Morgunblaðið - 16.01.1996, Blaðsíða 2
2 ÞRIÐJUDAGUR 16. JANÚAR 1996
MORGUNBLAÐIÐ
-
FRETTIR
Strætisvagni var ekið inn í íbúðarhús við Sundstræti á ísafirði í gær
MÆÐGURNAR Kristjana Magnúsdóttir og Friðgerður Hallgrímsdóttir í sófanum sem þær sátu í upp við gluggavegginn þegar
strætisvagninn ók á húsið. Sófinn brotnaði og hentist út á mitt gólf.
„Attum allra síst von á að fá
strætisvagn inn í stofuna“
RETT eftir kl. 12 í gærdag var
öðrum tveggja strætisvagna Isa-
§arðar ekið inn í stofu tvílyfts
timburhúss sem stendur við Sund-
stræti 15 á ísafírði. íbúar húss-
ins, hjón og dóttir þeirra, voru í
stofunni er áreksturinn varð og
sluppu þau án meiðsla, en hús-
móðirin kvartaði þó yfír verkjum
I baki. Auk bílstjóra strætisvagns-
ins voru tveir farþegar í honum
og sluppu þeir einnig án meiðsla.
Strætisvagninn var á leið niður
Sundstræti er stór vörubifreið
kom á móti honum þar sem gatan
er sem þrengst. Til að koma í veg
fyrir árekstur við vörubílinn tók
ökumaður strætisvagnsins það
ráð að beygja að húsinu með þeim
afleiðingum að framhluti vagnsins
endaði inn í stofu hússins. Talið
er að strætisvagninn hafí verið á
um 31) km hraða þegar ökumaður-
inn reyndi að bremsa en vegna
þyngdar bílsins varð höggið nokk-
uð þungt. Hálka var þegar árekst-
urinn átti sér stað. Strætisvagn-
inn var vel útbúinn til vetrarakst-
urs.
Sófinn með mæðgxmum
út á mitt gólf
„Þetta gerðist rétt um kl.
12.00. Þá sátum við mamma í
sófa undir gluggaveggnum og
vorum að skoða myndir. Allt í
Morgunblaðið/Halldór Sveinbjörnsson
FRAMENDI strætisvagnsins inni í húsinu um hádegisbilið í gær.
einu kom mikið högg og sófínn
færðist út á mitt gólf. Við gerðum
okkur í fyrstu ekki grein fyrir
hvað var að gerast en áttum allra
síst von á að fá strætisvagn inn
í stofuna til okkar. Við stóðum
síðan upp og horfðum þá framan
í bílstjórann sem var kominn að
hluta til inn í stofuna til okkar.
Það fór allt í rúst í stofunni,
sófínn brotnaði, glerbrot þeyttust
um allt auk þess sem húsið
skekktist mikið að sögn kunnáttu-
manna,“ sagði Kristjana Magnús-
dóttir, dóttir þeirra Friðgerðar
Hallgrímsdóttur og Magnúsar
Arnórssonar, en hún og Friðgerð-
ur sátu í sófanum þegar strætis-
vagninn kom aftan að þeim.
Húsið færðist
á grunninum
Magnús Amórsson, eigandi
hússins, sagðist hafa setið í stól í
stofunni þegar strætisvagninn ók á
húsið. „Eg get svarið það að ég
skil ekki hvernig stóð á því að hann
ók á húsið. Húsið er mikið skemmt,
það hefur færst til a.m.k. 30
sentimetra af grunninum og að
mínu áliti er það ónýtt. Fulltrúar
tryggingafélags strætisvagnsins
komu og skoðuðu tjónið en þeir
hafa ekkert gefíð upp um það ennþá
en að okkar mati er húsið ónýtt.
Ég var heima í morgun og sat í
stól í stofunni og varð að vonum
hverft við. Ég er viss um að ef
vagninn hefði verið á meiri ferð
hefði ekki þurft að spyija að
leikslokum með þær mæðgur. Þetta
var eins og mikil sprenging og ég
er enn í taugasjokki,“ sagði Magnús
i samtali við blaðið laust eftir hádegi
í gær.
Stjórn íslenska járnblendifélag’sins ræðst í endurbætur á tækjabúnaði
500 milljónir
til endurbóta
STJÓRN íslenska járnblendifélags-
ins hf. hefur ákveðið að veita hálf-
um milljarði til endurbóta á tækja-
búnaði í Járnblendiverksmiðjunni á
Grundartanga. Mestur hluti upp-
hæðarinnar rennur til mengunar-
vama.
Jón Sigurðsson, forstjóri, segir
um eðlilegar endurbætur á 16 ára
gömlum tækjum að ræða. Bilanir í
eldri búnaði hafa valdið óvenjumik-
illi mengun frá verksmiðjunni að
undanfömu. Framkvæmdir vegna
endurbótanna fara fram í ár og á
næsta ári.
