Morgunblaðið - 13.01.1996, Síða 28

28 LAUGARDAGUR 13. JANÚAR 1996
FJÖLMIÐLUIM
MORGUNBLAÐIÐ

Blaðadauði í Hong Kong
ÞRJÚ af um 30 dagblöðum Hong Kong hafa lagt
upp laupana síðan 9. desember þegar mikið verð-
stríð hófst og búizt er við að fleiri blöð falli í valinn.
Að verðstríðinu standa litríkustu fjölmiðlajöfrar
brezku nýlendunnar, sem verður látin af hendi
við Kínverja á næsta ári — Ma Ching Kwan,
stjómarformaður útgáfufyrirtækisins Oriental
Press Group, og Jimmy Lai Chee Ying, útgef-
andi sem er einn á báti og auðgaðist af því að
selja fatnað.
Jimmy Lai gefur út blaðið Apple Daily, sem
hóf göngu sína í júní og hefur selzt vel vegna
harðrar fréttamennsku. I fyrstu var eintakið selt
á aðeins 25 senta kynningarverði og salan komst
í 310.000 eintök á dag, en keppinauturinn Orien-
tal Daiiy News selst í 400.000 eintökum á dag.
Verðstríð hefst
Þegar Apple Daily hækkaði verðið í 5 dollara
eintakið töldu flestir að salan mundi hrapa, en
flestum á óvart hélt útbreiðslan áfram að aukast
á kostnað Oriental Daily News. Ma Ching Kwan
greip þá til þess ráðs að lækka verðið í 2 dollara
og braut þar með samkomulag, sem blöðin í
Áhrif verðstríðs blaða
segja til sín í nýlendunni
Hong Kong höfðu gert með sér um sameiginlegt
verð. Blaðið Sing Pao (áætlað upplag: 230.000)
flýtti sér að svara í sömu mynt og skömmu síðar
var verð Apple Daily, Tin Tin Daily News og
Hong Kong Daily News lækkað um 4, 2 og 1
dollar.
Næsti kafli í verðstríðinu hófst þegar Oriental
Press Group lækkaði verð tímaritsins Eastweek
úr 18 dollurum í 8. Eastweek er aðalkeppinautur
Next, helzta tímaritsins sem Lai gefur út, en
sagt var að ekki væri nauðsynlegt að hækka það
í verði. Óvihallir aðilar telja þó framtíð Next í
óvissu og segja að Lai verði að breyta stefnu
sinni.
Apple Daily segir að aðeins lítið eitt hafi dreg-
ið úr sölu blaðsins, en sumir fjölmiðlafræðingar
telja að útbreiðslan hafi dregizt saman um að
minnsta kosti 20%. Oriental Daily News segir að
upplag þess blaðs hafi hins vegar aukizt úr
400.000 eintökum í 800.000 eintök á dag. „Það
er met,“ segir Ma, „en takmark okkar er ein
milljón eintaka.
Þótt það gerist verður sennilega tap á blaðinu,
ef fleiri fást ekki til að auglýsa í.því. Ef Oriental
Daily News verður gefið út í einni milljón eintaka
og ef eintakið verður selt á 2 dollara verður eng-
inn hagnaður af sölunni. Sérfræðingar telja að
blaðastríðið kosti útgáfuna tæplega 600.000 doll-
ara á mánuði. sumir líklegra að tapið nemi
700.000 dollurum á mánuði Þar sem Eastweek
er selt á 8 dollara telja.
Annað stríð framundan
Lesendur njóta góðs af og sömuleiðis Kínveij-
ar. Þeim mun fleiri blöð sem stöðvast, þeim mun
færri þarf Peking-stjórnin að eiga í höggi við
þegar hún tekur við stjórn Hong Kong á næsta
ári. Auk þess mun aukin samkeppni hafa í för
sér færri ögrandi fréttir um Kína. En þótt Orien-
tal Daily News og Apple Daily deili sín í milli
eiga blöðin það sameiginlegt að vera á móti
kommúnistum. Ef þau lifa af verðstríðið verða
þau ef til vill betur í stakk búin til að heyja ólík-
ar orrustur, sem framundan kunna að vera.
Nýr yfirmaður
BBC skipaður
London. Reuter.
VERKTAKINN Sir Christopher Bland hefur verið skipaður næsti
stjórnarformaður brezka ríkissjónvarpsins BBC á sama tíma og
mikil umbrot eiga sér stað í fjölmiðlaheiminum. Bland tekur við
af Marmaduke Hussey þegar hann hættir störfum 31. marz eft-
ir 10 ár í embætti. “Sir Christopher er rétti maðurinn í þetta starf
á þessum tíma í sögu BBC,“ sagði Virginia Bottomley menningar-
ráðherra, sem fer með sjónvarpsmál í ríkisstjórninni.
Erfiðar umbætur
Hún fór lofsamlegum orðum um
stjóm Husseys á tíma „erfiðra en
nauðsynlegra umbóta“, sem hún
sagði að hefðu gert BBC kleift að
sníða sér stakk eftir vexti.
