Morgunblaðið - 11.01.1996, Page 1
BLAÐ ALLRA LANDSMANNA
HANDKNATTLEIKUR
KA sigraði Val í „úrslitaleik" bikarkeppninnar
Morgunblaðið/Kristján
i
Venables
hættir með
landsliðið
eftir EM
TERRY Venables, landsliðsþjálfari Englands
í knattspyrnu, hefur ákveðið að hætta því
starfi eftir úrslitakeppni Evrópukeppninnar
sem fram fer í Eng-
landi í sumar. Hann
tók við starfinu af
Graham Taylor í jan-
úar 1994 og hefur
stjórnað liðinu í 14
leikjum og notað 40
leikmenn I þeim. Eng-
land hefur sigrað í sex
leikjum, gert sjö jafn-
tefli og tapað einum
leik.
David Davies, tals-
maður enska knatt-
spyrnusambandsins,
sagði í gær að menn
þar á bæ væru von-
sviknir vegna ákvörð-
unar Venables, en
hann ætti yfir höfði sér nokkrar málshöfðanir
síðari hluta ársins, vegna meintra svika I við-
skiptum, og hann hefði ákveðið að hætta, til
að það kæmi ekki niður á enska landsliðinu.
„Venables tók ákvörðunina 16. desember en
var beðinn um að hugleiða þetta betur yfir
hátíðirnar og nú hefur hann ákveðið að standa
við fyrri ákvörðun,“ sagði Davies, en hins
vegar er talið að nokkrir innan sambandsins
hafi ekki verið sannfærðir um að Venables
ætti að sjórna landsliðinu fram yfir HM 1998
og mun Venables hafa verið óánægður með
að hafa ekki fullan stuðning sambandsins.
Veðbankar í Englandi voru fyótir að taka
við sér varðandi spá um eftirmann Venables.
Kevin Keegan, knattspyrnustjóri lyá New-
castle, er þar efstur á blaði, Bryan Robson,
stjóri hjá Middlesbrough, er í öðru sæti og
Howard Wilkinson, stjóri hjá Leeds, í því
þriðja. Aðrir sem nefndir hafa verið eru með-
al annars Gerry Francis þjá Tottenham og
Glenn Hoddle hjá Chelsea.
Alan Ball, knattspyrnustjóri þjá Manchester
City, sagði í gær þegar Ijóst var að Venables
ætlaði að hætta: „Þetta er mjög slæmt fyrir
enska knattspyrnu því það þarf að vinna með
landsliðið eins og félagsUðin og það gerir eng-
um gott að vera stöðugt að skipta um þjálf-
ara,“ sagði Ball.
Kraftur í
ÍKA-
mönnum
JULIAN Duranona, Kúbumaður-
inn sterki hjá KA, brýst hér
framhjá Olafi Stefánssyni Vals-
manni í leiknum fyrir norðan í
gærkvöldi. Duranona gerði átta
mörk og lék vel, bæði í vörn og
sókn, eins og flestir samheija
hans. KA-menn slógu Valsara út
af laginu strax í byrjun, náðu
öryggri forystu og höfðu sex
mörk yfir í leikhléi. Valsmenn
söxuðu á forskotið strax í byijun
seinni hálfleiksins og voru um
tíma aðeins einu marki undir —
m.a. undir lokin — en KA-menn
fögnuðu sigri og standa nú með
pálmann í höndunum; eru lang
Iíklegastir til sigurs í keppninni.
..Guðmundur frábær"
Alfreð Gíslason, þjálfari og leikmaður KA, var
ánægður eftir að lið hans sigraði Val, 23:21,
í átta liða úrslitum bikarkeppninnar í handknatt-
leik á Akureyri í gærkvöldi — en
ReynirB. margir telja viðureign félaganna
Eiríksson hinn eiginlega úrslitaleik keppn-
skrifar frá innar.
Akuæyri „Ég er himinlifandi með sigur-
inn og að komast áfram í bikarkeppninni," sagði
Alfreð við Morgunblaðið. „Það var mjög mikil
barátta í liðinu í kvöld og vörnin var góð, sérstak-
lega í fyrri hálfleik. Þá átti Guðmundur frábæran
leik í markinu. Breiddin í liðinu var góð og skipt-
ir miklu máli í leik eins og þessum að hafa góða
breidd. Við lékum einnig vel í sókninni í fyrri
hálfleik og þá var góð hreyfing á liðinu en á
hinn bóginn þá gekk illa eftir hlé. Við vorum
með gott forskot í hálfleik en ég var orðinn veru-
lega stressaður þegar þeir höfðu minnkað mun-
inn í eitt mark í byijun seinni hálfleiks. Mér fannst
þá koma vendipunktur í leiknum, þegar við náð-
um að rífa okkur upp og komast í tveggja og
þriggja marka forskot á ný. Það er frábært að
vinna Val sem að mínu mati er með besta liði á
Islandi í dag en við erum á réttir leið, það sýnd-
um við í kvöld.“
„Lukkan með mér“
„Það er óhætt að segja að lukkan hafi verið
með mér þegar ég varði frá Valgarð í lokin,“
sagði Guðmundur Arnar Jónsson markvörður
KA, en hann varði skot frá Valgarð Thoroddsen
þegar staðan var 21:20, ein mínúta og þijátíu
sekúndur eftir og spennan í hámarki. Þessi mark-
varsla gerði svo sannarlega gæfumuninn í lok
leiksins. „Eg var búinn að veija nokkur skot frá
Valgarð og hann hafði einnig skorað hjá mér
úr horninu, en ég var ákveðinn í að ná þessu
skoti. Þessi leikur var mjög erfiður og ekki síst
þegar við vorum að komast inní leikinn aftur
eftir að hafa misst forskot okkar niður í eitt mark
í upphafi seinni hálfleiks. Ætli skyrtan sem ég er
í sé ekki bara orðin lukkuskyrtan mín eftir þenn-
an leik,“ sagði Guðmundur í lokin og brosti breitt.
„Mjög óhress"
„Ég er mjög óhress með leikinn í kvöld,“ sagði
Jón Kristjánsson þjálfari Valsara eftir leikinn.
„Við börðumst við KA-liðið, slaka dómara og
áhorfendurna. Mér finnst ekki hægt að bjóða
uppá að senda þriðja flokks dómara til að dæma
leik eins og þennan, þar sem má búast við mik-
illi spennu. Það sem þó hafði líklega mest að
segja um tapið var mjög slakur leikur okkar í
fyrri hálfleik þar sem hvorki gekk né rak í lang-
an tíma. Við fórum ágætlega af stað í seinni
hálfleik en misstum svo dampinn þegar við höfum
minnkað muninn í eitt mark. Síðustu mínúturnar
voru svo kapítuli útaf fyrir sig þar sem við misst-
um menn útaf fyrir litlar sem engar sakir og
það gerði útslagið. Áhorfendurnir hérna fyrir
norðan hafa einnig mikið að segja, þeir eru geysí-
lega öflugir og ég tel þá hafa haft mikil áhrif,
og þá sérstaklega á dómarana,“ sagði Jón.
■ Bikarinn bíður / D4
KNATTSPYRNA: ARSENAL SLÓ NEWCASTLE ÚR DEILDARBIKARKEPPNINNI / D8