Morgunblaðið - 01.02.1996, Qupperneq 49

MORGUNBLAÐIÐ
FIMMTUDAGUR 1. FEBRÚAR 1996 49 .
BREF TIL BLAÐSINS
Sofandi þjóð í vanda
Hefur íslenska þjóðin efni
á að hafa forseta?
Frá Halldórí Ásgeirssyni:
Á TÍMUM harðnandi niðurskurðar
og ófjafnaðar lífskjara í íslensku
samfélagi hefur gömul og merk
kona hér í bæ varpað fram þeirri
hugmynd, hvort ekki beri að leggja
niður um óákveðinn tíma embætti
forseta íslands.
Þegar þetta er skrifað er þjóðin
alvarlega farin að velta fyrir sér
hugsanlegum frambjóðendum í hið
virðulega embætti. Margir eru kall-
aðir en enginn af þeim hefur enn
tekið af skarið og boðið sig fram. Á
meðan velkjast vangaveltur manna
á meðal þó án nokkurrar umræðu
né gagnrýni á sjálft embættið. I
framhaldi má spyrja hvort forsetinn
geti með góðri samvisku verið sam-
einingartákn þjóðarinnar við núver-
andi aðstæður, þegið há laun og
fríðindi á meðan kjör alþýðunnar
versnar stöðugt?
Hveijum þjónar hann eða hefur
hann leyfi til að sitja afskipta- og
aðgerðarlaus á sínum stól á Bessa-
stöðum á sama tíma og ranglæti,
misskipting auðs og dæmalaus
valdahroki stjórnmála- og embætt-
ismanna á sér stað? Á hann að koma
fram til þess eins að bera klæði á
vopnin, þegja og breiða yfir þau
mál sem heitast brenna á lýðnum?
Með áframhaldandi þróun hættir
forsetinn að vera sameiningartákn
okkar og verður þess í stað hold-
gervingur valdsmanna og dyggur
þjónn embættismannakerfisins. Búa
kannski tvær þjóðir í einu landi? Á
hátíðarstundum er hægt að tala
fjálglega um glæstan menningararf,
viðhald tungunnar og einingu lands-
manna á erfiðleikatímum og þá
nauðsyn að halda reisn okkar sem
sjálfstæð þjóð. En ef innviðirnir
sjálfir morkna og gleymast, hvernig
getum við hlúð að velferð fólks,
bætt mannlífið í landinu og skapað
réttlátara þjóðfélag?
Ég á bágt með að trúa því að
tilvonandi forsetaframbjóðendur
vilji viðhalda versnandi ástandi. Við
lifum á viðsjárverðum tímum þar
sem vitund þjóðarinnar hefur slævst
og dofnað svo að um munar á rúm-
lega 50 árum lýðveldisins. Sú bar-
átta sem háð var fyrir aukinni vel-
ferð og rétti fólks á lýðveldistíman-
um hefur stórlega verið skert á
undanförnum árum. Og það sem
verra er; lítið hefur verið skoðuð og
skilgreind sú þróun eða réttara sagt
afturför sem átt hefur sér stað.
Stefnum við að betra samfélagi? Það
verður að fara fram siðferðilegt
endurmat lífsverðmætanna. Þjóðin
verður að vakna til sjálfsvitundar
og taka sjálfsgagnrýni. Hvar stönd-
um við í samspili þjóða heimsins í
dag?
Þjóð sem þarf við versnandi kjör
að níðast á lítilmagnanum tii að
spara hefur varla efni á að haida
uppi embætti forseta. Né að hana
vanti í það embætti gegnumsýrða-
stjórnmálamenn, þaðan af síður yf-
irborðsmennsku og fagurgala.
Að lokum vil ég skora á væntan-
lega forsetaframbjóðendur að sýna
gott fordæmi með því leggja til að
þeim peningum sem ella rynnu til
embættisins yrði í staðinn varið til
velferðar almennings. Þar til jöfnuði
væri komið á ætti að „frysta“ for-
setastólinn og um leið gæti þjóðin
hafið opna umræðu um tilvist sína
og tilgang. Með þessu móti gætum
við jafnvel orðið fordæmi annarra
þjóða, vakið á okkur athygli og
aukið sjálfsvirðinguna út á við.
HALLDÓR ÁSGEIRSSON,
Ljósvallagötu 12, Reykjavík.
Fyrirspurn
til trygg-
ingalæknis
Talkennsla í leik-
skólum Reykjavík-
urborgar
Frá Jóhönnu V. Gísladóttur:
DÓTTIR mín fimm ára á í erfiðleik-
um með framburð, sem háir henni
verulega í daglegum samskiptum.
Vegna þessa fór ég til barnalæknis.
Barnalæknirinn staðfesti að hún
þyrfti á talkennslu að halda. Barna-
læknirinn skrifaði beiðni um tal-
kennslu til Tryggingastofnunar og
útskýrði vandamálið ítarlega.
Nokkru síðar barst svarið frá stofn-
uninni. Þar stóð að tryggingalækir
hafnaði beiðninni vegna þess að dótt-
ir mín ætti að fá talkennslu hjá Dag-
vist barna. Þá var haft samband við
Dagvist barna. Þar starfar einn tal-
meinafræðingur fyrir alla leikskóla í
Reykjavík, rúmlega 60 leikskóla. Hjá
þeim fengust þau svör að þar væri
enga talkennslu að fá. Enda segir
það sig sjálft að ein manneskja getur
ekki aðstoðað alla þessa leikskóla.
Því spyr ég: Hvers vegna hafnar
tryggingalæknir beiðni minni um
talkennslu með þeim rökum að þessi
kennsla eigi að fást hjá Dagvist
barna, þegar hann veit að þar starf-
ar aðeins einn talmeinafræðingur og
enga talkennslu að fá?
Með von um svar.
JÓHANNA V. GÍSLADÓTTIR,
Heiðargerði 116, Reykjavík
Einstakt tilboð
næstu þrjá daga
Á SKÁPUM
og húsgögnum
VOCIS
AXIS HÚSGÖGN HF.
SMIÐJUVEGI9, 200 KÓPAVOGI,
SÍMI554 3500,
FAX554 3509