Morgunblaðið - 07.01.1996, Qupperneq 26
26 SUNNUDAGUR 7. JANÚAR 1996
MORGUNBLAÐIÐ
KVIKMYNDIR/HÁSKÓLABÍÓ hefur tekið til sýninga kvikmyndina Forseti
*
Bandaríkjanna, The American President. I aðalhlutverkum eru Michael Douglas
og Annette Benning en meðal annarra leikara má nefna Richard Dreyfuss, Martin
Sheen, Michael J. Fox og David Paymer. Leikstjóri er Rob Reiner.
Forsetinn er
ástfanginn
OFTAR en ekki fjalla kvik-
myndir um það hvemig
venjulegt fólk bregst við óvenju-
legum aðstæðum. Myndin um
bandaríska forsetann, The Amer-
ican President, fjallar hins vegar
um eftirsókn óvenjulegs manns
í einstakri aðstöðu eftir hvers-
dagslegum hlutum sem flestir
aðrir gætu auðveldlega veitt sér.
Vandinn er þessi: hvemig getur
ekkjumaður í valdamesta emb-
ætti heimsins orðið hrifinn af
konu og gert hosur sínar grænar
fyrir henni án þess að vanrækja
þær miklu skyldur sem embættið
leggur honum á herðar.
Andrew Shepard forseti (Mich-
ael Douglas) verður allt í einu
ástfanginn af Sydney Wade (An-
nette Benning), talsmanni um-
hverfisvemdarsamtaka í Wash-
ington. Þetta óvenjulega ást-
arævintýri krefst þess að valda-
mesti maður jarðar sigrist á
ýmsum hindrunum sem ekki
standa í vegi venjulegs fólks því
það er ekki einfalt mál fyrir
manni í þessari stöðu að eiga
einkalíf og standa í sambandi og
jafnframt að standa klár á vin-
sældakönnunum, ágengum fjöl-
miðlum, skeinuhættum pólitísk-
um andstæðingi (Richard Dreyf-
uss), að ekki sé minnst á öll stóra
vandamálin heima fyrir og er-
lendis sem bíða skjótrar og
snjallrar úrlausnar.
Það er forsetanum til hugar-
hægðar að hann stendur ekki
einn. Starfsmannastjóri Hvíta
hússins, (Martin Sheen), ráðgjafí
hans í innanlandsmálum (Michael
J. Fox), vinsældaráðgjafinn
(David Paymer), blaðafulltrúinn
(Anna Deavere Smith) og ritarinn
(Samantha Mathis) leggjast á eitt
um að koma daglegum verkefnum
heim og saman, rífast við fulltrúa-
deild og öldungadeild og lægja
ófriðaröldur í heiminum sem allar
steðja að á þessu kosningaári.
En þótt pólitískar krísur séu
erfiðar viðureignar fyrir þann
sem situr í Hvíta húsinu era per-
sónulegar krísur síst betri. Á það
reynir hvort fjölmiðlar, almenn-
ingur og allur sá ráðgjafaher sem
umkringir forsetann geta umbor-
ið það að í embætti forseta sitji
ógiftur og ástfanginn maður og
hvort forsetinn geti bæði axlað
þá ábyrgð sem embættinu fylgir
og uppfyllt þarfir konunnar sem
hann elskar.
Hugmyndina að umfjöllunar-
efni myndarinnar átti leikstjórinn
Rob Reiner en handrit skrifaði
Aaron Sorkin. Þeir unnu áður
saman við gerð A Few Good Men.
„Við Aaron höfðum talað um
að búa til mynd sem fjallaði um
pólitíska lífið í Washington og
mig langaði að búa til ástarsögu
um forsetann. Forsetinn er stöð-
ugt í óvenjulegum aðstæðum,
þess vegna vildi ég setja hann í
aðstæður sem væra hversdags-
legar fyrir venjulegt fólk. Það er
eins og embættið geti oft ekki
þolað þeim sem í því situr að
vera mannlegur. Almenningur
vill ekki að forsetinn sé venjuleg-
ur maður, fólk vill að hann sé
nokkurs konar kóngur, almáttug
föðurímynd. En auðvitað hefur
forsetinn sömu þarfir og aliir
aðrir. Hvernig fer hann þá að?“
segir Reiner.
