Morgunblaðið - 19.12.1995, Blaðsíða 8

ÞOLFIMI
Magnúsfimmti á HM í París
Magnús Scheving, íslands-
meistari í þolfimi og núver-
andi Evrópumeistari, hafnaði í
fimmta sæti af 36 keppendum í
einstaklingskeppni karla á heims-
meistaramótinu í þolfimi sem var
í fyrsta sinn haldið undir merkjum
Alþjóða fimleikasambandsins.
Mótið fór fram í París í Frakk-
landi og lauk á sunnudaginn.
Magnús hlaut 30,300 stig en sigur-
vegarinn sem var frá Brasilíu hlaut
33,800 stig, en Frakki var í öðru
sæti.
Efstur meðal
Norðurlandabúa
Magnús var einnig í fimmta
sæti í undankeppninni sem fram
fór daginn áður og komust sjö
efstu í úrslitin og hélst sama röð
þar. Hann var efstur á meðal Norð-
urlandabúa á mótinu. Þess má
geta að hann tognaði á þumal-
fingri í síðustu viku, en það háði
honum ekki í keppninni.
Morgunblaðið/Gunnlaugur Rögnvaldsson
MAGNÚS Scheving, íþróttamaður ðrsins, náði fimmta sæti á heimsmeistaramótlnu í París.
Austurríkis-
menn sig-
ursælir
AUSTURRÍSKIR skíðamenn
voru sigursælir í heimsbik-
arnum um helgina, bæði í
karla- og kvennaflokki. Hans
Knaus frá Austurríki kom
mjög á óvart er hann vann
fyrsta heimsbikarmótið á
ferlinum í Altea Badia á Ítalíu
á sunnudaginn. Hann náði
besta tímanum í báðum um-
ferðum í stórsvigi og og kom
þar með í veg fyrir að Sviss-
lendingurinn Michael Von
Griinigen næði 100 prósent
árangri í stórsvigi á þessu
tímabili. Von Griinigen varð
annar og Alberto Tomba varð
að gera sér þriðja sætið að
góðu þrátt fyrir góðan stuðn-
ing 30 þúsund ítalskra áhorf-
enda.
„Þegar ég keppti hér í
fyrsta sinn fyrir þremur árum
og sá Tomba sigra, dreymdi
mig um að feta í fótspor hans
og því er þessi sigur eins og
að draumurinn hafi orðið að
veruleika," sagði Knus.
Austurríkismenn geta verið
ánægðir með helgina því á
laugardag sigraði Ólympíu-
meistarinn Patrick Ortlieb í
bruni í Val Gardena. Og ekki
nóg með það því Michaela
Dorfmeister og Elfi Eder
sigruðu í bruni og svigi
kvenna í St Anton.
SKÍÐI
Styrkja Kristin um
1,3 milljónir á ári
NOKKUR fyrirtæki á Norður-
landi hafa tekið sig saman og
gert með sér samning um að
styrkja skíðakappann Kristin
Björnsson frá Ólafsfirði á næsta
ári og gera honum þannig kleift
að einbeita sér alfarið að skíða-
íþróttinni. Þetta eru Ólafsfjarð-
arbær, Arni Helgason, Garðar
Guðmundsson hf., Hraðfrystihús
Ólafsfjarðar hf., Kaupfélag Ey-
firðinga, Magnús Gamalíelsson
hf., Sparisjóður Ólafsfjarðar,
Sæberg hf. og Vélsmiðja Ólafs-
fjarðar auk Skíðasambands ís-
lands. Styrktarsamningur þessi
Kristinn Björnsson.
er að verðmæti 1,3 milljónir
króna. Samningurinn er til eins
árs með möguleika á framleng-
ingu. Kristinn hefur dvalið er-
lendis við æfingar meira og
minna í fímm ár og þar af síð-
ustu tvö árin í Schladming í
Austurríki. Hann er í 47. sæti á
heimslistanum í risasvigi og hef-
ur verið að bæta sig mjög í svigi
og er kominn 190. sæti á heims-
listanum í þeirri grein. Stærsta
mót vetrarins er heimsmeistara-
mótið í Sierra Nevada á Spáni í
febrúar og þar verður Kristinn
á meðal keppenda.
FIS semur
viðkaffi-
framleið-
endur
í Kolumbíu
SAMBAND kólumbiskra
kaffiframleiðenda (Cafe de
Colombia) er nýr styrktar-
aðili Alþjóða skíðasam-
bandsins, FIS. Skrifað var
undir fimm ára samning í
Kolumbíu á dögunum.
Samningurinn tryggir FIS
andvirði 900 milljóna króna
á ári næstu fimm árin.
Dæhlie nálgast
met Svans
BJÖRN Dæhiie, Ólympíumeist-
ari í sklðagöngu frá Noregi,
hefur haft mikla yfirburði það
sem af er keppni heimsbikars-
ins í vetur. Hann vann 29.
heimsbikarmót sitt I Santa Cat-
erina á Ítalíu á suunudag og
þarf nú aðeins einn sigur til
viðbótar til jafna met Svíans
Gunde Svans, sem hafði mikla
yfírburði á árunum 1970 og
1980.
Dæhlie, sem vann þrenn gull-
verðlaun á ÓL í Albertville 1992
og bætti tveimur í safnið á ÓL
í Lillehammer á síðasta ári, er
nokkuð viss um að bæta mete
Svans því hann hefur unnið
fimm af sex heimsbikarmótum
í vetur. Hann hefur nú hlotið
580 stig af 600 mögulegum í
stigakeppni heimsbikarsins og
er 176 stigum á undan Vladim-
ir Smirnov sem er annar.
Reuter
BJÖRN Dæhlie hefur verið nær ósigrandi í göngubrautinni í
vetur og hefur 29 sinnum sigrað á heimsbikarmótl. Hann
fagnaði tvívegis í Santa Caterina á Ítalíu um helgina.
IIVO
UIIMIOM
ENGLAIMD: 1X1 112 112 1112
ITALIA: 2 X2 1X2 111 11X1