Morgunblaðið - 17.02.1996, Blaðsíða 2

2 LAUGARDAGUR 17. FEBRÚAR 1996
MORGUNBLAÐIÐ
FRÉTTIR
Verkalýðsfélög í Hafnarfirði í andstöðu við bæjarstjórn
Bæjarstjórn vill víkja verkalýðs-
fulltrúum úr húsnæðisnefnd
VERKALÝÐSFÉLöG í Hafnarfirði hyggjast
leita fulltingis félagsmálaráðherra til að fá
hnekkt samþykkt bæjarstjórnar Hafnarfjarð-
ar um að víkja þremur fulltrúum verkalýðsfé-
laganna úr 7 manna húsnæðisnefnd bæjarins.
Samþykktin byggist á heimildum sveit-
arfélagsins sem reynslusveitarfélags en
gengur að sögn Árna Guðmundssonar, for-
manns Starfsmannafélags Hafnarfjarðar-
bæjar, gegn því sem rætt hafði verið um í
reynslusveitarfélaganefnd sveitarfélagsins.
Hann gagnrýnir vinnubrögð bæjarstjóm-
arinnar í málinu og segir samþykktinni hafa
verið laumað í gegn á elleftu stundu við seinni
umræðu um skipan húsnæðismála í reynslu-
sveitarfélaginu og tillögu um að fresta af-
greiðslu tillögunnar til að veita bæjarfulltrú-
um færi á að kynna sér málið hefði verið
hafnað.
í húsnæðisnefndinni hafa setið sjö fulltrú-
ar, þrír tilnefndir af verkalýðsfélögunum og
fjórir af sveitarstjórn. Sú skipan er ákveðin
með lögum en reynslusveitarfélögum gefst
kostur á að haga framkvæmd húsnæðismála
hjá sér með nýjum hætti. Nýskipan á borð
við þessa öðlast þó ekki gildi fyrr en fyrir
liggur samþykki félagsmálaráðherra, sam-
kvæmt túlkun Árna Guðmundssonar.
Kosið var í húsnæðisnefnd Hafnarfjarðar
eftir sveitarstjórnarkosningar 1994 og er
formaður hennar Lúðvík Geirsson, bæjarfull-
trúi Alþýðubandalags, sem nú er í minni-
hluta í bæjarstjórninni eftir að meirihluti
sjálfstæðismanna og alþýðubandalagsmanna
sprakk og hluti Sjálfstæðisflokksins gekk til
samstarfs við Alþýðuflokk.
Árni Guðmundsson sagði að verkalýðsfélög
í bænum mundu væntanlega bera saman
bækur sínar og samræma sín viðbrögð við
samþykkt bæjarstjórnar. Hann kvaðst þegar
hafa tekið málið upp á vettvangi BSRB og
vænti þess að Hlíf og Verslunarmannafélag
Hafnarfjarðar, sem einnig missa fulltrúa í
húsnæðisnefndinni ef samþykkt bæjarstjórn-
ar nær fram að ganga, beri málið upp á vett-
vangi ASÍ. Árni sagði hagsmuni verkalýðs-
hreyfingarinnar af áhrifum á störf húsnæðis-
nefnda augljósa og auk þess sem skipanin
væri ákveðin með lögum fjármagnaði verka-
lýðshreyfingin húsnæðiskerfið að stórum
hluta með verðbréfakaupum lífeyrissjóða.
Ríkisstjórnin
Ein milljón til lækninga
á sjö ára bosnískum dreng
RÍKISSTJÓRNIN hefur ákveðið að
veita einni milljón króna til lækninga
á 7 ára gömlum dreng frá Bosníu.
Drengurinn missti aðra höndina við
úlnlið í sprengingu fyrir 3 árum.
Frændfólk drengsins kom hingað
til lands fyrir liðlega tveimur árum.
Þau óskuðu eftir því við heilbrigðis-
ráðherra að athugað yrði hvort hægt
væri að veita drengnum lækningu
hér á landi.
