Morgunblaðið - 05.01.1996, Blaðsíða 4
4 B FÖSTUDAGUR 5. JANÚAR 1996
MORGUNBLAÐIÐ
-P
MORGUNBLAÐIÐ
FÖSTUDAGUR 5. JANÚAR 1996 B 5
IÞROTTAMAÐUR ARSINS
IÞROTTAMAÐUR ARSINS
IÞROTTIR
Skapti Hallgrímsson formaður Samtaka íþróttafréttamanna við
40. kjör íþróttamanns ársins á Scandic hótel Loftleiðum
Handrítið oft líkt og áður en
nýir leikarar koma í hlutverkin
JÓN Arnar Magnússon, tug-
þrautarmaður úr Tindastóli, er
íþróttamaður ársins á íslandi
1995, kosinn af Samtökum
íþróttafréttamanna. Kjöri hans
var lýst í hóf i i' þingsölum
Scandic hótels Loftleiða í gær-
kvöldi. Samtökin voru stofnuð
1956 og þetta er í fertugasta
skipti sem þau kjósa íþrótta-
mann ársins. Vilhjálmur Ein-
arsson varð fyrstur fyrir valinu,
eftir að hann hlaut silfurverð-
laun á ólympíuleikunum í
Melbourne 1956 og hefur oft-
ast allra verið kjörinn, fimm
sinnum.
Félagar í Samtökum íþrótta-
fréttamanna eru nú 20, frá
Morgunblaðinu, DV, Ríkisútvarpi
og -sjónvarpi, Stöð 2/Bylgjunni,
Iþróttablaðinu og Degi á Akureyri.
Allir greiddu atkvæði sem fyrr og
hlaut Jón Arnar afgerandi kosn-
ingu.
Skapti Hallgrímsson, formaður
Samtaka íþróttafréttamanna, sagði
m.a. í ávarpi sínu í hófinu i gær-
kvöldi íþróttir_ hefðu skipað mikinn
sess í huga íslendinga um langa
hríð, og fjarri því væri að sá sess
hefði orðið minni hin síðari ár.
„íþróttaumfjöllun fjölmiðla skiptir
því miklu máli, bæði fyrir íþrótta-
mennina og hreyfingu þeirra svo
o g áhugamenn um þá miklu
skemmtun sem íþróttir eru,“ sagði
hann.
„Arið sem við gerum nú upp var
að sumu leyti gott hvað varðar ís-
lenska íþróttamenn, að öðru leyti
síðra. Og það verður að segjast eins
og er að oft virðist breiddin hafa
verið meiri, sem dregur þó alls ekki
úr afrekum þeirra tíu sem við heiðr-
um hér í kvöld og þeirra sem voru
nálægt því að komast inn á listann
yfir þá 10 bestu.
Hetjur
Allir eru þessir afreksmenn hetj-
úr í augum áhugamannsins og mik-
ilvægur hluti íþróttalífsins. Keppn-
isíþróttir í hinum stóru utlöndum
eru í dag að miklu leyti farnar að
snúast um viðskipti — þótt skemmt-
unin skipti vitaskuld enn miklu
máli, sem betur fer. Hér heima er
állt minna í sniðum en þó af svipuð-
um meiði; stjarnan laðar frekar að
en meðalmaðurinn og uppsker eftir
því. Skemmtikraftarnir stíga á svið-
ið með reglulegu millibili, meðan
leikárið stendur, og fólk flykkist á
sýningarnar."
Skapti sagði almenningsíþróttir
blómstra hérlendis sem aldrei fyrr,
þær væru orðnar nauðsynlegur
þáttur í daglegu lífi margra enda
þekktist varla betri heilsubót eða
leið til vellíðunar en íþróttaiðkun.
„Fólkið stundar sínar íþróttir fyrir
sjálft sig en það eru afreksmennirn-
ir sem eru í sviðsljósinu. Við höfum
átt og eigum okkar hetjur hér
heima. Þær skipta ekki síður máli
en úti í hinum stóra heimi, ekki
síst til að hvetja ungviðið til að
spreyta sig. íþróttir eru hollar fyrir
sál og líkama, því viljum við að
minnsta kosti trúa og vonandi er
svo í flestum tilvikum.
Fyrirmyndir
Það er ekki svo langt síðan
krakkar víða um land voru sagðir
helteknir af spjótkastsbakteríunni.
