Morgunblaðið - 06.02.1996, Side 14
14 ÞRIÐJUDAGUR 6. FEBRÚAR 1996
MORGUNBLAÐIÐ
FRETTIR
Hæstiréttur í máli Skipatækni gegn
Sigurði Ingvasyni
Bætur vegna
ummæla um
hönnun Herjólfs
HÆSTIRETTUR hefur dæmt Sig-
urð Ingvason, skipaverkfræðing í
Svíþjóð, til að greiða Skipatækni hf.
200 þúsund krónur í bætur vegna
ummæla, sem hann lét faila um
hönnun og smíði Vestmannaeyjaferj-
unnar Heijólfs. Hæstiréttur mildar
dóm í héraði, sem hafði gert Sigurði
að greiða samtals 550 þúsund krón-
ur í miskabætur, málskostnað og
birtingarkostnað dóms, auk 50 þús-
und króna sektar til ríkissjóðs, en
Skipatækni gerði kröfu um 15 millj-
óna króna skaðabætur og 5 milljóna
miskabætur.
Sigurður'aðstoðaði tvö fyrirtæki,
sem gerðu tilboð í smíði Heijólfs,
en Skipatækni var falið að hanna
skipið og var það smíðað í Flekke-
íjord í Noregi. Málarekstur hófst
vegna ummæla Sigurðar, þar sem
hann sakaði Skipatækni um að virða
ekki einkaleyfi sitt í Bandaríkjunum
við gerð teikninga, talaði um ófagleg
vinnubrögð við hönnun skipsins og
um ætluð tengsl Skipatækni við
skipasmíðastöðina í Flekkefjord.
Hæstiréttur staðfesti þá niður-
stöðu héraðsdóms að ekki hefði ver-
ið nægjanlega sýnt fram á að Skipa-
tækni hefði nýtt sér einkaleyfi Sig-
urðar og bæri því að ómerkja þær
aðdróttanir. Ummæli, sem lutu að
hönnun skipsins, voru hins vegar
ekki ómerkt, enda taldi Hæstiréttur
að Sigurður hefði þar haft rúmt
frelsi tii að koma skoðunum sínum
á framfæri, þótt hann hefði vissulega
átt að haga orðum sínum af meiri
varfærni. Ummæli um óeðlileg
tengsl Skipatækni og norsku skipa-
smíðastöðvarinnar hefðu ekki verið
réttlætt og því bæri að ómerkja þau.
Þau hafi verið til þess fallin að skaða
viðskiptavild og raska stöðu Skipa-
tækni og skuli Sigurður því greiða
200 þúsund krónur í bætur, eða 50
þúsund króna lægri upphæð en hér-
aðsdómur hafði ákveðið.
Þá var málskostnaður í héraði og
fyrir Hæstarétti felldur niður, en
héraðsdómur hafði fellt niður 200
þúsund króna málskostnað á Sigurð,
auk 100 þúsund króna til birtingar
dóms. Hæstiréttur sagði að frestur
til að hafa uppi refsikröfu hafi verið
liðinn, þegar málið var höfðað í nú-
verandi búningi, en áður hafði því
tvívegis verið vísað frá héraði.
Málið dæmdu hæstaréttardómar-
arnir Haraidur Henrysson, Guðrún
Erlendsdóttir, Hjörtur Torfason,
Hrafn Bragason og Pétur Kr. Haf-
stein. Hjörtur skilaði sératkvæði og
taldi að fébætur ættu ekki að vera
lægri en ákveðið var í héraðsdómi,
250 þúsund krónur, auk þess sem
Sigurður ætti að greiða Skipatækni
málskostnað í héraði og fyrir Hæsta-
rétti.
Skrifstofutækni
Markmið námsins er að þjálfa nemendur til starfa á skrif-
stofum og er áhersla lögð á tölvugreinar og bókfærslu.
Námið er mjög hagnýtt og byggist að verulegu leyti á
verklegum æfingum. Námið eykur samkeppnishæfni
nemenda og býr þá undir krefjandi störf á vinnumarkaði.
