Morgunblaðið - 07.02.1996, Qupperneq 14

14 MIÐVIKUDAGUR 7. FEBRÚAR 1996
VIÐSKIPTI
morgunblaðið
Kaupþing býður
upp á vilnanir
Nýr möguleiki fyrir fyrirtæki til að
takmarka gengisáhættu
KAUPÞING býður nú fyrirtækjum
sem vilja lágmarka gengisáhættu
sína upp á nýjan möguleika, svo-
nefndar vilnanir. Hér er um svipað
fyrirkomulag að ræða og þegar fyrir-
tæki gera framvirka samninga, að
því undanskildu að með því að gera
vilnunarsamning er fyrirtæki ekki
bundið af honum ef gengisþróunin
er því hagstæð.
Að sögn Sigurðar Einarssonar,
forstöðumanns verðbréfasviðs Kaup-
þings, hefur þessi möguleiki lengi
verið til staðar erlendis, en hér á
landi hafi hins vegar ekki verið boð-
ið upp á hann sökum þess hversu
flókið það hafi verið talið fyrir banka
eða verðbréfafyrirtæki að baktryggja
sig við gerð slíkra samninga.
„Helsti gallinn við framvirka
samninga er sá að ef gengisþróun
er fyrirtækinu hagstæð á gildistíma
samningsins, er ekki hægt að losa
sig út úr honum,“ segir Sigurður.
„Mörgum stjórnendum líkar það hins
vegar illa að horfa á eftir íjármunum
sem fyrirtækið hefði fengið, ef það
hefði ekkert aðhafst. Með vilnunum
er hins vegar hægt að tryggja sér
ákveðið gengi, sem fyrirtækið getur
síðan valið að nýta sér ekki ef geng-
ið er hagstæðara að samningstíman-
um liðnum.“
Kostnaður við vilnun veltur, að
sögn Sigurðar, á því hvaða lágmarks-
gengi verður fyrir valinu, hversu
lengi samningurinn á að gilda og
hvaða mynt á í hlut. „Ef við tökum
sem dæmi að keypt sé vilnun til að
selja 100 milljónir jena á gengi dags-
ins í dag eftir 3 mánuði, yrði kostnað-
urinn af því 2,08%, eða rúmlega 1,3
milljónir króna. Tap kaupanda viln-
unarinnar verður þvf aldrei meira en
sem nemur kostnaðinum við samn-
inginn, en mögulegur gengishagnað-
ur getur hins vegar vegið þar upp á
móti.“
Komur erlendra
ferðamanna til
landsins frá 1986
200 þús.
180—-
86 87 88 89 90 91 92 93 94 95 96
Erlendir ferðamenn sem komu í janúar 1 QQ6 Breyt. 1rá ■ Fjötói % fyrraári
1. Bandaríkin 1.688 26,3 +24,7%
2.Danmörk 1.183 18,4 +8,5%
3. Svíþjóð 786 12,3 -7,4%
4. Þýskaland 621 9,7 +25,5%
5. Noregur 6. Bretland 504 7,9-*35,5% — 405 ÍZ -24,0%
7. Frakkland 227 3,5 +220%
8. Holland 204 3,2 0,0%
9. Japan 121 1,9 +77,9%
10. Finnland 101 1,6 -2,9%
Önnur 575 9,0 +13,9%
Samtals 6.415 100,0 /

FLEIRI erlendir ferðamenn lögðu leið sína hingað
til lands í janúarmánuði en í sama mánuði í fyrra
og virðist því ekkert lát ætla að verða á aukinni
sókn þeirra hingað. 6.415 erlendir ferðamenn
komu hingað í janúarmánuði, samanborið við
5.593 á sama tímabili í fyrra og nemur aukningin
því tæpum 15%.
