Morgunblaðið - 29.12.1995, Blaðsíða 14

14 FÖSTUDAGUR 29. DESEMBER 1995
MORGUNBLAÐIÐ
LANDIÐ
Kirkj ugarðurinn
úr lagi genginn
SNJÓFLÓÐIÐ í október færði
kirkjugarðinn á Flateyri allan
úr lagi enda er garðurinn beint
fyrir neðan Skollagróf, gilið sem
snjóflóðið kom úr. Legsteinarnir
hafa færst úr stað og erfitt að
átta sig á legstæðunum. Tölu-
vert af fólki kom þó í kirkju-
garðinn um hátíðirnar og var
krossinn sem sést á myndinni
reistur. Farið hefur verið hægt
í hreinsunarstarf og sést eyði-
leggingin um allt flóðasvæðið
og skemmd hús í jaðri þess.
Morgunblaðið/Siguijón J. Sigurðsson
Vinna að heíjast
við nýja Seyðis-
fjarðarlínu
Egilsstöðum - Ný 130 kv rafmagnslína verður
reist í vetur og vor á milli Seyðisfjarðar og
Eyvindarárvirkis við Egilsstaði.
Linan er um 20 km löng og verða notuð í hana
um 400 tonn af stauraefni. í vikunni fyrir jól kom
stauraefnið til Egilsstaða og var lagt út á gömlu
flugbrautina, því mikið pláss þarf undir efnið og
þegar unnið verður úr því. A myndinni er unnið
við að afferma bíla sem fluttu stauraefnið til
Egilsstaða.
Morgunblaðið/Anna Ingðlfsdóttir
Nýtt orgel í Eyrar-
bakkakirkju
Eyrarbakka - Við miðnætur-
messu á aðfangadagskvöld var
nýtt 13 radda pípuorgel helgað
til þjónustu Eyrarbakkakirkju.
Orgelið hefur sem fyrr segir
13 raddir, tvö hljómborð og
pedal. Það er sérhannað í það
rými sem kirkjan býður upp á.
f hljóðfærinu eru 756 pípur.
Björgvin Tómasson orgel-
smiður hefur ásamt þremur
samstarfsmönnum sínum unnið
að smíðinni síðastliðna níu mán-
uði og ber smíðin með sér að
hún er unnin af fagmönnum.
Hvar sem á er litið ber hún
vott um snilldarhandverk.
Ekki voru allar raddirnar
komnar í gagnið við miðnætur-
messuna, enda tíminn naumur
sem gafst til uppsetningar
hljóðfærisins. Orgelleikari og
kórsljóri kirkjunnar er Haukur
Gíslason. Hann lét vel af þessu
nýja hljóðfæri.
Sóknarpresturinn, séra Úlfar
Guðmundsson, helgaði orgelið
en í ráði mun vera að fagna því
síðar með hljómleikum. Gamla
orgelið hefur þegar fengið nýtt
hlutverk hjá organista norður í
Eyjafirði, eins og lesa mátti um
í Morgunblaðinu fyrir
skemmstu.
Fj ár hagsáætlun
Húsavíkurbæjar
Tekjur
hækkaum
5% en
rekstrar-
gjöld 6%
Húsavík - Fjárhagsáætlun bæjar-
sjóðs Húsavíkur og fyrirtækja hans
var lögð fram til fyrri umræðu á
fundi bæjarstjórnar hinn 18. þessa
mánaðar. Heildartekjur bæjarsjóðs
og bæjarfyrirtækja eru áætlaðar 488
millj. kr. og hafa hækkað um 21
millj. kr. eða 5% frá síðustu áætlun.
I framsöguræðu bæjarstjóra, Ein-
ars Njálssonar, kom m.a. fram að
heildarrekstrargjöld eru áætluð rúm-
ar 376 millj. kr. og hafa hækkað
um 6% frá fyrra ári. Tekjuafgangur
til eignabreytinga er samkvæmt
áætluninni um 111 millj. kr. og er
sem hlutfall af heildartekjum um
23% en var á líðandi ári 24%.
Til verklegra framkvæmda og
fjárfestinga er áætlað að verja 198,3
millj. kr. á móti 186 millj. kr. á yfir-
standandi ári. Lántökur bæjarsjóðs,
framkvæmdasjóðs og hafnarsjóðs
eru áætlaðar 66,1 millj. kr. en af-
borganir lána hjá sömu stofnunum
er 66,3 millj. kr. og þannig gert ráð
fyrir að skuldir aukist ekki á árinu.
Rekstrartekjur bæjarsjóðs eru
áætlaðar 301,7 millj. kr. en rekstr-
argjöld 251,3 millj. kr. og tekjuaf-
gangur til eignabreytinga því 50,4
millj. kr. eða um 17% af tekjum.
Alagningarhlutfall útsvara er
9,2% sem er hámark skv. tekjustofn-
unarlögum. Álagningarstigi fasteig-
nagjalda er áætlaður sá sami og var
á líðandi ári.
Nokkrar umræður urðu um fjár-
hagsáætlunina en henni síðan vísað
til síðari umræðu.
Morgunblaðið/Silli
BÆJARSTJÓRINN, Einar
Njálsson, skýrði frá fjárhags-
áætlun Húsavíkurbæjar.
Lionsklúbburinn Skyggnir
í Rangárþingi
Sjúkralyfta á Dval-
arheimilið Lund
Hellu - Lionsklúbburinn Skyggnir
í Rangárvallasýslu afhenti fyrir
stuttu Dvalarheimilinu Lundi á
Hellu rafknúna sjúkralyftu. Að
sögn Jóhönnu Friðriksdóttur
hjúkrunarforstjóra á Lundi er
þetta afar kærkomin gjöf og léttir
starfsfólki og heimilismönnum lífið
á margan hátt.
Lyftan er t.d. notuð við að taka
sjúklinga fram úr rúmum, til að
lyfta þeim í bað eða í stól og eins
til að lyfta fólki upp af gólfi í siysa-
tilfellum. Lyftan var afhent á ár-
legri samverustund nú á aðvent-
unni, stund sem Lionsklúbburinn
hefur staðið fyrir á Lundi sl.
fimmtán ár, en þá bjóða Lions-
menn heimilismönnum uppá jóla-
glögg og piparkökur.
Heimilisfólk, starfsfólk og Li-
onsmenn skemmtu sér saman um
stund við söng og harmonikkuleik
að afhendingunni lokinni.
Morgunblaðið/Aðalheiður Högnadóttir
AFHENDING sjúkralyftunnar, Jóhanna Friðriksdóttir hjúkrunarforstjóri, Leifur Þórsson formaður
Lionsklúbbsins Skyggnis og Drífa Hjartardóttir formaður stjórnar Dvalarheimilisins Lundar á Hellu.