Morgunblaðið - 01.02.1996, Blaðsíða 23

Morgunblaðið - 01.02.1996, Blaðsíða 23
MORGUNBLAÐIÐ FIMMTUDAGUR 1. FEBRÚAR 1996 23 LISTIR ? Lista- verk til útlána MYNPOST Norræna húsið — anddyri NORRÆN GRAFÍK Opið rúmhelga daga frá 9-19. Sunnu- daga 12-19 til 4. febrúar. Aðgangur ókeypis. UNDANFARIÐ hefur staðið yfir sýning á brotabroti grafíkmynda, sem listlánadeild bókasafns Norræna hússins hefur viðað að sér frá stofn- un 1976, og og stendur fólki til boða í lengri eða skemmri tíma. Það er vert að vekja athygli á þessari sér- stöku starfsemi hússins, því að svo virðist sem færri nýti sér hana en skyldi, miðað við allan þann fjölda verka sem forsvarsmenn bókasafns- ins hafa keypt eða listamenn hafa gefið til hússins. Vera má einnig að það stafi af ókunnugleika eða feimni fólks við að hagnýta sér þjónustuna, í öllu falli má sjá gnægð mynda sem skipulega er raðað upp við lágu vegg- skotin til hægri umhverfis ganga bókasafnsins. Helst er það gagnrýnisvert hve erfitt og tímafrekt er að nálgast myndirnar, því það er töluvert verk að grúska í þeim, en á því, væri mögulegt að ráða bót með því að láta gera skrá yfir alla eignina, sem fólk gæti flett í og þannig gert sér ljósa grein fyrir hverri einstakri mynd, stærð hennar, aðferð í út- færslu, fjölda lita og eintaka, hvenær hún var gerð, ásamt upplýsingum um höfundinn. Jafnframt væri mögulegt að gera skrána þannig úr garði að auðvelt sé að auka við hana frá ári til árs. Skrána væri svo hægt að senda um allt land og bjóða mynd- irnar til láns sem hlyti svo að skapa meiri hreyfingu á útlánastarfsemina. Gæfi einnig möguleika á því að varð- veita safnið annars staðar en í sjálfu bókasafninu og um leið stækka það. Grafík er vinsælt listform á Norð- urlöndum og sér venjulegt fólk hér DÆMI um einkennandi og mikilsháttar verk Rasmusar Nellemann frá 1973, „Byggingarsvæði", Æting, 33x28 sm. (Ekki á sýningunni). möguleika á að nálgast list þekktra listamanna án mikilla fjárútláta. Og þeir eru margir listamennirnir sem vinna í miðlinum, sem sjá í honum kjörinn vettvang til að fjölfalda, út- breiða og auglýsa list sína. Hinir miklu norrænu málarar eins og t.d. Edvard Munch notfærðu sér hann óspart, enda áttu þeir erfitt með að líta á málverk sín sem söluvöru og yfírfærðu því hugmyndir sínar í graf- ík, jafnframt endurnýjuðu þeir list- formið og hér var Munch stórtækur. Þróunin hefur verið þannig, að fleiri og fleiri hafa sérhæft sig í miðlinum og er svo er komið, er til mikill fjöldi listamanna á Norður- löndum, sem hafa hann að aðalvett- vangi. Einhvern veginn eiga þeir þó erfiðara með að endurnýja hann en stóru málararnir í Evrópu áður, nema með því að fjarlægjast kjarna hans, leita út frá honum, en það er allt annað mál. Verk þeirra sem uppi hanga á veggjum anddyrisins eru þó mjög sígild í vinnslu, jafnvel sáldþrykkið er lífrænna en margt sem fram hef- ur komið í miðlinum seinna og teng- ist alfarið filmu- og ljósmynda- tækni. Hér vil ég helst nefna nokkr- ar þær myndir er úr skera um lífræn vinnubrögð er segja má að efnið og miðillinn andi, svo sem sáldþrykkið „Regn" (1) eftir Juhani Linnovara (Finnl., f.1934), sem er þó ekki allt- of einkennandi fyrir list hans. Það eru þó allar þrjár myndir félaga míns frá grafíska skólanum við aka- demíuna í Höfn forðum daga, Ras- musar Nellemann (Danm., f. 1923), og er sá mikli listamaður að mínum dómi best kynntur með myndinni „Verkpallar" (6). Nellemann hefur þó gert mun voldugri verk og geta má þess að hann er einnig frábær og nafnkenndur hónnuður listrænna frímerkja. Þá iðar akvatintan „Mýr- lendi" John Söraune (Nor., f.1940) af fíngerðu lífi, og gef ég hinum sérstæðu og næmu vinnubrögðunum háa einkun. Svíarnir Sten Lunds- tröm og Ulf Trotzig (f.1935) eru áberandi tæknilegir í sáldþrykkjum sínum, en dúkristur fulltrúa Islands, Jens Kristleifssonar (f.1940), mjög lífrænt útfærðar. Þótt val verka sé tilviljanakennt og mætti vera metnaðarfyllra, er sú kynningarstarfsemi sem Bókasafn Norræna hússins stendur að mikils- verð, og það hlýtur að varða öllu. Bragi Ásgeirsson JANUARTILBOD TONIC þrsklæki ., £\ «01 ~*á » TG-702 PM Þrekhjól m. púlsmæli •k Tölvu-púlsmælir k Newton þyngdarstillir * Breitt, mjúkt sæti Verð 26.306. NÚ 18.414. TG-1828 Klifurstigi Deluxe k Tölvumælir • Stillanleg hæð fyrir hendur k Mjög stöðugur Verð 31.460. NÚ 22.022. TM-302 Þrekstigi Deluxe •k Tölvumælir • Mjúkt, stórt, „stýri" ¦k Mjög stöðugur Verð 26.306. NÚ 18.414. Póstsendum um land allt mm Reiðhjólaverslunin ___ ORNINNF* Opið laugardaga kl. 10-14 (JE SKEIFUNNI 11, SÍMI 588 9890.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.