Morgunblaðið - 25.01.1996, Blaðsíða 49
MORGUNBLAÐIÐ
FIMMTUDAGUR 25. JANÚAR 1996 49
BRÉF TIL BLAÐSINS
Til allra foreldra
hvar sem er á landinu
Frá Dagmar Völu Hjörleifsdóttur:
í TILEFNI af þeim hryllilega atburði
sem gerðist hér á Akranesi um síð-
astliðna helgi vil ég undirrituð móðir
á Akranesi beina eftirfarandi til allra
foreldra:
Við sem eigum börn (unglinga)
undir 16 ára aldri virðum landslög
um útivistartíma. Þrátt fyrir að ein-
hveijum þyki lögin af ströng er ekki
rétt aðferð að brjóta þau. Rétt er
þá að endurskoða lögin og breyta
þeim en á meðan ber öllum að virða
gildandi lög og reglur.
Látum ekki blekkjast af gömlu
lummunni um að allir fái að vera úti
til kl. þrjú, fimm eða eitthvað annað.
Hringjum frekar í hina foreldrana
og ráðfærum okkur við þá, við erum
öll að kljást við sömu vandamálin.
Séu unglingamir orðnir 16 ára er
betra að þau séu inni í húsum, jafn-
vel í bílum, en að þau velkist um úti
á götu fsköld um miðjar nætur.
Látum þau tilkynna okkur hvar
þau verða og bjóðumst til að sækja
þau á áður ákveðnum tíma frekar
en að við bíðum milli vonar og ótta
hálfa nóttina heima.
Það læra börnin sem fyrir þeim
er haft og við spyijum okkur hvar
geta óharðnaðir unglingar lært ann-
að eins og þær hryllilegu aðfarir sem
þau hafa í frammi við jafnaldra sína
og skóiafélaga? Höfum við kennt
þeim þetta? Hvar geta þau lært svona
lagað annars staðar?
Nýlega hefur birst í blöðunum
áskorun frá umboðsmanni barna tii
kvikmyndahúsa og annarra sem sýna
ofbeldi án þess að foreldrar hafí
tækifæri til að veija börn sín gegn
því. Það skiptir ekki máli þótt atriðin
sem sýnd eru séu útdráttur úr öðrum
kvikmyndum, auglýsingar eða kynn-
ingaratriði. Ofbeldi í hvaða mynd
sem er, er ekki fyrir barnsaugu að
sjá. Það hryggir mig ósegjanlega
hvernig ábyrgðarmenn þeirra fyrir-
tækja sem sýna þannig ofbeldi virð-
ast ætla að taka á þessari áskorun
umboðsmanns barna.
Hvernig eigum við foreldrar að
veija bömin okkar ef við erum ekki
einu sinni vöruð við því sem sýna
á? Ef við förum með barnið á barna-
kvikmynd í bíóhúsum landsins eða
erum að bíða eftir fréttunum í sjón-
varpinu þá er mjög erfítt að hindra
að börnin berji þessi atriði augum.
Að vísu er einn möguleiki til með
sjónvarpið og það er að slökkva á
öllum auglýsingatímum og hvet ég
foreldra hér með til að gera það.
Ennfremur verðum við að fylgjast
með því hvort börnin okkar eru að
leigja myndbönd sem innihalda of-
beldi. Allar myndbandaumbúðir eru
rækilega merktar með grænum, gul-
um eða rauðum miða svo að það
ætti ekki að vera erfítt að fylgjast
með fyrir hvaða aldur þau eru ætl-
uð. Vandamálið er að þau leigi án
okkar vitundar og þá oft ofbeldis-
myndir. Vissulega bera eigendur
myndbandaleiganna einhverja
ábyrgð. Þeir eiga að ganga'úr skugga
um aldur barnanna þegar um þannig
myndir er að ræða. Geti krakkarnir
ekki sannað aldur sinn eiga þau ekki
að fá myndbandið. Það er þó ekki
erfitt að fara framhjá þessu með
hjálp eldri félaga og þá erum við
komin aftur að foreldrunum.
Ekki má gleyma tölvuleikjunum.
Vitum við hvað börnin eru að gera
þegar þau „eru í tölvu“? Ég varð
klumsa þegar ég sá hvernig leikir
þetta eru.
Ég hvet alla foreldra til að kveikja
á tölvunni og fara í gegnum leiki
barna sinna. Úrvalið af tölvuleikjum
er það mikið að hægt er að skipta
út ofbeldisleikjunum móti öðrum
skaðlausari.
Það erum við sem verðum að fylgj-
ast með hvað börnin okkar hafa fyr-
ir stafni.
Það er misskilin góðmennska af
okkar hálfu að skipta okkur ekki af
þeim. Ef börnin hafa ekki takmark-
anir í tilveru sinni, ákveðinn ramma
eða veggi, verða þau óörugg og leita
lengra þangað til þau finna veggina.
Hvernig líður manni í herbergi án
veggja? Þegar þannig börn síðan
rekast á veggi í tilveru sinni er hætta
á að áreksturinn geti orðið harður.
Umhyggju okkar hljóta þau að
finna best með því að við fylgjumst
með því sem þau eru að gera hveiju
sinni, þ.e. að við skiptum okkur af.
Að lokum: Þetta eru börnin okkar
og við foreldrar berum ein ábyrgð á
þeim.
DAGMAR VALA
HJÖRLEIFSDÓTTIR,
unglingamóðir á Akranesi.
