Morgunblaðið - 06.02.1996, Side 4

4 ÞRIÐJUDAGUR 6. FEBRÚAR 1996
FRETTIR
MORGUNBLAÐIÐ
Alþýðusambandið mótmælir
hækkun á vörugjaldi af bensíni
Sundurliðun á bensínverði
Bensín 92 oktan, 1 lítri kr. 68,30
vegagjold
v.S.K.
9,00 kr
Innkaupsverð
0,7% Flutningsjöfnunargj. |0,50 kr.
Annað, r-------------Illl9kr
t.d. dreiflngakostn., álagning ofl. ’ 3 Kr'
70% af verði
hvers bensínlítra
renna í ríkissjóð
Ákveðið að leggja niður embætti húsameistara ríkisins
Sextán starfsmenn
hætta um áramót
FORSÆTISRÁÐHERRA hefur
ákveðið að leggja niður embætti
húsameistara ríkisins frá og með
næstu áramótum. Sextán manna
starfslið stofnunarinnar mun þá
ljúka störfum. Hluta þeirrar starf-
semi, sem húsameistari hefur haft
með höndum, verður framvegis sinnt
af þremur mönnum í forsætisráðu-
neytinu.
Ekki hagkvæmt
að breyta
Á vegum forsætisráðuneytisins
hefur verið unnið að endurmati á
hlutverki embættis húsameistara
ríkisins. Við upphaf þeirrar vinnu
var ákveðið að stefna að því að
hætta eiginlegri hönnunarvinnu hjá
embættinu en fela hana sjálfstætt
starfandi arkitekum. Endurmatið
hefur beinst að því hvort hagkvæmt
væri að fela húsameistara önnur
verkefni, til dæmis ráðgjöf um hús-
næðismál ríkisins, forhönnun og yf-
irstjórn hönnunarvinnu og eftirlit
með húseignum.
í fréttatilkynningu frá forsætis-
ráðuneytinu kemur fram að á und-
anförnum árum hefur orðið sú þróun
að forhönnun og yfirstjórn hönn-
unarvinnu hefur í vaxandi mæli ver-
ið sinnt á vegum einstakra ráðu-
neyta eða stofnana sem aftur hafa
leitað eftir sérfræðiþjónustu hjá
starfandi fyrirtækjum. Að athuguðu
máli þyki ekki ráðlegt né hagkvæmt
að færa öll verk á þessu sviði til
einnar stofnunar og þau geti því
ekki orðið grundvöllur að starfsemi
embættis húsameistara ríkisins.
Það varð niðurstaða endurmatsins
að ekki væru forsendur fyrir því að
starfrækja embætti húsameistara
áfram sem sérstaka ríkisstofnun.
„Þess vegna hefur verið ákveðið að
stofnunin verði lögð niður frá og
með næstu áramótum og starfsfólk
ljúki störfum frá og með þeim tíma.
Þessi ákvörðun er kynnt með góðum
fyrirvara. Með því hefur starfsfólk
embættisins meiri fyrirvara til þess
að bregðast við þessari ráðstöfun
auk þess sem aðdragandi að þessari
breytingu þarf að vera nokkuð lang-
ur þar sem ýmsum verkefnum á
vegum embættisins er ólokið. Starfs-
fólki embættisins hefur verið kynnt
þessi ákvörðun og því veittar upplýs-
ingar um sín réttindamál vegna þess,
þ.á m. biðlaunaréttindi," segir í frétt
ráðuneytisins.
Garðar Halldórsson, húsameistari
ríkisins, vildi ekki svara neinum
spurningum um þetta mál í gær.
í ráðuneytið
Hluti þeirrar starfsemi sem nú fer
fram á vegum húsameistara verður
áfram sinnt í forsætisráðuneytinu.
Það á einkum við um ráðgjöf um
húsnæðismál Stjórnarráðsins og
umsjón með tilteknum húseignum
ríkisins. Gert er ráð fyrir því að þrír
starfsmenn annist þetta verk.
