Morgunblaðið - 17.02.1996, Blaðsíða 11
MORGUNBLAÐIÐ
AKUREYRI
LAUGARDAGUR 17. FEBRÚAR 1996 11
Fólksfækkun á Norðurlandi eystra
Fann
efnivið í
snjókarl
ANDRI Már Jónsson var úti í
góða veðrinu í gær og þrátt fyr-
ir að ekki sé mikill snjór á Akur-
eyri náði hann í nægan efnivið
til að búa sér til vænan snjókarl
upp við Víðilund.
Sigurður J. Sigurðsson bæjarfulltrúi
Greiðslubyrði
Framkvæmdasjóðs
verði reiknuð út
SIGURÐUR J. Sigurðsson bæjar-
fulltrúi hefur óskað eftir því að
gerðir verði útreikningar á greiðslu-
byrði Framkvæmdasjóðs Akur-
eyrarbæjar sem miðist við stöðu
sjóðsins eftir að öll seljanleg hluta-
bréf önnur en hlutabréf sjóðsins í
Útgerðarfélagi Akureyringa hf.
verði seld. Við útreikning á
greiðslubyrði verði miðað við að
sjóðurinn fái tekjur sem svari til
10% arðs af hlutabréfaeign í ÚA.
Jafnframt verði gerð tilraun til að
meta hversu mikið þurfi að selja
af hlutabréfum í ÚA til að jafnvægi
náist í greiðslustöðu sjóðsins.
„Framkvæmdasjóður hefur verið
mjög í umræðu síðustu daga og
ekki sýnilegt að skuldastaða hans
batni nema með sölu á hlutabréfum
í eigu hans. Önnur leið til að greiða
niður þessar skuldir en að taka fjár-
muni af framkvæmdafé bæjarins
er ekki fær. Menn standa andspæn-
is þeirri staðreynd að óbreytt staða
er ekki til, sjóðurinn hleður á sig
vöxtum verði ekkert að gert,“ sagði
Sigurður.
Hvað þurfi að selja mikið
af ÚA-bréfunum
„Menn tala um að selja eignar-
hlutinn í ÚA til að greiða niður
skuldir, en það má líka velta upp
þeirri spurningu hvað þurfi til að
Framkvæmdasjóðurinn standi á
núllpunkti. Ég vil gjarnan sjá hvaða
áhrif það hefur ef við seljum þessi
bréf sem viá eigum og hver greiðslu-
byrði sjóðsins yrði í framhaldi af því
miðað við að hann hefði ekki aðrar
tekjur en arð af hlutabréfaeigninni
í ÚA,“ sagði Sigurður. Hann vill
einnig að fram komi hversu mikið
þurfí að selja af hlutabréfum sjóðs-
ins í ÚA miðað við núverandi gengi
til að eftirstöðvar þeirra og arður
af þeim gæti staðið undir skuldbind-
ingum sjóðsins af sjálfsdáðum.
„í mínum huga eru þetta upplýs-
ingar sem hefðu átt að liggja fyrir
af hálfu meirihlutans þegar tillaga
um að selja öll seljanleg hlutabréf
Framkvæmdasjóðs var lögð fram,
þannig að menn hefðu glögga yfir-
sýn yfir stöðu mála. Við verðum
að vita nákvæmlega hver er pen-
ingaleg þörf sjóðsins og hvað þurfi
til að koma svo hann komist út úr
vítahringnum," sagði Sigurður.
Hafnarstjórn Akureyrar
Nemendur
kynnist at-
vinnulífmu
HÁKON Landrák verkefnisstjóri
kynnti grunnhugmyndir að baki
norska verkefninu „Distrakts-
aktiv skole“ í Háskólanum á
Akureyri í gær, en menntamála-
ráðuneytið stóð að fundinum í
samstarfi við háskólann.
Samstarfsverkefni skóla og
atvinnulífs hófst í Rogalandi í
Suður-Noregi árið 1985 sem
hafði að markmiði að efla þekk-
ingu nemenda á uppbyggingu
atvinnulífsins í heimahéraðinu.