Alþjóðleg dreifíng á Louis í höfn
Softis semur við tvö
bandarísk fyrirtæki
Samnetið í
gagnið 14.
febrúar
PÓSTUR og sími mun opna
formlega fyrir Samnetið
(ISDN) miðvikudaginn 14.
febrúar næstkomandi og geta
íbúar höfuðborgarsvæðisins,
Reykjanesbæjar og Akur-
eyrar nýtt sér þessa þjónustu
frá fyrsta degi, að því er fram
kemur í frétt frá stofnuninni.
Gjaldskrá Samnetsins hef-
ur verið gefin út og mun
stofngjald fyrir grunnteng-
ingu kosta um 26.600 krónur,
rúmlega helmingi meira en
stofngjald hefðbundinnar
línu. Afnotagjald það sem
greitt er ársfjórðungslega
kemur til með að vera 6.911
krónur.
Stofngjald stofntengingar
er hins vegar umtalsvert
hærra eða röskar 266 þúsund
krónur. Stofntenging gefur
möguleika á allt að 30 rásum
og er afnotagjaldið breytilegt
eftir fjölda rása í notkun.
Miðað við fulla notkun verður
það rúmar 69 þúsund krónur
ársfjórðungslega.
NCC fær
pöntun í Eyr-
arsundsbrú
Stokkhólmi. Reuter.
SÆNSKA byggingarfyrir-
tækið NCC hefur fengið pönt-
un að andvirði um 250 millj-
ónir sænskra króna frá Eyrar-
sundsfyrirtækinu A/S Öre-
sundsforbindelsen um gerð
vegar og brúa milli Tarnby
og Kastrup í Danmörku.
NCC segir að danska dótt-
urfyrirtækið Armton og
danska byggingarfyrirtækið
Rasmussen & Schiotz hafi
fengið pöntunina í samein-
ingu. Verkinu á að verða lok-
ið í október 1997.
Um er að ræða veg og sex
brýr á þriggja kílómetra kafla
milii Tarnby og Kastrup.
Einnig á að lengja steypt
göng um 100 metra vegna
brúar sem er í smíðum að
sögn NCC.
Alls verður Eyrarsundsbrú-
in milli Kaupmannahafnar og
Málmhauga 16 km löng.
SOFTIS hf. hefur gengið frá samn-
ingum við tvö bandarísk fyrirtæki
um alþjóðlega dreifingu og markaðs-
setningu á LOUIS hugbúnaðinum.
Annað fyrirtækið mun selja LOUIS
hugbúnað í umboðssölu en hitt hefur
keypt afnotarétt á tækninni og fellir
inn í eigin hugbúnað. Ekki er búist
við að samningarnir fari að skila
Softis hf. umtalsverðum tekjum fyrr
en seint á þessu ári eða hinu næsta.
Fyrirtækin heita Acucobol Inc. og
Liant Software Corporation, RM Di-
vision og starfa bæði á alþjóðamark-
aði. Samkvæmt heimildum Morgun-
blaðsins eru fyrirtækin samtals með
um 40-50% hlutdeild af Unix-Cobol
markaði í heiminum en Louis hug-
búnaðurinn gerir Cobol forritum á
Unix stýrikerfum kleift að nota
myndrænt viðmót. Unix stýrikerfi
eru aðailega notuð í svokölluðum
millitölvum fyrir fyrirtæki.
Samkvæmt samningnum við
Acucobol mun það selja LOUIS hug-
búnaðinn í umboðssölu um allan heim
undir merki Softis. Acucobol mun
þannig sjá um markaðssetningu og
sölu og veita káupendum fyrstu
tæknilegu aðstoðina en leita til Soft-
is með frekari ráðgjöf og verður þá
greitt sérstaklega fyrir það. Samn-
ingurinn við Acucobol var undirritað-
ur í lok október en hefur farið hljótt
þar til nú.
Samningur við Liant Software var
undirritaður í síðustu viku. Sam-
kvæmt honum mun Liant setja LOU-
IS hugbúnað inn í eigin hugbúnað
og verður LOUIS þar með óaðskiljan-
legur hluti vörunnar. Mun Liant setja
hugbúnaðinn á markað í þessum
mánuði undir heitinu VanGui.
