Morgunblaðið - 20.02.1996, Blaðsíða 8

SKIÐI / HM ASPANI
Ortlieb náði
„þrennunni“
PATRICK Ortlieb frá Austurríki náði „þrennunni" með því að
sigra í bruni karla á heimsmeistaramótinu í Sierra Nevada á
Spáni á laugardag. Hann er Ólympíumeistari í greininni frá því
í Albertville 1992, hefur sigrað íbrunbrautinni íKitzbiihel, nú
er heimsmeistaratitillinn í höfn og á hann þá aðeins eftir að vinna
bruntitil heimsbikarsins.
Ortlieb nýtti sér vel þyngd sína
og fór Veleta-brautina á
2.00,17 mínútum og var 0,27 sek-
úndum á undan Italanum Kristian
Ghedina. Franski brunmaðurinn Luc
Alphand varð þriðji, aðeins einum
hundraðasta hluta úr sekúndu á eft-
ir ítalanum.
„Það eru fjögur markmið sem
brunmenn keppa að og ég hef nú
náð þremur þeirra og nú á ég aðeins
eftir að vinna heimsbikartitilinn í
bruni,“ sagði Ortlieb, sem er 28 ára
frá skíðabænum Legh í Austurríki.
Verðlaunahafarnir þrír, sem allir
hafa unnið heimsbikarmót í bruni,
afsönnuðu kenningu franska lands-
liðsþjálfarans, Michel Vion, sem
hafði lýst því yfir að brunbrautin í
Sierra Nevada væri „brandari" og
það yrði heppni hver sigraði því
brunkapparnir fengu aðeins eina
æfingaferð í brautinni, og það
nokkrum klukkustundum fyrir
keppnina á laugardaginn. Eins sagði
hann brautina allt of auðvelda.
Ortlieb, sem er stór og stæðilegur
— um 100 kg og tæpir tveir metrar
á hæð, sagðist hafa verið mjög afs-
lappaður þegar hann fór niður. „Við
áttum allir möguleika á sigri. Allir
hinir sem náðu ekki markmiðinu,
að sigra, geta nú fundið ástæðu fyr-
ir því að þeir unnu ekki. Ég gerði
engin mistök í brautinni og ég mundi
segja að skíðin mín ættu helminginn
í gullverðlaununum. Á Ólympíuleik-
unum í Albertville kom sigurinn á
óvart, en nú var ég einn af þeim
sigurstranglegri fyrir mótið.“
Ghedina, sen varð annar í tví-
keppninni á HM 1991, sagðist hafa
verið viss um að eiga mögleika því
hann notar sömu skíði og Isolde
Kostner, sem sigraði í risasvigi
kvenna í síðustu viku. Hann sagðist
hafa ákveðið að láta skeggið og
bartana ósnerta því það myndi færa
sér heppni. „Alphand rakaði sig eft-
ir slæmt gengi í risasviginu og varð
þriðji! Ég varð annar.“
Alphand var ánægður með að
hafa loks náð á verðlaunapall eftir
að hafa mistekist það á HM 1993
og á ÓL 1992 og 1994. „Ég hefði
getað unnið ef ég hefði ekki gert
mistök í brautinni, alla vega náð
silfurverðlaununum," sagði Alp-
hand, sem varð fjórði í bruni á síðsta
heimsmeistaramóti og einnig þá nýr-
akaður. „Ætli ég láti skeggið ekki
vaxa aftur.“
Norski skíðakappinn Lasse Kjus,
sem hefur forystu í heimsbikar-
keppninni, rétt missti af verðlaunum
með því að hafna í fjórða sæti.
Reuter
Dansandi kát
PICABO Street dansaðl af kætl þegar hún varð fyrstl banda-
rískra kvenna tll að slgra í brunl á helmsmelstaramótl.
Vernharð
upp fyrir
Bjama
VERNHARÐ Þorleifsson úr
KA komst upp fyrir Ármenn-
inginn Bjarna Friðriksson á
Evrópulistanum í 95 kg flokki
í júdó eftir stórmót sem þeir
kepptu á í Austurríki um
helgina. Vemharð sigraði í
einni glímu og varð í 16. sæti
en Bjarni tapaði tveimur.
Þetta var fjórða svokall-
aðra A-móta af tíu, sem gefa
punkta i keppninni um sæti á
Olympiuleikunum í sumar.
Vernharð fékk 18 punkta fyr-
ir frammistöðuna á mótinu
og hefur nú 63, Bjarni er hins
vegar enn með 50. Vernharð
hefur keppt á þremur A-mót-
um en Bjarni tveimur.
Í fyrstu umferð vannVern-
harð Lemuire frá Frakklandi
en í næstu umferð tapaði
hann fyrir Sanches frá Kúbu.
Sances tapaði svo næstu
glimu þannig að Vernharð
fékk ekki uppreisnarglímu.
Bjami tapaði fyrir Ivan
Rudu frá Rúmeníu á Ippon
með Uchi-mata kasti um
miðja glimu. Þess má geta að
Rudu sigrað — lagði alla and-
stæðinga sína á Ippon. Bjarai
lenti á vinstri öxl og tognaði
í glímunni og ákvað ekki fyrr
en á síðustu stundu að halda
áfram, því næsta glíma gæfi
27 punkta ef hún ynnist. En
hann tapaði fyrir Japananum
Komachi.