Reiner og Sorkin era ekki
ópólitiskir menn og voru ákveðn-
ir í að koma tveimur málefnum
sem þeim eru sérstaklega hug-
leikin á framfæri í myndinni.
Umhverfísmál era hjartans mál
leikstjórans en handritshöfund-
urinn er með hugann við það
vandamál sem hlýst af almennri
og óheftri byssueign í landinu.
„Eg hef alltaf átt erfitt með að
koma auga á að það séu tvær
hliðar á spurningunni um al-
menna byssueign. Okkur vinnst
aldrei neitt í baráttunni við glæpi
ANNETTE Benning í hlutverki konunnar sem ekkjumaðurinn
á forsetastóli fellur kylliflatur fyrir.
MICHAEL Douglas í hlutverki Andrew Shepard,
Bandaríkjaforseta.
MARTIN Sheen og Michael J. Fox leika tvo nánustu
samstarfsmenn forsetans.
nema við tökum byssur úr um-
ferð,“ segir Sorkin.
Starfslið Hvíta hússins sýndi
kvikmyndagerðarfólkinu mikinn
velvilja og leyfði því að athafna
sig í hvíta húsinu við að kynna
sér og teikna upp staðhætti, auk
þess sem Michael Douglas og
Rob Reiner fengu að eyða tals-
verðum tíma í félagsskap Clinton
forseta til að fylgjast með forseta
að störfum. Douglas hreifst af
því sem hann sá. „Eftir að hafa
kynnt mér ástandið frá fyrstu
hendi í heilan dag er ég fullur
virðingar og auðmýktar gagnvart
forsetaembættinu,“ segir stjarn-
an. „Vinnuálagið og sú ótrúlega
pressa sem er á forsetanum
hvern einasta dag, hveija einustu
helgi í fjögur ár er með ólíkind-
um. Ég fylgdist með því hvernig
forsetinn fer frá einum sam-
starfsmanninum til annars á
stöðugum fundumj úr einu mál-
efninu að öðru. Ábyrgðin sem
hann axlar krefst endalauss út-
halds og gífurlegs hæfileika til
að setja sig inn í hvert mál.
Eftir þetta kann ég enn betur
en áður að meta mitt eigið líf
sem leikara. Ég held að ég eigi
aldrei eftir að kvarta yfir mínum
langa vinnutíma,“ segir Michael
Douglas. Hann segir að auðveld-
ast hafi verið að leika forsetann
við opinber skyldustörf og í að-
stæðum þar sem tekið var á
pólitískum málum en erfiðast
þar sem hann var utan sviðs-
ljóssins og bara hann sjálfur,
t.d. með ungri dóttur sinni eða
ástkonunni.
Auk Douglas og Benning era
1 hlutverkum valinkunnir stórleik-
arar á borð við Martin Sheen, sem
hér leikur í mynd ásamt Michael
Douglas í þriðja skipti, Richard
Dreyfuss og Michael J. Fox.
Rob Reiner framleiðir myndina
sjálfur eins og jafnan og fékk til
samstarfs vant fólk jafnt á sviði
sviðsmyndahönnunar, kvik-
myndatöku og klippingar. Loks
voru galdramennirnir í ILM, sem
klipptu saman Forrest Gump og
forsetana þijá, fengnir til að
fremja sinn galdur, m.a. til að
geta fellt saman myndjr teknar
í stúdíói og myndir teknar af
komu forseta Bandaríkjanna í
Bandaríkjaþing.
Einvalalið
AÐ er óhætt að fullyrða að það er
einvalalið bandarískra kvik-
myndaleikara fer með hlutverk i mynd-
inni Forseti Bandarílyanna undir leik-
stjórn Rob Reiners.
Rob Reiner er í fremstu röð leik-
stjóra í Hollywood og hefur gert kvik-
myndir sem almenningi jafnt og gagn-
rýnendum hafa fallið vel í geð, síðast
A Few Good Men, sem hlaut fjórar til-
nefningar til óskarsverðlauna, þar á
meðal sem besta kvikmynd ársins 1994.
