Morgunblaðið - 13.01.1996, Qupperneq 19

Morgunblaðið - 13.01.1996, Qupperneq 19
MORGUNBLAÐIÐ LAUGARDAGUR 13. JANÚAR 1996 19 ERLENT Er 15-20% kastað í sióinn? Yfirvöld í Alaska hafa vaxandi áhyggjur af umgengninni um auðugustu fiskimið í heimi FISKIMIÐIN í Beringshafi og Al- askaflóa eru meðal mestu nægta- búra náttúrunnar. í venjulegu ári eru dregin þar úr sjó 2,4 milljónir tonna af laxi, ufsa, krabba, lúðu og öðrum flatfiski eða meira en helmingur alls fískafla Bandaríkj- anna. Þessi mið eru með öðrum orðum þau gjöfulustu í heimi. í skýrslu frá sjávarútvegsráðu- neytinu í Alaska kemur hins vegar fram, að á hveiju ári er kastað aftur í sjóinn meira en 330.000 tonnum af fiski, sem er ýmist of smár, ekki af réttri tegund eða er veiddur á röngum tíma. Ef allt er tekið með, er hugsanlegt, að 15% aflans sé fleygt árlega. 50 milljón máltíðir Talsmenn sjávarútvegsins segj- ast að vísu harma þetta en halda því fram, að það komi ekki að sök. Raunar er hugsanlegt, að fyrrnefnd 15% séu allt of lág tala vegna villna í skýrslum um auka- afia og vegna þess, að veiðieftir- litsmenn geta ekki fylgst með öllu, sem fram fer. Því getur jafnvel verið, að fimmtungur aflans fari aftur í sjóinn. Ef allur þessi afli væri nýttur en ekki látinn rotna í sjónum, nægði hann í fiskmáltíð fyrir alla íbúa Kaliforníu og New York, 50 milljónir manna. Verra er þó, að þessi sóun ásamt mikilli sókn gæti leitt til sömu hörmulegu nið- urstöðunnar og orðið hefur við norðanvert Atlantshaf. Þar hefur þorsk- og ýsuafli minnkað um 85% frá því um miðjan sjöunda áratug- inn, þúsundir manna hafa misst atvinnuna og sumar tegundir eru allt að því í útrýmingarhættu. Gagnrýnendur þessarar sóunar segja, að miklar sveiflur í ufsaafl- anum bendi til, að verulegir erfið- leikar séu framundan og þeir nefna einnig, að sæljóni og sel fari fækkandi, líklega vegna þess, að ætið sé ekki nóg. Ekki fari heldur hjá því, að milljónir dauðra fiska valdi einhverri mengun en í sjónum úti fýrir sumum fisk- vinnslustöðvum í landi er nú nokk- urra feta þykkt lag af úrgangi á botninum. Reglur, sem eru settar til að vemda fiskinn, stuðla stundum að sóuninni. Sem dæmi um það má nefna fisk, sem kemur í veiðarfær- in á „óleyfilegum" tíma, og vegna þess, að ekki má koma með hann í land, þá er honum kastað í sjó- inn. Raunar setti N-Kyrrahafs- fiskveiðiráðið reglur um, að hætta yrði veiðum ef aukaaafli færi yfir ákveðin mörk, en það virðist engu hafa breytt. Sífellt meira hefur verið kastað frá borði síðustu þrjú, ijögur árin. Stundarhagsmunir Þetta stafar ekki endilega af vanþekkingu eða ábyrgðarleysi sjómanna, þeir eru einfaldlega að gera það, sem kemur þeim best í svipinn. Þótt settar hafi verið hömlur á fjölda skipa, þá era þau allt of mörg. Sóknin er of mikil og það borgar sig ekki að koma með ódýra fiskinn að landi. Hann tekur upp pláss í lestinni og þarf oft meiri vinnslu í landi. Hagfræð- ingurinn Keith Criddell, sem skoð- að hefur þessi mál, segir, að hald- ið verði áfram að kasta fiski í sjó- inn þar til skipstjórar og útgerðar- menn telja sig örugga um að geta náð þeim afla, sem þeir þurfa. Aukaaflinn var aðalumræðu- efnið á fundi fiskveiðiráðsins í Anchorage í desember sl. Vora embættismenn að vona, að sjó- menn féllust á að koma með allan afla að landi en þeir gerðu ekki meira en að lofa að hugsa um það. Raunar er til tækni, sem auðveldar mönnum að forðast ákveðnar fisktegundir. Fiskurinn er mjög viðkvæmur fýrir hitastig- inu og sl. 20 ár hafa Japanir ver- ið með rannsóknir á því og straum- um til að komast að því hvar hin- ar ólíku tegundir halda sig helst. Tækni af þessum toga væri vafalaust til mikilla bóta en ástandinu, sem nú ríkir, verður best lýst með þessum orðum kunn- ugs manns: „Við erum enn inni í hinum myrku miðöldum. Köstum bara út netinu og skoðum síðan hvað í það kemur.