Morgunblaðið - 29.12.1995, Blaðsíða 1
72 SIÐUR B/C
297. TBL. 83. ÁRG.
FÖSTUDAGUR 29. DESEMBER 1995 PRENTSMIÐJA MORGUNBLAÐSINS
áætlun fyrstu vikuna
Sarajevo. Reuter.
RÁÐAMENN Atlantshafsbanda-
lagsins, NATO, fögnuðu því í gær
hve framkvæmd og eftirlit með frið-
arsamningunum um Bosníu hefði
gengið vel fyrstu vikuna frá því
bandalagið tók við af gæsluliði
Sameinuðu þjóðanna. Hlýddu her-
menn Bosníu-Serba annars vegar
og múslima og Króata hins vegar
fyrirmælum um að hörfa frá víglín-
unni við Sarajevo og gefur það von-
ir um, að staðið verði við friðarskil-
málana að öðru leyti.
Staðfest var í gær, að fjand-
mannafylkingarnar í Bosníu hefðu
farið í einu og öllu eftir ákvæðum
friðarsamningsins um að draga heri
sína frá víglínunni við Sarajevo en
samt er talið, að leiðtogar Serba
séu ekki búnir að gefast upp við
að reyna að fá ýmsum ákvæðum
hans breytt.
Samkvæmt samkomulaginu á að
vera búið að skilja að herina alls
staðar í Bosníu þegar mánuður er
liðinn frá undirritun og að liðnum
15 dögum til viðbótar eiga þeir að
vera farnir frá svæðum, sem þeim
Reuter
FRANSKUR NATO-liði við
friðargæslu í Sarajevo.
ber að láta af hendi. Þegar enn
hafa liðið 45 dagar, eða á 91. degi
frá undirritun, mega ýmist Serbar
eða múslimar og Króatar fara inn
á svæðin, sem þeim hafa verið af-
hent.
„Kaldur friður“
Alija Izetbegovic, forseti Bosníu,
sagði í gær, að hann væri sáttur við
þann „kalda frið“, sem nú ríkti í land-
inu. „Við erum þakklát fyrir friðinn
og ég tel ekki hættu á, að á okkur
verði ráðist aftur. Eg tel, að þessu
stríði sé lokið,“ sagði Izetbegovic.
NATO-þyrlur fluttu stórar fall-
byssur til stöðva Breta í Sanski
Most í gær og var flogið með þær
í stóran sveig um svæðið til að eft-
ir þeim væri tekið. „Við vorum að
auglýsa, að við værum vel vopnum
.búnir og leggja um leið áherslu á,
að þeim verður beitt ef nauðsyn
krefur. Ég vona þó, að til þess þurfi
ekki að koma,“ sagði David Shaw,
talsmaður NATO.
Bill Clinton, forseti Bandaríkj-
anna, nam í gær úr gildi refsiað-
gerðir gegn Serbíu og Svartfjalla-
landi en sagði jafnframt, að hægt
væri að setja þær á aftur ef brotið
væri gegn friðarsamkomulaginu.
Anægja í NATO með upphaf friðargæslunnar í Bosníu
Flugslysið í Kolumbíu
Líklega mann-
leg mistök
Bogota. Reuter.
FLUGSTJÓRI bandarísku far-
þegaþotunnar, sem hrapaði til
jarðar í Kólumbíu í síðustu viku,
losaði ekki um hraðahemla þegar
hann reyndi að auka aflið og ná
vélinni upp. Kemur þetta fram í
bráðabirgðaskýrslu frá kólumb-
ískum flugmálayfirvöldum.
í skýrslunni segir, að svokall-
aðir hraðahemlar, sem notaðir eru
við iendingu, hafi verið á þegar
farþegaþotan, Boeing 757 frá
American Airlines með 159 far-
þega og átta manna áhöfn, lenti
utan í fjallshlíð 20. desember sl.
Lifðu aðeins fjórir af. *
Gleymdu gátlistanum
Rodrigo Cabrera, sem unnið
hefur við rannsókn á slysinu,
sagði í gær, að heyrst hefði í
þremur viðvörunarbjöllum níu
sekúndum áður en vélin fórst en
þær gáfu til kynna, að hún væri
komin allt of lágt.
Fram kemur einnig, að í hálfa
klukkustund áður en slysið varð
hafi flugstjórinn og aðstoðarflug-
stjórinn verið að ræða um met-
orðastigann innan flugliðahópsins
í stað þess að fara yfir gátlistann
eða öryggisatriði fyrir lendingu.
