Morgunblaðið - 01.02.1996, Blaðsíða 2
2 B FIMMTUDAGUR 1. FEBRÚAR 1996
MORGUNBLAÐIÐ
VIÐSKIPTI
Olíufélagið með met-
hlutdeild í bensínsölu
OLÍUFÉLAGIÐ hf. seldi á síðasta
ári alls 55.258 tonn af bensíni eða
sem nemur 40,75% af heildarsölu í
landinu. Þetta er hæsta hlutdeild í
bensínsölu sem náðst hefur í sögu
félagsins en hún jókst úr 40,08% frá
árinu 1994. Er árangurinn einkum
rakinn til Safnkortakerfísins, stærri
verslana og aukinnar þjónustu.
Þá jók Olíufélagið verulega sölu
á smávörum á bensínstöðvum sín-
um. Að sögn Þórólfs Árnasonar,
framkvæmdastjóra markaðssviðs,
jókst smávörusalan t.d. um 61% á
bensínstöðinni í Lækjargötu í Hafn-
arfirði milli áranna 1993 og 1995.
í millitíðinni var ráðist í að end-
urnýja innréttingar og auka vöruúr-
val og er þar nú t.a.m. brauð og
mjólk á boðstólum. Á síðasta ári
var bensínstöðin við Stórahjalla í
Kópavogi síðan stækkuð og end-
urnýjuð. Þar var vöruúrval sömu-
leiðis aukið til muna og jókst smá-
vörusalan í desember um 67% frá
sama mánuði árið 1994.
*
Skýrsla nefndar um tengsl iðnaðar og sjávarútvegs
Mikilvægt að efla stuðn-
ingskerfi atvinnulífsins
ÍSLENDINGAR hafa staðið helstu
samkeppnisþjóðum sínum að baki
í viðbúnaði til að taka skipulega á
stuðningskerfum atvinnulífs og
hafa lengi vanmetið þörf á viðeig-
andi aðgerðum á því sviði. Þetta
stafar m.a. af miklum umsvifum
og nægri atvinnu í atvinnulífínu
undanfama áratugi. Sveiflur í við-
skiptakjörúm má að hluta til rekja
til lítt unninna útflutningsafurða í
sjávarútvegi og stóriðju, þar sem
verðsveiflur slíkra afurða eru að
öllu jöfnu mun meiri en á meira
unnum afurðum. Því er talið mikil-
vægt að efla vöruþróun, markaðs-
sókn og nánara samstarf fyrir-
tækja með markvissum stuðnings-
aðgerðum stjórnvalda. Þetta kem-
ur fram í skýrslu nefndar á vegum
iðnaðar- og viðskiptaráðuneytisins,
um tengsl iðnaðar og sjávarútvegs,
sem birt var í gær.
Nefndin var skipuð í mars 1992
af þáverandi iðnaðar- og viðskipta-
ráðherra. í skýrslu nefndarinnar
er að finna ýtarlega umíjöllun
ásamt tillögum og ábendingum um
tengsl iðnaðar og sjávarútvegs og
stjórn efnahagsmála þar að lút-
andi. Bent er á mikilvægi þess að
auka fullvinnslu og þróun afurða
í fiskvinnslu og iðnaði til að efla
iðnað tengdan sjávarútvegi en ekki
síður til þess að draga úr sveiflum
í viðskiptakjörum þjóðarinnar.
I skýrslunni kemur fram að við-
skipti iðnaðar, sem tengdust sjávar-
útvegi, námu 12-16 milljörðum
króna á árinu 1991. Á árunum
1987-91 fækkaði ársverkum í iðn-
aði tengdum sjávarútvegi um 25%
eða úr 4.100 í 3.100. Þá hefur inn-
byrðis skipting útflutnings á vörum
til sjávarútvegs breyst mikið á síð-
ustu árum. Á árinu 1993 var verð-
mæti rafeindavoga um 40% af þess-
um útflutningi en á tímabilinu frá
1981-93 má sjá skýra þróun frá
útflutningi hefðbundins iðnvamings
á borð við umbúðir og veiðarfæri
yfír í útflutning á háþróuðum
tæknivarningi.
Á tímabilinu 1981-93 jókst verð-
mæti útflutts iðnvarnings til
sjávarútvegs að meðaltali um 7,7%
á ári á meðan annar iðnaðarvöru-
útflutningur án stjóriðju jókst um
0,7% á ári.
