Morgunblaðið - 29.12.1995, Blaðsíða 47
MORGUNBLAÐIÐ
Myndbirting vegna banaslyss
á Suðurlandsvegi
Stöð 2 braut
ekki siðareglur
SIÐANEFND Blaðamannafélags ís-
lands hefur úrskurðað að Stöð 2
hafi ekki brotið siðareglur BÍ með
mynd'oirtingu í tengslum við frétta-
flutning af þreföldu banaslysi sem
varð 14. október sl. á Suðurlands-
vegi. Kærendur töldu sig hafa þekkt
bifreið ástvina sinna af þeim mynd-
um og þannig fengið fréttina af láti
þeirra í fréttatímanum, „umbúða-
Iaust og án undirbúnings“.
Slysið varð með þeim hætti að
tvær bifreiðar rákust á með þeim
afleiðingum að þrennt lést, eftir elt-
ingarleik lögreglu við ökumann ann-
arrar bifreiðarinnar. Suðurlandsvegi
var lokað vegna slyssins og umferð
beint annað.
Beðinn að sýna aðgát
Stöð 2 sendi myndatökumann á
vettvang og heimilaði lögregla hon-
um aðgang og myndatöku af slys-
stað, eins og öðrum fulltrúum fjöl-
miðla, og bað hann um að hafa að-
gát við myndatökur. Kærendur töldu
sig hafa þekkt bílinn af myndunum
og byggðu kæru sina á 3. grein siða-
reglna BÍ, þar sem segir að blaða-
manni beri að sýna fyllstu tillitsemi
í vandasömum málum og forðast
allt sem valdið gæti saklausu fólki
eða fólki sem á um sárt að binda,
óþarfa sársauka eða vanvirðu.
Siðanefnd barst greinargerð frá
Stöð 2 vegna málsins og leitað var
til fagmanna um bíla og varahluti í
bíla, sem mat myndirnar svo að flak
umræddrar bifreiðar hefði verið
óþekkjanlegt öðrum en sérfræðing-
um og farið hafi verið eins varlega
við myndbirtingu og unnt væri. í
texta með fréttinni var tegundar-
heitis bifreiðarinnar ekki getið.
Varúðar var gætt
Siðanefnd getur ekki fallist á að
Stöð 2 hafi gætt óvarkárni við mynd-
birtingu og segir ekkert á myndun-
um þess eðlis að ætla mætti að
hægt væri að þekkja bifreiðina af
þeim. Nefndin telur því að aðdrag-
andi og tímasetning útsendingar
fréttarinnar hafi verið eðlileg og
þannig staðið að texta og myndbirt-
ingu að Stöð 2 hafi gætt þeirrar
varúðar sem nauðsynlegt er í vanda-
sömum málum.
*
Tillaga að HI verði sjálfseignarstofnun
Menntamálaráð-
herra er ánægður
með tillögurnar
BJÖRN Bjarnason menntamálaráð-
herra telur að umræður innan Há-
skóla íslands um að breyta skólanum
í sjálfseignarstofnun séu mjög gagn-
legar en nefnd á vegum Háskólaráðs
hefur einróma lagt til að Háskólan-
um verði breytt úr ríkisstofnun í
sjálfseignarstofnun. Sjálfur segist
Björn ekki geta annað en verið
ánægður með þessar tillögur því þær
séu í sama anda og tillögur nefnd-
ar, sem fjallaði um Listaháskóla ís-
l.ands og hann veitti formennsku.
„í þessu máli verður að mínu
mati frumkvæðið að koma frá Há-
skóla íslands og það verða ekki
stjórnvöld, sem þröngva upp á Há-
skólann slíkri breytingu,“ segir
Björn og bætir við að málið sé enn
ekki komið inn á borð til hans.
Þýðir ekki nauðsynlega
takmörkun nemenda
Aðspurður hvort hann sé sam-
mála þeirri skoðun Sveinbjörns
Björnssonar háskólarektors að
breytingin geti þýtt takmörkun á
fjölda nemenda og hærri skólagjöld
segir Björn að það sé mál, sem
menn verði að meta. Um nokkurt
árabil hafi Háskólinn beðið um betri
tæki til að stýra inngöngu nemenda
í skólann. „Ég sé ekki eins og málið
er sett upp að draga þurfi þessa
ályktun," segir Björn. Hann segir
málið snúast um að rekstrarfyrir-
komulaginu sé breytt; að Háskólinn
geri samning við ríkið um að veita
nemendum ákveðna menntun og rík-
ið greiði fyrir þá þjónustu.
„Síðan má ekki gleyma því,“ bæt-
ir Björn við „að Háskólinn er ákaf-
lega öflugt fyrirtæki og er að verða
umsvifamikill í þjónustustarfsemi.
Hann hefur einkarétt á happdrætti
og rekur kvikmyndahús og apótek.
