Morgunblaðið - 16.02.1996, Blaðsíða 3
MORGUNBLAÐIÐ
FÖSTUDAGUR 16. FEBRÚAR 1996 B 3
DAGLEGT LÍF
Morgunblaðið/Ámi Sæberg
LAUFHOLTS- og Eiðissystkinin,
talin frá vinstri: Lilja Hjördís og
Hafþór, Guðbjörg og Þórhallur
Páll, Jóna Geirný og Már.
Systurnar og mágkonurnar hittast
tvisvar í viku og borða saman
hádegisverð, en sú fjórða, sameig-
inleg vinkona sem var vön að
borða með þeim, er nýflutt vestur
á Snæfellsnes.
Morgunblaðið/Ásdís
Á SÓLARHÓLI var gott að hefja
búskap. Húsið var nýlega auglýst
til sölu og voru konurnar í hópnum
komnar á fremsta hlunn með að
fara og skoða og rifja upp gamla
og góða daga.
GUÐBJÖRG og Þórhallur giftu sig
kornung árið 1961.
JÓNA Geimý og Már gengu í hjóna-
band, líka ung að árum, árið 1964.
LILJA Hjördís og Hafþór giftust síð-
an árið 1972.
Lífsglöð fjölskylda
LÍFSGLEÐI og ham-
ingja. Það eru orð sem
svo sannarlega eiga
við um hjónin þrenn, Guð-
björgu Jónsdóttur og Þórhall
Pál Halldórsson, Jónu
Geirnýju Jónsdóttur og Má
Halldórsson og Lilju Hjördísi
Halldórsdóttur og Hafþór
Jónsson. Kætin og hiýjan fylla
húsakynnin og þrátt fyrir að
þau séu svona mörg komast
öll að og allir hlusta. Þau eru
jafningjar og þeim líður vel
saman.
En hvað er svona sérstakt
við þessi hjón? Jú, þau eru úr
tveimur systkinahópum, Þór-
hallur, Már og Lilja eru systk-
in og Guðbjörg, Jóna og Haf-
þór eru systkin. Upphafið má
rekja til ársins 1959 þegar
Guðbjörg og Þórhallur kynnt-
ust í ísborg sem þá var við
Austurstræti. ísborg er ekki
lengur til en ástarsambandið
sem þar var stofnað til lifir
enn góðu lífi, fjórum sonum
og sex barnabörnum ríkara.
Þau giftust tveimur árum síð-
ar, árið 1961, og hófu búskap
í góðu húsi vestur á Seltjam-
arnesi, sem heitir Sólarhóll og
er að Skeijabraut 5a. Sólar-
hóll átti eftir að gegna stóru
hlutverki í lífi allra hjónanna
því öll hófu þau búskap sinn
þar/
Enginn vissi hver átti
hvaða glókoll
Jóna og Már kynntust í
gegnum systur sína og bróð-
ur. Þau gengu í hjónaband
árið 1964, fluttu líka á Sól-
arhól og eiga nú þrjá syni og
fjögur barnabörn.
Synirnir á Sólarhóli eru
flestir á svipuðum aldri og
ólust upp nánast eins og bræð-
ur. Þeir voru allir glókollar og
enginn í hverfinu vissi hver
átti hvern.
Svo leið og beið. Eitt sum-
arið fóru fjölskyldurnar í úti-
legu og fór Hafþór, eini bróð-
ir Guðbjargar og Jónu, með.
Þar tilkynnti Rann systrum
sínum að hann ætlaði að
kvænast systur Þórhalls og
Más, Lilju. „Ég gleymi því
aldrei,“ segir Guðbjörg og
hlær enda fannst þeim systr-
um þetta afar fjarstæðukennt.
En viti menn, það tók hann
ekki nema hálfan mánuð að
krækja í Lilju og árið 1972
giftust þau. Þá voru Jóna og
Már flutt úr kjallaranum á
Sólarhóli og Lilja og Hafþór
fluttu inn. Þau eignuðust síð-
an tvo syni og eina dóttur en
tvö þeirra, drengur og stúlk-
an, létust þegar þau voru fjög-
urra og fimmtán ára gömul.
þrennra hjóna
og tveggja systkinahópa
Limra á eldhúsborðinu
En hvernig tóku foreldrar
þeirra þessu öllu saman? „Þeir
voru mjög ánægðir, enda
þekktu þeir tengdafjölskyldu
barna sinna vel,“ segja hjónin
og systkinin. Og faðir Lilju
sýndi það í verki svo ekki var
um að villast að hann var
hæstánægður með nýjasta
ráðahaginn því að morgni
þess dags sem Hafþór gisti í
fyrsta skipti heima hjá Lilju
var „óborganleg" limra hon-
um ætluð skrifuð á blað sem
lá á eldhúsborðinu.
