Morgunblaðið - 06.02.1996, Blaðsíða 5
4 B ÞRIÐJUDAGUR 6. FEBRÚAR 1996
MORGUNBLAÐIÐ
MORGUNBLAÐIÐ
ÞRIÐJUDAGUR 6. FEBRÚAR 1996 B 5
HANDKNATTLEIKUR
Þorbjörn Jensson, landsliðsþjálfari eftir Lottó-keppnina í Noregi
Þurfum meiri undirbúning
íslenska landsliðið lék að mörgn leyti vel,
en varð að sætta sig við fjórða sætið í
Lottó-keppninni í Noregi. Steinþór Guð-
bjartsson fylgdi liðinu eftir, horfði á leikina
og spjallaði við þjálfarann.
Þorbjörn Jensson, landsliðsþjálf-
ari, var óánægður með sókn-
arleikinn gegn Júgóslövum í síðasta
leiknum. „Þetta var einn af þessum
leikjum þar sem við eigum að sigra
en klúðrum dauðafærunum en það
besta var að vamarleikurinn var
með skásta móti.“
Hann sagði að margt jákvætt
hefði komið út úr þessari Noregs-
ferð. „Við mættum mjög sterkum
andstæðingum og töpuðum engum
leik með miklum mun en hefðum
alveg eins getað fagnað sigri í þess-
um leikjum. Það segir okkur enn
einu sinni að ekki er hægt að vera
með landslið í gangi og fá ekki
meiri undirbúning en hefur verið
til þessa. Þetta kennir okkur að í
framtíðinni verðum við að hafa
meiri undirbúning og það skiptir
miklu máli að við komum í leiki
haustsins í góðu standi."
Þorbjörn ætlaði sér að reyna alla
Islendingar fóru oft illa að ráði
sínu gegn Júgóslövurri í Lottó-
keppninni í Bergen á sunnudag.
Með mikilli seiglu og baráttu tókst
þeim að minnka muninn úr 21:16
í 23:22 og fengu tækifæri til að
jáfna en það átti ekki fyrir þeim
að liggja og Júgóslavar unnu 25:23
eftir að staðan hafði verið 13:12
þeim í vil í hálfleik.
Strákarnir byijuðu eins og þeir
léku best gegn Dönum daginn áður
og náðu fljótlega þriggja marka
forystu en Júgóslavar jöfnuðu 8:8
þegar 11 mínútur voru til hlés,
komust yfir og héldu fengnum hlut.
Það var kannski fyrst og fremst
vegna flumbrugangs Íslendinga í
byrjun seinni hálfleiks. Þá eyðilögðu
þeir hvert tækifærið á eftir öðru
en markvörður Júgóslava varði
glæsilega einn á mótý einum eftir
sex hraðaupphlaup íslendinga í
hálfleiknum. Strákarnir gerðu að-
eins þrjú mörk í 10 sókrium fyrstu
12 mínútur hálfleiksins og fjögur
mörk í 15 sóknum á 19 mínútna
kafla. Það gengur yfirleitt ekki og
alls ekki gegn liði eins og því júgó-
slavneska.
Þorbjörn stillti nánast upp sama
byrjunarliði í öllum leikjunum en
nú byrjaði Bjarni í markinu og Jó-
hann í vinstra horninu. Bjarni varði
vel, m.a. þrjú skot einn gegn einum
en Guðmundur kom sterkur inn í
markið fljótlega í seinni hálfleik og
átti stóran þátt í að strákarnir sáu
aftur til sólar. Vörnin var oft nokk-
uð góð en klaufaleg brot sem leiddu
af sér brottrekstur drógu dilk á
eftir sér. Sóknarleikurinn var stund-
um skemmtilegur, sem fyrr var
mikið spilað á Róbert á línunni og
vann hann val úr öllum sendingum,
ýmist með því að skora eða fiska
víti. Bjarki var lipur í horninu en
þó útileikmennirnir hafi oft gert
góða hluti vantaði öryggið, ákveðn-
ina og stöðugleikann.