Getur Island staðið við
Ríó - samþykkt um
koltvísýringsmengun?
Frá Gísla S. Einarssyni:
í TILEFNI af skrifum hæstv. um-
hverfísráðherra um gróðurhúsaáhrif
og aukningu koltvísýrings í Morgun-
blaðinu laugardaginn 20. jan. sl.
fínnst mér ástæða til að setja nokkur
orð_ á blað um málið.
A ráðstefnunni í Ríó var undirrituð
fyrir íslands hönd skuldbinding um
að aukning koltvísýrings yrði ekki á
Islandi frá því sem var árið 1990.
Ekki hefur verið staðið við þennan
samning eða fyrirheit. Stofnuð var
C02 nefnd hér á landi sem á að fylgj-
ast með aukningunni á þessari loft-
tegund og gera tillögur til úrbóta.
Allar líkur eru á því að aukning kolt-
vísýrings sé um 10% frá því að um-
rædd undirritun átti sér stað.
Hvað hafa íslensk stjómvöld gert
til að koma í veg fyrir þessa þróun?
Því miður ekkert, nema að skipa
umrædda nefnd, og nú á síðustu
dögum hóp 7 aðstoðarmanna úr jafn-
mörgum ráðuneytum sem eiga að
gera tillögur um málið.
Undirritaður flutti þingsályktun-
artillögu um að ákveðið yrði að setja
búnað í hluta bifreiða ríkisins, sem
gæti minnkað C02 mengun um
4-10% og minnkað eldsneytisnotkun
ámóta mikið. Umræddur búnaður
nefnist Powerplus í tilviki smærri
bifreiða. Þessari tillögu var vísað til
ríkisstjórnar þar sem umhverfisnefnd
þótti ekki liggja fyrir nægjanlegar
rannsóknir á þessum búnaði til þess
að geta tekið á málinu með afger-
andi afgreiðslu.
Með harðfylgi hefur tekist að fá
viðurkenningu íslenskra yfirvalda á
áliti Bandarísku orkumálastofnun-
arinnar sem viðurkennir búnaðinn
Powerplus og Brennsluhvatann sem
mengunarvörn. Bæði þessi tæki eru
framleidd og samsett hér á íslandi
hjá D.B. þjónustunni á Akranesi, svo
að um er að ræða íslenskan búnað.
Gróðurhúsaáhrif eru mjög mikil
vegna áhrifa frá útblæstri bifreiða
og skipa á íslandi sem annars staðar
í okkar vélvæddu veröld. Við getum
minnkað eldsneytiseyðslu og mengun
með notkun umræddra tækja, þó að
ekkert væri gert nema að viðurkenna
með formlegum hætti gagnsemi
þeirra og að íslenska ríkið hafí for-
göjigu um notkun slíks búnaðar í
bifreiðum og skipum i ríkiseign.
Með þessari stuttu athugasemd
er ég að koma þeim skilaboðum á
framfæri að íslenska ríkisstjórnin
stökkvi ekki yfir lækinn í leit að
búnaði sem liggur hennar megin á
bakkanum. Þeirri spurningu sem sett
er fram í greinarheiti er ekki svarað,
en bent er á færa leið sem getur
haft veruleg áhrif á möguleika til
að standa við gefín fyrirheit af hálfu
íslendinga.
GÍSLIS. EINARSSON,
þingmaður Alþýðuflokksins.
Á HÓTELSÖGU LAUGARDAGINN 10. FEBRÚAR KL. 19.00
VEISLUSTJÓRI; ÁRNI JOHNSEN.
Fram kemur m.a. hin óviðjafnanlega
SlGRÚN HJÁLMTÝSDÓTTIR (DlDDÚ).
Stórsveitin saga klass leikur fyrir dansi.
MATSEÐILL:
pressuð hreindýra- og lundalifur með rúsínum og púrtvínshlaupi.
:*■■» ' ö.W.yS§§líS§i
Tært trjónukrabbaseyði með laxaflaueli og ostaprjónum.
PÖNNUSTEIKT FJALLAPERLA FRAMREIDD MEÐ RÓFUVÖFFLUM,
KRYDDSOÐINNI LAMBASULTU OG HUNANGS-SINNEPSKORNASÓSU
AMARETTO- og EXPRESSOÍS MEÐ KÖKUSTUÐLUM og SÚKKULAÐIFLUGU
v' \ • ’
Kaffi, konfekt
0" W •■"■
k ■« flik. * 4 BORÐVÍN
MIÐAVERÐ KR. 7.500. MlÐASALA OG BORÐAPANTANIR Á SKRIFSTOFU FÉLAGSINS, AUSTURVERI, SÍMI 568 6050.
FORSALA OG BORÐAPANTANIR LAUGARDAGINN 27. JANÚAR KL. 13 TIL 16.
MIÐALDRA?
ENGAN
VEGINN
Álag. Stress. Ofþreyta.
Meira og minna hluti af daglegu lífi.
Þess vegna Gericomplex.
Sérstaklega samansett til að halda þér í
líkamlegu og andlegu toppformi fram eftir
öllum aldri. Gericomplex inniheldur
yfir 20 vítamín og steinefni
og hið frábæra Ginseng
þykkni Ginseng G115.
Áhrifin?
Aukin líkamleg og
andleg vellíðan.
Bætt úthald.
GLÆDDU
Þú glæðir lif þitt lífi.
Éh
eilsuhúsið
Skólavörðustíg & Kringlunni
Árangurinn?
Þú lítur vel út.
Þér líður vel.