Morgunblaðið - 19.12.1995, Blaðsíða 5

MORGUNBLAÐIÐ
KNATTSPYRNA
ÞRIÐJUDAGUR 19. DESEMBER 1995 C 5
Varamarkvörðurínn
komy sá og sigraði
Tékkinn Pavel Srnicek sýndi snilldarleik í marki Newcastle á St. James Park
Reuter
DENNIS Wlse fagnar John Spencer (t.v.) eftir að hann skoraði mark Chelsea gegn Arsenal á
Highbury. Myndin er dæmigerð fyrir lelkinn — leikmenn Arsenal voru á hælunum.
Batistuta
var hetja
Fiorentina
LEIKMENN Newcastle hafa
náð sjö stiga forskoti á Man-
chester United í baráttunni um
Englandsmeistaratitlinn, eftir
að þeir lögðu Everton að velli,
1:0, á St. James Park. Heima-
menn léku tíu í 56 mín., þar
sem John Beresford fékk að
sjá rauða spjaldið fyrir brot á
Andrei Kanchelskis, sem var
kominn einn inn fyrir New-
castle-vörnina. Newcastle hef-
ur unnið alla heimaleiki sfna
og það var Les Ferdinand sem
skoraði sigurmark liðsins á 18.
mín., eftir frábæra sendingu
frá Peter Beardsiey -
sautjánda mark Ferdinands í
deildinni.
Leikmenn Everton, sem höfðu
ekki tapað sex leikjum í röð,
réðu ekkert við tékkneska mark-
vörðinn Pavel Srnicek, sem lék sinn
fyrsta leik í byrjunariiði Newcastle
í vetur - tók stöðu Shaka Hislop,
sem er meiddur. Eftir leikinn hrós-
aði Kevin Keegan, framkvæmda-
stjóri Newcastle, Srnicek í hástert
- sagði að hann hefði verið stór-
kostlegur í markinu. „Pavei var
undir pressu og það er ekki auð-
velt að leika við þannig kringum-
stæður, hann var frábær og sýndi
hvers vegna hann er hetja hér.“
Srnicek varði vel skot frá Daniel
Amokachi í fyrri hálfleik, en há-
punkturinn var þegar hann varði
skot frá Anders Limpar - knöttur-
inn breytti stefnu þegar hann hafn-
aði í varnarmanninum Steve How-
ey. „Hvernig hann fór að því að
veija skotið er mér óskiljanlegt. Ég
er þess fullviss að enginn annar
markvörður hér í landi hefði getað
leikið þetta eftir,“ sagði Kevin
Keegan.
Arsenal varð að sætta sig við
jafntefli gegn Chelsea heima, 1:1.
Það var ekki fyrr en leikmenn
Arsenal voru tíu - Steve Bould var
rekinn af leikvelli á 78. mín., eftir
að hafa fengið að sjá sitt annað
gula spjald - að leikmenn Arsenal
fóru að sýna tennurnar, en þeir
höfðu fram að því leikið sem höfuð-
laus her, enda miðvallarspil liðsins
máttlaust. Þess má geta að þetta
er annar leikur Arsenal í röð, þar
sem miðvörður liðsins er rekinn af
leikvelli - Tony Adams fékk að sjá
rauða spjaldið í leik gegn Sout-
hampton helgina áður.
lan Wright fékk gullið tækifæri
til að jafna og Paul Merson átti
skot sem hafnaði á þverslánni á
marki Chelsea þegar þrjár mín.
voru til leiksloka. Það var svo mín.
seinna sem bakvörðurinn Lee Dix-
son skoraði jöfnunarmark Arsenal
með þrumufieyg af 20 m færi -
knötturinn hafnaði efst upp í mark-
horninu.
Dennis Bergkamp lék ekki með
Arsenal vegna meiðsla og landi
hans Ruud Gullit lék ekki með
Chelsea, sem skoraði mark sitt á
24. mín. eftir varnarmistök Arsen-
al. Terry Phelan skallaði knöttinn
fyrir mark Arsenal, þar sem John
Spencer var á auðum sjó og skoraði.
Wimbledon, sem hefur leikið fjór-
tán leiki.án sigurs, mátti þola tap
heima fyrir Tottenham, 0:1, með
marki sem Ruel Fox skoraði - hans
annað mark í tíu leikjum síðan hann
kom til Tottenham frá Newcastle.