Júgóslavar eru geysilega sterkir
þrátt fyrir að hafa orðið að sætta
sig við þriðja sætið í mótinu. Skytt-
an Predrag Perunicic virðist geta
skorað þegar vill en að þessu sinni
var markvörðurinn Mihajlo Ra-
dosavlzevic í aðalhlutverki og var
hann kjörinn besti maður leiksins.
Þess má geta að markvörður
danska liðsins fékk sömu viður-
kenningu í Ieiknum gegn Islending-
um á laugardag og gefur þeta vís-
bendingu um að ýmislegt þurfi að
laga í sóknarleiknum.
Það er ekki slæmt að tapa með
tveggja marka mun gegn Júgóslöv-
um en eins og í fyrri leikjum var
það klaufaskapur íslensku strák-
anna öðru fremur sem gerði útslag-
ið. Undirbúningurinn fyrir verkefni
haustsins er hafinn en ljóst er að
betur má ef duga skal.
Erfitt að setja punktinn yfir i-ið
Davíð Ólafsson fékk gullið tæki-
færi til að tryggja íslendingum jafn-
tefli gegn Dönum í Lottó-keppninni
á laugardag en danski markvörður-
inn Peter Nörklit varði í slá einn
gegn einum eftir hraðaupphlaup 15
sekúndum fyrir leikslok. Danir
fögnuðu sigri, 29:28, en ijósi punkt-
ur íslendinga var að þeir gáfust
aldrei 'upp, náðu að brúa fimm
marka bil og komast yfir, 24:23,
auk þess sem þeir spiluðu glimrandi
leik fyrstu 16 mínúturnar í seinni
hálfleik, þegar þeir gerðu 12 mörk
í 13 sóknum. En í stað þess að
bæta við eyðilögðu þeir tækifærin
og Danir náðu þriggja marka for-
ystu á ný sem var of mikið.
Þetta var að mörgu leyti góður
leikur en Danir réðu lengst af ferð-
inni. Patrekur og Ólafur voru mjög
ógnandi í sókninni og varð það til
þess að Danir fóru aðeins út úr 6-0
vörn sinni sem gerði það að verkum
að Róbert og Bjarki voru oft á auð-
um sjó á línunni. Það nýttu útispil-
ararnir sér í seinni hálfleik en fyrir
hlé var sóknarleikurinn ekki góður
og gerðu Danir mörg mörk eftir
hraðaupphlaup.
„Ég er að mörgu leyti sáttur við
leikinn, sérstaklega sóknarleikinn,
en við þurfum að taka okkur á í
varnarleiknum,“ sagði Þorbjörn
Jensson, landsliðsþjálfari, við Morg-
unblaðið í Voss. „Það er of mikið
að fá á sig 29 mörk.“
Jafnræði var með liðunum fyrsta
stundarfjórðunginn en þegar Danir
gerðu þrjú mörk í röð og komust í
9:6 urðu íslendingar of bráðlátir
og mistökin létu ekki á sér standa
en óheppnin var einnig til staðar.
Þorbjörn tók leikhlé í stöðunni 13:8,
sagði strákunum að gefa sér meiri
tíma. Þetta hafði áhrif en liðinu
tókst ekki að fylgja góðum kafla
eftir allt til loka.