Þannig kann að vera skynsamlegt
fyrir þá, sem stjórna honum, að líta
á Háskólann sem eina rekstrarlega
heild og taka ákvarðanir í samræmi
við það. Það kann einnig að vera
álitamál, hvað sem þessar tillögur
varðar, hvernig beri að standa að
stjórn skólans með hliðsjón af regl-
um um stjórnsýslu og ráðstöfun á
opinberu fé. Þátttaka manna utan
skólans í æðstu stjórn hans kann
að vera nauðsynleg og æskileg.“
Dregið í jólaleik
Shell-stöðvanna
í BYRJUN desember gengust Shell-
stöðvarnar fyrir spurningaleik þar
sem 15 jólatré voru í vinning. Góð
þátttaka var í leiknum og voru nöfn
15 heppinna þátttakenda dregin út
um miðjan desember. Þeir sem
hrepptu jólatré að þessu sinni voru:
Pollý Rósa Brynjólfsdóttir, Keil-
usíðu lld Akureyri, Ásrún Ásgeirs-
dóttir, Arnarsíðu 2c Akureyri, Þóra
Bragadóttir, Ægisgötu 40 Vogum,
Úlfhildur Sigurðardóttir, Heiðargerði
2d Húsavík, Ólöf M. Siguijónsdóttir,
Blátúni 10 Bessastaðahreppi, Rósa
Valdimarsdóttir, Miðleiti 12 Reykja-
vík, Anna María Arnardóttir, Stelks-
hólum 4 Reykjavík, Ragna M. Gunn-
arsdóttir, Stóra Hjalli 5 Kópavogi,
Matthías Matthíasson, Strýtuseli 18
Reykjavík, Sif Björk Birgisdóttir,
Steinagerði 5 Reykjavík, Baldur Már
Guðmundsson, Austurfold 7 Reykja-
vík, Ragnheiður Ragnarsdóttir, Álfa-
skeiði 98 Hafnarfirði, Ragnheiður
Briem, Grettisgötu 53b Reykjavík,
Kristín Jónsdóttir, Hringbraut 70
Hafnarfirði og Ágústa Karla ísleifs-
dóttir, Miðholti 11 Mosfellsbæ.
FÖSTUDAGUR 29. DESEMBER 1995 47
FRÉTTIR
Morgunblaðið/Sverrir
GUNNAR Þorvaldsson, Halldór Blöndal samgönguráðherra og Ingibjörg Pálmadóttir undirrita
samninginn um sjúkraflugið í heilbrigðisráðuneytinu í gær.
Ráðstafanir gerðar vegna sjúkraflugs á Vestfjörðum
Samið við íslandsflug
SAMNINGUR við íslandsflug hf.
um sjúkraflug á Vestfjörðum var
undirritaður í gær af Ingibjörgu
Pálmadóttur heilbrigðis- og trygg-
ingamálaráðherra, Halldóri Blönd-
al samgönguráðherra og Gunnari
Þorvaldssyni framkvæmdastjóra
Islandsflugs. Þetta er í fyrsta sinn
sem slíkur samningur er gerður.
íslandsflug hf.skuldbindur sig
til að hafa flugvél og flugmenn á
bakvakt á Holti eða á ísafirði frá
sólsetri til sólarupprásar. Flugfé-
lagið hefur aðgang að flugskýli á
ísafirði og tveir flugmenn þaðan
munu sjá um flugið. Föst greiðsla
frá • samgönguráðuneytinu vegna
þessarar þjónustu verður 4,5 millj-
ónir króna á ári.
100 sjúkraflug eru að jafnaði
flogin á ári á Vestfjörðum og hvert
flug kostar ríkið tæplega 100.000
krónur.
Gunnar Þorvaldsson sagði að
þeir gengju beint inn í samning
Flugfélagsins Arna sem séð hafa
um þessa þjónustu síðastliðin 20
ár. Hann sagði að flugið yrði innan
við 5% af heildarstarfsemi félags-
ins.
Arekstur á
Skeiðarársandi
ÁREKSTUR varð á Skeiðarársandi
á miðvikudag þegar fólksbíll og
jeppi skullu saman. Að sögn lög-
reglunnar á Kirkjubæjarklaustri,
blindaðist ökumaður fólksbílsins í
sól. Ökumaður jeppans marðist, en
bílstjóri fólksbílsins fékk glersalla
yfir andlit sitt og skarst lítillega.
Morgunblaðið/Benedikt
Vinningstölur 28. des. 1995
4.10.11.18*23*27*28
Eldri úrslit ó símsvara 568 1511
Almanak
Þjóðvinafélagsins
er ekki bara almanak.
I því ei Aibók
Islands meS
fióðleik um ótfeiði,
otvinnuvegi, iþióitii,
sljómmál, monnolát
og moigt fleira.
Fæst i bókabúðum
um bnd all.
Fóonlegir eiu
eldri áigangai,
alltiiá 1946.
Sögufélag,
Fischersundl 3,
sími 551 4620.
SÖGUFÉIAG
1902
SÖLUHÆSTI HLUTABRÉFASJÖÐURINN Á ÍSLANDI
Mi HHTABRÉFA
IMl SJOÐURINN
Núna er
lokaspr etturinn!
FORYSTA I FJARMÁLUM!
} VlB
VERÐBRÉFAMARKAÐUR ÍSLANDSBANKA HF.
• Aðili ad Verðbréfaþingi íslands •
Kirkjusandi, 155 Reykjavík. Sími 560-8900. Myndsendir: 560-8910.