Sprenging varð í iðkun júdós og
sundíþróttin komst einnig almenni-
lega á kortið á ný. Skýringar eru
nærtækar: Einar Vilhjálmsson,
Bjarni Friðriksson, Eðvarð Þór og
Ragnheiður Runólfsdóttir svo ein-
hveijir séu nefndir en þetta fólk
hefur einmitt allt verið kjörið
íþróttamenn ársins. Fyrirmyndirnar
eru svo mikilvægar. Handboltahetj-
urnar okkar allar og knattspyrnu-
kapparnir stunda ekki bara íþrótt
sína af eljusemi heldur sá fræjum
fynr framtíðina í leiðinni.
Iþróttaáhugi er mönnum víða í
blóð borinn. Knattspyrnan er alltaf
nærtæk enda víða vinsælust og trú-
arbrögðum líkast hvernig rætt er
um íþróttina og hetjum-
ar meðhöndlaðar. Ovíða
er áhuginn og hefðin
meiri en á Englandi og
sem dæmi um mátt fjöl-
miðla hér á landi sögðu
margir, í gríni sennilega,
að um árabil hefði enska
knattspyrnan verið ein
vinsælasta íslenska
íþróttin."
Formaður Samtaka
íþróttafréttamanna líkti
íþróttum við leiksýning-
ar, þar sem finna mætti
bæði harm- og gleðileiki
eins og gengur. „Og með
nokkrum sanni má segja
að sýningin sé oft og víða
sú sama, og hafi gengið
í langan tíma; handritið
að minnsta kosti keimlíkt
þótt leikararnir séu nýir,
bæði í aðal- og aukahlut-
verkum; ný andlit komin
á sviðið og í áhörfenda-
salinn. Sumir þeir sem
litlu í salnum á árum
áður jafnvel komnir í eitt
aðalhlutverkanna. Það
dreymir alla um, sumir draumamir
rætast, aðrir ekki.
Hraðar, hærra, lengra
Það sýnir sig í íþróttunum að sé
handritið gott, leikararnir góðir og
aðstæður boðlegar getur sýningin
gengið endalaust. Á nýbyijuðu ári
verður einmitt frumsýnd nýjasta
leikgerð ólympíuverksins Hraðar,
hærra lengra eftir franska baróninn
Coubertain í uppfærslu Spánveijans
Samaranch á sviðinu í Atlanta í
Bandaríkjunum. Ljóst er að ein-
hveijir Islendingar taka þátt í þeirri
uppsetningu en tíminn leiðir í Ijós
hvort einhver þeirra kemst í eitt
aðalhlutverkanna. Leikarar frá
smáþjóð eins og okkar gera sér
ekki oft vonir um slíkt, en hver
veit? Dæmin sanna að allt er hægt.
Bjartsýni virðist hafa fylgt þessari
þjóð um langa tíð, ekki síst íþrótta-
mönnum og vissulega er sjálfs-
traust nauðsynlegt en allt er þó
best í hófi. Menn verða að vera
jarðbundnir og taka því sem að
höndum ber. Sumir vinna og aðrir
Iúta í lægra haldi — og eitt það sem
sannur íþróttamaður verður að
kunna er að taka ósigri.
íslendingar gera miklar kröfur
til sjálfra sín og það er gott en
þegar íþróttirnar eru annars vegar
finnst sumum nóg um á stundum.
Minna á hve litlir við erum. Oft
hafa útlendingar furðað sig á því
hve góða íþróttamenn Islendingar
eiga, svo fámenn þjóð, á sama tíma
og landinn sjálfur lætur sér fátt um
finnast — ef hans menn eru ekki
alveg við toppinn. Svona meta menn
hlutina misjafnt."
Skapti sagði ennfremur að viður-
kenningar sem þessi mættu ekki
verða til að menn ofmetnist:
„...hætti að geta. Þær eru vand-
meðfarnar en ég held ég geti full-
yrt að þeir sem hafa orðið þess
heiðurs aðnjótandi að hampa stytt-
unni okkar hafa fyllilega staðið
undir þeirri ábyrgð sem því fylgir
og efast ekki um að svo verður
áfram.“
Iþróttamennirnir tíu
Hann kynnti síðan íþróttamenn-
ina tíu, í stafrófsröð:
•„ARNAR GUNNLAUGSSON
knattspyrnumaður vann það ótrú-
lega afrek að skora fimmtán mörk
í sjö leikjum með liði Akurnesinga
á íslandsmótinu. Varð þar með
markakóngur og setti met sem lík-
lega aldrei verður slegið. Arnar er
Morgunblaðið/Árni Sæberg
Til hamingju
ÍÞRÓTTAMAÐUR ársins 1994, Magn-
ús Schevlng t.h., óskar hér eftir-
manni sínum Jóni Arnari Magnússyni
til hamingju með útnefninguna, en
Magnús varð 8. að þessu sinni.