UM 70% af verði hvers bensínlítra
rennur í ríkissjóð samkvæmt upp-
lýsingum sem Morgunblaðið hefur
aflað sér hjá olíufélögunum, en
vörugjald á bensíni hækkaði fyrir
helgi um 2,6% í samræmi við þróun
byggingarvísitölu. Lítrinn af 92
oktana bensíni kostar nú 68,30
krónur og þar af renna í ríkissjóð
tæpar 48 krónur.
Benedikt Davíðsson, forseti Al-
þýðusambands íslands, gagnrýnir
stjómvöld fyrir þessa hækkun vöru-
gjaldsins og segir hana ekki í sam-
ræmi við þær upplýsingar sem Al-
þýðusambandið hafí fengið þegar
það hafí leitað eftir því hvaða hækk-
anir fælust í fjárlagafrumvarpinu.
Þá hafí ekki verið talað um að þessi
hækunarheimild yrði nýtt.
Hefur áhrif á samskiptin
Hann sagði að sér fyndist þessi
ákvörðun stjórnvalda táknræn og
lýsa óvirðingu í garð samtakanna.
Þetta myndi hafa áhrif á sam-
skipti ASÍ við stjómvöld og þann
trúnað sem þyrfti að ríkja þegar
næst yrði sest að samningaborð-
inu. Það væri kannski það alvarleg-
asta við þessa ákvörðun um hækk-
un vörugjaldsins.
Benedikt sagði að hvað þetta
snerti færi stjórnvöldum líkt og
vegprestum, þau vísuðu veginn en
færu hann ekki. Þau hvettu til
ráðdeildar og hófsemi, en breyttu
síðan allt öðru vísi sjálf. Það hefði
verið yfírlýst stefna að draga úr
áhrifum vísitölutenginga, en
ákvæði þessa efnis væru síðan
notað til þess að auka skattheimtu
og ná þar með meiri tekjum í ríkis-
kassann.
Benedikt sagði að þessi hækkun
hefði áhrif til hækkunar á vísitölu
neysluverðs á bilinu 0,1-0,2 og það
liðkaði ekki til.
Líkamsárás á Akranesi
Stúlkan á batavegi
STÚLKAN, sem varð fyrir lík-
amsárás á Akranesi fyrir rúmum
tveimur vikum, er á góðum bata-
vegi.
Stúlkan hefur verið á gjör-
gæsludeild Sjúkrahúss Reykja-
víkur í Fossvogi frá því hún var
flutt með þyrlu til Reykjavíkur
morguninn eftir að árásin var
gerð, aðfaranótt 20. janúar sl.
Hún fékk blæðingu inn á heila
og var meðvitundarlaus þar til
fyrir um einni viku. Síðastliðinn
föstudag var hún flutt af gjör-
gæsludeild á almenna deild.
Að sögn Þóris Ragnarssonar,
sérfræðings í heila- og tauga-
skurðlækningum, hefur stúlkan
sýnt góðar framfarir síðustu daga
og segist hann bjartsýnn þótt
ekki séð útséð með endanlegan
bata hennar.
Morgunblaðið/Ásdía
Snjóbarðir
braggar
BRÁÐLEGA hefjast tökur á
Djöflaeyjunni, kvikmynd Friðriks
Þórs Friðrikssonar. Myndin bygg-
ist á tveimur bókum Einars Kára-
sonar, Þar sem Djöflaeyjan rís og
Gulleyjunni. Búið er að reisa nýtt
braggahverfi við Gróttu á Sel-
tjarnarnesi og býr fjölskyldan
sem sagan snýst um í Karólínu-
bragga. Aðrir braggar eru reistir
til að fylla upp í sviðsmyndina við
tökur utandyra.
Fimm lægstu tilboðunum hafnað í Hringveg, Jökulsá-Víðidalur
Líklega samið við
Héraðsverk á
Egilsstöðum
VEGAGERÐ ríksins hefur hafnað
fímm lægstu tilboðunum í Hring-
veg, Jökulsá-Víðidalur. Líkur eru
á að samið verði við Héraðsverk
ehf. á Egilsstöðum, sem átti sjö-
unda lægsta tilboð í verkið, að
sögn Sigurðar Oddssonar, deildar-
stjóra framkvæmdadeilar Vega-
gerðarinnar á Akureyri. Klæðning
hf. í Garðabæ átti sjötta lægsta
tilboðið en þar sem fyrirtækið er
með það mörg verk í gangi, er lík-
legt að það falli frá tilboði sínu,
að sögn Sigurðar.
