Morgunblaðið - 01.02.1996, Blaðsíða 1

88 SÍÐUR B/C/D
26. TBL. 84. ÁRG.
FIMMTUDAGUR 1. FEBRÚAR 1996 PRENTSMIÐJA MORGUNBLAÐSINS
Atvinnumálaáætlun þýsku stjórnarinnar
Verkalýðsfé-
lög mótmæla
Bonn. Reuter.
STJ ÓRNARANDST AÐAN í
Þýskalandi og verkalýðsfélögin í
landinu gagnrýndu í gær harðlega
áætlun stjórnvalda, sem kynnt var
í fyrradag, um aukna atvinnu og
hagvöxt. Sögðu þau, að með henni
væri verið að refsa launafólki og
grafa undan velferðarkerfinu.
Talsmenn þýsku bílaverksmiðj-
anna sögðu hins vegar, að tækist
ekki að draga úr kostnaði við fram-
leiðsluna myndi starfsmönnum
fækka um 100.000 fyrir aldamót.
Þýska stjórnin birti áætlunina,
sem er í 50 liðum, í fyrradag en
áður hafði hún, verkalýðsfélögin
og vinnuveitendur heitið að leita
leiða til að draga úr kostnaði við
velferðarríkið og minnka launa-
kostnað og tengd gjöld til að bæta
samkeppnisstöðuna og draga úr
atvinnuleysi. Viðbrögð stjórnar-
andstöðunnar og verkalýðsfélag-
anna lofa hins vegar ekki góðu um
framhaldið.
Jafnaðarmenn á móti
Rudolf Scharping, þingflokks-
formaður jafnaðarmanna, sagði,
að með áætluninni væri verið að
eyðileggja velferðarkerfið og tals-
menn helstu verkalýðssamband-
anna sögðu, að stefnt væri að því
að efla fyrirtækin á kostnað launa-
manna.
Hagfræðingar benda á, að snú-
ist jafnaðarmenn gegn áætluninni,
verði erfitt að framfylgja henni og
því skipti mestu nú væntanlegir
kjarasamningar. Þar eru þó blikur
á lofti því að félög starfsmanna í
byggingar- og efnaiðnaði ætla að
krefjast allt að 6% launahækkunar
þótt verðbólga sé nú undir 2%.
Störfin úr landi
Erika Emmerich, forseti sam-
taka þýskra bílaframleiðenda,
sagði í gær, að tækist ekki fljót-
lega að skera niður gífurlegan
launakostnað í Þýskalandi, myndu
bílaframleiðendur og framleiðend-
ur fyrir bílaiðnaðinn flytja fram-
leiðsluna úr landi að hluta. Mætti
búast við, að við það myndu tap-
ast 100.000 störf.
Krefjast
afsagiiar
Simitis
Ankara, Aþenu. Reuter.
GRÍSKA stjórnarandstaðan krafð-
ist þess í gær að stjórn Costas Sim-
itis forsætisráðherra segði af sér
þar sem þjóðin hefði verið auðmýkt
með málamiðlun í deilu Grikkja og
Tyrkja um umdeilt eyðisker.
Málamiðlun í deilunni, sem
hleypti mikilli spennu í sambúð ríkj-
anna, tókst fyrir milligöngu Banda-
ríkjamanna. Féllust Grikkir á að
draga niður fána á skerinu. Að því
búnu var mikill liðsafli og fjöldi
grískra og tyrkneskra skipa kvadd-
ur á brott.
Tansu Ciller forsætisráðherra
Tyrklands lýsti sigri í deilunni þar
sem Grikkir hefðu verið knúnir til
að fjarlægja fánann af skerinu.
Þykir hún hafa styrkt stöðu sína
heima fyrir með lausn deilunnar
og kann það að flýta fyrir myndun
meirihlutastjórnar.
Necmettin Erbakan, leiðtogi
flokks múslima, stærsta stjórnmála-
flokks Tyrklands, var þó engan veg-
inn ánægður með niðurstöðuna og
sakaði Ciller um undanlátssemi.
■ Grikkir fellafána/18.
------»' ♦ ♦------
Reuter
Reuter
Ringulreið
í Colombo
GÍFURLEG ringulreið varð í
Colombo, höfuðborg Sri Lanka,
i gær eftir að öflug sprengja
hafði sprungið í miðborginni.
