Morgunblaðið - 09.01.1996, Blaðsíða 8
SKIÐI / HEIMSBIKARINN
Tólf ára
bið Krist-
inu á enda
KRISTINA Andersson frá Sví-
þjóð, sem heimsótti ísland fyr-
ir nokkrum árum ásamt vin-
konu sinni Pernillu Wiberg,
náði loks að sigra í heimsbikar-
móti eftir 12 ára bið. Stóra
stundin rann upp í Maribor í
Slóveníu á sunnudaginn er hún
sigraði í svigi. Katja Seizinger
frá Þýskalandi sigraði í stór-
svigi á sama stað á laugardag.
Andersson, sem er þrítug, hefur
ávallt staðið í skugganum af
Pernillu Wiberg. Hún var því mjög
ánægð þegar hún loks náði á efsta
þrepið á verðlaunapallinum í heims-
bikamum. Hún hefur nokkrum
sinnum orðið í öðru sæti, en hafði
aldrei áður unnið. Pemilla var að
vísu með langbesta tímann í fyrri
umferð og alit leit út fyrir að hún
myndi vinna þriðja svigmót vetrar-
ins en hún keyrði út úr í síðari
umferð og var úr leik.
Andersson var aðeins 0,06 sek-
úndum á undan Elfi Eder frá Aust-
urríki sem varð önnur. Austurríska
stúlkan Claudia Riegler, sem keppir
fyrir Nýja-Sjáland, varð þriðja.
Andersson sagði eftir sigurinn að
hún hefði alltaf haft þá trú að það
kæmi að því einhvem daginn að
hún mjmdi sigra. „En ég bjóst ekki
við að það væri þessi dagur. Eg
hugsaði ekki um sigur þegar ég fór
niður í síðari umferðinni, heldur
keyrði eins og ég gat. Þetta var
minn dagur,“ sagði Andersson.
Seizinger stöAvaði sigurgöngu
Martinu Ertl í stórsvigi
Ólympíumeistarinn Katja Seizin-
ger frá Þýskalandi stöðvaði sigur-
göngu löndu sinnar, Martinu Ertl,
í stórsvigi í Maribor á laugardag-
inn. Sonja Nef frá Sviss varð önnur
og Ertl varð að gera sér þriðja
sætið að góðu eftir að hafa unnið
þijú fyrstu stórsvigsmótin. Þetta
var fyrsti sigur Seizingers í stór-
svigi síðan 1993. „Ég er mjög
hreykin af sjálfum mér. Eftir að
hafa unnið fyrsta bmnmótið og nú
stórsvig get ég ekki annað en verið
ánægð,“ sagði Seizinger.
Tvöfalt hjá KR
KR-ingar sigruðu bæði í meistaraflokki karla og kvenna á Reykjavíkur-
mótinu í knattspyrnu innanhúss sem fram fór í Laugardalshöll um
helgina. KR sigraði ífylki í karlaflokki 2:1. Kristinn Tómasson skoraði
fyrst fyrir Fylki, en Kristján Finnbogason, markvörður, jafnaði fyrir KR.
Það var síðan Ásmundur Haraldsson sem tryggði KR-ingum Reykjavíkur-
meistaratitilinn með sigurmarkinu undir lokin.
í meistaraflokki kvenna voru tvö lið skráð til leiks, KR og Valur.
Mættust þau tvívegis, fyrst sigraði KR 4:2 og í síðari leiknum var Valur
yfir 4:2 að loknum venjulegum leiktíma og því samanlögð markatala jöfn.
I framlengingunni hafði KR betur, gerði tvö niörk gegn engu.
Hið árlega Bautamót í innanhússknattspyrnu karla fór fram á Akur-
Reuter
ALBERTO Tomba sigraði í 47. sinn í heimsbikarmóti á sunnudag. Það er aðeins einn skíðamað-
ur sem hefur unnið fleiri mót, Svíinn Ingemar Stenmark, sem vann 86 heimsbikarmót á sjö-
unda áratugnum. Hér er Tomba í síðarl umferðlnni í sviglnu í Flachau á sunnudaglnn.
