Morgunblaðið - 31.12.1995, Blaðsíða 4

4 SUNNUDAGUR 31. DESEMBER 1995
FRETTIR
MORGUNBLAÐIÐ
VIKAN 24/12-30/12
►UM 900 umsóknir um að-
stoð í formi matargjafa bár-
ust Hjálparstofnun kirkj-
unnar fyrir jólin og er talið
að um 3.000 manns hafi not-
ið aðstoðarinnar.
►MIKLAR skemmdir urðu
á tækjum og afurðum í
bruna í Reykhúsinu hf. á
Seyðisfirði á jólanótt. Hús-
næðið, Liverpoolshús, er eitt
það elzta í bænum, um 115
ára gamalt að stofni til.
►VSÍ og Dagsbrún deildu
um samningsforsendur
kjarasamnings Dagsbrúnar.
VSÍ segir að vegna mistaka
við ritvinnslu samningsins
hafí ákvæði bætzt við samn-
inginn, sem vísi til launa- og
verðlagsþróunar, en það sé
að engu hafandi. Lögmaður
Dagsbrúnar hefur hins veg-
ar vísað til þessa ákvæðis í
málflutningi fyrir Félags-
dómi og forystumenn félags-
ins kannast ekki við neina
ritvillu.
►ANNASAMASTI dagur
ársins hjá verðbréfafyrir-
tækjum var á föstudaginn
fyrir áramót, en þá keyptu
einstaklingar hlutabréf fyrir
nærri hálfan milljarð króna
til að nýta sér skattaafslátt.
LANGUR frostakafli hefur
hijáð Norðlendinga að und-
anfomu. Frost fór niður í
33 gráður í Bárðardal að
kvöldi jóladags. IVfjólkurbíI-
ar eru látnir ganga dag og
nótt og bændur eru í mestu
vandræðum að hreyfa vélar
og tæki. Neyzluvatn frýs og
fólk heldur sig mest innan
dyra.
Samið við flug’um-
ferðarsljóra
SAMNINGAR tókust við flugumferð-
arstjóra tveimur dögum fyrir gamlárs-
dag og samþykktu þeir hann á félags-
fundi á föstudagskvöld. Þeir munu því
halda áfram störfum, en ekki ganga
út um áramót eins og til stóð. Sam-
komulagið byggir á innanhússtillögu
ríkissáttasemjara og nemur launa-
hækkun þess 10,3% á samningstímari-
um, sem er til ársloka 1996. 7,5% launa-
hækkun kemur strax til framkvæmda
og afgangurinn, þegar ákveðinni hag-
ræðingu er náð. Nýir flugumferðar-
stjórar verða ráðnir til starfa og yfir-
vinna minnkuð þannig að hún verði að
jafnaði ekki meiri en 30 tímar á mán-
uði hjá hveijum. Loks verður skipuð
nefnd til að meta réttarstöðu flugum-
ferðarstjóra.
Deilt um síldarkvóta
NORÐMENN ákváðu að taka sér ein-
hliða 72,5% af milljón tonna síldar-
kvóta, sem þeir gáfu einhliða út fyrr á
árinu. Hafa þeir aukið kvóta sinn um
þriðjung frá fyrra ári. íslenzk stjóm-
völd sætta sig illa við þetta og hyggj-
ast gefa einhliða út kvóta sameiginlega
með Færeyingum. Áformað er að sá
kvóti verði einnig aukinn frá í fyrra,
en þá gáfu löndin tvö út sameiginlegan
kvóta er ekki náðist samkomulag við
Noreg og Rússland um stjórnun á
norsk-íslenzka síldarstofninum.
Friðargæsla gengur
vel í Bosníu
SERBAR í Sarajevo voru sagðir hafa
kveikt í heimilum sínum til að mót-
mæla ákvæði í friðarsamningum um
að borgin heyri öll undir stjóm Bosn-
íu. í vikunni rann út frestur sem
hermenn Serba og bosníska stjórnar-
hersins fengu til að fara af átaka-
svæðunum á mörkum yfirráðasvæða
þeirra í Sarajevo. Stóðu fylkingarnar
við þennan hluta samkomulagsins og
lýstu ráðamenn Atlantshafsbanda-
lagsins yfir ánægju sinni með það
hversu vel framkvæmd og eftirlit með
friðarsamningnum um Bosníu hefði
gengið fyrstu vikuna sem bandalagið
fór með friðargæslu.