Jón sagði að 300 milljóna króna
fjárveiting vegna framkvæmda á
árinu 1996 hefði verið heimiluð á
stjómarfundi 1. desember sl. Nú
væri beðið eftir tillögum norskrar
verkfræðistofu um hvernig best
væri að standa að framkvæmdun-
um.
Hann sagði að endurbæturnar
sneru að því að minnka mengun
innan og utan verksmiðjunnar.
Kvartað yfir mengun
Hann sagði að bilanir í reyk-
hreinsivirkjunum hefðu komið í
hrinum undanfarnar vikur og mán-
uði. Ekki hefði verið hægt að keyra
verksmiðjuna með fullum afköstum
meðan á viðgerð hefði staðið nema
hleypa út svolitlu af reyk. „Eins og
kannski von er til hafa ýmsir kvart-
að yfir menguninni en okkur þykir
ástandið verra en nokkrum öðrum,“
sagði Jón. Hann sagði að mengun
hefði verið innan mengunarmarka
starfsleyfis í fyrra. Ekki hefði farið
fram uppgjör á mengunarmæling-
um frá áramótum.
Jón sagði að hafist yrði handa
um leið og framkvæmdaáætlun yrði
tilbúin. Hann sagðist eiga von á að
málmiðnaðarfyrirtæki tæki verkið
að sér í verktöku.
Eldur í fjöl-
býlishúsi
ELDUR kom upp í íbúð á áttundu
hæð í fjölbýlishúsi í Grafarvogi í gær
og rýma þurfti þijár hæðir hússins
vegna reyks. Engan sakaði í eldinum
sem kom upp í eldhúsi íbúðar.
Átta slökkvibílar voru kvaddir út.
Eldurinn kviknaði út frá potti á elda-
vél, en húsmóðirin hafði brugðið sér
frá án þess að slökkva undir.
Töluverður eldur logaði þegar
slökkvilið kom á staðinn en greiðlega
gekk að slökkva hann. Notuð var
vatnsslanga á gangi fjölbýlishússins.
Miklar skemmdir urðu á íbúðinni,
aðallega vegna reyks og sóts. Reyk
lagði um ganga en ekki inn í aðrar
íbúðir. Til öryggis voru íbúar á sjö-
undu, áttundu og níundu hæð, fluttir
úr húsinu.
------» ♦■■■4---
Dansmær frá
Tahiti
brenndist
TVÍTUG stúlka frá Tahiti brenndist
illa á baki og hálsi þegar eldur læsti
sig í hár hennar og strápils, sem hún
klæddist, á Hótel íslandi á laugar-
dagskvöld. Stúlkan var ásamt nokkr-
um löndum sínum að kynna nýjan
áfengan drykk með dansi og
skemmtiatriðum og voru meðlimir
hópsins að afhenda gestum blóma-
kransa þegar eldurinn kviknaði.
Nærstaddir gestir slökktu eldinn
og var stúlkan flutt á Landspítalann,
þar sem Ólafur Einarsson lýtalæknir
gerði á henni aðgerð sem fólst m.a.
í flutningi á húð yfír á þau svæði
sem voru verst farin, eða á stærð
við þijá lófa. Ólafur kveðst vona að
annað grói, en brunasárin ná að
megni til yfír bak og teygja sig yfír
á hægri síðu og handlegg.
Dansmærin liggur nú á Landspít-
ala og segir Ólafur ekki fullljóst hve-
nær henni verður leyft að halda heim
á leið. Félagar hennar í dansflokkn-
um héldu af landi brott í gær.
------» ♦ »-----
Stjórn Sjúkrahúss
Reykjavíkur
Ákvörðun í
næstu viku
EKKI voru teknar neinar ákvarðanir
á fundi stjómar Sjúkrahúss Reykja-
víkur í gær um samdrátt í rekstri
sjúkrahússins til að sníða hann að
framlögum á fjárlögum.
í yfirlýsingu frá stjórn og fram-
kvæmdastjórn Sjúkrahúss Reykja-
víkur segir að stjórnin stefni að því
að afgreiða hugmyndir um leiðir til
útgjaldalækkunar í næstu viku og
verði heilbrigðis- og tryggingaráð-
herra kynntar þær að því loknu sem
og trúnaðarmönnum stéttarfélaga.
Jóhannes Gunnarsson, lækninga-
forstjóri Sjúkrahúss Reykjavíkur,
segir að á fundinum í gær hafi fram-
kvæmdastjórn verið falið að vinna
áfram að málinu á þann veg sem
gert hafí verið.
MEÐ blaðinu í dag fylgir fjög-
urra síðna auglýsingablað frá
Nóatúni, „Hundrað á hundrað".