Morgunblaðið - 22.12.1995, Blaðsíða 11

MORGUNBLAÐIÐ
FÖSTUDAGUR 22. DESEMBER 1995 11
FRÉTTIR
Fjármálaráðherra birtir upplýsingar um kjör sendiherra
Skattfrjáls staðarupp-
bót 415.000 að jafnaði
SENDIHERRAR hafa að meðaltali
415 þúsund króna skattfrjálsa stað-
aruppbót til viðbótar við 207 þúsund
króna föst mánaðarlaun. Að auki
hafa sendiherrar að meðaltali 106
þúsund króna risnukostnað á mán-
uði.
Þetta kemur fram í svari fjár-
málaráðherra á Alþingi við fyrir-
spurn Marðar Árnasonar varaþing-
manns Þjóðvaka um starfskjör í
sendiráðum.
Fram kemur einnig að sendifull-
trúar fá á þessu ári að jafnaði 339
þúsund króna skattfijálsa staðar-
uppbót til viðbótar við 135 þúsund
króna mánaðarlaun. Þá er risnu-
kostnaður þeirra að meðaltali 23
þúsund krónur á mánuði.
Sendiráðunautar fá að meðaltali
276 þúsund króna staðaruppbót,
113 þúsund króna mánaðarlaun og
29 þúsund króna risnu. Sendiráðs-
ritarar fá 278 þúsund króna staðar-
uppbót, 96 þúsund króna laun og
25 þúsund króna risnu. Sendiráðs-
fulltrúar fá að meðaltali 143 þúsund
króna staðaruppbót, 94 þúsund
króna laun og 15 þúsund króna
risnu og ritarar fá 115 þúsund
króna staðaruppbót, 70 þúsund
króna laun en enga risnu.
Staðaruppbætur
mismunandi
Staðaruppbætur utanríkisþjón-
ustunnar eru mismunandi eftir
löndum og gengisþróun einstakra
mynta en eru ákveðnar til eins árs
í senn. í svarinu kemur fram að
staðaruppbætur í hveiju tilviki fara
eftir eðli starfs, fjölskylduhögum
starfsmanna og almennu kostnað-
arstigi í hveiju landi. Einnig er full-
yrt að þær séu yfirleitt talsvert
lægri en staðaruppbætur nágranna-
ríkjanna þótt störfin séu unnin í
sömu borgum.
Áður hefur komið fram í Morgun-
blaðinu að staðaruppbót er hæst í
Moskvu en þar er greitt sérstakt 10%
óþægindaálag ofan á hefðbundna
staðaruppbót. Næsthæst er uppbótin
í Genf en lægst í Bandaríkjunum.
Staðaruppbót fellur niður ef
sendimaður starfar heima í ráðu-
neyti en í ýmsum öðrum löndum fá
starfsmenn utanríkisþjónustu áfram
staðaruppbót þótt þeir séu kallaðir
heim.
Risnugreiðslur teljast hluti af
rekstrarkostnaði sendiráðanna. í
svarinu segir að þeim sé úthlutað
til starfsmanna á grundvelli fyrir-
liggjandi reynslu og ætlað að kosta
samskipti fyrst og fremst við lykil-
menn í stjórnmálalífí, atvinnulífi og
menningarlífí í þeim ríkjum þar sem
þeir starfa.
Umboðsmaður Alþingis um skipun flugráðs
Starfsmenn Flugleiða
ekki vanhæfir
UMBOÐSMAÐUR Alþingis hefur
komist að þeirri niðurstöðu að núver-
andi og fyrrverandi starfsmenn Flug-
leiða í flugráði séu ekki vanhæfir til
setu í ráðinu. Stjórn íslandsflugs bar
fram kvörtun til umboðsmanns Al-
þingis yfir skipan flugráðs 27. janúar
1994, þar sem sagði að fjórir fulltrú-
ar í flugráði hefðu svo náin tengsl
við Flugleiði að þeir væru almennt
vanhæfir til setu í flugráði.
Þarna er um að ræða Leif Magnús-
son, formann flugráðs, sem er fram-
kvæmdastjóri hjá Flugleiðum, Hilm-
ar B. Baldursson, varaformann sem
er flugmaður hjá Flugleiðum, Krist-
ján Egilsson, flugstjóri og Viktor
Aðalsteinsson, fyrrverandi flugstjóra
hjá Flugleiðum, sem eru varamenn
í flugráði.