„Góður andi“ í friðar-
viðræðum
RÁÐHERRAR í ísrael sögðu á
fimmtudag að ,jákvæður andi“ ríkti
í friðarviðræðum þeirra og Sýrlend-
inga, sem fram fara í Bandaríkjunum
eftir sex mánaða hlé. Sögðu Israel-
arnir að sýrlenska samninganefndin
virtist hafa frjálsari hendur í viðræð-
unum en áður.
Lebed í forseta-
framboð
ALEXANDER Lebed, fyrrum hers-
höfðingi, hyggst gefa kost á sér í
forsetakosningunum í Rússlandi í
júní á næsta ári. Lebed telur að Bor-
ís Jeltsín, forseti Rússlands, og þjóð-
emisöfgamaðurinn Vladimír Zhír-
ínovskíj verði helstu keppinautar sín-
ir. Þá útilokar Míkaíl Gorbatsjov, síð-
asti sovétleiðtoginn, ekki að hann
fari í framboð.
►MIKLAR vetrarhörkur
settu svip sinn á jólahátíð-
ina víða um Evrópu og
sums staðar var veðrið
verra en dæmi eru um.
Heita má að Hjaltland sé
á kafí í snjó, slæmt ástand
var á N-írlandi, Suðureyj-
um, Skotlandi og suður
um til Englands og Wales.
Jólin voru hvít í Dan-
mörku og í Finnlandi var
frostið harðara en verið
hefur um áratugaskeið.
►ÁTTA sjómanna er
saknað eftir að rússneski
togarinn Novgordets fórst
undan strönd Norður-Nor-
egs á annan dag jóla.
Fimmtán komust lífs af
úr slysinu en lík tveggja
hafa fundist.
►TVÆR alþjóðastofnanir
vöruðu f vikunni við því
að hungursneyð væri yfír-
vofandi í Norður-Kóreu. í
mestri hættu væru 2,1
milljón barna og um hálf
milljón kvenna sem væru
þungaðar eða með bam á
brjósti.
►DÓMSTÓLL í Peking
staðfesti á fimmtudag 14
ára dóm sem kveðinn var
upp yfir kínverska andófs-
manninum Wei Jingsheng
fyrr í mánuðinum.
►FRAKKAR sprengdu á
miðvikudag fimmtu til-
raunasprenginguna í Suð-
ur-Kyrrahafi. Mótmæltu
mörg ríki kjarnorkutil-
rauninni harðlega, aðal-
Iega Kyrrahafsríki en auk
þess lýsti Bandaríkja-
stjórn vonbrigðum sínum
vegna sprengingarinnar.
Nýtt fjölmiðlafyrirtæki á Húsavík yfirtekur Víkurblaðið
Sjónvarp næsta skrefið
HÓPUR einstaklinga á Húsavík hef-
ur stofnað ijölmiðlafyrirtæki, Hús-
víska fjölmiðlun hf. Fyrirtækið hefur
tekið yfir rekstur Víkurblaðsins og
hyggur á sjónvarpssendingar á ör-
bylgju til Húsvíkinga fyrir páska.
Jafnframt kemur til greina að fyrir-
tækið hefji útvarpssendingar og
stundi alnetsþjónustu.
Að sögn Friðriks Sigurðssonar,
sem er í forsvari fyrir Húsvíska
fjölmiðiun, er ætlunin að sjónvarps-
sendingar félagsins verði með sama
hætti og sendingar Fjölsýnar í Vest-
mannaeyjum, sem endurvarpar fimm
erlendum gervihnattarásum og rekur
auk þess eina bæjarrás með efni frá
Vestmannaeyjum og textuðu erlendu
efni. Þar að auki endurvarpar Fjölsýn
sendingum Stöðvar 3, en Friðrik seg-
ir ekki afráðið hvort Húsvísk fjölmiðl-
un muni einnig fara í samstarf við
Stöð'3. Alls hefur félagið fengið leyfi
til að sjónvarpa á átta rásum.
