Morgunblaðið - 28.12.1995, Blaðsíða 2

2 B FIMMTUDAGUR 28. DESEMBER 1995
VIÐSKIPTI
MORGUNBLAÐIÐ
Hljómplötusala talin
hafa aukist fyrirj'ólin
SALA. á hljómplötum nú fyrir jólin
virðist hafa dreifst á mun fleiri titla
en undanfarin ár en enginn einn
listamaður skarar verulega fram
úr. Að sögn Steinars Bergs ísleifs-
sonar, framkvæmdastjóra Spors,
varð um 20% söluaukning á hljóm-
plötumarkaðnum fyrstu þijá fjórð-
unga ársins og kvaðst hann eiga
von á því að sú aukning hafi haldið
áfram í desember.
„Það varð um 25% aukning í
desember frá því í fyrra hjá okk-
ur,“ sagði Steinar í samtali við
Morgunblaðið. „Aukningin gengur
jafnt yfir íslenskt og erlent efni.
Við héldum í horfínu hvað nýtt ís-
lenskt efni snertir en náðum mjög
góðum árangri með safnplötur. Þá
gekk saia á endurútgefnu efni sér-
staklega vel eins og t.d. á plötum
Ragnars Bjarnasonar og Gunnars
Þórðarsonar. Síðan seldist ýmiskon-
ar sígilt efni mjög vel t.d. með plat-
an Vilhjálmi Vilhjálmssyni og alls-
konar jólaplötur. Þannig seldist
platan „Senn koma jólin“ sem við
gáfum út í fyrra í um 2 þúsund
eintökum nú í ár.
Við seldum um 75-80 þúsund
íslenskar plötur á fjórða ársfjórð-
ungnum og yfír 100 þúsund íslensk-
ar plötur á árinu í heild.“
Plata Páls Óskars seldist
í 7.300 eintökum
Ásmundur Jónsson, hjá tónlistar-
deild Japis, segir að sala hljóm-
platna hafi aukist verulega hjá fyr-
irtækinu, bæði fyrir jólin og á árinu
í heild. „Ég hef það sterklega á til-
finningunni að íslenska efnið hafí
haldið sinni stöðu fyrir jólin þrátt
fyrir meiri samkeppni frá erlendum
plötum.“
Japis gaf út hljómplötu Kristjáns
Kristjánssonar nú fyrir jólin sem
seldist í um 4 þúsund eintökum, en
aðrar útgáfur seldust minna. Þá
annaðist fyrirtækið dreifingu á
plötu Páls Óskars Hjálmtýssonar
fyrir jólin og seldist sú plata í 7.300
eintökum en næst á eftir kom
Emilíana Torrini með 6 þúsund ein-
taka sölu.
Ekki náðist í forráðamenn Skíf-
unnar í gær.
Miklar breytingar í hluthafahópi Hraðfrystihúss Eskifjarðar
Síldarvinnslan hf.
með 13% hlutafjárins
TVEIR af stærstu hluthöfum Hrað-
'frystihúss Eskifjarðar hf., Lífeyris-
sjóður Austurlands og Olís, hafa
selt bréf sín í félaginu til Síldar-
vinnslunnar hf. í Neskaupstað.
Lífeyrissjóðurinn var fjórði
stærsti hluthafí félagsins, skv. hlut-
hafaskrá um mitt þetta ár, með
9,4% hlut, en seldi u.þ.b. þriðjung
bréfanna á almennum markaði nú
í haust. Fyrir skemmstu var siðan
gengið frá sölu á afgangnum til
Síldarvinnslunnar. Þá mun Síldar-
vinnslan ennfremur hafa keypt
hlutabréf Olís sem átti um 6,6% í
félaginu. Er hlutur Síldarvinnslunar
því um 13%.
Skeljungur hf. var um mitt þetta
ár næst stærsti hluthafi félagsins
með 15% hlutafjár á eftir Aðalsteini
Jónssyni sem átti þá liðlega fjórð-
ung hlutafjárins. Samkvæmt upp-
lýsingum Morgunblaðsins seldi
Skeljungur lítinn hluta af sínum
bréfum til Aðalsteins fyrir
skemmstu.
174% raunávöxtun
Á þessu ári hafa átt sér stað við-
skipti með bréfín á Opna tilboðs-
markaðnum fyrir ails um 75
milljónir króna.
Fyrstu viðskiptin voru skráð í
byrjun mars á genginu 1,70 en í
gær urðu viðskipti á genginu 2,30.
I millitíðinni var hlutafé félagsins
tvöfaldað með útgáfu jöfnunar-
hlutabréfa og er því ávöxtun hlut-
hafanna orðin 174% á árinu.
HAGKVÆMNl TÍMASPARNAPUR ÖRYGGI ISLENSKT OG VANDAÐ
...STEMMIR
STÆRÐIN LIKA!
Egla bréfabindin fást í 5 mismunandi
stærðum. Þau stærstu taka 20% meira
en áður, en verðið er það sama. Og
litaúrvalið eykur enn á fjölbreytnina!
Með því að hringja í sölumenn.
okkar getur þú pantað þær möppur
sem henta fyrirtæki þínu. Hringdu í
síma 562 8501 eða 562 8502 og þú færð
möppurnar sendar um hæl.
