Morgunblaðið - 11.01.1996, Blaðsíða 6
6 FIMMTUDAGUR 11. JANÚAR 1996
MORGUNBLAÐIÐ
FRÉTTIR
Morgunblaðið/Ásdís.
Nýtt braggahverfi rís
Farþegaflug frá Bandaríkjunum í lag
Þúsund farþegar
að vestan
Breytingar
ákveðnar á
afgreiðslu-
tíma apóteka
APÓTEKARAR í Reykjavík hafa
komið sér saman um breytingar á
fyrirkomulagi afgreiðslutíma apó-
teka um nætur og yfir heigar.
Breytingarnar taka gildi upp úr
næstu mánaðamótum.
Næturvaktir miðsvæðis á
Reykjavíkursvæðinu
Því fyrirkomulagi hefur verið
fylgt að 14 apótek á Reykjavíkur-
svæðinu hafa skipt með sér kvöld-,
nætur- og helgarþjónustu, tvö og
tvö í senn skv. ákveðnu vaktakerfi.
Breytingin felur í sér að framvegis
munu sjö apótek skiptast á um að
annast þessa þjónustu, viku í senn,
og eru þau öll staðsett miðsvæðis
í Reykjavík.
Að sögn Ingolfs Petersen, for-
manns Apótekarafélags íslands,
eiga vandamál, sem upp hafa kom-
ið þegar apótek sem annast nætur-
vakt er staðsett í úthverfi, að vera
úr sögunni.
Tvö apótek munu í hverri viku
annast kvöld-, nætur- og helgar-
vaktirnar. Annað þeirra mun sjá
um næturþjónustuna en hitt verður
opið til kl. 22 á virkum dögum og
frá kl. 10 til 22 á sunnudögum og
helgidögum.
Akranes
Ljósmyndir
fréttaritara
OPNUÐ hefur verið sýning á
ljósmyndum fréttaritara Morg-
unblaðsins í skrifstofu ferða-
málafulltrúans við Akratorg á
Akranesi. Sýningin er öllum
opin á almennum skrifstofutíma.
Okkar menn, félag fréttarit-
ara Morgunblaðsins, efndi til
samkeppni um bestu ljósmyndir
fréttaritara frá árunum 1993 og
1994. Verðlaunamyndirnar hafa
verið sýndar víðsvegar um land-
ið frá því í fyrravor og nú hefur'
hluti þeirra verið settur upp á
Akranesi. Sýningin verður í sýn-
ingaraðstöðu á skrifstofu ferða-
málafulltrúa í hálfan mánuð.
HARALDUR Gíslason múrari
vinnur við að reisa nýtt bragga-
hverfi við Gróttu á Seltjarnar-
nesi en þar er verið að und-
irbúa töku kvikmyndar sem
byggð er á tveimur bókum Ein-
ars Kárasonar, Þar sem Djöfla-
eyjan rís og Gulleyjunni. Þriðja
bókin, Fyrirheitna Iandið, kem-
ur ekki við sögu. Að sögn Ingu
Sólnes, framkvæmdastjóra Is-
lensku kvikmyndasamsteyp-
unnar, verða tökur inni í tveim-
ur braganna þar á meðal í
Karólínubragga, þar sem fjöl-
skyldan býr. Aðrir braggar eru
reistir til að fylla upp í sviðs-
myndina við tökur utandyra.
Gert er ráð fyrir að tökur
hefjist um miðjan næsta mánuð
og standi fram yfir páska en
gert er ráð fyrir að svæðið
verði rýmt eftir 1. maí næst-
komandi.
FJÓRAR farþegaflugvélar, ein Bo-
eing 747 breiðþota og þijár Boeing
757-flugvélar, komu til Keflavíkur
frá Bandaríkjunum fyrir hádegi í
gær. Farþegarnir höfðu lengst tafist
vegna veðurs í Bandaríkjunum frá
því á sunnudag. Einar Sigurðsson,
blaðafulltrúi Flugleiða, segir að
1.025 farþegar hafí komið með vél-
unum. Hann segist vona að vandræð-
um vegna snjókomunnar í Bandaríkj-
unum verði lokið í dag.
