Morgunblaðið - 23.12.1995, Blaðsíða 3
MORGUNBLAÐIÐ
LAUGARDAGUR 23. DESEMBER1995 C 3
ÍÞRÓTTIR
KORFUKNATTLEIKUR
Morgunblaðið/Þorkell
TEITUR Örlygsson úr Njarðvík og Albert Óskarsson úr Keflavík eig-
ast hér við á landsliðsæfingu í gær. Teitur er með brákaðan úlnlið.
Teitur með brákaðan úlnlið
TEITUR Örlygsson, landsliðsmaður úr Njarðvík, er með brákaðan úlnlið á vinstri
hendi. Hann meiddist í leik gegn Haukum um síðustu helgi. „Ég er með spelku
og mætti á landsliðsæfingu í gær og ætla að reyna að vera með í þessum leikj-
um sem framundan eru. Ég slapp við að fara í gifs og á von á því að þetta
lagist fljótlega," sagði Teitur.
Herbert Arnarsson úr IR verður ekki með í landsleikjunum milli hátíðanna
vegna meiðsla. Hann er meiddur á hæl og hefur ekkert æft með Iandsliðinu.
Sama má segja um Guðmund Bragason úr Grindavík. Talið var að hann væri
kviðslitinn en svo reyndist ekki vera og mætti hann á fyrstu landsliðsæfinguna
í gærkvöldi. „Það er slæmt að þessir þrír lykilmenn skuli vera í þessu meiðsla-
ástandi. Ég geri mér þó vonir um að geta notað Teit og Guðmund í leikjun-
um,“ sagði Jón Kr. Gíslason, þjálfari.
Þrír landsleikir
við Eistlendinga
Frumraun Jóns Kr. og Sigurðarsem landsliðsþjálfara
ÍSLENDINGAR og Eistlendingar leika þrjá landsleiki fkörfuknatt-
leik karla og kvenna milli jóla og nýárs. Leikirnir fara fram í
Keflavík, Seljaskóla í Reykjavík og á Akranesi, 27., 28. og 29.
desember. Kvennaleikirnir hefjast kl. 18 og karlaleikirnir strax á
eftir kl. 20. Keflvíkingurinn Jón Kr. Gíslason stjórnar landsliðinu
í fyrsta sinn og sama má segja um féiaga hans Sigurð Ingi-
mundarson sem stjórnar kvennaliðinu ífyrsta sinn og verður
frumraunin á „heimavelli" þeirra í Keflavík 27. desember.
Jón Kr sagðist í samtali við Morg-
unblaðið í gær hlakka til leikj-
anna. „Þetta er mjög spennandi
verkefni og ég hlakka mikið til. Við
komum fyrst saman til æfinga á
mánudaginn og ég fæ sjö æfingar
fyrir fyrsta leikinn í Keflavík á
miðvikudagskvöld. Ég kem inn með
breytta áherslu í leik liðsins og legg
mikið upp úr hröðum leik,“ sagði
Jón Kr.
íslendingar hafa fjórum sinnum
leikið gegn Eistlendingum, unnið
einu sinni og var það í Keflavík
1993. Síðasti leikur þjóðanna var á
Opna Norðurlandamótinu í Sokk-
hólmi og sigruðu Eistlendingar þá
105:98. Jón Kr. hefur leikið alla
fjóra leikina við Eistlendinga og
þekkir því vel til liðsins. „Eistlend-
ingar eru með hávaxna leikmenn
og spila fast og eru agaðir í leik
sínum. Fyrirfram mundi ég ætla
að þeir væru með ívið sterkara lið
en við, en ég er þó bjartsýnn á
góðan árangur og við ætlum okkur
að vinna þá,“ sagði þjálfarinn.
Jón Kr. valdi 19 manna hóp til
æfinga og mun skera hann niður í
14 leikmenn í dag. Herbert Arnars-
son úr ÍR hefur ekkert getað æft
með liðinu vegna meiðsla á hæl og
verður ekki með í þessum leikjum
sem framundan eru. Guðmundur
Bragason úr Grindavík hefur heldur
ekki mætt á landsliðsæfingar vegna
meiðsla en Jón átti von á því að
hann yrði með.