Frá þeim tíma hefur verkefnið
þróast yfir í öfluga hreyfingu um
allan Noreg og hafa þau ráðu-
neyti í landinu sem fjalla um
mennta- og atvinnumál tekið
höndum saman um að fjármagna
og þróa verkefnið á landsvísu í
samstarfi við heimamenn. Veiga-
Morgunblaðið/Kristján
mikill þáttur í verkefninu er að
virkja grunn-, framhalds- og sér-
skóla/háskóla í uppbyggingu og
þróun „grenndarsamfélags" og
byggja upp nemendafyrirtæki á
öllum skólastigum.
Vill leigja Eimskip
og FMN lóðir á
vöruhafnarsvæðinu
HAFNARSTJORN Akureyrar hef-
ur samþykkt að ganga til samninga
við Eimskip og Flutningamiðstöð
Norðurlands um leigu beggja fyrir-
tækjanna á lóðum á vöruhafnar-
svæðinu undir starfsemi sína.
Núverandi athafnasvæði Eim-
skips er á rúmum 14.000 fermetr-
um á vöruhafnarsvæðinu en hafnar-
stjórn hefur samþykkt að ganga til
samninga við fyrirtækið um leigu
um 7.000 fermetra lóðarstækkun
til norðurs.
Flutningamiðstöð Norðurlands er
nú með aðstöðu á Togarabryggj-
unni en hyggst flytja starfsemi sína
á vöruhafnarsvæðið, upp af Tanga-
bryggju. Hafnarstjórn hefur sam-
þykkt að ganga til samninga við
fyrirtækið um leigu á um 10.000
fermetra lóð á því svæði, þ.e. sunn-
an Gránufélagsgötu og austan
Laufásgötu.
Fundargerð hafnarstjórnar verð-
ur tekin til afgreiðslu á fundi bæjar-
stjórnar næstkomandi þriðjudag.
Morgunblaðið/Kristján
ENN vantar nokkuö á að Akureyri nái 15 þúsund íbúa tölunni, þótt íbúum
bæjarins hafi fjölgað aðeins á síðasta ári. Samkvæmt bráðabirgðatölum
Hagstofunnar voru 14.922 ibúar á Akureyri 1. desember sl. og hafði fjölgað
um 9 frá árinu áður, eða um 0,1 %. (búar á Norðuriandi eystra voru 26.664
1. desember sl. og fækkaði um 0,5% frá árinu 1994.
Á þeim stöðum á Norðuriandi eystra sem eru með 200 íbúa eða fleiri,
fjölgaði íbúum á þremur þeirra milli ára en fækkaði á hinum sex. Fjölgun
varð í Reykjahlíð, Skútustaðahreppi, Ólafsfirði og Akureyri.
Mesta fólksfækkunin á stöðum með yfir 200 íbúa í kjördæminu varð á
Þórshöfn, Þórshafnarhreppi og Grenivík, Grýtubakkahreppi.
í strjálbýli á Norðurlandi eystra varð hlutfallslega lang mest fólksfjölgun á
Hjalteyri og Arnameshreppi, eða sem nemur 18,3%.
Bráðabirgðatölur mannfjöldans 1995 og endanlegar tölur 1994
Heimitd: Hagstofa Islands 1994 igg5 Bfeytjng
1995
Norðurland eystra 26.785 26.664 -0,5%
Staðir með 200 íbúa og fleiri 21.739 21.652 -0,4%
Ólafsfjörður 1.189 1.193 +0,3%
Dalvík 1.509 1.491 -1,2%
Hrísey, Hríseyjarhreppur 277 270 -2,5%
Akureyri 14.913 14.922 +0,1%
Grenivík, Grýtubakkahreppur 276 264 -4,3%
Reykjahlíð, Skútustaðahreppur 224 225 +0,4%
Húsavík 2.513 2.481 -1,3%
Raufarhöfn, Raufarhafnarhreppur 383 371 -3,1%
Þórshöfn, Þórshafnarhreppur 455 435 -4,4%
Strjálbýli 5.046 5.012 -0,7%
Grímsey, Grímseyjarhreppur 119 117 -0,7%
Litli-Árskógssandur, Árskógshreppur 115 125 +8,7%
Hauganes, Árskógshreppur 155 156 +0,6%
Hjalteyri, Arnarneshreppur 60 71 +18,3%
Kristnes, Eyjafjarðarsveit 55 55 0,0%
Hrafnagil, Eyjafjarðarsveit 89 85 -4,5%
Eyjafjarðarsýsla ót.a. 1.701 1.638 -3,7%
Svalbarðseyri, Svalbarðsstrandarhr. 185 197 +6,5%
Laugar, Reykdælahr. 117 113 -3,4%
S-Þingeyjarsýsla ót.a. 1.783 1.775 -0,4%
Kópasker, Öxarfjarðarhreppur 163 171 +4,9%
N-Þingeyjarsýsla ót.a. 504 509 +1,0%
Messur
AKUREYRARKIRKJA:
Sunnudagaskóli kl. 11 á morg-
un, fjölskylduguðsþjónusta kl.