Náið samstarf við Elnet
Húsvísk Qölmiðlun er, líkt og Fjöl-
sýn, í nánu samstarfí við Elnet í
Reykjavík, sem leggur fram mót-
töku- og sendibúnað, loftnet og afr-
uglara, auk tækniþekkingar og út-
sendingarleyfa frá erlendum gervi-
hnattastöðvum. Elnet á að sögn Frið-
riks lítinn hlut í Húsvískri fjölmiðlun.
„I framtíðinni vonast menn til að
byggja upp net lítilia stöðva út um
allt land, kannski tíu stöðva, og þá
geta menn keypt rétt til að senda
út efni fyrir allar stöðvarnar," segir
Friðrik.
Hlutafé Húsvískrar ijölmiðlunar
er níu milljónir króna. Félagið hefur
keypt húsnæði að Héðinsbraut 1.
Víkurblaðið mun flytja þangað strax
upp úr áramótunum og fyrirhugað
er að koma tækjabúnaði sjónvarps-
stöðvarinnar þar fyrir.
Samningur til árs við
Víkurblaðið
Víkurblaðið gengur að sögn Frið-
riks inn í félagið, en getur slitið sam-
starfinu að ári, telji það reynsluna
af því ekki nægilega góða.
Friðrik segir að Tölvuþjónusta
Húsavíkur sé einn af hluthöfum
Húsvískrar fjölmiðlunar og þar sé
fyrir hendi mikil þekking. Einn
möguleikinn, sem fyrirtækið muni
skoða, sé að reka alnetsmiðlara fyrir
Húsavíkursvæðið. Þá sé möguleiki
að opna útvarpsrás.
MYND af Hallgrími Benediktssyni árið 1907 eftir að hann sigraði í
konungsglímunni á Þingvöllum. „Skánkt vid Olympiska spelen i Stock-
holm 1912 av Islandingar i Danmark," stendur á Ólympiubikarnum.
Bikar Hallgríms Bene-
diktssonar í Lausanne
ÍSLENDINGAR unnu ötullega að
því í byijun aldarinnar að gera
íslenska glímu að keppnisgrein á
Ólympíuleikunum. Þrátt fyrir að
það hafi ekki tekist er á Ólympíu-
safninu í Lausanne í Sviss bikar,
sem Hallgrímur Benediktsson
vann í íslenskri glímu á Ólympiu-
leikunum i Stokkhólmi árið 1912.
Július Hafstein formaður Ólympíu-
nefndar íslands rakst á þennan
bikar þegar hann var að rýna inn
í skáp á safninu með gömlum verð-
launagripum.
„Forsaga málsins er sú að Is-
lendingar tóku fyrst þátt i Ólymp-
íuleikunum árið 1908,“ sagði Júl-
íus. „Það var fyrir frumkvæði Jó-
hannesar Jósefssonar síðar hótel-
haldara á Hótel Borg. Meðal ann-
ars keppti hann þar sjálfur í grísk-
rómverskri glímu og hafnaði í
fjórða sæti og óvíst hvað hefði
gerst hefði hann ekki viðbeins-
brotnað," segir Július.
Vildu fá glímu inn sem
keppnisgrein
„íslendingar gerðu kröfu um
það á leikunum 1908 að íslensk
glíma yrði tekin upp sem keppnis-
grein á Ólympíuleikunum. Þeirri
kröfu fylgdu þeir eftir órið 1912
í Stokkhólmi og kepptu íslending-
ar þá jafnframt um þennan bikar,
gefinn af íslendingum i Dan-
mörku,“ segir Júlíus og bætir við
að bikarinn sé óhemju glæsilegur,
milli fjörutíu og fímmtíu sentimetr-
ar á hæð og mjög vandaður.