Hún sagði
að Bland
„skildi þá ögr-
un, sem BBC
stæði frammi
fyrir í við-
skiptalegu og
tæknilegu til-
liti“.„Sérþ-
ekking hans
og reynsla eru
ómetanleg,“
sagði Bottom-
ley.
Bland, sem
þykir stuttur í
spuna en
slunginn
verktaki, er 57 ára gamall og
fæddur í Japan. Hann er stjómar-
formaður flutningafyrirtækisins
NFC plc, eins stærsta fyrirtækis
í eigu starfsmanna í Bretlandi, og
tæknifyrirtækisins Life Sciences
International plc.
Frjáls samkeppni
Hann tekur við stjórn BBC á
sama tíma og fyrirtækið reynir
að laga sig ad nýjum reglum, sem
gera ráð fyrir að það taki virkan
þátt í frjálsri samkeppni og þjóni
almannaheill um leið..
Jack Cunningham úr Verka-
mannaflokknum flýtti sér að
benda á að Bland væri fyrrverandi
ráðgjafi Ihaldsflokksins og hvatti
hann til þess að halda fram sjálf-
stæði sínu og fyrirtækisins á
hveiju sem gengi.
Bland hefur nokkra reynslu af
sjónvarpsmálum. Hann var stjórn-
arformaður London Weekend
Television 1983-1994 og varafor-
maður Independent Broadcasting
Authority 1972-1979.
í nýja starfinu mun meira bera
á Bland en flestum öðmm embætt-
ismönnum í Bretlandi. Hann er
skipaður til fimm ára og fær
63.670 pund í árslaun.
Odýrt
franskt
blað deyr
París. Reuter.
ÚTGÁFU ódýra, litprentaða
franska æsifréttablaðsins Info-
Matin hefur verið hætt og um
það er deilt hveijir bera ábyrgð
á dauða þess, tveimur árum
eftir að útgáfa þess hófst.
í grein á forsíðu skellir aðal-
hluthafínn, André Rousselet,
skuldinni á starfsmenn blaðsins,
sem hann sakar um „áhuga-
leysi". Rousselet er stofnandi
áskriftarsjónvarpsins Canal Plus
og var náinn vinur Francois
Mitterrands heitins forseta.
Rousselet ákvað að stöðva
útgáfuna þegar meirihluti 90
starfsmanna blaðsins hafði fellt
í atkvæðagreiðslu að orlofstími
þeirra yrði styttur úr 53 dögum
í 35 vegna vaxandi fjárhagserf-
iðleika.
Fulltrúar starfsmanna sögðu
í útvarpsviðtali að Rousselet
hefði getað bjargað blaðinu, en
ákveðið að láta það deyja, þar
sem starfsmennirnir hefðu ekki
getað sætt sig við einræðis-
kennda stjórnarhætti hans.
Rousselet kveðst hafa ákveðið
að hætta útgáfu InfoMatin þar
sem salan hafí hríðfallið og tap-
ið á útgáfunni hafí verið komið
í 60 milljónir franka 1995.
Blaðið hóf göngu sína í jan-
úar 1994 og kostaði þijá
franka, sem er helmingi lægra
verð en á helztu dagblöðum
Frakklands. InfoMatin var ætl-
að að höfða til borgarbúa, sem
kaupa yfirleitt ekki dagblöð.
Fyrsta mánuðinn seldist
blaðið í rúmlega 200.000 ein-
tökum, en upplagið minnkaði
fljótlega í 70.000 eintök. Blaðið
þurfti að selja 130.000 eintök
til að koma slétt út.
Undir forystu Rousselets tók
InfoMatin harða afstöðu gegn
íhaldsstjómum Edouards
Balladurs and Alains Juppé.
JIMMY Lai hefur valdið uppnámi á blaðamarkaði
í Hong Kong með útgáfu Apple Daily.
Andrew Heyward
fréttastjóri CBS
w York. Reuter.
CBS-sjónvarpið hefur skipað reynd-
an fréttamann, Andrew Heyward,
yfirmann fréttadeildar, og hann hef-
ur heitið endurbótum á CBS This
Morning og fleiri fréttaþáttum, sem
eiga í vök að vetjast.
Heyward tekur við af Eric Ober,
nokkrum vikum eftir að Westingho-
use Electric keypti sjónvarpsfyrir-
tækið fyrir 5.4 milljarða dollara.
Skipun hans kemur ekki á óvart.
Minna er horft á kvöldfréttir í
CBS en í hinum tveimur aðalsjón-
varpskerfunum í Bandaríkjunum.
Aðrir fréttaþættir, þar á meðal 60
Minutes, verða oft undir í sam-
keppni eða eiga í höggi við nýja
keppinauta.
Styttar um helming?
Um það hefur verið rætt að
tveggja tíma morgunfréttaþáttur
CBS verði styttur um helming, en
Heyward vill ekkert um það segja.