Bjarni lenti í hrakningum
á leiðinni vegna þess að flugi
var aflýst frá Keflavík. í stað
þess að fara til Kaupmanna-
hafnar að morgni flaug hann
síðdegis til Hamborgar, það-
an til Miinchen og ók síðan
til Linz í Austurríki ásamt
Vachun þjálfara. Þangað
komu þeir kl. 2 eftir mið-
nætti og híjóp Bjarna þá upp
og niður hótelstigana í rúma
klukkustund til að létta sig.
Vaknaði síðan kl. 6 til að
mæta í vigtun og keppnin
byrjaði kl. 9, þannig að hann
var ekki vel upplagður.
Fyrsta gull Svía
Reutcr
PERNILLA Wiberg krækti í gær i fyrsta gull Svía á HM.
Sögulegur
sigur Street
PICABO Street varð á sunnudag fyrst bandarískra kvenna til að
verða heimsmeistari í bruni. Það var bandarískur dagur í brun-
inu því þrjár af fystu f imm eru frá Bandaríkjunum og er þetta
besti árangur sem bandarískar skíðakonur hafa náð á stórmóti.
Pernilla Wiberg sigraði í alpatví-
keppni kvenna í gær og vann
þar með fyrstu gullverðlaun Svía á
heimsmeistaramótinu í Sierra
Nevada á Spáni. Sænska skíða-
drottningin hafði miklá yfirburði,
enda hefur svig verið sérgrein henn-
ar. Hún var meira en tveimur sek-
úndum á undan Anitu Wachter frá
Austurríki, sem varð önnur. Norska
stúlkan Marianne Kjörstad nældi í
bronsverðlaunin og er þetta í fyrsta
sinn sem hún kemst á verðlaunapall
á stórmóti.
Wiberg var í 19. sæti eftir brunið
á föstudag, tveimur sekúndum á
eftir Picabo Street sem var með
besta tímann. Næstum helmingur
keppenda keyrði út úr sviginu enda
brautin mjög erfið. „Svigið var eins
erfitt og brunið var auðvelt," sagði
Wachter. „Wiberg var í algjörum
sérflokki í sviginu. Hún er besta al-
hliða skíðakonan og það er því ág-
ætt að hún sigraði."
Wiberg var heimsmeistari í stór-
svigi 1991 og Ólympíumeistari í
sömu grein í Albertville 1992. „Ég
vissi að ég ætti möguleika á sigri
með því að ná mér vel upp í svig-
inu. Ég gaf allt sem ég átti í svigið.
Brautin var mjög erfið og ég var
hissa þegar ég sá tímann minn á
töflunni eftir fyrri ferðina. Seinni
ferðin var erfið því ég þorði ekki að
taka of mikla áhættu,“ sagði Wi-
berg, sem er 25 ára.
í gær átti einnig að keppa í tví-
keppnisbruni karla, en því var frest-
að vegna hvassviðris efst í fjallinu.
Street, sem hefur haft nokkra
yfirburði í bruninu í vetur, var
rúmlega hálfri sekúndu á undan
Katju Seizinger frá Þýskalandi, sem
varð önnur. Hilary Lindh frá Banda-
ríkjunum var þriðja og Kate Pace
frá Kanada fjórða. Megan Gerety,
Bandaríkunum, kom síðan í fimmta
sæti og undirstrikaði þar frábæran
árangur bandarísku stúlknanna.
Street, sem var rekin úr banda-
ríska landsiðinu fyrir nokkrum
árum, vegna lélegs árangurs, sýndi
og sannaði að hún á þar heima.
„Hún er langbest. Það má einnig
þakka þjálfaranum þennan góða
árangur bandarísku kvennanna.
Street hefur alltaf sett sér ákveðin
markmið og alltaf hefur hún náð
þeim,“ sagði Dee Strett, móðir
Picabo, með tárin í augunum eftir
að dóttirin var orðin heimsmeistari.
„Margir hafa talað um að braut-
in væri of létt. Ég er ekki sammála
því. Það er alltaf sú besta sem sigr-
ar, sama hvort brautin er létt eða
erfið. Ég reyndi að vinna vel í allri
brautinni og í hverri einustu beygju.
Það var ekki hægt að leyfa sér að
gera nein mistök því þau hefðu
kostað dýrmætan tíma,“ sagði Stre-
et.
Street er af indíánaættum, frá
rikinu Idaho. Hún gekk undir nafn-
inu „Singin Waters" eða Kiijandi
vatn í barnæsku, eða þar til hún
varð þriggja ára. Hún er 25 ára
og er handhafi heimsbikarsins í
bruni. Hún varð önnur í bruni á
Ólympíuleikunum í Lillehammer
fyrir tveimur árum og önnur í alpa-
tvíkeppni á HM 1993.
ENGLAND: 2 2X X11 2X1 111X
ITALIA: 2 21 2 X X 111 11X1