Útflutningur iðnaðarvöru
vaxtarbroddur
Nefndin bendir á að útflutningur
á iðnaðarvöru til sjávarútvegs sé
greinilegur vaxtarbroddur í ís-
lensku atvinnulífi. Almennt megi
fullyrða að sú þróun, sem nú eigi
sér stað til aukinnar vinnslu á ís-
lenskum sjávarafurðum, leiði til
aukinna umsvifa í iðnaði sem teng-
ist sjávarútvegi og skapi þar með
forsendur fyrir því að hér vaxi upp
öflugur iðnaður, sem tengist full-
vinnslu sjávarafurða. Nefndin telur
að hlutverk stjórnvalda á þessu
sviði sé fyrst og fremst að tryggja
að þessi þróun geti orðið á sem
auðveldastan hátt. Hið opinbera
geti hraðað þeirri þróun með því
að stuðla að öflugri rannsóknar-,
vöruþróunar og markaðsstarfsemi
á sviði matvælaiðnaðar og leggja
þeim fyrirtækjum lið, sem vilji þróa
nýjar vörutegundir.
Þorstemn Olafs til Handsals
ÞORSTEINN Ólafs, forstöðumaður
hjá Samvinnubréfum Landsbank-
ans, hefur verið ráðinn fram-
kvæmdastjóri Handsals hf., sam-
kvæmt upplýsingum Morgunblaðs-
ins. Kemur hann í stað Eddu Helga-
son sem lét af störfum um Ieið og
gengið var frá sölu á tæplega helm-
ings hlut föður hennar, Sigurðar
Helgasonar og fjölskyldu í fyrirtæk-
inu þann 12. janúar sl.
Þá hafa orðið nokkrar breytingar
á stjórn Handsals. Munu þeir Ragn-
ar S. Halldórsson, Einar S. Hálfdan-
arson, Sigurður M. Magnússon og
Pétur Haraldsson skipa stjórnina
fram að næsta aðalfundi.
Samkvæmt bráðabirgðaskipuriti
fyrirtækisins sem tók gildi 16. jan-
úar er Ragnar starfandi stjómarfor-
maður og ber ábyrgð á rekstrar-
sviði. Sigrún Bjarnadóttir hefur
hins vegar verið framkvæmdastjóri
verðbréfasviðs í fjarveru Pálma
Sigmarssonar sem verður í orlofi
fram til 5. febrúar. Þessar breyting-
ar voru tilkynntar til Verðbréfa-
þings íslands í síðustu viku.
Bílaumboð börðust hart í útboði ríkisins á 113 bílum
Mikill afsláttur í boði
RÍKISKAUP hafa í framhaldi af
útboði ákveðið að ganga til samn-
inga við níu bílaumboð um kaup á
113 bíla fyrir 26 ríkisstofnanir.
Um er að ræða bíla í ýmsum flokk-
um, bæði fólksbíla, jeppa, sendi-
bíla, pallbíla og vörubíla sem dreif-
ast nokkuð jafnt á umboðin.
TILKYNNING UM UTGAFU MARKAÐSVERÐBREFA
L
LANDSBANKI ISLANDS
Útboð bankíibrcfa ífebrúa-r 1996
•j§
I I
1.-3. flokkur 1996
Kr. 1.200.000.000.-
- krónur tólfhundruð milljónir °°/wo-
Útgáfudagur: 1. febrúar 1996
Gjalddagar:
1. flokkur 1. febrúar 1999
2. flokkur 1. febrúar 2000
3. flokkur 1. febrúar2001
Sölutímabil: Frá 1. febrúar 1996
Grunnvísitala: Nvt. 174,9
Einingar bréfa: kr.100.000, kr. 1.000.000 og kr. 5.000.000
Verðtrygging og ávöxtun:
Ofangreind bréf eru verðtryggð miðað við visitölu neysluverðs. .
Ársávöxtun, umfram verðtryggingu, er 5,93 - 5,97% á útgáfúdegi.
Söluaðilar: Landsbréf hf, Suðurlandsbraut 24, Reykjavík og umboðsmenn
í Landsbanka Islands. Útboðslýsing liggur frammi hjá söluaðilum.
Umsjón með útgáfu: Landsbréf hf.
■
y LANDSBRÉF HF.
///m
Suðurlandsbraut 24, 108 Reykjavík, sími 588 9200, bréfasími 588 8598.