leikmennina en svo fór að sömu
mennirnir spiluðu nánast alla leik-
ina. „Það kom alltaf upp sú staða
að við áttum möguleika á sigri og
þá vill maður oft halda í sömu
mennina. Við vorum inni í leiknum
gegn Norðmönnum allan tímann og
sama var upp á teningnum gegn
Rúmenum en þá tókst okkur að
sigra. Ég hélt að Danir, sem voru
með sterkasta liðið í keppninni,
myndu spila betur gegn okkur en
við áttum alltaf möguleika og þegar
svo er fá sumir minna að spila en
aðrir. Hins vegar fórum við með
mjög ungt lið í þessa keppni, stráka
með litla reynslu en þeir stóðu sig
þokkalega. Björgvin og Davíð eru
nýliðar og þeir spiluðu mikið. Jó-
hann er ekki eins góður og Bjarki
en hann fékk tækifæri og veit betur
um hvað þetta snýst. Róbert hefur
lítið spilað þegar Geir hefur verið
með og því var þetta mikilvæg
keppni fyrir hann.“
Þorbjörn sagði að taka þyrfti
varnarieikinn betur í gegn en gat
þess að Geir Sveinsson og Júlíus
Jónasson, sem voru ekki með í
keppninni, væru máttarstólpar í
vörninni. Eins þyrfti meiri aga í
sóknarleikinn en að keppni lokinni
hefði hann margt til að byggja á
með uppbygginguna og undirbún-
inginn í huga.
„Þessi keppni skilaði okkur
miklu. Strákarnir fengu að spreyta
sig og við fengum aldrei skell. Við
áttum alltaf möguleika og hefðum
getað sigrað þrátt fyrir að hafa
stundum verið ijórum til fimm
mörkum undir enda náðum við allt-
af að vinna upp mismuninn. Það
segir okkur að með örlítilli bætingu
er-hægt að gera betur og til þess
þarf meiri undirbúning."
íslendingartöpuðu þremurleikj-
um naumlega í Lottó-keppninni
llla faríð með
dauðafærín
SÓKNAR-
NÝTING
Lottó-keppnin í Noregi
J__
ÍSLAND
Mðrk Sóknir
DANMÖRK
Mðrk Sðknir %
12 22 54 F.h 15 22 68
16 22 72 S.h 14 22 63
28 44 65 Alls 29 44 66
6 Langskot 7
2 Gegnumbrot 3
1 Hraðaupphlaup 7
3 Hom 3
10 Lína 5
6 V(ti 4
SÓKNAR-
NÝTING
Lottó-keppnin í Noregi
fSLAND
Mðrk Sðknir %
12 26 46 F.h 13 27 48
11 26 42 S.h 12 26 46
23 52 44 Alls 25 53 47
5 Langskot 6
0 Gegnumbrot 4
9 Hraðaupphlaup 4
4 Hom 2
3 Lína 5
2 Víti 4
BADMINTON
Markakóngur
PATREKUR Jóhannesson lék vel í Lottó-keppninni og varð markahæst-
ur á mótinu ásamt félaga sínum Olafi Stefánssynf.
Ömggt hiá þeim rússnesku
EF frá eru taldar 20 mínútur fyrri hálfleiks í fyrri leik ísiands gegn
Rússum í Evrópukeppni kvennalandsliða í handknattleik, semfram
fóru hér á landi um helgina, verður að segjast eins og er að íslensku
stúlkurnar sáu aldrei til sólar gegn rússnesku birnunum. Rússar unnu
25:16 á laugardaginn og 26:16 á sunnudeginum. Næstu leikir íslands
eru gegn Svíum í mars og síðan Hollendingum í apríl, þar sem mestu
möguleikar eru á sigri, og vonandi fyrir íslensku stúlkurnar að þær
hafi þá náð að læra af þessum leikjum.
Frábær byijun íslenska liðsins á laug-
ardaginn fyllti 500 áhorfendur
bjartsýni. Rússar léku flata vörn og
höfðu til þess hæðina
en íslensku stúlkunum
tókst engu að síður að
finna smugur og skor-
uðu úr víti, af línu, úr
horni, hraðaupphlaupi, gegnumbroti og
með skotum að utan. Vörnina tóku þær
framarlega og Fanney Rúnarsdóttir í
Stelán
Stefánsson
skrifar
markinu varði hvað eftir annað glæsi-
lega. En þessi barátta reyndi verulega
á kraftana, Rússar biðu átekta og eftir
tuttugu mínútur fór þrekið að þverra
með tiiheyrandi mistökum. Það nýttu
gestirnir sér til hins ýtrasta og breyttu
stöðunni úr 9:7 í 9:12. í byijun síðari
hálfleiks héldu íslensku stúlkurnar uppi
baráttu en eftir fimm marka kafla
þeirra rússnesku um miðjan hálfleik
voru úrslit ráðin.