Þórir Haraldsson, aðstoðarmaður
heilbrigðisráðherra, segir að erindið
hafi verið tekið fyrir á ríkisstjórnar-
fundi á föstudagsmorgun. Ríkis-
stjórnin hafi ákveðið að veita einni
milljón af ráðstöfunarfé ríkisstjórn-
arinnar til lækninga á drengnum.
Hann kemur hingað til lands á
næstunni með móður sinni. Halldór
Jónsson, yfirlæknir bæklunardeild-
ar Landspítalans, hefur kynnt sér
gögn um drenginn og fer lækningin
fram undir hans stjórn. Ekki er vit-
að hvað mæðginin þurfa að dvelja
lengi hér á landi og gera þarf ráð
fyrir tíma til að þjálfa upp vöðva í
handleggnum til að taka við gervi-
hönd. Gervihöndin verður smíðuð
af Össuri hf.
Móðir og sonur dveljast hjá
frændfólki drengsins á meðan á
dvölinni á íslandi stendur.
Flugleyfi
TAESA
endurnýjað
SAMGÖNGURÁÐUNEYTIÐ
endurnýjaði flugleyfi mexíkóska
flugfélagsins TAESA hingað í gær
að tillögu loftferðaeftirlitsins, eftir
að félagið skilaði greinargerð um
leigu sína á tyrkneskri þotu, sem
fórst út af ströndum Dóminíkanska
lýðveldisins í síðustu viku. TAESA
baðst afsökunar á að láðst hefði að
sækja um leyfi fyrir flug tyrknesku
vélarinnar hingað til lands og hét
því að slíkt kæmi ekki fyrir aftur.
Halldór Blöndal, samgönguráð-
herra, sagði að TAESA hefði lýst
því yfir að félagið hefði ekki haft
upplýsingar um annað en að allt
hefði verið með felldu með tyrknesku
vélina, tryggingar hennar og önnur
plögg. „TAESA benti á að félagið
hefði lengi sinnt leiguflugi hingað
til lands og óskaði eftir að fá að
halda því áfram, enda myndi það
ekki endurtaka sig að félagið léti
undir höfuð leggjast að afla tilskil-
inna leyfa. Við vitum ekki betur en
að þetta flugfélag standist allar al-
þjóðlegar kröfur og óttumst ekki að
yfirsjón þess endurtaki sig.“
Uppfyllir ströngustu kröfur
Þota frá TAESA lendir hér á landi
á mánudag, með farþega Heims-
ferða frá Cancun og flýgur sama
dag með annan hóp út. Andri Már
Ingólfsson, forstjóri Heimsferða,
sagði í gær að meginatriði málsins
væri, að íslensk stjómvöld gerðu rík-
ar kröfur til flugöryggis og að hing-
að flygju aðeins traust flugfélög.
„Nú hafa íslensk stjómvöld end-
urnýjað flugleyfið og þar með höfum
við fengið staðfestingu á að TAESA
er félag sem uppfyllir ströngustu
kröfur," sagði hann.
■ Kannið með hvaða/16
Morgunblaðið/Amór Ragnarsson
Tennis-
höllinni
veitt bæj-
arábyrgð
BÆJARSTJÓRN Kópavogs
samþykkti í gær að veita
Tennishöllinni hf. einfalda
bæjarábyrgð á 70 milljóna
króna láni vegna endurfjár-
mögnunar Tennishallarinnar.
Til tryggingar ábyrgðinni er
annar veðréttur eignarinnar
Dalsmára 9-11. Söluverðmæti
eignarinnar er metið 150 millj-
ónir. Samþykkt bæjarstjórnar
gerir ráð fyrir að á fyrsta veð-
rétti megi hvíla allt að 60 millj-
ónir.
Áður hafði bæjarsjóður
Kópavogs veitt Tennishöllinni
bæjarábyrgð að upphæð 62
milljónir. Abyrgðin er nú aukin
upp í 70 milljónir. Gert er ráð
fyrir að gatnagerðargjöld, sem
hvíla á fyrsta veðrétti, verði
greidd með lántöku. Eftir er
að ganga endanlega frá sam-
komulagi milli Tennishall-
arinnar og bæjarsjóðs um
starfsemi hallarinnar.