Tomba engum líkur
ÍTALSKA sprengjan Alberto Tomba sýndi enn einu sinni ísviginu
í Flachau á sunnudag að hann er besti svigmaður heims. Hann
var í fjórða sæti eftir fyrri umferð, en setti í fjórða gír f þeirri
síðari og sigraði örugglega. „Hann virðist alltaf eiga meira inni
en við,“ sagði Juri Kosirfrá Slóveníu sem varð þriðji. Urs Kaelin
frá Sviss sigraði í stórsvigi á sama stað á laugardaginn, en þá
var Tomba í öðru sæti.
Eins og svo oft áður var það síð-
ari umferðin sem færði Tomba
sigurinn á sunnudaginn. Þetta var
þriðji sigur hans í svigi í röð og
jafnframt 47. sigur hans í heimsbik-
armóti. Það er aðeins Ingemar
Stenmark sem getur státað af fleiri
sigrum. Það var Mario Reiter, eða
„Super Mario“ eins og hann er kall-
aður, sem náði besta tímanum í
fyrri umferð og varð annar, 0,20
sek. á eftir Tomba.
Eftir frekar slaka byijun hjá
Tomba í vetur virðist hann nú vera
kominn í toppæfingu og til alls lík-
legur á heimsmeistaramótinu sem
framundan er. „Það miðast allt við
að ég verði í toppæfingu í febrúar,
en ég er þó að sigra í janúar. Núna
er ég á undan áætlun, allt gengur
eins og í sögu og vonandi verð ég
ekki orðinn of þreyttur á HM í febr-
úar,“ sagði Tomba sem keppir í
svigi í Kitzbuhel um næstu helgi.
Norðmaðurinn Lasse Kjus heldur
enn öruggri forystu í stigakeppn-
inni, hefur 956 stig, en Michael Von
Griinigen er annar með 590 stig og
síðan kemur Tomba með 536 stig.
Annar sigur Kaelins á feriinum
URS Kaelin frá Sviss sigraði í
stórsvigi á sama stað á laugardag-
inn. Tomba, sem var með sjötta
besta tímann eftir fyrri ferð, varð
annar og Michael Von Griinigen
þriðji. Þetta var fyrsti sigur Kaelins
í heimsbikarnum frá því hann vann
fyrsta heimsbikarmót sitt 1989.
„Þegar ég fór niður vissi ég að
Tomba var með forystu og því varð
ég að taka áhættu ef ég ætlaði að
sigra. Síðustu sex árin hefur mark-
miðið verið að sigra í heimsbikar-
móti. Nú hefur mér loksins tekist
það og því er ég í sjöunda himni,“
sagði Kaelin.
KNATTSPYRNA
Reuter
KRISTINA Andersson frá Svíþjóð vann fyrsta helmsbikarmót-
ið á 12 ára keppnisferli sínum ( heimsbikarnum á svigmóti
í Maribor í Slóveníu um helglna.
eyri um helgina og KA-menn sigruðu. Þeir höfðu betur gegn erkifjendun-
um í Þór, 3:2, í úrslitaleik. Bjarni Jónsson skoraði tvívegis fyrir KA og
Örvar Eiríksson einu sinni en Páll Pálsson og Árni Þór Árnason fyrir Þór.
Þá sigruðu Völsungar lið Tindastóls í leik um þriðja sætið, 4:2.
Fyrsti sig-
ur Dallas í
Boston
lim Jackson og Jason Kidd fóru á
^ kostum hjá Dallas Mavericks,
sem vann langþráðan sigur í Boston
á sunnudaginn — sinn fyrsta þar í
borg, eftir fimmtán tapleiki, 96:117.