því miður í vinnunni þessa stund-
ina, í æfingabúðum á suðurströnd
Frakklands með liði sínu, Sochaux,
að búa sig undir átök frönsku deild-
arkeppninnar sem er að hefjast á
ný en Bjarki tvíburabróðir hans er
hér kominn til að veita viðurkenn-
ingu hans viðtöku.
•BIRKIR KRISTINSSON hefur
verið besti knattspyrnumarkvörður
íslands síðustu ár. Hann lék í sum-
ar alla leiki Fram í 1. deildinni og
var þetta ellefta árið í röð sem hann
afrekar það. Hann á nú að baki 198
leiki samfleytt í deildinni sem er
meira en nokkur hefur náð hérlend-
is. Birkir lék oft frábærlega með
Fram í sumar en nú hefur hann
samið við norska félagið Brann í
Bergen. Hann er einnig fastamaður
í landsliðinu og hefur staðið sig
sérlega vel á þeim vettvangi.
•EYDÍS KONRÁÐSDOTTIR,
sundkona úr Keflavík, er sú efnileg-
asta á þeim vettvangi hérlendis.
Árið var glæsilegt hjá henni; Eydís
setti m.a. sjö íslandsmet og var í
14. sæti á heimslistanum í 50 m
flugsundi í 25 metra laug nú í des-
ember. Þá er ótalinn árangur henn-
ar á Smáþjóðaleikunum í Lúxem-
borg en þá stakk hún sér sjö sinnum
í laugina og hlaut sjö gull. Eydís
er því miður ekki stödd hér í kvöld
— er erlendis við æfingar, en móðir
hennar, Ragnheiður Asta Magnús-
dóttir, er komin til að taka við viður-
kenningu dóttur sinnar.
•GEIR SVEINSSON hefur lengi
verið í fremstu röð. Hann var fyrir-
liði íslandsmeistaraliðs Vals síðasta
vetur og leiddi landsliðið síðan á
heimsmeistaramótinu. Þar gekk lið-
inu því miður ekki sem skyldi, en
einn maður stóð sannarlega fyrir
sínu — Geir sjálfur, sem lék nánast
óaðfinnanlega, fór á kostum í hvetj-
um leiknum á fætur öðrum og var
valinn í heimsliðið að keppni lok-
inni. Geir leikur nú með Montpellier
og fann fyrir því, eins og Árnar,
að Frakkar eru ekki mikið fyrir að
gefa íþróttamönnum sínum langl
jólafrí. En Sveinn bróðir hans er
hingað kominn fyrir hönd Geirs.
•JON ARNAR MAGNÚSSON úr
Tindastóli á Sauðárkróki varð á
árinu fyrstur íslendinga til að kom-
ast yfir 8.000 stig [ tugþraut, sem
er merkur áfangi. Á móti í Götzis
í Austurríki í lok maí bætti hann
eigið tugþrautarmet um 341 stig —
fór í 8.237, sem-er aðeins 166 stig-
um frá Norðurlandameti, og þá
bætti hann líka eigið met í 110 m
grindahlaupi. Jón Arnar fór aftur
yfir 8.000 stig í Evrópubikarkeppn-
inni en á heimsmeistaramótinu í
Gautaborg gengu hlutirnir ekki al- •
veg upp. Jón hóf keppni reyndar
mjög vel en heiliadísirnar voru ekki
með honum og hann var dæmdur
úr leik fyrir að stíga örlítið á línu
í 400 m hlaupi. En þrátt fyrir mót-
byr um tíma hélt hann sínu striki
og bætti íslandsmetið enn í septem-
ber er hann fékk 8.248 stig á ár-
legu stórmóti í Talence í Frakklandi.
•KRISTINN BJÖRNSSON úr
Leiftri á Ólafsfirði er besti skíða-
maður sem íslendingar hafa eign-
ast. Hann hefur bætt árangur sinn
jafnt og þétt á árinu í öllum grein-
um; svigi, stórsvigi og þó sérstak-
lega í risasvigi. Hann sigraði á
sterkum mótum *á erlendri grundu
auk þess að verða íslandsmeistari
í stórsvigi og stefnir ótrauður á
keppni meðal þeirra bestu — í
heimsbikarkeppninni. Kristinn er
íþróttamaður á hraðri uppleið og
spennandi verður að fylgjast með
honum í næstu framtíð.