Talið er að tamílskir aðskilnaðar-
sinnar hafi verið að verki en 100
manns a.m.k. biðu bana og um
1.500 slösuðust. Eldur kviknaði
í fjölda bygginga og stigu kol-
svartir reykjarbólstrar upj) af
borginni fram eftir degi. A
myndinni ber lögregluþjónn
særðan mann af slysstað.
■ Mikið manntjón/20.
Noregur
Nautakjöt frá
Botswana
Jóhannesarborg. Reuter.
NORÐMENN hafa heimilað inn-
flutning á nautakjöti frá Afríku-
ríkjunum Botswana og Namibíu
og verða engin sérstök takmörk á
því hve mikill hann má verða.
Ákvörðun um þennan innflutn-
ing var tekin snemma í síðasta
mánuði og Asbjern Mathisen þró-
unarmálaráðherra sagði, að hann
væri ekki bundinn neinum kvóta.
Hins vegar yrði vel fylgst með því
hvernig innflutningurinn þróaðist
því að hann yrði í beinni sam-
keppni við innlenda framleiðendur.
Hætta á
hungursneyð
í Kabúl
ÁSTANDIÐ í Kabúl, höfuðborg
Afganistans, versnar dag frá
degi en liðsmenn tveggja fjand-
mannafylkinga ríkisstjómarinn-
ar sitja um borgina og koma í
veg fyrir matvælaflutninga til
hennar. Ottast starfsmenn Sam-
einuðu þjóðanna mikla hungurs-
neyð verði engin breyting á en
Alþjóða Rauði krossinn ætlar að
reyna að koma vistumtil borgar-
innar með flugvélum. í gær kom-
ust þó nokkrir flutningabílar til
borgarinnar og fengu til þess
leyfi Taleban-hreyfingarinnar,
sem berst gegn stjórninni. Þessir
stjórnarhermenn vörðust umsát-
ursliðinu fyrir framan rústir
konungshallarinnar í Kabúl.
Leynileg æfing í Noregi
vegna ímyndaðs fiskistríðs
Ósló. Morgunblaðið.
Nágrannalandið „Opforia“ krefst fisk-
veiðiréttinda og yfirráða yfir Jan Mayen
SÍÐUSTU daga hafa farið fram
leynilegar æfingar i Noregi þar sem
meðal annars er skipulagt hvernig
brugðist skuli við átökum um fisk-
inn í Barentshafi, olíu og gas, við
flugránum, hryðjuverkum og
kjamorkuslysi. Ér aðeins um að
ræða skipulagsæfingu en í henni
taka þátt fulltrúar norska hersins,
almannavarna, geislavarna ríkis-
ins, allir fylkisstjórarnir og fulltrú-
ar allra ráðuneyta.
Æfingin, sem kallast „Totex“,
hófst í síðustu viku og henni lýkur
á morgun. Þar er meðal annars
sett á svið sú staða, að samskiptin
við eitt nágrannalandið, sem nefnt
er „Opforia", hafi versnað mjög
vegna deilna um réttinn til fisk-
veiða og annarra auðlinda í Bar-
entshafi.
Nú í vikunni náði svo spennan
eða æfingin hámarki þegar „Opfor-
ia“ kom með beinar landakröfur á
Noreg og krafðist yfirráða á
Bjamarey og Jan Mayen.
Áður hafði „Opforia" kært Norð-
menn fyrir alþjóðadómstólnum í
Haag og „opforísk" varðskip höfðu
tekið norsk fiskiskip þótt þau væru
á hafsvæði, sem Norðmenn telja
sitt. Samtímis þessu á að verða
kjarnorkuslys í einu nágrannaland-
inu og valda miklum fólksflótta frá
því til Noregs.
Leynilegur æfingastaður
Oskum norskra blaðamanna um
að fá að koma til stöðvarinnar þar
sem skipulagsæfingin fer fram hef-
ur verið hafnað en talið er, að um
sé að ræða neðanjarðarbyrgi í
Buskerud.
„Æfingarstaðurinn er leynileg-
ur. Vegna öryggis ríkisins viljum
við hvorki umljöllun um hann né
ljósmyndir af honum. Hann hefur
mikilvægu hlutverki að gegna komi
upp neyðarástand," sagði Oyvind
Ostang, upplýsingafulltrúi í norska
forsætisráðuneytinu.
Ostang sagði, að með „Totex“
væri reynt að setja á svið það, sem
raunverulega gæti gerst, og síðan
væru viðbrögðin við þessu hugsan-
lega ástandi skipulögð.