Tillaga um bæjarábyrgð var
samþykkt með 10 atkvæðum,
en Helga Siguijónsdóttir, bæj-
arfulltrúi Kvennalistans, sat
hjá.
Bridshátíð
hafin
BRIDSHÁTÍÐ var sett í gær-
kvöldi á Hótel Loftleiðum. Helgi
Jóhannsson, fyrrverandi forseti
Bridssambandsins, ávarpaði gesti
en á áttunda tug erlendra gesta
taka þátt í mótinu.
Halldór Ásgrímsson utanríkis-
ráðherra setti síðan mótið og
sagði fyrstu sögnina fyrir íslands-
vininn Zia Mahmood. Zia spilar
við Danann Lars Blakset en and-
stæðingar þeirra í fyrstu umferð-
inni voru Guðmundur Sv. Her-
mannsson og Helgi Jóhannsson.
Tvimenningskeppninni lýkur í
dag en á morgun hefst stærsta
bridsmót sem haldið hefír verið
hérlendis, Opna Flugleiðamótið,
en 100 sveitir eru skráðar í
keppnina.
Bridshátíð lýkur á mánudags-
kvöld en sýndir verða á sýningar-
töflu valdir leikir í sveitakeppn-
inni.
Breytingar á meðal
verði fisks frá því
fyrir ári sfðan
Meðalverð
feb. feb.
1995 1996
Breyting
'95-'96
Smálúðuflök 702 722 +2,9%
Ýsuflök m. roði 536 517 -3,5%
Ýsuflök, reykt 639 609 -4,8%
Saltfbitar, útvatn. 550 546 -0,6%
Kinnur, saltaðar 319 310 ■2,7%
Fiskhakk, (ýsu) 564 539 -4,5%
Rauðsprettuflök 522 533 +2,2%
Fiskur
lækkar að
meðaltali
NÝ ýsuflök hafa að meðaltali lækk-
að um 3% frá febrúar á síðasta
ári. Þetta kom fram í verðkönnun
sem gerð var á vegum Samkeppnis-
stofnunar fyrr í þessum mánuði en
sambærileg könnun var gerð á veg-
um stofnunarinnar í febrúar á síð-
astliðnu ári. Þá kom fram mikill
verðmunur á fisktegundum milli
verslana.
■ Verðkönnun á fiski/9
-----».♦
Vala setti
Norður-
landamet
VALA Flosadóttir fijálsíþrótta-
kona úr ÍR setti Norðurlandamet
í stang-
arstökki á
sænska inn-
anhússmeist-
aramótinu i
gærkvöldi í
Borlange í
gærkvöldi.
Vala stökk
4,11 metraen
gamla metið
var 4,00 og
átti hún það
sjálf. Jafn-
gildir árang-
urinn fjórða sæti á heimsafreka-
skrá síðasta árs, en þá var Vala
í 19. sæti með 3,81 metra og
framfarir hennar því miklar.
Vala varð 18 ára í gær og má
því segja að hún hafi haldið upp
á afmælisdaginn með eftirminni-
legum hætti. Sigraði hún með
yfirburðum á mótinu.
■ B/1
------*—*—*----
Seinkun
vegna gang-
truflana
SEX tíma seinkun varð á að vél
Flugleiða frá Kaupmannahöfn hæfí
sig til flugs á fimmtudag. Orsökin
var gangtruflanir í hreyfli. Sam-
kvæmt upplýsingum frá Flugleiðum
kom í ljós þegar hreyflarnir voru
ræstir, að einn þeirra hegðaði sér
einkennilega og var þá ákveðið að
fresta flugtaki.
Reynt var að ræsa hreyflana
nokkrum sinnum og í seinni skipti
lét umræddur hreyfill eins og hon-
um bar að gera. Samt sem áður
var ákveðið að skoða málin gaum-
gæfilega ytra og skýrir það seink-
unina. Eftir lendingu á Islandi var
vélin tekin strax til skoðunar og
farið yfír hreyfilinn. { kjölfarið var
ákveðið að skipta um stykki sem
heitir eldsneytisstýring, en mestar
líkur þóttu á að það þyrfti endurnýj-
unar við.