Helstu námsgreinar eru:
Handfært bókhald
Tölvugrunnur
Ritvinnsla
Töflureiknir
Verslunarreikningur
Gagnagrunnur
Mannleg samskipti
Tölvubókhald
Lokaverkefni
STARFSMENNTUN
fjárfesting til framtíðar
„Ég hafði samband við Tölvuskóla
Islands og ætlaði að fá undirstöðu
í bókhaldi og var mér bent á skrif-
stofutækninámið. Eftir að hafa
setið þetta nám þá tel ég mig mun
hæfari starfskraft en áður og nú
get ég nýtt mér þá kosti, sem
tölvuvinnslan hefur upp á að
bjóða. Ég mæli eindregið með
þessu námi. “
Ólafur Benedíktsson,
starfsmaður Glófaxa.
Ö11 námsgögn innifalin
Tölvuskóli íslands
Höfðabakka 9 • Sími 567 14 66
Við Ráðhúsvegginn
Morgunblaðið/Ásdís
Héraðsdómur Reykjavíkur
28 milljóna
bætur vegna
umferðarslyss
HERAÐSDOMUR Reykjavíkur hef-
ur dæmt Vátryggingafélag íslands
til að greiða Hrafnhildi Thoroddsen
tæpar 13 milljónir króna í bætur
vegna slyss sem hún varð fyrir í júní
1989. Áður hafði tryggingafélagið
greitt henni 6 milljónir króna og að
auki koma greiðslur frá Trygginga-
stofnun. Alls fær Hrafnhijdur rúmar
28 milljónir í bætur. VÍS er m.a.
gert að greiða kostnað við ferð
Hrafnhildar til Kína, þar sem hún
hitti þarlendan lækni, en hann kom
hingað til lands fyrir skömmu og
gerði á henni aðgerð.
í málinu var þess krafist fyrir
hönd Hrafnhildar að VÍS greiddi
hemú um 28,6 milljónir í skaðabæt-
ur. VÍS krafðist sýknu gegn greiðslu
á 2 milljónum króna til viðbótar fyrri
greiðslum, þar sem varanleg örorka
Hrafnhildar var í fyrstu metin 75%,
ensíðar 100%.
í október 1990 gekk lögmaður
Hrafnhildar frá bótauppgjöri við VIS,
sem fól í sér skaða- og miskabætur
að fjárhæð 7,1 milljón, þar af voru
6 til Hrafnhildar en 1,1 til fjölskyldu
hennar vegna kostnaðar við breyt-
ingu á húsnæði o.fl. Þó var haldið
opnum möguleika á dómsmáli, þar
sem móðir Hrafnhildar taidi bæturn-
ar of lágar.
Af hálfu Hrafnhildar var því hald-
ið fram, að bætur til hennar ætti að
miða við meðaltekjur háskólamennt-
aðra manna, þar sem langlíklegast
væri að hún hefði gengið menntaveg-
inn, en í öllu falli ætti ekki að miða
við lægri tekjur en meðaltekjur iðn-
aðarmanna. Af hálfu VÍS var talið
að miða ætti við 75% af meðaltekjum
iðnaðarmanna, þar sem um stúlku
væri að ræða. Þá taldi VÍS tjónið
að fullu bætt með 6 milljón króna
greiðslu, auk 2 milljóna til viðbótar,
enda hafi bótauppgjör verið ríflegt
miðað við uppgjörsvenjur og dómiðk-
un.
Miðað við meðaltekjur
háskólamanna
Hæstiréttur segir eðlilegt að miða
tekjutap vegna örorku við tekjur
háskólamanna, þegar litið væri til
námshæfileika og aðstæðna Hrafn-
hildar fyrir slysið. Örorkubætur
hennar væru hæfilega ákveðnar 24
milljónir, auk 1,6 milljóna vegna tap-
aðra lífeyrisréttinda og 700 þúsund
króna vegna Kínaferðar. Þá eru
miskabætur ákvarðaðar 2,5 milljónir
og bætur því alls rúmar 28 milljónir
króna. Bæturnar lækka svo um rúm-
ar 9 milljónir vegna örorkulífeyris
frá Tryggingastofnun og tekjutrygg-
ingar og vegna fyrri greiðslna frá
VIS. Til greiðslu frá VIS samkvæmt
dóminum koma því tæpar 13 milljón-
ir króna, auk vaxta.
Auður Þorbergsdóttir, héraðsdóm-
ari, kvað upp dóminn.