Hann sagði að breytingar yrðu
gerðar á vikulegum fréttaþætti CBS,
48 Hours, en þar er yfirleitt fjallað
um eitt efni í hveijum þætti. Kunn-
ugir telja líklegt að Iögð verði meiri
áherzla á glænýjar fréttir og fjallað
verði um fleiri en eitt mál.
Heyward hefur stjórnað flutningi
kvöldfrétta CBS og segir að þar
hafi þegar verið gerðar breytingar
á starfsliði og framsetningu, þótt
nokkrar fleiri séu nauðsynlegar.
Þrátt fyrir mikinn niðurskurð í tíð
fyrirrennara Heywards, Erics Obers,
telur hann að fréttaþjónusta CBS
sé vel í stakk búin til að framleiða
nýja og vinsæla þætti.
Westinghouse, sem keypti CBS í
nóvember, á margar litlar stöðvar
og er reiðubúið að standa straum
af auknum umsvifum að sögn Heyw-
ards.
Fréttir allan sólarhringinn?
Stjórnarformaður Westinghouse,
Michael Jordan hefur sagt að frétta-
þjónusta allan sólarhringinn sé einn
þeirra kosta, sem séu til athugunar.
CBS er eina stóra sjónvarpsstöðin
sem á ekki kaplakerfi svo að heitið
geti.
Heyward hefur stjórnað flutningi
kvöldfrétta CBS síðan síðla árs 1994
og starfaði áður við 48 Hours og
fleiri fréttaþætti. Hann hóf störf hjá
CBS 1976 og vann við fréttir og
gerð fréttaþátta við CBS-stöðina í
New York.
Minni sala
blaða
vestra
New York. Reuter.
FJÖLDI seldra eintaka 10
stærstu stórborgablaða Banda-
ríkjanna hélt áfram að minnka
á sex mánuðum til september-
loka síðasta árs samkvæmt
upplýsingum endurskoðunar-
skrifstofu, sem kannar út-
breiðslu bandarískra blaða
sjötta hvern mánuð.
Færri eintök seldust frá
mánudegi til föstudags af
mörgum stærstu blöðum
Bandaríkjanna, þar á meðal
The New York Times, The
Wall Street Journal og The
Washington Post, samanborið
við sama tíma 1994.
Seldum eintökum The Wall
Street Journal, sem Dow Jones
& Co. gefur út, fækkaði um
1% í um 1.8 milljónir.
Daglegur eintakaíjöldi The
New York Times minnkaði um
2,9% í 1.081.541 úr 1.224.168.
Seldum eintökum sunnudags-
útgáfu N. Y. Times fækkaði um
3,1% í 1.667.780 úr 1.720.614
Verð blaðsins hefur hækkað á
síðari árum.
Seldum eintökum The Wash-
ington Post fækkaði um 17.000
í 794.000.
Sala U.S.A.Today, sem er í
eigu Gannett Co., jókst óvenju-
mikið, um 3,9%. Frá mánudegi
til fimmtudags seljast
1.523.610 eintök af blaðinu.
Sala The Chicago Tribune
og The Dallas Morning jókst
lítið eitt virka daga.
News Corp.
selur hluta
Harper
Collins
New York. Reutcr.
NEWS Corp., fjölmiðlafyrir-
tæki Rupert Murdochs, ákvað
undir lok síðasta árs að selja
námsbókadeild HarperCollins
og hætta útgáfu kennslubóka.
Deildin, Scott Foresman, er
ekki talin gegna miklu hlut-
verki á kennslubókasviðinu og
sérfræðingar telja ákvörðunina
skynsamlega frá sjónarmiði
News Corp.
Meðal hugsanlegra kaupenda
eru helztu keppinautar á þessu
sviði, svo sem Simon & Schust-
er, sem er í eigu Viacom, Harco-
urt General og McGraw-Hill.
Starfsmenn Scott Foresman
eru 1.100 og sala fyrirtækisins
nam 317 milljónum dollara á
síðasta reikningsári. Það hefur
staðið bezt að vígi í útgáfu
kennslubóka fyrir nemendur á
grunnskólastigi.
Tekjur HarperCollins námu
1.1 milljarði dollara á síðasta
reikningsári.
John Sturm
leiðtogi NAA
Washington. Reuter.
SAMTÖK blaðaiðnaðarins í
Bandaríkjunum, NAA (News-
paper Association of America)
hafa skipað John F. Sturm
næsta framkvæmdastjóra sinn.
Sturm hefur verið lögmaður
NAA síðan 1992 og tekur við
af Cathleen P. Black. NAA
hefur bækistöð í Reston, Virgi-
níu, og gæta samtökin hags-
muna 1500 blaða í Norður-
Ameríku.
Áður en Sturm varð lögmað-
ur NAA starfaði hann hjá CBS
í Washington í átta ár og þar
áður var hann lögfræðingur
NBC, einnig í Washington.
Hann hefur líka starfað hjá
alríkisfjarskiptaráðinu FCC.