Morgunblaðið - 07.02.1996, Blaðsíða 11

MORGUNBLAÐIÐ
MIÐVIKUDAGUR 7. FEBRÚAR 1996 11
FRÉTTIR
Morgunblaðið/Guðlaugur Tryggvi
Nýsköpun stúdenta verðlaunuð
NÝSKÖPUNARVERÐLAUN
forseta Islands voru veitt á há-
skólahátíð á laugardag. Fyrstu
verðlaun hlutu þeir Pétur Snæ-
land, Rúnar Birgisson og Krist-
ján Guðni Bjarnason, verk-
fræðinemar, fyrir ráðgjafafor-
rit fyrir vinnslustjóra, en forrit-
ið þróuðu þeir í samráði við
fyrirtæki í fiskvinnslu og var
umsjónarmaður verkefnisins
Páll Jensson prófessor. Þegar
hafa náðst samningar við Marel
hf. um kaup á forritinu. Önnur
verðlaun hlaut Jón Jónsson, BA
í þjóðfræði og meistaranemi í
sagnfræði, fyrir úttekt á mögu-
leikum í ferðaþjónustu í
Strandasýslu. Umsjónarmaður
verkefnisins var Stefán Gísla-
son, sveitarstjóri á Hólmavík.
Þriðju verðlaun hlaut Viðar
Magnússon læknanemi fyrir
rannsóknir á breyttu skömmt-
unarmynstri pensillíns, en um-
sjónarmaður verkefnisins var
Sigurður Guðmundsson, læknir
á Landspítala. Vigdís Finnboga-
dóttir, forseti íslands, afhenti
nýsköpunarverðlaunin og á
meðfylgjandi mynd sést Pétur
Snæland, einn vinningshafa,
taka við 1. verðlaunum.
Stærsti rækjufarmur sem Guðbjörg
IS hefur komið með að landi
Aflaverðmætið
rúmar 83 millj-
ónir króna
ísafirði. Morgunblaðið.
FRYSTITOGARINN Guðbjörg ÍS-
46 kom til hafnar á ísafirði á föstu-
dag með um 440 tonn af rækju eft-
ir mánaðar útiveru. Er hér um að
ræða einn stærsta rækjufarm sem
íslenskt fiskiskip hefur komið með
að landi. Aflaverðmæti túrsins var
um 83,4 milljónir króna, sem er
næstmesta aflaverðmæti sem skipið
hefur komið með að landi til þessa.
„Guðbjörgin var mánuð í veiði-
ferðinni og hér er um að ræða
stærsta rækjutúr skipsins til þessa.
Skipið þurfti að fara inn til Akur-
eyrar undir lok síðasta mánaðar til
að létta á sér, en þar voru 187 tonn
af iðnaðarrækju sett í land til vinnslu
hjá Strýtu hf. Þá var skipið komið
með fullfermi en síðan hefur veiðin
verið góð og heildarafli veiðiferðar-
innar var því 440 tonn,“ sagði Þor-
leifur Pálsson hjá Hrönn hf., sem
gerir út Guðbjörgu ÍS.
Af afla skipsins fer 51 tonn á
Japansmarkað, 133,5 tonn voru soð-
in niður um borð og afgangurinn,
255,5 tonn, fóru til vinnslu hjá
Strýtu hf. Þetta er næststærsta
veiðiferð skipsins til þessa ef litið
er til aflaverðmætisins. í október í
haust kom skipið úr veiðiferð sem
losaði tæpar 86 milljónir króna.
Guðbjörg ÍS hélt aftur á veiðar á
sunnudagskvöld og var stefnan tekin
á miðin djúpt undan Norðurlandi.
-----» ♦ »-----
Vegagerðin
Rangt að til-
boðum hafi
verið hafnað
GUÐMUNDUR Svavarsson, um-
dæmistæknifræðingur Vegagerðar-
innar á Akureyri, segir það rangt
sem fram kom í Morgunblaðinu í
gær að Vegagerðin hafí hafnað
fimm lægstu tilboðum í Hringveg,
Jökulsá-Víðidal.
Hann segir að málið sé enn í
vinnslu og á viðkvæmu stigi, en
engar opinberar ákvarðanir hafi ver-
ið teknar.
„Það eru komnar vísbendingar í
málið en ekki búið að taka ákvörð-
un,“ sagði Guðmundur.
Sr. Sigurður Sigurðarson í bréfi til
sóknarnefndar Langholtskirkju
Safnaðarfund-
ur yrði aðeins
sýndarmennska
EKKI SÍST af því hvernig sóknar-
nefnd Langholtskirkju hefur kom-
ið að deilunum í sókninni varða
deilurnar orðið alla kirkjuna að
því er fram kemur í bréfi sr. Sig-
urðar Sigurðarsonar, vígslubisk-
ups í Skálholti, til sóknarnefndar-
fundar sl. föstudag. Sr. Sigurður
og herra Ólafur Skúlason, biskup
íslands, sendu fundinum bréf og
lögðu til að ekki yrði haldinn opinn
safnaðarfundur í sókninni.
Sr. Sigurður segir í bréfinu að
aðalsafnaðarfundur fari með æðsta
ákvarðanavald innan sóknarinnar.
Lögum samkvæmt séu ekki aðrir
safnaðarfundir ályktunarfærir.
Safnaðarfundur um deilurnar yrði
því aðeins sýndarsamkoma. „Hann
yrði í besta falli eins konar mál-
fundur um lítið efni en gæti í versta
falli orðið æsingafundur, sem enn
gerði þyngri ábyrgð þeirra aðila,
sem á öllum stigum málsins hafa
leitast við að gera þessa deilu að
persónulegu skítkasti að prestinum
til þess að forðast kjarna málsins."
Heilindi dregin í efa
Hann tekur fram að sér sé mál-
ið kunnugt, „...og þó að sóknar-
nefnd hafi gagnvart biskupi ís-
lands kastað rýrð á embættisheiður
minn og dregið í efa heilindi mín
í því sáttastarfi sem ég gekk til,
ætla ég enn að ráða ykkur heilt
án allrar beiskju. Ráð mitt er í
þessu fólgið, að þið reynið ekki að
grípa fram fyrir hendur þeirra, sem
nú fjalla af alvöru um málið, með
því að halda slíkan fund, né með
öðru móti. Gerið ykkur nú ljóst,
að þetta mál snýst ekki lengur um
hver betur standi sig í köpuryrðum
og persónulegum árásum. Þetta
mál varðar orðið alla kirkjuna, og
er það ekki síst vegna þess hvern-
ig sóknarnefndin hefur að því kom-
ið.“
Hr. Ólafur tekur fram að hann
meti við sóknarnefndina að hún
hafi frekar látið ýmislegt yfir sig
ganga en íjúfa þá samstöðu með
honum og Eiríki Tómassyni, sem
komi m.a. fram í því að halda að
sér höndum, þar til úrskurður liggi
fyrir. „Verði af almennum safnað-
arfundi, eins og margir virðast
óska eftir á þessum tíma, getur
það ekki orðið til annars en að
verða vatn á myllu þeirra, sem vilja
sem mestan atganginn og virða
þá ekki viðleitni til árangurs, hvað
þá friðarhugsjón kristinna manna,“
segir hr. Ólafur m.a. í bréfi sínu
og fer fram á að ekki verði boðað
til almenns safnaðarfundar að
sinni. „Hitt er eðlilegt að gjört
verði, þegar úrskurður liggur fyrir
og sjálfsagt að gefa sóknarbörnum
tækifæri til viðbragða og þá einnig
að hlýða á útskýringar."
- kjarni málsins!
Ef þu kaupir þvottavel,
án þess að skoða AEG þvottavélar