Flugleiðir tóku á leigu Boeing 747
breiðþotu í Frakklandi til að leysa
úr vandræðum vegna stórhríðar á
austurströnd Bandaríkjanna. Breið-
þotan hélt áleiðis til New York á
þriðjudag. „Flugvélin fór í ioftið svo-
lítið á eftir áætlun með vel á fimmta
hundrað manns. Annars gekk flugið
vel og komið var til baka frá New
York í morgun [miðvikudag]. Þijár
757 vélar komu því til viðbótar til
baka frá Bandaríkjunum fyrir há-
degi,“ sagði Einar í gær.
Hann sagði að um 1.025 farþegar
hefðu komið frá Bandaríkjunum til
íslands fyrir hádegi. Sá fjöldi væri
um helmingi meiri en íjöldi farþega
þegar mest væri að meðaltali. Breið-
þotan flaug með á þriðja hundrað
farþeganna til Lúxemborgar. Með
aukaflugi til Óslóar og Stokkhólms
fóru 154 og 70 gistu á íslandi í nótt.
Sá hópur fer til Kaupmannahafnar
og Hamborgar í dag.
Einar staðfesti að ekki væri sér-
staklega góð veðurspá fyrir Banda-
ríkin. Spáð er djúpri lægð yfir Banda-
ríkjunum á laugardag og sunnudag.
„Við vonum að veðrið verði ekki
jafntslæmt aftur,“ sagði hann. Hann
sagði að flugfélagið hefði ekki undir-
búið sig sérstaklega vegna spárinn-
ar. „Hins vegar erum við auðvitað
alltaf við því búin að setja af stað
áætlun til að bregðast við svona. Sú
áætlun er mjög fljótvirk."
Eins og fram hefur komið í Morg-
unblaðinu höfðu Flugleiðir nýhafið
útsölu á farmiðum til íslands þegar
veðrið skall á vestanhafs. „Við töpum
auðvitað einhveijum viðskiptum á
því að upphafið á útsölunni fór úr
skorðum vegna veðursins. Aftur á
móti heldur hún áfram og við gerum
okkur vonir um að viðskiptin glæðist
enda höfum við fengið svolitla kynn-
ingu í fjölmiðlum í tengslum við frétt-
ir af veðrinu. Vonandi vegur hún
eitthvað upp á móti tapinu,“ sagði
hann.
Hann sagði að ein til tvær sjón-
varpsstöðvar og einhver blöð hefðu
fjallað um Flugleiðir í tengslum við
fréttir af veðrinu. Útsala Flugleiða
felst í Jjví að seldir eru tveir farmið-
ar til Islands á verði eins.
Andlát
ALAN BOUCHER
ALAN Boucher, pró-
fessor í ensku við Há-
skóla íslands, er Iátinn,
78 ára að aldri.
Alan fæddist 3. jan-
' úar árið 1918 í Frolea-
worth, Leicestershire í
Englandi, sonur Robins
Estcourt Boucher, em-
bættismanns í breska
flotamálaráðuneytinu,
og konu hans Katherine
Veronica Manton de
Rable.. Alan stundaði
nám við Winchester
College og síðar við
Trinity College í Cam-
bridge auk náms við
Háskóla Islands. Alan varð dósent
við enskudeild Háskóla íslands á
árunum 1967 til 1970
og lektor frá 1970 til
1972 er hann var skip-
aður prófessor.
Hann var formaður
Anglia á árunum 1974
til 1979 og heiðursfé-
lagi frá árinu 1978.
Hann var deildarforseti
heimspekideildar Há-
skóla íslands 1979 til
1981. Alan Boucher var
sæmdur orðu breska
heimsveldisins
(M.B.E.). Eftir hann
liggja fjölmörg rit og
þýðingar.
Eftirlifandi kona
hans er Áslaug Þórarinsdóttir.
Reyndi að fá afhent debetkort undir kennitölu annarrar manneskju í íslandsbanka
Framvísaði föls-
uðu nafnskírteini
TVÍTUG Reykjavíkurstúlka komst
að því fyrir skömmu að stúlka á
svipuðu reki hafði sótt um debet-
kort í hennar nafni, þegar henni
barst tilkynning frá íslandsbanka
um að kortið væri tilbúið til af-
hendingar. Við nánari eftir-
grennslan kom í ljós að hin stúlk-
an hafði á einhvern hátt komist
yfir nafn hennar og kennitölu og
villt á sér heimildir til að sækja
um debetkort með mýnd af sér.