Hann skoraði markið sex mín. fyrir
leikslok með skalla - í leik sem
Wimbledon átti að vinna. Það var
markvörður Tottenham, Ian Wal-
ker, sem kom í veg fyrir það með
snilldarleik og Tottenham getur
þakkað honum að liðið hefur leikið
níu leiki í vetur á útivelli, án þess
að tapa.
Alan Shearer var hetja Black-
burn á Ewood Park - hann skoraði
sitt 23. mark á keppnistímabilinu á
42. mín. og nægði það til sigurs
gegn Middlesbrough, sem endaði
leikinn með tíu leikmenn inn á, eft-
ir að Derek White var rekinn af
leikvelli. Shearer hefur skorað átján
deildarmörk.
David Hirst og Belgíumaðurinn
Mark Degryse skoruðu báðir tvö
mörk þegar Sheffield Wed. vann
stórsigur, 6:2, á Leeds.
Fowler skoraöi tvö
Robbie Fowler skoraði bæði mörk
Liverpool gegn Manchester United,
2:0, á Anfield Road. Liverpool hefði
hæglega getað skorað fleiri mörk
ef leikmenn liðsins hefðu náð að
nýta fjölmörg tækifæri sem þeir
fengu. Fowler skoraði fyrra mark
sitt úr aukaspyrnu af 25 m færi -
Peter Schmeichel, sem lék á ný í
marki United, misreiknaði sig illa
og fraus á marklínunni. Þremur
mín. fyrir leikslok bætti Fowler
öðru marki við - hans 50. marki
fyrir Liverpool, eftir frábærlega vel
útfærða skyndisókn.
„Þetta var miklu sætara en jafn-
teflið, 2:2, á Old Trafford í októ-
ber. Þá snérist allt um endurkomu
Cantona eftir átta mánaða bann -
hann skoraði þá úr vítaspyrnu og
tryggði United jafntefli. Nú snérist
allt um Liverpool. Frá því að dómar-
inn flautaði leikinn á, tókum við
völdin og gátum skorað fleiri
mörk,“ sagði Fowler. .
Roy Evans, framkvæmdastjóri
Livérpool, var ánægður með sína
menn: „Það var gaman að leggja
United að velli með glæsibrag. Við
lékum stórkostlega. Ef Peter
Schmeichel hefði ekki verið í mark-
inu, hefði Stan Collymore skorað
þrennu." Þess má geta að
Schmeichel varði átta skot frá
Collymore, sem lék sinn besta leik
síðan hann var keyptur á 8,5 millj.
pund frá Forest.
ARGENTÍNSKI landsliðsmað-
urinn og fyrirliði Fiorentina,
Gabriel Batistuta, skaut liði sínu
upp í annað sætið á Ítalíu, þegar
hann skoraði tvö mörk í sigur-
leik gegn Atalanta, 3:1. Fiorent-
ina vann sinn þriðja leik í röð
og er nú aðeins einu stigi á eft-
ir AC Milan, sem varð að sætta
sig við jafntefli, 1:1, heima gegn
Torínó. Batistuta hefur skorað
tíu mörk á keppnistímabilinu og
er markahæstur ásamt Protti
hjá Bari.
Eeftir áfall í sl. viku, þegar AC
Milan var slegið út úr bikar-
keppninni af 2. deildarliðinu Bo-
logna, kom annað áfall eftir aðeins
fjórar mín. á San Siro-leikvellinum í
Mílanó, þegar 18 ára Króati, Veldin
Karic, fiskaði vítaspyrnu, sem Ruggi-
ero Rizzitelli skoraði örugglega úr,
eftir að hafa sent markvörðinn Se-
bastiano Rossi í öfuga átt frá skoti
sínu. Leikmenn Tórínó, sem léku sinn
annan leik undir stjórn þjálfarans
Franco Scoglio, voru ekki yfir nema
í sex mín., en þá var Boban búinn
að jafna með föstum skalla, eftir
homspurnu frá Roberto Baggio. Eft-
ir það léku leikmenn Tórínó nær all-
an leikinn inni í vítateig sínum, en
„Draumaframlínan“ Baggio, Weah
og Marco Simone náði ekki að bijóta
varnarmúr gestanna niður.