'

AEG
AEG
Lavamat 6955
Lavamat 9200
AEGlŒuSEa
AEG þvottavétar eru
á um það bil
27.000 íslenskum
heimilum.
•
AEG þvottavélar
eru a tvöfatt fleir: heimilum.
er næsl algengasta
pvottavélategunain.
•
Yfir 8cr þeirra sem
'_iga AEG pvottavéí
r>.urr(U vilta káiiOw AEG aftur
Hvað seuir hetta þér
um ^æðí -%EG þvoi'avéia?
Eð? A.EG vfiríe-tt?
...er það eins og
ferð til Egyptalands
án þess að skoða
pýramídana
Gerð sn.pr. mín. Staðgr.
LAVAMAT 508 800 sn. 74.900,-
LAVAMAT 9200 700- 1000 sn. 82.900,-
LAVAMAT 945) 700- 1200 sn. 95.900,-
LAVAMAT 6955 700- 1500 sn. 111.500,-
B R Æ Ð U R N 1 R
á.
AEG
ÞVOT.AVELUM
Umboösmenn
Vesturland: Málningarþfónustan Akranesi, Kf. Borgfiröinga, Borgarnesi.
Vestfiröir: Rafbúö Jónasar Þór.Patreksfiröi. Rafverk Bolungarvík.Straumur.ísafiröi.
Norðurland: Kf. Húnvetninga, Blönduósi. Skagfiröingabúö, Sauöárkróki.
KEA byggingavörur, Lónsbakka, Akureyri.KEA, Dalvík. Kf. Þingeyinga, Húsavik.
Austurland: Sveinn Guömundsson, Egilsstööum. Stál, Seyöisfirði. Verslunin Vík,
Neskaupsstaö. KASK, Höfn Suðurland: Árvirkinn, Selfossi. Rás, Þorlákshöfn.
Brimnes, Vestmannaeyjum. Reykjanes: Stapafell, Keflavík. Rafborg, Grindavík.