ROÐ OG REGLA
Múlalundur
Vinnustofa SÍBS
Sími: 562 8500
Símbréf: 552 881 9
í GÓDU EGLU
BOKHALDI...
Þróun Þingvísitölu hlutabréfa og
Dow Jones h lutabréf avísitölu 1995
Hækkun hluta-
bréfavísitölu 35%
ÞINGVÍSITALA hlutabréfa á
Verðbréfaþingi hefur hækkað um
35% frá áramótum og hefur hækk-
unin verið mjög svipuð og á Dow
Jones hlutabréfavísitölunni á sama
tíma, eins og sjá má í meðfylgj-
andi töflu. Dow Jones vísitalan
hefur hækkað um rúmlega 33%
frá því í ársbyijun.
Davíð Björnsson, forstöðumað-
ur hjá Landsbréfum, segir að
hlutabréfavísitalan hér á landi
hafi hækkað mjög mikið á þessu
ári og því síðasta og skeri þessi
tvö ár sig verulega úr hvað þetta
varðar. „Þessi hækkun hefur verið
viðvarandi allt frá því í mars á
síðasta ári þegar að afkomutölur
fyrirtækjanna fyrir árið 1993 fóru
að birtast og ljóst varð að afkoma
þeirra hafði batnað verulega miðað
við árið áður,“ segir Davíð.
Kaupmenn misjafnlega ánægðir
með jólaverslunina í ár
Bóksala hefur
aukist um 20%
á milli ára
TALSVERÐ söluaukning varð á
bókum fyrir þessi jól, en á sama
tíma virðist salan vera að færast
á færri hendur. Það verðstríð sem
verið hefur á jólabókamarkaðnum
fyrir þessi jól og jólin í fyrra virð-
ist því hafa örvað söluna en um
leið leitt til þess að smærri bóksal-
ar hafi orðið undir í samkeppninni.
Ólafur Ragnarsson, formaður
Félags íslenskra bókaútgefenda,
segir að það sé tilfinning manna
að það hafi orðið um eða yfir 20%
aukning í bóksölu um þessi jól.
„Skiptingin er hins vegar misjöfn,
líkt og í öðrum greinum og þannig
hefur söluaukningin orðið ívið
meiri hjá stærri bókaverslunum, á
meðan að ýmsar smærri verslanir
hafa ekki náð jafn mikilli aukningu
í sölu.“
Ólafur segir hins vegar ekki
liggja fyrir hvernig afkoman verði
hjá bókaútgefendum og bóksölum.
Gefínn hafi verið talsverður af-
sláttur frá þvi verði sem gengið
var út frá í byijun að héldist að
mestu óbreytt, þannig að álagning
beggja aðila hafi minnkað talsvert
fyrir vikið. „Meginatriðið er hins
vegar að bækur hafa verið aðal-
jólagjöfin í ár,“ segir Ólafur.
Samkvæmt því sem næst verður
komist eru nú um 110 bókaversl-
anir í landinu. Samkvæmt heimild-
um Morgunblaðsins mun u.þ.b.
20% af þessum verslunum vera
með um 80% af heildarsölunni
fyrir þessi jól. Því virðist sem
smærri verslanir hafi farið nokkuð
halloka í þeirri hörðu samkeppni
sem verið hefur á þessum markaði
undanfarin tvö ár.
Kaupmenn yfirleitt ánægðir
Misjafnt hljóð var í kaupmönn-
um um jólaverslunina almennt í
ár. Margir kaupmenn virðast
nokkuð ánægðir með jólavertíðina,
og eru á því að um nokkra aukn-
ingu hafi verið að ræða frá fyrra
ári. Engar tölur liggja þó fyrir enn
um söluna þessi jólin.
Einar I. Halldórsson, fram-
kvæmdastjóri Kringlunnar, segir
að enn fleira fólk hafi komið þang-
að fyrir þessi jól en áður. Þannig
hafi um 35-38.000 manns komið
í Kringluna á Þorláksmessu og
segir Einar að sér heyrist á kaup-
mönnum þar að salan hafi einnig
aukist. „Við lengdum verslunar-
tíma okkar talsvert fyrir þessi jól
og það virðist hafa skilað sér í
auknum fólksfjölda og aukinni
verslun,“ segir Einar.
Edda Sverrisdóttir, talsmaður
Laugavegssamtakanna er einnig
ánægð með jólasöluna í ár og seg-
ist hún aldrei hafa séð jafn mikinn
fólksfjölda í miðbænum um þetta
leiti árs eins og nú. „Það er mjög
gott hljóð í kaupmönnum hér í
miðbænum núna og mér sýnist á
öllu að salan hafí aukist talsvert
hjá flestum.“
„Vonbrigði með
Þorláksmessu"
Sigurður Jónsson, fram-
kvæmdastjóri Kaupmannasam-
takanna, segir hins vegar að Þor-
láksmessa og aðfangadagur hafi
valdið nokkrum vonbrigðum meðal
þeirra kaupmanna sem hann hafi
heyrt í. Fyrirfram hafi verið búist
við nokkurri sprengingu í verslun
þessa daga en sú virðist ekki hafa
orðið raunin. Hann segir að fljótt
á litið virðist því sem umsvifin í
jólaversluninni hafi verið nokkuð
svipuð og á síðasta ári.