14, fermingarbörn og foreldr-
ar þeirra sérstaklega hvött til
að mæta, ungmenni aðstoða
við messugjörð og Barnakór
Akureyrarkirkju syngur.
Guðsþjónusta í Hlíð kl. 16,
Barnakór Akureyrarkirkju
syngur. Guðsþjónusta í Seli
kl. 17. Biblíulestur í safnaðar-
heimili kl. 20.30. á mánudags-
kvöld.
GLERÁRKIRKJA: Biblíu-
lestur og bænastund í kirkj-
unni í dag, laugardag, kl. 13.
Barnasamkoma kl. 11. Messa
kl. 14. Sr. Sigurður Pálsson
framkvæmdastjóri Hins ís-
lenska Biblíufélags prédikar
og flytur eftir messu fræðslu-
erindi um tilurð Biblíunnar.
Fundur æskulýðsfélagsins kl.
20.
H J ÁLPRÆ ÐISHERINN:
Sunnudagaskóli kl. 13.30,
bænasamkoma kl. 19.30 og
almenn samkoma kl. 20, Níels
Jakob Erlingsson talar. Heim-
ilasamband á mánudag, eng-
inn krakkaklúbbur á öskudag-
inn, biblíulestur á fimmtudag
kl. 20.30.
HVÍTASUNNUKIRKJAN:
Samkoma í kvöld kl. 20.30 í
umsjá ungs fólks, vakninga-
samkoma og niðurdýfingar-
skírn kl. 15.30 á sunnudag og
safnaðarsamkoma kl. 11.
Krakkaklúbbur á miðvikudag
fyrir 9-12 ára og föstudag
fyrir eldri, biblíulestur á mið-
vikudagskvöld og bæna- og
lofgjörð á föstudagskvöld.
Fjölskyldudagur Hvítasunnu-
kirkjunnar er í dag, 17. febr-
úar, hist við íþróttahúsið á
Þelamörk kl. 13.
KAÞÓLSKA kirkjan, Eyrar-
landsvegi 26: Messa í dag,
laugardag, kl. 18 og á morg-
un, stinnudag, kl. 11. Einnig
messa á öskudag, miðvikudag-
inn 21. febrúar kl. 18.
Islandsmótið í íshokkí
S A og SR mætast í dag
EINN leikur fer fram í dag á
íslandsmótinu í íshokkí. Skauta-
félag Reykjavíkur sækir lið
Skautafélags Akureyrar heim og
fer leikurinn fram á skautasvell-
inu á Akureyri og hefst kl. 16.00.
I síðasta leik liðanna sem fram
fór í Reykjavík fyrir skömmu,
unnu SR-menn nokkuð auðveldan
sigur, 8:1. Þá vantaði tvo af bestu
mönnum SA í liðið vegna meiðsla,
þá Sigurð Svein Sigurðsson og
Heiðar Gest Smárason. Sigurður
Sveinn er að ná sér á strik á ný
og leikur með liði sínu í dag en
Heiðar Gestur er enn meiddur.
SR-menn mæta hins vegar til
leiks án Bandaríkjamannsins
Clark MaCormicks sem er í leik-
banni.