Sigurveig Jónsdóttir, blaðafulltrúi
íslandsbanka, segir ljóst, að þarna
hafí verið gerð tilraun til að svíkja
út debetkort á fölskum forsendum,
en það hafi ekki tekizt. Kortið var
stofnað á nýjan reikning en var
aldrei afhent, þar sem hið sanna
hafði komið í ljós. Hins vegar
munu allar venjulegar tilkynning-
ar um nýstofnaðan reikning hafa
verið sendar út frá Reiknistofnun.
Sigurveig sagði, að sér þætti mjög
leitt, að stúlkan skyldi hafa orðið
fyrir óþægindum vegna þessa.
Stúlkan upplýsti starfsfólk
bankans við Laugaveg 105 um
fölsunina og hafði samband við
lögreglu sem óskaði þess að bank-
inn tilkynnti þegar reynt yrði að
sækja kortið. Sú sem sigldi undir
fölsku flaggi freistaði þess nokkru
síðar en var þá ekki afhent kortið
þar sem fé hafði ekki verið lagt
inn á reikninginn, en ekki var
haff samband við lögreglu við það
tækifæri.
Engar skýringar gefnar
Starfsmenn báru því við, þegar
stúlkan grennslaðist fyrir um
ástæður þessa, að þeir teldu svika-
hrappinn ekki hafa brotið af sér
fyrr en búið væri að leggja inn á
reikninginn og nota kortið. Stúlk-
an hefur síðan fengið tvær ítrek-
anir þess efnis að kortið sé komið
og segir að bankinn virðist í engu
sinna ábendingum hennar um
hvernig málið sé vaxið, að öðru
leyti en því að nú sé henni sagt
að kortið verði ekki afhent þeirri
manneskju sem um það sótti.
„Bankinn virðist láta sér í léttu
rúmi liggja að mér gjörsamlega
ókunnug manneskja hafi getað
sótt um kort á mínu nafni án þess
að framvísa persónuskilríkjum eða
sanna á annan hátt hver hún er,
og sennilega fengið það afhent,
hefði fé legið á reikningnum og
ég ekki haft fyrir því að tilkynna
um þessi svik. Banírinn hefur ekki
beðist afsökunar á þeim ama og
fyrirhöfn sem málið allt hefur
valdið mér og bítur höfuðið af
skömminni með því að senda mér
bréf tvívegis með áminningum um
að búið sé að stofna reikning og
að kortið sé tilbúið til afhending-
ar,“ segir hún.
Býður upp á
grófa misnotkun
Hún kveðst telja líklegt að þessi
ósvífna tilraun sé gerð í því skyni
að nota debetkort með mynd sem
persónuskilríki t.d. á vínveitinga-
stöðum. „Svikahrappurinn gæti til
dæmis notað debetkortið sem
bankakort og falsað ávísanir eða
svikið út úr bankanum yfirdráttar-
heimildina sem mér skilst að nemi
50 þúsund krónum og að hægt sé
að semja um margfalt hærri heim-
ild gegn tryggingavíxli, sem væri
þá væntanlega ekki mikið mál að
falsa. Flestir treysta því í blindni
að debetkort séu áreiðanleg og
hafín yfir misnotkun, þannig að
viðkomandi gæti eflaust notfært
sér það í enn verri tilgangi, væri
hún þannig innréttuð,“ segir fórn-
arlamb þessarar tilraunar.
Samkvæmt upplýsingum frá
íslandsbanka er almenn regla sú
að debetkorthafí þurfi að vera í
þijá mánuði í viðskiptum við bank-
ann áður en hann fær yfirdráttar-
heimild á debetkort, og er ætlast
til þess að einu sinni á þeim tíma
hafí innlögn numið jafnhárri upp-
hæð og yfirdráttarheimildin er.
Lagði fram skilríki
Sigurveig Jónsdóttir segir að
stúlka sú sem ætlaði að svíkja út
debetkortið hafi að sögn af-
greiðslumanns verið krafín um
skilríki þegar hún lagði inn um-
sókn sína, og þá framvísað nafn-
skírteini með mynd af sér en á
nafni hinnar stúlkunnar.
„Síðan sendir Reiknistofnun
bankanna út tilkynningu eftir
kennitölu á lögheimili umsækj-
anda um að kortið sé tilbúið og
þá birtist önnur stúlka, sem kann-
ast ekki við að hafa beðið um
kort. Hún hafði síðan sjálf sam-
band við lögreglu en lögreglan
hafði ekki samband við útibúið",
segir Sigurveig.