. Samningarnir, sem nú liggja fyrir,
veita viðkomandi fyrirtækjum ekki
einkaleyfi á neinn hátt þannig að
félagið hefur fijálsar hendur um öfl-
un nýrra viðskiptavina. Vegna eðlis
samninganna er ekki búist við að
þeir fari að skila Softis hf. umtals-
verðum tekjum fyrr en í fyrsta lagi
í lok þessa árs eða byijun hins næsta.
Hlutafjáraukning væntanleg?
Hlutafé Softis hf. nemur nú um
45 milljónum króna en stjórn fyrir-
tækisins hefur heimild til að auka
það í 51 milljón. Samkvæmt heimild-
um Morgunblaðsins má vænta þess
að sú heimild verði nýtt fljótlega og
bréfin seld til að afla fyrirtækinu
fjármagns.
Hugbúnaðarfyrirtækið Softis hf.
var stofnað árið 1990 og frá upp-
hafi hefur markmið þess verið að
þróa og markaðssetja LOUIS hug-
búnaðinn. Hugbúnaðurinn byggist á
hugmyndinni um aðskilnað og síðan
tengingu á vinnslu og notendavið-
móti í tölvukerfum. Stefna Softis er
að fullþróa LOUIS tæknina á sem
flestum sviðum tölvumarkaðarins og
koma henni á markað sem víðast.
Gengi hlutabréfa í Softis hefur
sveiflast mjög frá stofnun fyrirtæk-
isins. í maí 1993 bárust fregnir um
að það stæði í umfangsmiklum við-
ræðum við tölvurisana IBM, Apple
og Novell og hækkaði gengi hluta-
bréfanna þá úr 7 í 30 á skömmum
tíma. Þegar ekkert varð af samning-
um lækkaði gengi hlutabréfanna nið-
ur í um 6.
Síðustu viðskipti með hlutabréf í
fyrirtækinu urðu á síðastliðnu hausti
þegar Aflvaki hf. og Eignarhaldsfé-
lagið Alþýðubankinn hf. keyptu tæp-
ar fjórar milljónir króna að nafnvirði
á genginu ijórum. Kaupendurnir
sögðust þá telja kaupin arðvænlegan
ijárfestingarkost og að margt benti
til- að uppskerutími væri að hefjast
hjá Softis.
Novell
losar sig
við Wörd-
Perfect
Toronto. Reuter.
NOVELL Inc. hefur samþykkt að
selja Corel Corp. í Kanada Word-
Perfect og ýmsan annan hugbúnað
fyrir 197 milljónir dollara — um írjórð-
ung þess sem Novell greiddi fyrir
hann fyrir einu og hálfu ári.
Þar með verður Corel annar um-
svifamesti óháði seljandi ritvinnslu-
og skrifstofuhugbúnaðar og keppi-
nautur Microsoft Corp.
Sérfræðingar óttast að Corel falli
í sömu gryfju og Novell fyrirtækið
þegar það keypti WordPerfect,
PerfectOffice og reiknivanginn Qu-
attroPro.
Síminnkandi sala
Novell keypti WordPerfect í júní
1994 fyrir 855 milljónir dollara til
að keppa við Microsoft, en hefur síð-
an barizt í bökkum.
Sala á WordPerfect hefur hríðfall-
ið á undanförnum tveimur árum, í
300 milljónir dollara 1995 úr um 700
milljónum dollara 1994. Sérfræðing-
ar búast við að hnignunin haldi áfram
1996 og velta því fyrir sér hvort
Corel reynist nógu öflugugt fyrirtæki
til að snúa þróuninni við.
Forstjóri Corel, Michael Cowpland,
sagði sérfræðingum að söluaðferðir
Novells hefðu verið rangar og hann
væri viss um að Corel gæti breytt
þeim. En sérfræðingar hafa vissar
efasemdir, einkum vegna veldis Mic-
rosofts, sem ræður lögum og lofum á
markaðnum.