•MAGNÚS SCHEVING, þolfimi-
maður úr Ármanni og íþróttamaður
ársins 1994, hélt sínu striki á síð-
asta ári. Hann varð íslandsmeistari
í þolfimi í lok janúar með glæsibrag
og síðan Evrópumeistari í Búlgaríu
seint í febrúar með fáheyrðum yfir-
burðum. Magnús keppti síðan aftur
síðla árs, sigraði á úrtökumóti hér
heima og varð í fimmta sæti á
heimsmeistaramóti alþjóða fim-
leikasambandsins sem fram fór í
París nú í desember.
•PATREKUR JÓHANNESSON
úr KA er ejnn albesti handknatt-
leiksmaður íslands í dag og hefur
aldrei leikið betur. Hann var einn
aðalmaðurinn í eftirminnilegum
bikarúrslitaleik gegn Val þar sem
KA hafði betur, besti leikmaður
íslandsmótsins og markakóngur.
Patrekur var í mótvindi meðan á
HM stóð eins og flestir leikmenn
íslenska landsliðsins en hefur heldur
betur náð sér á strik í vetur —
hefur verið besti maður íslands-
mótsins það sem af er að flestra
mati, var valinn í úrvalslið Evrópu
fyrir skömmu, og er augljóslega enn
á uppleið.
•SIGURÐUR JÓNSSON knatt-
spyrnumaður af Akranesi er einn
besti leikmaður landsins og hefur
verið lengi. Það er ekki síst honum
að þakka að Skagamenn hafa orðið
íslandsmeistarar fjögur síðustu ár
og gengið býsna vel í Evrópu-
keppni. Menn hafa haft á orði að
langt sé síðan Sigurður hafi mætt
ofjarli sínum á velli — hvort sem er
í leik með ÍA hér heima eða í Evr-
ópukeppni, eða landsleik, og það
eru orð að sönnu.
•TEITUR ÖRLYGSSON er besti
körfuknattleiksmaður landsins að
mati fréttamanna. Hann var
burðarás í íslandsmeistaraliði
Njarðvíkinga eins og síðustu ár og
lék einnig vel með landsliðinu. Allir
sem til þekkja vita hvað býr í Teiti
— þar er á ferðinni afburða körfu-
knattleiksmaður, sem verið hefur
einn sá besti hér á landi um árabil
og einn lykilmanna í sigursæli liði
sínu.“
KNATTSPYRNA
Sigurður fer
tilÖrebro
„ÞAÐ var erfitt að taka ákvörðun
og það hefur dregist leiðinlega
lengi en ég hef loks ákeðið að
taka tilboði Örebro og fer til Sví-
þjóðar,“ sagði Sigurður Jónsson,
landsliðsmaður i knattspyrnu, við
Morgunblaðið í gærkvöidi.
Eins og fram kom í Morgun-
blaðinu 9. desember sl. höfðu
Skagamenn og ÍA náð samkomu-
lagi um félagaskipti Sigurðar og
haft var eftir Guðjóni Þórðar-
syni, þjálfara og framkvæmda-
stjóra ÍA-liðsins, að félagaskiptin
væru frágengin af hálfu félags-
ins. „Félagaskiptin eru klár.
Stjórn félagsins hefur tekið til-
boðinu frá Örebro og málinu er
lokið af okkar hendi.“
Skömmu síðar gerði ÍA Sigurði
tilboð um nýjan samning til
þriggja ára og hefur hann verið
að velta hlutunum fyrir sér en
komst að fyrrnefndri niðurstöðu
og ætlar að skrifa undir samning
til tveggja ára.
Þau urðu í efstu sætunum
TÍU íþróttamenn voru heiðraðir af Samtökum íþróttafréttamanna í hófi að Scandic hótel Loft-
leiðum í gærkvöldi. Mál og menning gaf þeim bókaverðlaun og Flugleiðir gáfu þremur efstu
bikara auk farseðla að eigin vali á flugieiðum félagsins. Arnar Gunnlaugsson, knattspyrnumað-
ur, er við æfingar í Frakklandi og Magnús Scheving, þolfimimaður, var farinn þegar myndin
var tekin en í fremri röð frá vinstri eru Ragnheiður Ásta Magnúsdóttir, móðir Eydísar Konráðs-
dóttur, sundkonu, sem er erlendis við æfingar, Jón Arnar Magnússon, frjálsíþróttamaður og
íþróttamaður ársins 1995, Patrekur Jóhannesson, handknattleiksmaður, og Kristinn Björns-
son, skíðamaður. í aftari röð frá vinstri eru Sveinn Sveinsson, bróðir Geirs Sveinssonar,
handknattleiksmanns, sem er við æfingar í Frakklandi, Teitur Örlygsson, körfuknattleiksmað-
ur, Birkir Kristinsson, knattspyrnumaður, og Sigurður Jónsson, knattspyrnumaður. íþrótta-
samband íslands og Fróði veittu 26 íþróttamönnum, einum frá hverju sérsambandi, viðurkenn-
ingu í hófinu í gær. Nánar verður fjallað um það kjör í Morgunblaðinu á morgun.