Leikirnir eru liður í undirbúningi
íslenska liðsins fyrir Evrópukeppn
ina sem fram fer í sumar. Einnig
er fyrirhugað er að leika tvo leiki
gegn Englendingum í maí. íslenska
karlaliðið hefur alls leikið 302
landsleiki frá því 1959, unnið 141
en tapað 161.
HANDKNATTLEIKUR
Dönsku „stálstúlkumar"
DÖNSKU stúlkurnar fagnar hér sigri yfir Noregi á HM.
ÞAÐ var óvæntur en vel
þeginn kaupauki Kaup-
mannahafnarferðar á
dögunum þegar Hanna
Katrín Friðriksen upp-
götvaði að úrslitakeppnin
í HM kvenna í handbolta
stóð sem hæst. Danska
þjóðin fylgdist vel með
stúlkunum sínum og
nýr aðdáandi hafði
bæst í hópinn þegar
keppnin varáenda.
Stálstúlkurnar kalla Danir kvenna-
landsliðið sitt í handbolta. Þeir
mega líka vera stoltir af stálstúlkunum
sínum því þær hafa náð frábærum
árangri undanfarin ár. Eftir mögur ár
í alþjóðakeppnum tók við mikil og
kerfisbundin uppbygging í yngri
flokkum sem A-liðið naut fyrst veru-
lega i heimsmeistarakeppninni fyrir
tveimur árum. Þá komu þær heim
með silfur eftir naumt tap í úrslitaleik
gegn Þjóðverjum. Norðmenn fengu
bronsið og var þá iangt um liðið síðan
önnur Norðurlandaþjóð skákaði þeim,
enda hefur norskur kvennahandbolti
verið lengi í allra fremstu röð. Danir
urðu síðan Evrópumeistarar á síðasta
ári og höfnuðu svo í þriðja sæti í
heimsmeistarakeppninni sem lauk í
síðustu viku í Austurríki og Ungveija-
landi.
Skemmtilegar og glaðar
í undanúrslitum töpuðu Danir fyrir
Suður-Kóreu, en að öðrum ólöstuðum
léku þessar tvær þjóðir skemmtileg-
asta og „glaðasta" handboltann. Suð-
ur-Kórea vann síðan Ungveijaland í
úrslitaleik, 25:20, en Norðmenn sem
töpuðu undanúrslitaleiknum við Ung-
veija naumlega, léku við Dani um
bronsið. Leikurinn var vel jafn og
spennandi, Norðmenn með yfirhönd-
ina framan af, en Danir sterkari í lok-
in. Nokkur munur var á leik liðanna
tveggja, norska liðið lék kröftugri
handbolta enda líkamlega sterkari, en
léttleikinn réð meiru hjá Dönum.
Þriðja sætið var vel ásættanlegt
fyrir Dani sem höfðu mátt sætta sig
við meiðsli lykilleikmanna. Vænting-
arnar voru því ekki eins miklar og
vænta mátti miðað við gengið á síð-
ustu tveimur stórmótum. Menn ein-
blíndu á að tryggja sæti á Ólympíu-
leikunum í Atlanta á næsta ári, en
svo snöggt hefur risið á dönskum
kvennahandbolta verið að Danir hafa
ekki áður átt lið á Ólympíuleikum.
Skrípaleikur
Danir mættu heimamönnum í Aust-
urríki í átta liða úrslitum. Sá leikur
skipti gífurlega miklu máli, sigur
tryggði ekki aðeins sæti í undanúrsiit-
um, heldur farmiðana eftirsóttu til
Atlanta. Leikurinn var einn skrípaleik-
ur frá upphafi til enda og þáttur dómar-
anna íþróttinni til vansæmdar. Austur-
ríkismenn nutu meiri heimadómgæslu
en ég hef nokkurn tíma séð, en það
dugði ekki til, „stálstúlkurnar" knúðu
fram sigur eftir framlengdan leik.
Austurrískur handbolti hefur reynd-
ar ekki verið hátt skrifaður, en liðið
Hypo Niederösterreich, ber þar höfuð
og herðar yfir önnur, enda skipað
sterkum leikmönnum víðs vegar að úr
heiminum, aðallega austurhluta Evr-
ópu. Þeir leikmenn eru nú margir hveij-
ir orðnir austurrískir ríkisborgarar og
óhætt að segja að fjölþjóðlegur andi
ríki í herbúðum austurríska landsliðs-
ins.
