenn hittu ekkert í
körfurnar. Leikurinn var í jámum í
fyrri hálfleik en í þeim síðari tókst
leikmönnum KR að hysja upp um sig
og gera það sem þurfti til að tryggja
sér sigur, 90:82.
Leikurinn fór rólega af stað og
eftir fimm mínútur höfðu aðeins ver-
ið gerð fjórtán stig og það var ekki
góðum varnarleik að þakka. Hvomgu
liði tókst að rífa sig upp úr meðal-
mennskunni ef undan er skilinn einn
leikmaður, Ragnar Þór Jónsson,
Valsari. Hann hélt sínum mönnum
inni í leiknum með því að skora tutt-
ugu og eitt stig í fyrri hálflefk af
þijátíu og sjö og Hlíðarendadrengir
höfðu eins stigs forystu í hálfleik,
37:36.
í upphafi síðari hálfleiks tóku
KR-ingar af skarið. Þeir bættu varn-
arleik sinn frá því sem var og Vals-
menn áttu ekkert svar. Þeir lentu
strax tíu stigum undir og sá munur
hélst meira og minna allt til leiks-
loka. Áferð leiksins skánaði lítið í
síðari hálfleik.
Ragnar Þór var eini leikmaður
Vals sem náði sér á strik. Ronald
Bayless var aðeins skugginn af sjálf-
um sér og gerði aðeins 20 stig, þar
af 12 á síðustu sjö mínútum leiks-
ins. KR liðið var jafnt og sigraði
fyrst og fremst á góðri vöm.