Formaður flugráðs sagði af sér
18. mars 1994 í framhaldi af efa-
semdum um að hann sem fram-
kvæmdastjóri þróunarsviðs Flugleiða
gæti jafnframt gegnt stöðu formanns
flugráðs með hliðsjón af stjórnsýslu-
lögum. 21. júní taldi stjórn íslands-
flugs ekki lengur ástæðu til að gera
athugasemdir um setu Viktors í flug-
ráði en gerði áfram athugasemdir
við hæfi Hilmars og Kristjáns.
Umboðsmaður Alþingis telur þrátt
fyrir niðurstöðu sína sérstaka ástæðu
til að árétta að við val á nefndar-
mönnum í stjórnsýslunefndir sé al-
mennt æskilegt að reynt sé að kom-
ast hjá því að skipa í slíkar nefndir
menn, sem eru í þeirri aðstöðu að
ætla megi að óhlutdrægni þeirra
verði oft dregin í efa. Hann bendir
á að það hafí í för með sér öryggis-
leysi og tafir ef mjög oft þarf að
úrskurða um hæfi nefndarmanna og
ekki sé víst að alltaf verði rétt úr
málum leyst. Vegna fámennis hér á
landi sé stundum ekki margra kosta
völ um skipun manna með mjög sér-
hæfða þekkingu í stjórnsýslunefndir
og verði þá að una við það þótt ekki
sé hægt að framfylgja þessu sjónar-
miði.
Morgunblaðið/Sverrir
ÖRNÓLFUR í hópi fríðra nýstúdenta í gær.
• •
Ornólfur Thorlacius lætur af störfum
*
A ömgglega eftir að
kíkja í skólann
„ÉG GERÐI upp við mig að
hætta áður en ég væri orðinn
alveg til einskis nýtur og ætla
að nota tímann til að sinna
skriftum en auðvitað eru tilfinn-
ingarnar blendnar. Eflaust á ég
eftir að sakna unga fólksins og
á örugglegaeftir að kíkja í skól-
ann,“ sagði Örnólfur Thorlacius
eftir að hafa útskrifað síðasta
stúdentshóp sinn úr Mennta-
skólanum við Hamrahlíð í gær.
Örnólfur lætur af störfum eftir
28 ára starf við skólann. Hann
hefur verið rektor frá árinu
1980.
Örnólfur sagði erfitt að segja
til um hvað hefði verið ánægju-
legast i starfinu. Hins vegar tók
hann fram að gaman hefði verið
að starfa að þróunarstarfi í
skólanum og ánægjuleg sam-
skipti við nemendur, kennara
og aðstandendur væru sér mik-
ils virði. Ekki mætti heldur
gleyma því að honum hefði
ævinlega þótt mjög ánægjulegt
að útskrifa stúdenta.
Viðbótar blóðþrýstings-
tafla í verkfalli
Örnólfur sagði að ekki hefði
verið jafn ánægjulegt að sækja
meira fé til skólans en tók fram
að hann hefði alltaf átt góð sam-
skipti við embættismenn í ráðu-
neytum. Hann nefndi því til við-
bótar að kennaraverkföll hefðu
reynt á, enda hefði verið erfitt
að standa báðum megin við borð-
ið. „Ég sagði einu sinni frá því
að ég hefði þurft að bæta við
mig einni blóðþrýstingstöflu í
einu af fyrstu verkföllunum,"
sagði Örnólfur.
Órnólfur sagði að hann myndi
snúa sér að því að halda áfram
vinnu við bók um almenna dýra-
fræði og vel gæti verið að vinna
við kennslubækur fylgdi á eftir.
Sverrir Einarsson hefur verið
settur rektor MH frá 1. janúar.
Auður Ebenezer gönguskíðakennari og Kristinn Björnsson og Arnór Gunnarsson,
úr skíðalandsliðinu, hjálpa þér að velja rétta skíðabúnaðinn.
Skíðabandið úr Kerlingarfjöllum sér um stemninguna.
Heitt kaffi, kakó og jólapiparkökur fyrir alla.
Jólastemning og jólflstuð í Skátabúðinni
á föstudagskvöld kl. 20-22.
fWMHR
Snorrabraut 60 • Sími 561 2045