Reiner hóf feril sinn sem leikari og
öðlaðist miklar vinsældir fyrir hlutverk
sitt í sjónvarpsþáttunum um Archie
Bunker og fjölskyldu hans, All in the
Family, en því gengi tilheyrði Reiner
um árabil. Fyrsta myndin sem hann
leikstýrði var This is Spinal Tap, gam-
anmynd um velgengni rokkhljómsveit-
ar, sem naut talsverðra vinsælda og
stendur vel fyrir sínu í dag. Aðrar
helstu myndir Reiners eru Stand By
Me, When Harry Met Sally, A Princess
Bride, A Few Good Men, Misery, en
einnig myndin Norh sem kolféll vestan-
hafs í hitteðfyrra. Reiner er vinmargur
og áhrifamikill maður í bandarískum
skemmtanaiðnaði. Hann framleiðir
jafnan myndir sínar sjálfur enda einn
stofnenda og eigenda framleiðslufyrir-
tækisins Castel Rock.
•RÚMLEGA fimmtugur er Michael
Douglas í hópi skærustu kvikmynda-
sljarna Bandaríkjanna seinni ár og
ferill hans er um margt óveiy'ulegur.
Eins og margir vita er hann sonur
kvikmyndaleikarans gamla Kirk Dou-
glas, drakk i sig andrúmsloft kvik-
myndaheimsins með móðurmjólkinni
og heillaðist ungur af. Hann lauk há-
skólanámi, og fluttist til New York að
læra og reyna fyrir sér á leiksviði þar
sem hann þurfti ekki að bíða lengi
eftir fyrsta hlutverkinu, sem var í sjón-
varpsmynd. Ferillinn var jafn ogþéttur
í aukahlutverkum í vinsælum sjón-
varpsþáttum og aðalhlutverkum í kvik-
myndum sem ekki fóru víða allt þar
til að hann hlaut annað tveggja aðal-
hlutverka í lögguþáttunum vinsælu
The Streets of San Francisco.
En hugur Douglas stefndi hátt. Hann
keypti kvikmyndarétt að skáldsögunni
Gaukshreiðrinu og var sem framleið-
andi maðurinn á bak við gerð þeirrar
vinsælu óskarsverðlaunakvikmyndar.
Næsta verkefni hans sem framleiðanda
var að taka saman höndum við Jane
Fonda um gerð myndarinnar China
MICHAEL Douglas og Rob Reiner
bera saman bækur sínar á skrifstofu
Andrew Shepard bandaríkjaforseta.
Syndrome sem þau framleiddu í sam-
einingu ásamt því að leika aðalhlutverk
ásamt Jack Lemmon. Næstu ár á eftir
voru Douglas farsæl við leik í myndum
á borð við Coma, The Star Chamber
og Chorus Line en 1984 braut blað í
sögu hans þegar hann, lék í ævintýra-
myndinni Romancing the Stone þar
sem hann var jafnframt framleiðandi.
1987 lék Douglas í tveimur vinsæl-
ustu myndum ársins, Fatal Attraction
og Wall Street eftir Oliver Stone en
sú færði honum óskarsverðlaun fyrir
leik. Undanfarin ár hefur Douglas m.a.
leikið í Basic Instinct, Falling Down,
Made in America og síðast Disclosure
á móti Demi Moore.
•ÞÓTT margir þekki Annette Benning
fyrst og fremst sem eiginkonu stjörn-
unnar Warrens Beatty hefur hún löngu
sannað eigið ágæti sem leikkona og
hlotið tilnefningu til óskarsverðlauna
fyrir leik í myndinni Grifters. Rob
Reiner segir að hún hafi verið sú eina
sem kom til greina sem ástkona forset-
ans. „Hlutverkið krafðist leikkonu sem
gat með trúverðugum hætti staðið uppi
í hárinu á forsetanum; einhverrar sem
væri aðlaðandi, kynþokkafull, með
góða kímnigáfu og greind. í sannleika
sagt var Annette Benning eina leikkon-
an sem mér datt í hug að hefði þessa
kosti.“
í fyrra lék Benning í myndinni Love
Affair, á móti eiginmanni sínum, en
þar áður léku þau ma. saman í Bugsy.
Hún lék í Guilty By Suspicion á móti
Robert De Niro og í Regarding Henry
á móti Harrison Ford. Þar var Mike
Nichols við stjórnvölinn og með honum
vann hún einnig í Postcards from the
Edge. Síðast lék Annette Benning á
móti Ian McKellen í kvikmyndagerð eft>
ir leikriti Shakespeares um Ríkharð 3.