Tillagna um Safna-
húsið að vænta
INNAN skamms er að vænta niður-
stöðu nefndar á vegum mennta-
málaráðherra sem var falið á sein-
asta ári að gera tillögur um framtíð-
arhlutverk Safnahússins við Hverf-
isgötu.
Ólafur Davíðsson ráðuneytis-
stjóri í forsætisráðuneytinu segir
að starfi nefndarinnar hafi miðað
vel og eigi hann von á að mennta-
málaráðherra fái tillögur hennar
innan fárra vikna til skoðunar.
Margar skoðanir uppi
Ólafur segir að nefndin hafi
kynnt sér þær tillögur sem hafa
verið bornar upp um notkun húss-
ins og sjónarmið margra þeirra
sem hugsanlega kæmu að því, en
hins vegar sé ótímabært að rekja
niðurstöðu nefndarinnar. Hann
kveðst aðspurður ekki vilja tjá sig
um orðróm þess efnis að í Safna-
húsinu verði starfsemi óskyld
þeirri sem var í byggingunni til
skamms tíma.
„Þetta er mál sem margir hafa
skoðun á og ég vil alls ekki opna
þá umræðu fyrr en nefndin er
búin að skila af sér, og þá er það
ráðherra sem ræður hvernig hann
heldur á málum,“ segir Ólafur.
Fólk
Nýr doktor í
læknisfræði
•BOGI Jónsson læknir varði dokt-
orsritgerð sína við bæklunardeild
háskólasjúkrahússins í Uppsölum í
Svíþjóð 22. desem-
ber sl. Doktorsrit-
gerðin heitir á
frummálinu
„Surgical Treat-
ment of Spinal
Metastases: Rati-
onale and Result“.
Þar er fjallað um
anatómískar og
röntgenológískar athuganir á sam-
falli hryggjarins við meinvörp og
hvernig þetta getur leitt til mænu-
og taugarótarskaða. Könnuð eru
áhrif spengingar í háls-, bijóst- og
lendarhrygg á verk og göngugetu
hjá sjúklihgum með hryggjarsamfall
vegna meinvarpa í baki. Þá eru at-
huguð tíðni lömunar af völdum
bijóstakrabbameinsmeinvarps á ís-
landi.
Niðurstöður rannsóknanna leiða í
ljós m.a. að samfall hryggjar líkist
að ýmsu leyti því sem gerist við
bakáverka. Bakspenging með eða
án réttingar gefa góða verkjastill-
ingu og getur fyrirbyggt lömun hjá
sjúklingum með veiklað bak af völd-
um meinvarpa með eða án þynnun-
áms þar sem við á. Aðgerðin er krefj-
andi, góð kunnátta í anatómíu
hryggjarins er nauðsynleg svo og
löng þjálfun við hryggjarspengingar
ef vel á að takast.
Bogi lauk læknaprófi frá lækna-
deild Háskóla íslands 1983 og fékk
almennt íslenskt lækningaleyfi 1985
og sænskt lækningaleyfi 1987. Hann
hóf sérnám í bæklunarskurðlækn-
ingum við bæklunardeild Háskóla-
sjúkrahússins í Uppsölum 1986.
Hann hlaut sænsk sérfræðiréttindi
í bæklunarlækningum 1990 og ís-
lensk 1994. Bogi hefur síðustu 4
árin sérhæft sig sérstaklega í
hryggjarskurðlækningum.
Bogi er sonur Jóns Arnar Boga-
sonar og Hólmfríðar Jensdóttur og
er giftur Laufeyju Oddsdóttur hjúkr-
unarfræðingi og eiga þau 5 börn;
Fríðu, Odd, Jón Örn, Axel og Björk.
------------» ♦ ♦------
Silungsveiði
í Mývatni
Mývatnssveit. Morgunblaðið.
SILUNGSVEIÐI í net í Mývatni
hófst 1. febrúar. Þann dag var fjöldi
bíla á ísnum og menn við að bora,
saga og höggva vakir niður um ís-
inn og draga net sín undir. ísinn
er nú víða 50 til 60 sentímetra
þykkur. Veiði fyrstu dagana hefur
verið góð og silungurinn er talinn
vel feitur. Mývatn hefur verið alfrið-
að frá 27. september síðastliðnum.