LÖGGILT VERÐBRÉFAFYRIRTÆKI, AÐILIAÐ VEROBRÉFAÞINGIÍSLANDS.
Heildarverðmæti þeirra bíla sem
áætlað er að kaupa er samtals um
250 milljónir króna.
Bjarni Þórólfsson, verkefnastjóri
hjá Ríkiskaupum, sagði í samtali
við Morgunblaðið að mjög góð nið-
urstaða hefði fengist í útboðinu.
Verulegur afsláttur væru í boði og
tilboðin hefðu líklega aldrei verið
jafnhagstæð og nú í samanburði
við almennt verð bílaumboðanna.
Nýtt fyrirkomulag var tekið upp
á sl. ári í bílaútboðum Ríkiskaupa.
Fyrir útboðin senda ríkisstofnanir
útfyllta kaupóskayfirlýsingu til
Ríkiskaupa þar sem þær lýsa hvers
konar bifreið þær þurfa að kaupa.
Bílarnir eru síðan flokkaðir niður
eftir stærð, mótorstærð, burðar-
getu o.s.frv. Á svipuðum tíma fer
fram forval þar sem bjóðendum
gefst kostur á að sýna hvað þau
hafa í boði, þ.e.a.s. bifreiðategund-
ir með tæknilegum upplýsingum.
Að því búnu er hafist handa við
að raða saman því sem er í boði
og þörfum einstakra stofnana. í
útboðinu sjálfu kemur síðan í ljós
hvaða bíll er ódýrastur í hverjum
flokki og er gengið til samninga
við viðkomandi aðila.
500 þús. kr.
afsláttur af Pajero
Þannig var nú t.d. ákveðið að
semja við Heklu hf. um kaup á
Mitsubishi Pajero jeppum. Þeir
buðust á 2.560 þúsund kr. en al-
mennt verð er 3.050 þúsund kr.
Þá buðust Mitsubishi Lancer skut-
bílar á 1.548 þúsund kr. en al-
mennt verð er 1.880 þúsund kr.
Ford Escord býðst nú á 1.089 þús-
und kr. en kostar almennt 1.248
þúsund og Ford Ranger pallbíll var
boðinn á 1.784 þúsund. en kostar
2.098 þúsund kr. Loks má nefna
Subaru Legacy sem boðinn á 1.990
þúsund kr. í útboðinu en almennt
verð er 2.264 púsund kr.
Við þetta má bæta að í flestum
tilvikum óska ríkisstofnanirnar eft-
ir varahluta- og viðgerðarþjónustu
hjá viðkomandi umboði.
Hræringar á auglýsingamarkaði
Grafík og Atóm-
stöðin í eina sæng
AU GLÝ SIN G ASTOFURN AR
Atómstöðin og Grafík hafa verið
sameinaðar í eina nýja stofu, sem
hlotið hefur nafnið Fíton. Samrun-
inn mun formlega eiga sér stað nú
í febrúar, að sögn Höllu Helgadótt-
ur, eins eigenda stofunnar. Hún
segir að í framhaldinu muni starf-
semin síðan verða færð undir eitt
þak og sé gert ráð fyrir því að það
muni gerast innan tveggja mán-
aða. Hún segir ljóst, að finna þurfi
nýtt húsnæði undir starfsemina en
ekki liggi enn fyrir hvert stofurnar
muni flytja.
Sameining þessi hefur átt sér
nokkurn aðdraganda, að sögn
Höllu, en endanleg ákvörðun hafi
verið tekin nú fyrir helgi. „Þetta
eru tvö lítil fyrirtæki sem hafa
yfir að búa mjög sterkum einstakl-
ingum með mikla reynslu, m.a. af
beinum samskiptum við viðskipta-
vini. Þetta er að okkar mati einn
helsti styrkleiki hins nýja fyrirtæk-
is.“
Nýja stofan mun veita alhliða
þjónustu í auglýsinga-, birtingar-,
og markaðsmálum, að sögn Höllu
og verður áfram lögð áhersla á
persónulega þjónustu og stuttar
boðleiðir á milli viðskiptavina og
stofu.
Atómstöðin hefur starfað innan
SIA, Sambands íslenskra auglýs-
ingastofa, en Grafík hefur hins
vegar verið utan samtakanna.
Halla segir að Fíton muni koma
til með að starfa innan samtak-
anna.