í síðari leiknum hafði rússneski þjálf-
arinn greinilega undirbúið sig betur.
Guðný Gunnsteinsdóttir fékk fáar send-
ingar á línuna, hornamennirnir voru
nánast klipptir burt og stæðilegar rúss-
neskar valkyijur ruddust gegnum vörn
íslendinga því í fyrri leiknum höfðu
færeysku dómararnir leyft það. Það er
ekki þar með sagt að þær hafí gerst
brotlegar við alþjóðlegar handboltaregl-
ur. Það varð því ekkert um neina stór-
kostlega íslenska byijun og um miðjan
hálfleik breyttist staðan úr 5:4 í 14:6.
A þeim tíma var tvívegis dæmd leiktöf
á Islendinga en Ijósið í myrkrinu var
að Guðríður Guðjónsdóttir reif sig um
og gerði þessi tvö mörk. Eftirleikurinn
var auðveldur, þær rússnesku skoruðu
úr 7 hraðaupphlaupum þar sem þær
voru oft tvær og þijár einar frammi
en Hjördís Guðmundsdóttir varði þó úr
ijórum slíkum sóknum.
íslensku stúlkurnar komu ekki nægi-
lega undirbúnar til leikjanna en á móti
má segja að skyndilegar breytingar á
fyrirkomulagi keppninnar hafi truflað
undirbúninginn. Líkamlegt og andlegt
þrek skorti í þessa erfiðu ieiki. Mark-
verðirnir Fanney Rúnarsdóttir og Hjör-
dís Guðmundsdóttir áttu mjög góða
kafla en hornamennirnir brugðust enda
kom ekki mark þaðan í seinni leiknum
þó að Hulda Bjarnadóttir gerði góða
hluti þegar hún smellti sér inn á lín-
una. Ljósu punktarnir eru þeir að Guðný
Gunnsteinsdóttir gaf aldrei eftir á lín-
unni þó að hún hafi leikið lausum hala
í fyrri leiknum og Halla María og Guð-
ríður höfðu kjark til að taka af skarið
þegar á reyndi.
„Vonsvikinn"
Morgunblaðið/Árni Sæberg
HALLA lUlaría Helgadóttir var best í leikjunum gegn Rússum.
Eg er mjög vonsvikinn. Það var ekki
ætlunin að halda áfram með nítján
mörk frá Rússum á bakinu," sagði Krist-
ján Halldórsson, þjálfari íslendinga. „Við
spiluðum mjög góðan fyrri hálfleik á laug-
ardaginn og hlutirnir gengu upp eins og
lagt var upp með. Varnarleikurinn og
markvarslan var í lagi þó að við hefðum
orðið að breyta því fyrir þessa leiki gegn
Rússum vegna stærðar þeirra. Síðan kom
bakslag í seinni hálfleik og á sunnudag
komust við aldrei inn í leikinn. Við þurfum
að æfa sóknina mun betur fyrir leikinn
gegn Svíum í byijun mars og þurfuin
mun mörk úr hraðaupphlaupum."
Á fimmföldum hraða
Halla María Helgadóttir stóð sig best
af íslensku stúlkunum og oft sú eina sem
þorði að taka af skarið. „Við áttum aldr-
ei möguleika," sagði hún. „Við spiluðum
að vísu vel á laugardaginn en þær eru á
fimmföldum hraða í úthaldi og krafti
miðað við okkur og ég er alveg búin.
Okkar vantar meiri breidd og náum ekki
að skipta mikið inn á og það heldur eng-
inn svona út í sextíu mínútur. Samt börð-
umst við eins og við gátum en áttum við
ofurefli að etja. Þær eru með fimm bestu
í heiminum í dag og við líklega bara C-
þjóð en þetta er allt á leiðinni“.