Hungfuí í
N-Kóreu
Róra. Reuter.
TVÆR alþjóðastofnanir vöruðu í
gær við því að hungursneyð væri
yfirvofandi í Norður-Kóreu. í mestri
hættu væru 2,1 milljón barna og um
hálf milljón kvenna er væru annað-
hvort ófrískar eða með barn á brjósti.
Þetta kemur fram í sameiginlegri
yfirlýsingu frá Matvælastofnun SÞ
og Matvælaaðstoð SÞ.
Fulltrúar stofnananna segja að
mikil flóð hafi dregið mjög úr upp-
skeru og spá því að 1,2 milljónir
lesta af korni muni skorta til að
standa undir þörfum ríkisins. Ef
ekki komi til umfangsmikil matvæla-
aðstoð sé hætta á miklum matar-
skorti og hungursneyð.
Flóðin fyrr á árinu eru þau mestu
sem orðið hafa í Norður-Kóreu og
fóru stjórnvöld í fyrsta skipti fram
á alþjóðlega aðstoð.
Reuter
Vetrarhörkur á Hjaltlandi
ÆTLA mætti, að myndin væri
tekin á norðurslóðum en svo er
ekki, heldur á Hjaltlandi „þar sem
siýó festir yfirleitt aldrei" eins
og Haraldur Ágústsson, sonur
Ágústs Haraldssonar, laxeld-
isbónda í Leirvík, sagði í viðtali
við Morgunblaðið í gær. Sagði
Haraldur, að jafnfailinn snjór
væri í hné en strax og vind hreyfði
ryki hann í mikla skafla. Þó er
orðið fært í Leirvík, höfuðstað
Hjaltlands, og nágrenni en vegir
illfærir annars staðar. Haraldur
sagði, að Hjaltlendingar hefðu
aldrei upplifað svona hörkur og
því hefði viðbúnaðurinn enginn
verið. Hér er verið að flytja á
sjúkrahús mann, sem var hætt
kominn vegna ofkælingar.
Framkvæmdin eftir
Reuter
Fangelsisdómi yfir Wei
Jingsheng mótmælt
DÓMSTÓLL í Peking staðfesti
í gær 14 ára fangelsisdóm sem
kveðinn var upp yfir kinverska
andófsmanninum Wei Jings-
heng fyrr í mánuðinum. Dómn-
um var mótmælt við skrifstofu
kínversku fréttastofunnar Xin-
hua í Hong Kong, sem litið er
á sem nokkurs konar sendiráð
Kína í bresku nýlendunni. Mót-
mælendurnir vöruðu við því að
andstæðingar kínversku sljórn-
arinnar í Hong Kong mættu
búast við áð verða beittir sama
órétti og Wei eftir að nýlendan
verður hluti af Kína árið 1997.
Þeir héldu á mótmælaborðum
með áletruninni: „í dag er það
Wei Jingsheng, á morgun þú
og ég.“
■ Lögsækja dómarana/22
Lebed í
forseta-
framboð
Moskvu. Reuter.
ALEXANDER Lebed, fyrrum
hershöfðingi, hyggst gefa kost
á sér í forsetakosningunum í
Rússlandi í júní á næsta ári.
Talsmaður Lebeds kvaðst í
símtali geta staðfest að þessi
ákvörðun lægi fyrir og Lebed
yrði frambjóðandi KRO,
flokks þjóðernissinna, sem
ekki náði manni á þing í nýaf-
stöðnum þingkosningum
eystra.
Þótt KRO hlyti ekki náð
fyrir augum kjósenda þá náði
Lebed sjálfur kjöri í einmenn-
ingskjördæmi og skoðana-
kannanir sýna að hann nýtur
umtalsverðra vinsælda. Telur
hann, að Borís Jeltsín, forseti
Rússlands, og þjóðernisöfga-
maðurinn Vladímír Zhír-
ínovskí verði helstu keppi-
nautar sínir í forsetakosning-
unum.
Lykilhlutverk
Dagblaðið Izvestíja hafði í
gær eftir Míkhaíl Gorbatsjov,
síðasta sovétleiðtoganum, að
Lebed gæti gegnt lykilhlut-
verki við myndun stjórnar
miðjuflokka og lýðræðisafla.
Sjálfur vill Gorbatsjov ekki
útiloka að hann fari fram.
■ Sterki maðurinn/20