Hallgrímur Benediktsson sigr-
aði og átti að varðveita bikarinn
þangað til aftur yrði keppt um
hann á næstu Ólympiuleikum, seg-
ir Ingileif Hallgrimsdóttir, dóttir
Hallgríms. Til þess kom þó ekki
að keppt yrði um bikarinn aftur.
Árið 1916 geisaði stríð og því eng-
ir Ólympiuleikar haldnir og engir
íslendingar fóru á Ólympiuleikana -
1920,1924,1928 og 1932. Júlíus
segist ekki átta sig almennilega á
því hvers vegna svo var, því við
höfum átt ágætis íþróttamenn og
íþróttalíf hafi verið gott hér á Iandi
á þessum árum.
Skilaði bikarnum
Ingileif segir að þrátt fyrir að
ekki hafí aftur verið keppt um bik-
arinn hafí Hallgrímur viljað skila
gripnum, eins og skilvísum manni
sæmdi og því sent hann út. Það
sé ástæðan fyrir því að hann sé nú
á Ólympíusafninu í Lausanne en
ekki uppi á hillu hjá fjölskyldunni.
Ingileif skilst að á safninu sé jafn-
framt gömul kvikmynd af Hall-
grími að keppa á Ólympíuleikunum
1912.
12,5 millj. í bætur
REYKJAVÍKURBORG hefur verið
dæmd í Héraðsdómi til að greiða
Ástu Tryggvadóttur 12,5 milljónir
króna í skaðabætur og 700 þúsund
krónur í málskostnað vegna mistaka
í skurðaðgerð, sem hún gekkst und-
ir á Borgarspítalanum í maí árið
1986.
Ásta var sykursjúk og hafði þurft
á insúlíni að halda frá barnsaldri.
Fyrir aðgerðina var henni gefið ins-
úlín og við endurmat kom í ljós að
henni var gefið of mikið. Ásta var
meðvitundarlaus í fimm daga og
þegar hún vaknaði var greinilegt að
hún hafði orðið fyrir verulegum og
varanlegum heilaskaða. Hún hefur
verið talin 100% öryrki síðan.
Gert að fjar-
lægja geymslu
HÉRAÐSDÓMUR Suðurlands hefur
dæmt eigendur sumarbústaðar í
landi Kárastaða í Þingvallasveit til
að fjarlægja 18,4 fermetra geymslu-
hús við sumarbústaðinn og greiða
samtals 350 þúsund króna sekt, en
hafnaði kröfu um að sumarbústaður-
inn sjálfur yrði fjarlægður.
Ríkissaksóknari ákærði fyrir brot
á lögum um friðun Þingvalla, bygg-
ingareglum með því að byggja á árinu
1991 128,7 fermetra sumarhús, 18,4
fermetra baðhús, 82 fermetra göngu-
brú og 170 fermetra verönd í kringum
húsið án leyfa og í trássi við bann.
♦ ♦ ♦----
Bætur vegna
kleinubanns
HÉRAÐSDÓMUR í Reykjavík hef-
ur borgarsjóði að greiða hjónunum
Aðalheiði Jónsdóttur og Pétri Pét-
urssyni í Reykjavík 1,2 milljónir
króna í skaðabætur vegna tjóns,
sem þau urðu fyrir þegar Heil-
brigðiseftirlit Reykjavíkur setti
sölubann í mars árið 1992 á klein-
ur, sem hjónin höfðu selt í verslun-
um Bónuss.
Andlát
ADAM JO-
HANNS-
SON
ADAM Jóhannsson, leigubílstjóri og
fyrrum markmaður Fram í knatt-
spyrnu og varamarkmaður landsliðs-
ins, lést á jóladag. Hann var 68 ára
þegar hann lést.
Adam fæddist 17. júní 1927. Hann
byrjaði ungur að leika með Fram, lék
í öllum yngri flokkum og var aðal-
markmaður meistaraflokks frá 1947
til 1951.
Hann varð íslandsmeistari með
Fram árin 1946 og 1947. Adam var
varamarkmaður landsliðsins í knatt-
spyrnu undir lok fimmta áratugarins.
Adam giftist Sigurlínu Bjömsdótt-
ur 19. janúar 1957 og eignuðust þau
fimm böm.