Vandi í mörgum stöðum
„Ég þekkti ekki til íslenska liðisins
fyrir leikinn en þetta er lið sem taka verð-
ur mark á,“ sagði rússneski þjálfarinn,
Levon Akopian. „Stúlkurnar vantar hins
vegar leikreynslu en ef þær bæta vörnina
ættu þær að eiga jafna möguleika á sigri,
á Hollendingum í apríl. Markverðirnir og
númer 6 [Halla María Helgadóttir] voru
frábærar og línumaðurinn [Guðný Gunn-
steinsdóttir] gerði stundum góða hluti en
það var mikill vandi í öðrum stöðum".
Nýir meistarar krýndir
UNGA fólkið, Tryggvi Nielsen og Vigdís Ásgeirsdóttir úr TBR,
stálu senunni á Islandsmótinu í badminton um helgina. Þau urðu
bæði íslandsmeistarar í einliðaieik ífyrsta sinn. Tryggvi vann
Þorstein Pál Hængsson f úrslitum og Vigdís stöðvaði fimm ára
sigurgöngu Elsu Nielsen íeinliðaleik kvenna. Árni Þór Hallgríms-
son og Broddi Kristjánsson höfðu mikla yfirburði ítvíliðaleik og
sýndu hve vel þeir hafa þróað samleik sinn.
Valur B.
lónatansson
skrifar
Urslitaleikurinn í einliðaleik
karla milli Tryggva og Þor-
steins Páls var spennandi og þurfti
oddalotu til. Þor-
steinn vann fyrstu
lotuna nokkuð sann-
færandi 15:8.
Tryggvi svaraði með
góðum leik í næstu lotu og vann
15:2. Oddalotan var síðan mjög jöfn
og spennandi. Tryggvi byijaði betur
og komst í 6:3, en Þorsteinn var
ekki á því að gefa eftir og snéri
leiknum sér í hag, 6:10. Þá reyndi
á taugarnar og þrátt fyrri ungan
aldur var það Tryggvi sem steig
færri feilspor á vellinum og jafnaði
10:10 og með góðum endaspretti
sigraði hann 15:11 og þar með 2:1
og Islandsmeistaratitillinn hans.
„Eins og gormur
um ailan völl“
„Ég hélt að hann myndi fara á
taugum eftir að ég komst í 10:6 í
oddalotunni, en hann náði að kom-
ast í gang,“ sagði Þorsteinn Páll,
sem vann íslandsmeistarann frá í
fyrra, Brodda Kristjánsson, í und-
anúrslitum 15:9 og 15:2. „Þetta er
orðið það jafnt að það er ekkert
gefið í þessu fyrirfram, en Tryggvi
er vel að sigrinum kominn. Hann
er mjög efnilegur og gæti náð langt
ef vel er á spöðunum haldið fyrir
hann. Hann hefur vöxtinn í þetta.
Er léttur og nánast eins og gormur
um allan völl.“
Vigdis rauf fimm ára sigurgöngu
Elsu í einliðaleik kvenna. Vigdís
byijaði vel, vann fyrstu lotuna ör+
ugglega 11:7 og fylgdi þessari góðu
byijun eftir og komst í 5:0 í ann-
arri lotu áður en Elsa komst á blað.
Elsa jafnaði 6:6 en Vigdís var ekki
á því að gefa eftir og náði að koma
til baka og sigra 11:7.
„Ég fann mig aldrei almennilega
í leiknum og veit ekki hvers vegna.
Kannski að sigurinn hjá Tryggva
bróður í einliðaleiknum, sem var
næsti leikur á undan, hafi truflað
einbeitinguna hjá mér,“ sagði Elsa.