Jackson skoraði 30 stig Jason Kidd
29, en svo mörg stig hefur hann
ekki skorað í leik í NBA-deildinni í
vetur. George McCloud lék einnig
vel og skoraði 28 stig fyrir Ma-
vericks, sem fagnaði loksins sigri á
útivelli, eftir nítu tapleiki í röð að
heiman. „Það er löng leið framundan
hjá okkur, en leikurinn hér í Boston
er einn sá besti sem við höfum leikið
í vetur," sagði Kidd.
Dino Radja skoraði 28 stig og tók
13 fráköst fyrir Celtics, sem hefur
tapað átta af síðustu tiu leikjum sín-
um.
Malik Sealy skoraði 25 stig og
Lamond Murray 20 fyrir Los Angel-
es Clippers, sem vann Vancouver
Grizzlies 101:93 — var það aðeins
sjötti sigur liðsins í 21 leik. Greg
Ánthony skoraði 25 stig fyrir heima-
menn og átti 15 stoðsendingar.
Hann hefur skorað að meðaltali 23,8
stig og átt 9,5 stoðsendingar í síð-
ustu fjórum leikjum liðsins.
Los Angeles Lakers mátti þola
enn eitt tapið á heimavelli, nú 93:96
fyrir Denver Nuggets. Mahmoud
Ábdul-Rauf skoraði 33 stig fyrir
Denver.
Clifford Robinson skoraði 41 stig
og tók átta fráköst þegar Portland
Trail Blazers vann Minnesota Tim-
berwolves 113:97. James Robinson
skoraði 17 stig og Rod Strickland
13 fyrir Blazers, sem hefur fagnað
sigri í 24 leikjum af þeim 26 sem
liðin hafa leikið.
Hakeem Olajuwon gerði 22 stig
og tók 15 fráköst þegar meistararn-
ir í Houston sigruðu Indiana Pacers
99:87 á laugardag. Mario Elie lék
einnig vel, setti niður 11 af 16 stig-
um sínum í upphafí íjórða leikhluta.
Reggie Miller og Rik Smits voru
með 14 stig hvor fyrir Pacers.
Allan Houston gerði 10 af 25 stig-
um sínum í þriðja leikhluta ef Detro-
it vann Washington 90:82. Grant
Hill var með 25 stig og tók 12 frá-
köst og átti sjö stoðsendingar. Otis
Thorpe gerði 22 stig og tók 13 frá-
köst.
Dell Curry gerði 21 stig fyrir
Charlotte Hornets í 96:90-sigri á
Atlanta Hawks. Glen Rice var einnig
með 21 stig og Kendall Gill 17.
Mookie Blaylock var stigahæstur í
liði Atlanta með 22 stig og þeir
Grant Long og Andrew Lang komu
næstir með 16 stig hvor.
Sigurganga Chicago heldur
áfram. Michael Jordan gerði 32 stig
í 24. sigurleik liðsins á þessu tíma-
bili gegn Milwaukee í 113:84-sigri
á heimavelli. Pippen tók 12 fráköst
og átti sex stoðsendingar og Dennis
Rodman tók 16 fráköst. Chicago
hefur unnið 18 leiki af síðustu 19.
Glenn Robinson gerði 23 stig fyrir
gestina og Vin Baker 18.
Chris Mills gerði átta af 23 stigum
sínum í síðari hálfleik er lið hans,
Cleveland, sigraði Orlando 105:94.
Cleveland hefur verið á mikilli sigl-
ingu að undanförnu og hefur unnið
17 af síðustu 23 leikjum sínum eftir
að hafa tapað fyrstu sjö leikjunum
í upphafi timabilsins. Dennis Scott
var stigahæstur í Iiði Orlando með
27 stig, en Penny Hardaway kom
næstur með 23.
Miami Heat sigraði Denver á úti-
velli 88:86. Alonzo Mourning, sem
lék fyrsta leik sinn í tæpan mánuð,
lék mjög vel og gerði fimm af 30
stigum sínum á síðustu tveimur mín-
útum leiksins. Billy Owens stóð sig
einnig vel og gerði 20 stig. Dale
Ellis og Byant Stith voru með 16
stig hvor fyrir Denver.