Hjónin þrenn eru sammála
um að samheldni og sam-
kennd einkenni Qölskyldur
þeirra. Þau Segjast ekki
þekkja stress en að þau leggi
mikla áherslu á öryggi, frið
og sáttfýsi. „Við höfum það
fyrir reglu í okkar hjóna-
bandi,“ segir Hafþór, „að fara
aldrei að sofa ósátt.“
„Við kynntumst þegar við
vorum mjög ung og við gerð-
um ekki miklar kröfur hvort
til annars,“ segir Þórhallur
sem telur að það sé ein af
ástæðum þess að hjónaböndin
hafa orðið langlíf. „Ég held
að fólk sem kynnist þegar það
er orðið eldra en við vorum
geri meiri kröfur og hafi meiri
væntingar."
íbúðin sem systkinin á Eiði ólust
upp í var ekki nema 36 fermetrar
að stærð og íbúðin í Laufholti um "
40 fermetrar. „Það varð að þurrka
af og ryksuga á hveijum degi,“
segja Éiðissystkinin. „Já, ég man
hvað ég varð hissa þegar ég svaf
hjá þér í fyrsta skipti,“ segir Guð-
björg við Þórhall, „þegar farið var
að þurrka af á sunnudegi.“
Hvítari en Miss World
Fjölskyldurnar eru orðnar stórar
og vaxa ört. Þegar mikið stendur
til, á jólum og þegar árlegt þorra-
blót Laufholtsfjölskyldunnar er hald-
ið, er leigður salur svo allir komist
fyrir. Þá leggja allir eitthvað til,
kökur, tertur eða annað viðeigandi
góðgæti og fólkið gerir sér glaðan
dag saman. Þorrablót fjölskyldunnar
er einmitt nýlega afstaðið og var
greinilegt að þar hafði verið glatt á
hjalla. Þriggja manna nefnd er kosin
árlega til að sjá um undirbúning og
heimatilbúna skemmtidagskrá og svo
eru auðvitað haldnar ræður. Rúsínan
í pylsuendanum þetta árið var leyni-
gestur kvöldsins. Það var Tómas,
sonur Lilju og Hafþórs, sem var kom-
inn alla leið frá Stavangri í Noregi
öllum nema þeim, sem stóðu fyrir
hrekknum, að óvörum. „Lilja hefði
ekki getað verið hvítari í framan þeg-
ar hún sá Tómas en þó hún hefði
verið kosin Miss World,“ rifja hinir
upp og hlæja dátt að minningunni. ■
mhg
PARKETSLIPUN
Sigurðar Ólafssonar
Viö gerum gömlu
gólfin sem ný
Sími: 564 3500 - 852 5070
Þurrkað af og
ryksugað daglega
Þau hjónin eru einnig sann-
færð um að hjónaböndin hafi
verið svona gæfurík vegna
þess að þau eru alin upp við
svipaðar aðstæður, annar
systkinahópurinn á Eiði,
vestast í Vesturbænum í
Reykjavík, en hinn í Laufholti
á Kleppsholtinu þar sem nú
er Dragavegur. Systkinin í
Laufholtinu voru níu en
vestur á Eiði voru þau fimm.
Þegar Guðbjörg og Þórhallur
fóru að draga sig saman kom
einnig í ljós að mæður þeirra
þekktust, þær höfðu verið
leikfélagar á Hverfisgötunni.
„Við ólumst upp við þröng-
an húsakost og takmarka-
lausa ástúð," segir Hafþór og
bætir við að þá hafi ekkert
pláss verið til að fara í fýlu.
Langtímafýlu nútímafólks
megi líklegast rekja til þess
að fólk hafi svo rnikið rúm í
kringum sig.
B-SUPER
Öflugra B-Vítamín
B-Súper inniheldur 11 náttúruleg B-vítamín í
hámarksstyrkleika. Þau eru mikilvæg fyrir
efnaskipti líkamans, heilbrigða starfsemi margra
líffæra, tauganna og húðarinnar. Einnig nauðsynleg
fyrir heilbrigðan hárvöxt og til blóðmyndunar.
B-Súper er sterk blanda allra B-vítamína
Fæst í heilsubúðum, apótekum
og heilsuhillum matvörubúða
Éh<
lEilsuhúsið
Kringlunni & Skólavörðustíg
GULI MIÐINN TRYGGIR GÆÐIN!