„Ég hef alltaf verið með góða ein-
beitingu á íslandsmóti, en nú fór
allt í vaskinn. Ég náði engum bolt-
um niður, nánast allir útaf. Vigdís
spilaði mjög vel og ég held að þetta
sé besti leikur sem hún hefur spilað
á móti mér.“ _
Broddi og Arni Þór höfðu mikla
yfirburði gegn Tryggva og Nirði
Ludvigssyni í tvíliðaleik karla. Þeir
voru mörgum styrkleikaflokkum
fyrir ofan og sýndu að þeir eru
framarlega í þeirri grein á heims-
vísu. Þeir unnu fyrri leikinn 15:1
og síðan 15:4 og það var aldrei
spurning hverning leikurinn færi.
Þetta var sjötta árið í röð sem
Broddi og Arni Þór fagna sigri í
tvíliðaleik.
Elsa og Vigdís urðu meistarar i
tvíliðaleik kvenna annað árið í röð
eftir sigur á gamlreyndum meistur-
um, Kristínu Magnúsdóttur og Þór-
dísi Edwald, í úrslitum 15/7 og
15/8. Broddi og Elsa fögnuðu síðan
sigri í tvenndarleik og var þetta í
áttunda sinn sem Broadi er á efsta
þrepi í tvenndarleik — vann fyrst
1982 ásamt Kristínu Magnúsdóttur.
Urslit / B7
Morgunblaðið/Árni Sæberg
VIGDÍS Ásgeirsdóttir og Tryggvi Nielsen fögnuðu íslandsmeistaratitli í einliöaleik í meistara-
fiokki í fyrsta skipti. Hér má sjá þau einbeitt á svip í úrslitaleikjunum á sunnudaginn.
Draumurínn rættist
Tryggvi Nielsen, sem er aðeins
19 ára, sagði að íslandsmeist-
aratitilinn í einliðaleik væri draum-
ur sem hann hefði átt frá því hann
byijaði að æfa badminton. „Ég hef
átt þann draum lengi að sigra í
einliðaleik. Þetta er auðvitað aðal-
mótið hér heima og ég get ekki
annað en verið ánægður með úr-
slitaleikinn," sagði Tryggvi sem
sigraði Þorstein Pál Hængsson, ís-
landsmeistara frá 1987 og 1994, í
skemmtilegum úrslitaleik 8/15,
15/2 og 15/11.
„Ég komst ekki nægilega vel af
stað í fyrstu lotunni, fann ekki rétta
taktinn. Ég var svolítið tauga-
spenntur. Strax í næstu lotu náði
ég að auka hraðann og þá gekk
allt upp hjá mér. Ég hef æft mjög
vel i vetur, fimm til sjö sinnum í
viku og þetta er árangur þrotlausra
æfinga."
Tryggvi dvaldi í Danmörku síð-
asta vetur við æfingar og stefndi
að þátttöku í Evrópumeistaramóti
unglinga en meiddist á hné í febr-
úar, rétt áður en kom að mótinu.
„Það var mjög svekkjandi að meið-
ast á þeim tíma því ég var í mjög
góðri æfingu og gerði mér ágætar
vonir um að standa mig vel á Evr-
ópumótinu. Það þýðir ekki að gef-
ast upp og ég byijaði að þjálfa mig
upp aftur í ágúst og nú finn ég
ekkert til’í fætinum.“
Næsta verkefni Tryggva er þátt-
taka í Evrópukeppni landsliða sem
fram fer í Prag í næsta mánuði.
En hver eru framtíðar áform hans
í íþróttinni? „Það er auðvitað þátt-
taka í Ólympíuleikum og ætli við
segjum ekki að það verði í Sydney
í Astralíu eftir fjögur ár,“ sagði
íslandsmeistarinn ungi sem stundar
nám á eðlisfræðibraut í MS.