“ Heimild: The Economist Atlanta hættuleg- asta borgin Washington. Reuter. ATLANTA er hættulegasta borg Bandaríkjanna, samkvæmt skýrsl- um alríkislögreglunnar (FBI) yfir ofbeldisglæpi á borð við morð, nauðganir, rán og líkamsárásir. Niðurstaðan byggist á skýrslum um glæpi á árinu 1994 í borgum með meira en 100.000 íbúa. New York-borg og Washington D.C. komast ekki á lista yfir 10 hættu- legustu borgir landsins. Þegar 195 bandarískum borgum er raðað eftir því hversu öruggir menn geta talist þar er New York í 132. sæti, Washington í 173. en Atlanta í 195. og neðsta sæti. Atlanta reynist hættulegasta borgin annað árið í röð. Næst henni komu nú Flint í Michigan, St. Lou- is í Missouri, Tampa í Flórída, Detroit í Michigan, Kansasborg í Missouri, Newark í New Jersey, Little Rock í Arkansas, Baltimore í Maryland og Birmingham í Alab- amaríki. Þegar litið er til stórborgar- svæða, borgar og úthverfa hennar, sem einnar heildar, mælist Miami á Flórída hættulegast slíkra svæða. Reuter Minnist Flóastríðsins SALEM al-Srour, undirhers- höfðingi í her Kúveit, minnist þess að siðar í mánuðinum eru liðin fimm ár liðin frá upphafi Persaflóastríðsins. Stendur al- Srour innan um ónýta skrið- dreka íraska hersins en undir- hershöfðinginn var í her lands ins þegar írakar réðust inn í Kúveit árið 1990. Andlát Frangois Mitterrands Lauk við endur- minningarnar Reuter. FRANCOIS Mitterrand, fyrrver- andi Frakklandsforseti, sem var lagður til hinstu hvílu í fæðing- arbæ sínum á fimmtudag, var í gær sagður hafa skrifað til síðasta dags og lokið við endurminningar sínar. Vinir hans og samstarfs- menn sögðu hann einnig hafa búið sig undir dauðann af ýtrustu ná- kvæmni. Mitterrand var efasemdamaður S trúmálum en velti þeim mjög fyr- ir sér og vangaveltur um dauðann voru honum hugleiknar. Hann var einnig mjög ritfær og skrifaði end- urminningar sínar til síðasta dags og lauk þeim, að sögn útgáfustjóra Odile Jacob-útgáfunnar. Hann vildi aldrei nota ritvélar eða tölvur en skrifaði með sjálf- blekungi. Hann ætlaði jafnvel að halda skrifunum áfram morguninn sem hann andaðist en lagðist til svefns þar sem honum leið ekki vel og vaknaði ekki aftur. „Hef sálarfrið11 „Nokkrum dögum fyrir andlátið sagði hann við mig: „núna hef ég sálarfrið“,“ sagði Roland Dumas, náinn vinur Mitterrands og fyrr- verandi utanríkisráðherra, í sjón- varpsviðtali. Franska dagblaðið Le Monde fullyrti að Mitterrand, sem var með krabbamein í blöðrahálskirtli, hefði spurt lækni sinn sl. laugar- dag hvað myndi gerast ef hann hætti að taka öll lyf nema vérkja- lyf. Læknirinn, Jean-Pierre Tarot, sagði að hann myndi deyja innan þriggja daga, að sögn Le Monde. Mitterrand lést á mánudags- morgun, 79 ára að aldri. Daginn áður afhenti hann gömlum sam- starfsmanni sínum, André Rousse- let, þriggja síðna handskrifað bréf þar sem hann lýsti þvl nákvæmlega hvernig útfórin ætti að fara fram. Flest dagblöð í Frakklandi birtu stórar myndir af ástkonu Mitterr- ands, Anne Pingeot, og dóttur þeirra Mazarine, sem stóðu við hlið eiginkonu hans og tveggja sona þeirra við látlausa útför í fæðingarbæ hans. „Fjölskyldu- mynd sem aðeins franska þjóðin myndi leyfa," sagði í fyrirsögn Liberation, sem bætti við að slík sýn væri „óhugsandi í Bandaríkj- unum og myndi valda hneyksli handan Ermarsundsins". SÆLUMJOLK Fmmkiðmdfoir: Mjj&lkwsamlög KEA> K$„ KÞ qg SAH. Atyðámmmlm og ImmkHéméw.. eSAUGLÝSINGASTOFA

x

Morgunblaðið

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.