Alls buðu 23 fyrirtæki í verkið
og voru þau öll undir 80% af kostn-
aðaráætlun Vegagerðarinnar, sem
hljóðaði upp rétt tæpar 162 millj-
ónir króna. Stefán Gunnarsson á
Djúpavogi átti lægsta tilboðið en
það hljóðaði upp á rúmar 77,4
milljónir króna eða 47,8% af kostn-
aðaráætlun. Myllan á Egilsstöðum
bauð 82,4 milljónir króna eða
50,8%, Björn Sigfússon, Brúnavöll-
um, bauðst til að vinna verkið fyr-
ir um 55% af kostnaðaráætlun,
Þórhallur Kristjánsson, Reykjahlíð,
fyrir tæp 58%, Ingileifur Jónsson,
Svínavatni, fyrir rúm 58% og
Klæðning hf. í Garðabæ fyrir tæp
60%.
Tilboð Héraðsverks hljóðaði upp
á rúmar 99 milljónir króna, sem
eru 61,3% af kostnaðaráætlun. í
útboðslýsingu kemur fram að veg-
arkaflinn sem um ræðir er rúmlega
13 km langur og nær frá Jökulsár-
brú á Fjöllum í Víðidal. Vinnu við
gerð undirbyggingar og neðra
burðarlags skal lokið fyrir 15.
október nk. en verkinu skal að
fullu lokið fyrir 1. september á
næsta ári.
Hagstætt
tíðarfar
og snjólétt
TÍÐARFAR í nýliðnum janúar
var óvenju hagstætt og snjólétt
um land allt. Trausti Jónsson,
veðurfræðingur á Veðurstofu
íslands, hefur tekið saman yfir-
lit yfir veðrið í janúar.
I samantektinni segir Trausti
að fyrri hluta mánaðarins hafi
verið óvenju hlýtt, en nærri
meðallagi síðari hlutann. Lítið
var um hvassviðri. Meðalhiti í
Reykjavík var 2,2°C og er það
2,7° yfir meðallagi og er hlýj-
asti janúar frá 1992 en þá var
ívið hlýrra en nú. Á Akureyri
var meðalhitinn 0,1°C eða 2,3°
yfír meðallagi. í Akumesi var
meðalhitinn 3,1°C.
Úrkoma í Reykjavík mældist
alls 70 mm og er það nærri
meðallagi. Á Akureyri mældist
16 mm úrkoma og var mánuð-
urinn þurrasti janúar frá 1987.
í Akurnesi mældist 145 mm
úrkoma.
Á Akureyri mældust 16 sól-
skinsstundir og hafa ekki verið
fleiri í janúar frá 1941. { Reykja-
vík voru sólskinsstundimar 23.
Ut o g suður
í hálkunni
FJÖLDI óhappa varð í umferð-
inni á höfuðborgarsvæðinu í
gær, eftir að snjó kyngdi niður.
Frá kl. 9 í gærmorgun til kl.
17 var tilkynnt um 19 óhöpp til
lögreglu, en óhætt mun að
margfalda þá tölu, þar sem öku-
menn skrifa oftast sjálfír tjóna-
skýrslur vegna minni óhappa,
án þess að kalla til lögreglu.
í gærmorgun var nær óslitin
bílalest frá Miklubraut allt suð-
ur í Garðabæ. Tafirnar mátti
rekja til fjölda smáárekstra og
í sumum tilvikum höfðu bílar á
sumardekkjum snúist þversum
á veginum. Brekkumar upp af
Kringlumýrarbraut á Bústaða-
veg lokuðust einnig um tíma
vegna þess að illa búnir bílar
komust ekki upp.
Slys urðu ekki á mönnum í
þessum óhöppum, utan í einu
tilviki, þar sem bílar skullu sam-
an á mótum Ægisgötu og Vest-
urgötu. Annar ökumaðurinn
meiddist og var hann fluttur á
slysadeild, þar sem gert var að
sárum hans.