Danir hreinlega trylltust af gleði
þegar Ólympíusætið var tryggt, dag-
blöð og tímarit fóru á kostum í fyrir-
sagnasmíði og danska ríkissjónvarpið
skýrði frá því að 1,8 milljónir Dana
hefði fylgst með leiknum í beinni út-
sendingu.
„Norðurlandamafía"
„Norðurlandamafía," sagði Gunnar
Prokop, svokallaður guðfaðir hand-
boltans í Austurríki, eftir leikinn.
Austurríkismenn sátu eftir með sárt
ennið í lok keppninnar, töpuðu fyrir
Þjóðveijum í leik um fimmta sætið
og misstu þarmeð af síðasta sætinu á
Ólympíuleikana. Slakt gengi Þjóðveija
vakti athygli, en skýringin getur verið
sigur hins létta og glaða handbolta á
þeim þunglamalega sem Þjóðveijar
óneitanlega leika.
Sænska kvennalandsliðið hefur ekki
átt eins góðu gengi að fagna og Nor-
egur og Danmörk og hún var athyglis-
verð niðurstaðan sem blaðamaður
Berlinske Tidende komst að þar sem
hann sagði skýringuna þá að í Svíþjóð
ætti karlalandsliðið alla athygli og
stuðning, en í Danmörku og Noregi
er karlaboltinn ekki mjög sterkur á
heimsvísu. Það er freistandi að heim-
færa þessa stöðu á íslenskan hand-
bolta, en það er önnur saga.
ÚRSLIT
Körfuknattleikur
NBA-deildin
Charlotte - Boston..........107:97
Cleveland - Utah.............87:89
Houston - Denver.............91:86
San Antonio - Denver........114:96
Seattle - Vancouver..........92:68
LA Clippers - Sacramento....103:96
Íshokkí
NHL-deildin
Florida - Winnipeg.............6:1
Philadelphia - OT Rangers......1:2
■Tampa Bay - New Jersey........2:2
■Chicago - Toronto.............3:3 '
■Dallas - NY Islanders.........3:3
■Eftir framlengingu.
Knattspyrna
Spánn
Deportivo Coruna - Real Madrid.3:0
■Brasilíumaðurinn Bebeto gerði öll mörk
Coruna.
Staða efstu liða:
Atl. Madrid.........18 13 3 2 32:7 42
Espanyol............18 11 5 2 27:11 38
Barcelona...........18 10 5 3 37:16 35
Compostela..........18 10 3 5 25:21 33
RealBetis...........18 7 9 2 28:20 30
Valencia............18 9 3 6 30:23 30
Real Madrid.........18 8 4 6 29:24 28
Deportivo Coruna....18 8 3 7 31:17 27
Vináttulandsleikur
Buenos Aires:
Argentína - Venezuela..................6:0
Juan Snaider (2., 32.), Gustavo Lopez (18.
- vsp., 28. - vsp.), Rodolfo Cardoso (24.),
Javier Netto (83.).
Skíði
Veysonnaz, Sviss:
Svig kvenna:
1. Pernilla Wiberg (Svíþjóð)......1.14,42
(38,78/35,64)
2. Urska Hrovat (Slðveníu).......1.14,72
(38,21/36.51)
3. Kristina Andersson (Svíþjóð)..1.14,73
(38,01/36,72)
4. Elisabetta Biavaschi (Ítalíu).1.14,95
(38.76/36.19)
4. KatjaKoren (Slóventu)...........1.14,95
(38,04/36,91)
Krnnjska Gora, Slóveníu:
Svig karla:
1. Alberto Tomba (Ítalíu).........1.36,84
(47,46/49,38)
2. Jure Kosir (Slóveníu).........1.38,05
(47,97/50,08)
3. Sebastien Amiez (Frakkl.).....1.38,43
(48,44/49,99)
4. Christian Mayer (Austurr.)....1.38,51
(49,29/49,22)
5. Lasse Kjus (Noregi)...........1.38,55
(49,50/49,05)
I