Morgunblaðið - 06.02.1996, Blaðsíða 19

Morgunblaðið - 06.02.1996, Blaðsíða 19
MORGUNBLAÐIÐ ÞRIÐJUDAGUR 6. FEBRÚAR 1996 19 ERLENT Mannskæður jarðskjálfti í suðvesturhluta Kína 250 manns latin og 15.000 slösuð Peking. Reuter. 250 MANNS að minnsta kosti létu lífið og 15 þúsund slösuðust, þar af 3.800 alvarlega, þegar mikill jarð- skjálfti reið yfir fjallasvæði í Yunnan- héraði í suðvesturhluta Kína á laug- ardag og varð bærinn Lijiang verst úti. Mörg hundruð þúsund manns misstu heimili sín og íbúar svæðisins eru enn skelfingu lostnir vegna stöð- ugra minni skjálfta, sem hafa siglt í kjölfarið og valdið tjóni á mann- virkjum, þótt fólk hafi sloppið. Alls höfðu 312 eftirskjálftar mælst síð- degis í gær. Skjálftinn á laugardag mældist sjö á Richter-kvarða og er talið að 186 þúsund heimili hafi hrunið. Það er um 80% húsa á svæðinu. Heilu þorp- in jöfnuðust við jörðu og haft var eftir yfirvöldum að þeir, sem enn ættu uppistandandi hús, væru of hræddir til að fara inn í þau. Mikið björgunarstarf Yfirvöld í Yunnan-héraði unnu við að koma hjálpargögnum, teppum, tjöldum og lyfjum til þeirra, sem misstu heimili sín. Mikil áhersla er lögð á að grafa þá, sem fórust, og dauðar skepnur til að afstýra smit- hættu og koma í veg fyrir að sjúk- dómar breiðist út. Rauði krossinn í Kína skoraði á Taliðerað 186.000 heimili hafihrunið JARÐSKJALFTINN I KINA ÖFLUGUR skjálfti reið yfir Yunnan hérað í Kína á laugardag með þeim afleiðingum að a.m.k. 250 manns fórust og 14 þúsund slösuðust. Héraðið er afskekkt, en þéttbýlt. Lijiang Miðja skjálftans, sem mældist 7,0 á Richter-kvarða km 500 K I N A þjóðir heims að leggja sitt að mörkum til að hjálpa fórnarlömbum skjálft- ans. Yfirvöld í Hong Kong kváðust mundu gefa 66 milljónir króna og senda féð hjálparstofnunum. Einnig barst aðstoð frá Taiwan, en björgun- armenn sögðu að miklu meiri hjálpar væri þörf. „Þetta er versti skjálfti, sem við höfum orðið fyrir," sagði hjálpar- starfsmaður í gær. „Þetta var skelfilegt," sagði emb- ættismaður í Lijiang. „Jörðin heldur áfram að skjálfa og skjálfa. Hvenær hættir þetta?" Kalt á jarðskjálftasvæði Rúmlega tvö þúsund hermenn úr Rauða hernum og lögregluþjónar unnu við björgunarstarf í afskekkt- um fjallaþorpum á svæðinu og var óttast að jafnvel hefðu 300 manns farist. Óvenju kalt var á jarðskjálfta- svæðinu um helgina og náði frostið 12 stigum að næturlagi. Þetta var mannskæðasti skjálfti í Kína frá því að 939 manns létust í jarðskjálfta, sem mældist 7,6 á Richter, í Yunnan skammt frá landa- mærum Burma árið 1988. 44 létust í jarðskjálfta, sem átti upptök skammt frá Kunming, höf- uðborg Yunnan, í október. HRJÁÐIR íbúar í Yunnan-héraði í Kína halda á sér hita eftir að heimili þeirra eyðilögðust í hörðum jarðskjálfta á laugardag. Flugvél hrapar á hús í Paraguay Mariano Roque Alonso. Reuter. AÐ MINNSTA kosti 22 menn biðu bana þegar flutningavél hrapaði á hús í bænum Mariano Roque Alonso í Paraguay á sunnudag. Flest fórnar- lambanna voru börn og unglingar sem voru að leik bak við eitt húsanna. Flugvélin var af gerðinni DC-8, smíðuð árið 1965, og í eigu kólumb- íska flugfélagsins Lineas Aereas del Caribe. Vélin hrapaði mínútu eftir flugtak og ekki er vitað um orsakir slyssins. Sjónarvottur kvaðst hafa séð einn hreyflanna springa áður en vélin Flest f órnarlamb- anna börn og unglingar hrapaði á Mariano Roque Alonso, um 17 km frá höfuðborginni, Asunción. Óttast er að flugritanum, sem gæti skýrt orsakir slyssins, hafi verið stolið. Mörg fórnarlambanna voru böm og unglingar sem léku blak á slys- staðnum. Margir vinir og ættingjar þeirra fylgdust með leiknum og urðu vitni að slysinu. Þriggja manna áhöfn og einn far- þegi biðu einnig bana. Tveimur mönn- um var bjargað úr rústunum. 