------» ♦--------
Saab fær
pöntun að
vestan í
2.000 bíla
Stokkhólmi. Rcuter.
SAAB-bílaverksmiðjurnar í Svíþjóð
hafa fengið pöntun í 2.000 bíla frá
bandarísku bílaleigufyrirtækjunum
Budget Rent-a-Car Corp og Team
Rental Group Inc.
Til samanburðar benti talsmaður
Saab á pöntun í janúar í 400 bíla-
leigubíla að verðmæti 95 milljónir
sænskra króna. Samkvæmt því er
andvirði nýju pantananna um 500
milljónir sænskra króna. Umræddir
bílar eru af gerðinni Saab 9000 CS.
Keith Butler-Wheelhouse forstjóri
lét í ljós ánægju í yfirlýsingu með
„velgengni á bílaleigumarkaði í Evr-
ópu og Bandaríkjunum að undan-
förnu.“ Eigendur Saab Automobile
eru Investor í Svíþjóð og General
Motors í Bandaríkjunum.
Neyðarlínan semur við Samsýn um kaup á tölyubúnaði
NEYÐARLÍNAN hefur samið við Samsýn,
sem er að hluta í eigu verkfræðistofunnar
Hnits, um kaup á gagnagrunni sem nota á
í tengslum við viðbrögð við tilkynningum
um óhöpp sem berast til Neyðarlínunnar.
Hugbúnaðurinn er byggður á landupplýs-
ingakerfi verkfræðistofunnar og er afrakst-
ur nokkurra ára þróunarstarfs. Kostnaður
Neyðarlínunnar vegna þessa nemur um 30
milljónum króna og er allur vél- og hugbún-
aður þar meðtalinn.
Að sögn Eiríks Þorbjörnssonar, fram-
kvæmdastjóra Neyðarlínunnar, gerir þessi
búnaður starfsmönnum Neyðarlínunnar
kleift að átta sig á því nákvæmlega hvar
óhappið hafi átt sér stað og hverjir eigi að
bregðast við því á viðkomandi svæði. „Við
fáum alltaf símanúmerið sent fyrst og ef við
tökum sem dæmi að hringt sé inn vegna
eldsvoða á Kópaskeri, þá staðsetur tölvan
út frá símanúmerinu hvar atvikið á sér stað
og síðan blikkar bendillinn á tölvuskjánum
þar. Síðan má smella með músinni á viðkom-
andi svæði og sjá í hvaða húsi eldurinn hef-
Finnur upplýs-
ingar út frá
símanúmeri
Morgunblaðið/Jón Svavarsson
ur komið upp. Um leið birtir tölvan nauðsyn-
legar upplýsingar um hverja eigi að hafa
samband við á staðnum og hægt er að
hringja í þá af tölvuskjánum."
Eiríkur segir að forritið geti einnig kallað
upp nánari upplýsingar um öll hús á höfuð-
borgarsvæðinu. Þannig megi kalla fram á
skjáinn teikningar af viðkomandi húsi, hvar
svefnherbergi liggja í húsinu, hvar útgöngu-
leiðir er að finna, hversu margir íbúarnir
séu, og svo framvegis. „Þetta gerir okkur
kleift að gefa þeim aðilum sem koma að
málinu allar nauðsynlegar upplýsingar um
þær aðstæður sem eru fyrir hcndi á leið
þeirra á staðinn.“
Búnaður þessi byggir sem fyrr segir á
Landupplýsingakerfi verkfræðistofunnar
Hnits, en notaður er gagnagrunnur frá
Oracle og vélbúnaður frá Hewlett Packard.
Eiríkur segir að geil sé ráð fyrif því að
kerfið verði tilbúið til notkunar 1. júlí, þeg-
ar Neyðarlínan flytur starfsemi sína í nýtt
húsnæði.