Þau hlutu atkvæði í kjöri
íþróttafréttamanna
stig
1. Jón Arnar Magnússon, fijálsíþróttamaður - Tindastóli...........370
2. Geir Sveinsson, handknattleiksmaður - Val/Montpellier..........271
3. Sigurður Jónsson, knattspyrnumaður - IA........................129
4. Kristinn Björnsson, skíðamaður - Leiftri.......................106
5. Eydís Konráðsdóttir, sundkona - Keflavík........................84
6. Patrekur Jóhannesson, handknattleiksmaður - KA..................83
7. Arnar Gunnlaugsson, knattspyrnumaður - Numberg/ÍA/Sochaux.......57
8. Magnús Scheving, þolfimimaður - Ármanni......................,....56
9. Birkir Kristinsson, knattspyrnumaður - Fram.....................39
10. Teitur Örlygsson, körfuknattleiksmaður - Njarðvík...............34
11. Ólafur Þórðarson, knattspyrnumaður - ÍA...............
12. Broddi Kristjánsson, badmintonmaður - TBR.............
13. Björgvin Sigurbergsson, kylfingur - Keili...........
14. VernharðÞorleifsson, júdómaður- KA..................
15. Karen Sævarsdóttir, kylfingur - Golfklúbbi Suðurnesja.
16. Geir Sverrisson, fijálsíþróttamaður - Ármanni/ÍFR...
17. Guðmundur E. Stephensen, borðtennismaður - Víkingi..
18. Sigurður V. Matthíasson, hestaíþróttamaður - Fáki.....
Guðrún Arnardóttir, fijálsíþróttakpna - Ármanni.....
20. Ásta S. Halldórsdóttir, skíðakona - ísafirði.........
21. SigurðurV. Gylfason, akstursíþróttamaður.............
22. Margrét Ólafsdóttir, knattspyrnukona - Breiðabliki ..
23. Herbert Arnarson, körfuknattleiksmaður - ÍR..........
24. Siguijón Arnarsson, kylfingur - GR...................
25. Vala Flosadóttir, fijálsíþróttakona - ÍR.............
Bjarni Friðriksson.júdómaður- Ármanni...............
27. Kristín Rós Hákonardóttir, sundkona - ÍFR............
...........28
............27
...........26
............23
...........20
............19
............15
............13
............13
...........10
.............8
...........7
...........6
...........5
...........4
...........4
...........3
Gjafir frá
Máli og
menningu
og Hótel
Lofleiðum
ÍÞRÓTTAMENNIRNIR tíu,
sem Samtök íþróttafrétta-
manna heiðruðu í gær, fengu
bókargjöf frá Máli og menn-
ingu og var það Sigurður
Svavarsson, framkvæmda-
stjóri fyrirtækisins sem af-
henti bókina. Um var að ræða
Ströndin / náttúru íslands eft-
ir Guðmund P. Ólafsson. Auk
Máls og menningar var
Scandic hótel Loftleiðir helsti
styi-ktaraðili Samtaka
íþróttafréttamanna vegna
kjörsins; hótelið gaf m.a. eign-
arbikara sem þrír efstu í kjör-
inu fengu og að auki íþrótta-
manni ársins flugmiða að eig-
in vali á leiðum Flugleiða. Það
var Magnea Hjálmarsdóttir
sem afhenti þeim Sigurði
Jónssyni, Geir Sveinssyni og
Jóni Árnari Magnússyni þess-
ar gjafir.
Morgunblaðið/Árni Sæberg
Morgunblaðið/Ámi Sæberg
BJÖRN Bjarnason, menntamálaráðherra, Ellert B. Schram,
forseti iþróttasambands íslands, og Ágústa Jóhannsdóttir,
elglnkona hans, voru á meðal fjölmargra gesta I hóflnu.
Stoð og stytta
Morgunblaðið/Árni Sæberg
HULDA Ingibjörg Skúladóttir, eiginkona Jóns Arnars Magnússonar, sem hér styður hönd sinni
á öxl bónda síns var hans stoð og stytta við hliðarlínuna í gegnum marga þrautina á síðast-
liðnu sumri og nokkrum sinnum sást hann fara til hennar og fá uppörvun og einn koss á milli
greina. Jón Arnar hafði mikla yfirburðl í kjörinu og fékk 370 stlg af 400 mögulegum.