22 lík höfðu fundist í fyrrakvöld og talið var að fleiri kynnu að finnast á slysstaðn- um. Fresta varð leitinni í fyrrinótt meðan beðið var eftir stórum krana sem björgunarsveitirnar þurftu til að lyfta hluta fiugvélarinnar af einu húsanna. í því var bar og talið er að nokkrir menn hafi verið á honum. Reuter ÍSRUÐNINGUR á ströndum Michigan-vatns við Chicago á sunnu- dag en um morguninn var frostið 26 stig á celsíus í borginni. Víða á austurströndinni var einnig mikið frost og jafnfallinn snjór var 61 sentimetri sums staðar í Delaware, Maryland og Virginíu. Miklir kuldar enn í Bandaríkjunum Reynt að bjarga ávaxtaupp- skeru í Flórída Washington, Miami. Reuter. KULDAKASTIÐ í Bandaríkjunum breiddist út til suðlægra fylkja í austur- og miðhluta landsins á sunnudag og í gær en víða fór að draga úr hörkunni og spáð var mun mildara veðri er liði á vikuna. Ávaxtabændur í Flórída voru þó mjög uggandi í gær þar sem spáð var allt að fjögurra gráðu frosti á celsíus og gæti það varað nokkrar klukkustundir. Ávextir á borð við appelsínur og sítrónur þola ekki slíkt veðurfar en helmingur uppskerunnar var enn á trjánum er kuldakastið hófst. Hóf- ust því bændur handa við bjarga uppskerunni, sumir reyndu að úða vatni yfir ávextina í von um að klakahúð myndi veita einhverja vernd. Víða varð rafmagnslaust í Suður- Karólínu og í Norður-Karólínu voru vandræðin svo mikil að fylkisstjór- inn, Jim Hunt, bað Bill Clinton for- seta um að lýsa yfir neyðarástandi þar. Hafin var neyðaraðstoð á 32 stöðum, oftast í kirkjum, bókasöfn- um og á slökkviliðsstöðvum, á svæðinu handa fólki sem ekki gat hafst við heima hjá sér. í miðvesturríkjunum fór frostið niður fyrir 50 gráður á celsíus fyrir helgina. Morgunblaðið ræddi í gær við Kristin Garðarsson sem stundar nám í St. Paul í Minnesota. Hann sagði að 20 til 25 stiga frost væri algengt á þessum slóðum yfir há- veturinn, einkum í janúar og febr- úar. „Hjá okkur fór þetta núna í 35 stig að næturlagi, rétt fyrir norð- _an fór það niður fyrir 40 stig. Yfir- leitt er heldur hlýrra í borgunum en sveitahéruðunum. Það er mjög vel kynt hérna á stúdentagarðinum þar sem við bú- um en þetta er misjafnt eftir þvf hvar á görðunum fólk er. Það er sentimetra þykkt klakalag neðst á gluggunum þó að þeir séu með tvö- földu gleri, það dugar ekki til. Fólki sem býr í gömlum húsum verður ansi kalt. Hjá nágrönnum okkar fór hitinn niður í 14 stig um hánóttina. Það er sérstök tilfinning að fara út, maður finnur það nærri því með nefinu hvort frostið er komið undir 20 stig. Bíllinn okkar hætti að fara í gang þegar frostið varð 25 stig en ann- ars er mikið um rafbúnað á bíla- stæðum til að halda mótorunum heitum. Menn eru vanir kulda hér og kunna að fást við hann en þetta er óvenju mikið og mörg slys hafa orðið." Kristinn sagði að mikið væri fjallað um veðrið í fjölmiðlum og einkum væri fólk minnt á áhrif vindkælingar. Spáð 18 stiga hita í Tuscaloosa Pétur Guðmundsson kúluvarpari stundar æfingar í háskólabænum Tuscaloosa í Alabama. „Frostið fór niður í 19 stig á celsíus hér. Það snjóaði einu sinni en þetta var aðal- lega frostrigning, klakinn settist á allt og hér varð neyðarástand. Hér er enn allt lokað, flestar stofnanir eins og bankar, barnaheimili og veitingastaðir, háskólinn líka og lögreglan lokaði öllum götum i borginni um stund. Vésteinn Haf- steinsson kringlukastari, sem var hér í háskólanámi og vann við þjálf- un í mörg ár, segist aldrei muna eftir svona veðri hér." Pétur sagði að kynding væri léleg í flestum húsum, alls staðar einfalt gler og einangrun öll mjög lítil. Fólk yrði að láta vatnið renna svo að ekki frysi í leiðslum. Margir ótt- uðust rafmagnsleysi og fólk hefði byrjað að hamstra í matvöruversl- unum. „En það hefur verið sólbráð núna síðustu dagana og búið að opna helstu götur aftur. í vikulok á að vera kominn 18 stiga hiti á celsíus". ert einn GIS C 0 S T S T E I S • CISCO er mest seldi netbúnaður í heiminum í dag. • CISCO fyrir Samnetið / ISDN, Internetið og allar nettengingar. Hátækni til framfara Tæknival Skeifunni 17 • Simi 568-1665 • Fax 568-0664
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.