Trúi þessu varia
Vigdís Ásgeirsdóttir, sem lék í
fyrsta sinn til úrslita í einliðaleik
kvenna, gerði sér lítið fyrir og
stöðvaði fimm ára sigurgöngu Elsu
Nielsen. Hún vann báðar loturnar
nokkuð sannfærandi 11/7. „Þetta
var æðislegt og ég trúi þessu varla
enn. Ég hef verið þekkt fyrir að
tapa fyrir Elsu á stærri mótum og
því kom þessi sigur sjálfri mér á
óvart. Ég átti ekki von á þessu en
gerði mér þó vonir sérstaklega eftir
að ég vann hana á meistaramóti
TBR fyrir skömmu," sagði Vigdís.
„Ég náði fljótlega yfirhendinni
í fyrri lotunni og byijaði seinni
með því að komast í fimm núll og
það setti mikla pressu á Elsu. Hún
náði þó að jafna 6/6, en ég tók á
öllu sem ég átti í lokin og það
dugði. Ég var líka alveg búin eftir
leikinn.“
Vigdís er 18 ára og stundar nám
í Menntaskólanum við Sund. Hún
æfir sjö til átta sinnum í viku hjá
TBR og þá oftast með Elsu. Þær
þekkjast því mjög vel og hafa verið
að spila til úrslita í flestum mótum
hér heima að undanförnu, en oftast
hefur Elsa haft vinninginn. „Ég er
búin að bijóta ísinn í tveimur síð-
ustu mótum og hver veit nema það
gerist aftur,“ sagði Vigdís.
■ BRODDI Kristjánsson og Elsa
Nielsen, íslandsmeistararnir í ein-
liðaleik frá í fyrra, urðu tvöfaldir
meistarar að þessu sinni, en hvorugt
í einliðaleik. Þau sigruðu í tvíliða-
og tvenndarleik. Broddi hefur unnið
34 íslandsmeistaratitla frá 1980.
Vigdís Ásgeirsdóttir varð tvöfaldur
meistari, í einliða- og tvíliðaleik.
■ BRODDI sagðist ekki vera mik-
ill spámaður ef marka má úrslitin í
einliðaleik kvenna og karla. „Ég
spáði Þorsteini Páli sigri í jöfnum
leik gegn Tryggva og eins öruggum
sigri Elsu gegn Vigdísi. Þetta fór
allt á annan veg,“ sagði hann.
■ BRODDI lék fyrst til úrslita í
einliðaleik á íslandsmótinu 1980, er
hann sigraði, og lék síðan til úrslita
16 ár í röð — allt þar til nú, að
hann tapaði í undanúrslitum fyrir
Þorsteini Páli Hængssyni. Á þess-
um 16 árum varð .Broddi 12 sinnum
íslandsmeistari.
■ INDRIÐI Björnsson, sem keppti
í A-flokki á meistaramótinu í bad-
minton, var sá eini sem vann þre-
falt. Hann sigraði í einliðaleik, tví-
liðaleik með Pétri H[jálmtýssyni og
tvenndarleik með Kristínu B.
Kristjánsdóttur.
■ EBBA Lárusdóttir, sem sigraði
í einliðaleik kvenna á íslandsmótinu
sex ár í röð, 1952 til 1957, mætti
til að fylgjast með mótinu um helg-
ina. Ebba ætlaði að færa Elsu Niel-
sen blómvönd tækist henni að feta
í fótspor hennar.
Grunnstis ÍSÍ
Fræðslunefnd ÍSÍ heldur námskeið á grunnstigi ÍSÍ
9.-11. febrúar nk. í íþróttamiðstöðinni í Laugardal.
Grunnstig ISI er undirstöðumenntun fyrir leið-
beinendur bama og unglinga (að 16 ára aldri).
Námskeiðið er 26 kennslustundir og er námskeiðs-
gjald kr. 6.000. Matur og námskeiðsgögn em inni-
falin, auk gistingar á Sport-Hóteli ÍSÍ ef þörf krefur.
Þátttökugjald skal tilkynna í síðasta lagi 8. febrúar
til fræðslustjóra ÍSÍ, sem einnig veitir nánari
upplýsingar (sími 581 3377, fax 588 8848).
Frœðslunefnd ÍSÍ.