Parma varð að sætta sig við jafn-
tefli, 1:1, gegn Bari í leik seni Hristo
Stoichkov kom inná sem varamaður
og Kólumbíumaðurinn Asprilla var
rekinn af leikvelli fyrir að þrasa í
dómara leiksins. Stoichkov náði að
blása lífí í leik Parma, sem var und-
ir, 1:0, þegar Asprilla var rekinn af
leikvelli og lagði hann upp jöfnunar-
mark Parma, 1:1, sem Alessandro
Melli skoraði á 89. mín. Igor Protti
skoraði mark Bari úr vítaspyrnu á
45. mín.
Lazíó, sem hafði tapað þremur
leikjum í röð, vann Sampdoria í mikl-
um markaleik, 6:3. Giuseppe Sig-
nori, sem hafði ekki skorað mark frá
því í október, skoraði tvö mörk fyrir
Lazíó.
Leikmenn Roma fögnuðu fyrsta
sigri, 0:2, liðsins í Napoli í sjö ár
með mörkum frá Svíanum Jonas
Thern og Marco Delvecchio, sem kom
inná sem varamaður í seinni hálfleik
- hann fékk síðan að sjá rauða
spjaldið.
Leikmenn Cagliari undir stjórn
þjálfarans Giovanni Trappatoni hafa
leikið fimm leiki í röð án þess að
tapa - þeir urðu fyrstir til að fagna
sigri, 0:1, á heimavelli Vicenza í 27
mánuði.
Guðni var
rekinnaf
leikvelli
GUÐNI Bergsson, landsllðs-
fyrirliði og leikmaður Bolton,
var rekinn af leikvelli á laug-
ardaginn þegar lið hans heim-
sótti QPR í ensku úrvalsdeild-
inni. „Eg veit eiginlega ekki
hvað gerðist. Ég reiddist
óþarflega mikið í smástund
og tæklaði einn full gróflega
þegar stundarfjórðungur var <
eftir. Þetta er fyrsta rauða
spjaldið sem ég fæ og ég ætla
rétt að vona það síðasta. Þetta
var alls ekki til sóma,“ sagði
Guðni um atvikið.
Tveir leik-
menn St.
Germain
sáu rautt
PARÍSARLIÐIÐ St. Germain
hélt sigurgöngu sinni áfram -
lék sinn ellefta leik í röð í
Frakklandi án taps, þrátt fyrir
að leikmenn liðsins voru aðeins
níu þegar flautað var til leiks-
loka í leik gegn St. Etienne,
1:1. Daniel Bravo fékk að sjá
rauða spjaldið eftir aðeins níu
min. fyrir gróft brot og sjö
mín. fyrir leikslok fékk Francis
Llacer að sjá rauða spjaldið.
St. Etienne skoraði á undan,
þegar Jean-PhiLippe Sechet,
fyrrum leikmaður St. Germain,
skoraði úr vítaspyrnu. Aðeins
þremur mín. seinna var Pa-
namamaðurinn Julio Cesar
Dely Valdes búinn að jafna með
glæsilegri hjólhestaspyrnu.
Þegar franskir knattspyrnu-
menn fara í þriggja vikna jóla-
frí, hefur Parísarliðið sex stiga
forskot á Lens og Auxerre, sem
gerðu markalaust jafntefli í
Lens. Heimamenn misnotuðu
vítaspyrnu í leiknum.
Enn baulað
á leikmenn
Barcelona
ATLETICO Madrid heldur
tveggja stiga forskoti sínu á
Spáni - liðið fagnaði sigri, 1:0,
gegn Valencia. Jose Luis
Caminero skoraði sigurmark
liðsins á siðustu mín. leiksins.
Sigur liðsins hefði getað orðið
stærri, maðurinn sein kom í veg
fyrir það var landsliðsmark-
vörður Spánverja, Andoni
Zubizarreta, sem átti frábæran
leik í marki Valencia. Espanyol
er tveimur stigum á eftir At-
letico, eftir sigur gegn Oviedo,
2:1.
Rúmenski landsliðsmaðurinn
Gheorghe Popescu tryggði
Barcelona sigur, 1:0, gegn
Sporting Gijon á Nou Camp í
Barcelona, þar sem áhorfendur
bauluðu enn einu sinni á leik-
menn Barcelona er þeir gengu
af leikvelli. Julio Salinas, fyrr-
um leikmaður Barcelona, var -
nær búinn að jafna fyrir Gijon
- skot hans hafnaði í stöng.
Real Madrid lagði Celta Vigo
að velli 1:0 og er liðið í sjötta
sæti, ellefu stigum á eftir ná-
grannaliðinu Atletico. Alvaro
Benito skoraði mark Real
Madrid.