Morgunblaðið - 22.02.1996, Blaðsíða 2
2 FIMMTUDAGUR 22. FEBRÚAR 1996
MORGUNBLAÐIÐ
FRÉTTIR
Logaði í risi
Rússanna
ELDUR kom upp í risi húss
rússneska sendiráðsins við
Garðastræti síðdegis í gær.
Starfsmenn sendiráðsins voru í
húsinu og urðu eldsins varir,
en að sögn slökkviliðsins voru
þeir aldrei í hættu. Eldurinn var
fljótslökktur, en skemmdir urðu
töluverðar í risinu.
Slökkviliðinu barst tilkynn-
ing um eldinn kl. 17.51. Þá var
hluti slökkviliðsmanna að sinna
sjúkraflutningum, sem voru
óveiyu margir einmitt þá stund-
ina, en tiltækt lið var sent á
vettvang úr slökkvistöðinni við
Skógarhlíð. Þá fékkst liðsauki
úr slökkvistöðinni við Tungu-
háls og hlupu kollegar úr Hafn-
arfirði í skarð þeirra, sem það-
an fóru.
Rauk út um glugga
Þegar slökkviliðið kom á vett-
vang rauk mjög út um glugga
á risi. Tveir reykkafarar fóru
inn í húsið og gekk þeim greið-
lega að slökkva eldinn, sem var
í tveimur risherbergjum og á
stigapalli. Að sögn slökkviliðs-
ins var í gærkvöldi ekki vitað
hvernig eldurinn kviknaði, en
enginn var í herbergjunum þeg-
ar eldurinn kom upp.
Fjórir slökkviliðsmenn vökt-
uðu húsið til kl. 21 í gærkvöldi,
en þá þótti Ijóst að engin glóð
leyndist í því Iengur.
Morgunblaðið/Júlíus
Heilbrigðis- og
tryggmgaráðu-
neyti í tvennt?
SKIPTA á heilbrigðis- og trygg-
ingamálaráðuneytinu í tvö ráðu-
neyti, sagði Sturla Böðvarsson al-
þingismaður og varaformaður íjár-
laganefndar á fundi fulltrúaráðs
sjálfstæðisfélaganna í Reykjavík í
gær. Sturla telur að með því að
skipta ráðuneytinu upp með þess-
um hætti verði betur tryggt að
tveir aðilar, kaupandi og seljandi,
geti náð fram kröfum um hag-
kvæmni og verðlag.
Sturla Böðvarsson og Dögg
Pálsdóttir hri. voru frummælendur
á fundi sjálfstæðisfélaganna, þar
sem umræðuefnið var hvort heil-
brigðiskerfið stefndi í gjaldþrot.
Sturla lagði til að heilbrigðis-
ráðuneytið færi með heilbrigðis-
og forvarnastörf og rekstur þeirra
stofnana sem ríkið á og rekur með
beinum framlögum. Trygginga-
ráðuneytið færi síðan með öll bóta-
og tryggingamál og semdi við heil-
brigisráðuneyti, einkastofnanir og
aðra um kaup á þjónustu og sæi
um bótagreiðslur samkvæmt al-
mannatryggingalögum.
Taldi Sturla það ekki í samræmi
við nútímakröfur að kaupandi og
seljandi væru undir sömu yfir-
stjórn, eins og væri samkvæmt
núverandi skipulagi ráðuneytisins.
Verð á 95 oktana bensíni lækkar
Sölu á blýblönd-
uðu bensíni hætt
SÖLU á blýblönduðu 98 oktana
bensíni og 92 oktana bensíni verð-
ur hætt upp úr miðjum mars en
þess í stað kemur á markaðinn
blýlaust 98 oktana bensín. 92 okt-
ana bensín hefur þurft að sér-
blanda fyrir íslendinga. Sú hag-
kvæmni sem leiðir af þessari breyt-
ingu fyrir olíufélögin gerir þeim
kleift að lækka verð á 95 oktana
bensíni en verð á 98 oktana bensíni
helst óbreytt. Þetta kemur fram í
sameiginlegri fréttatilkynningu frá
innfiytjendum eldsneytis á íslandi.
Olíufélögin samtaka
í breytingunum
Olíufélögin þrjú, Olíufélagið hf.,
Olíuverslun íslands og Skeljungur,
hafa um nokkurt skeið haft sam-
starf um innflutning á bensíni og
kemur breytingin til framkvæmda
hjá þeim öllum á sama tíma.
Fram til ársins 1974 voru flestar
bílvélar með svokölluðum mjúkum
ventlasætum. Blýið í bensíninu
kom í veg fyrir að ventlarnir of-
hitnuðu og að vélamar skemmd-
ust. Á árunum 1974 til 1986 var
hins vegar flestum nýjum bílvélum
breytt í því skyni að draga úr
mengun og í stað mjúkra ventla-
sæta komu vélar með hörð ventla-
sæti sem þola blýlaust bensín.
Blýbætiefni sett í bensínið
fyrireldribíla
Á síðustu árum hefur verið gerð
krafa um að hvarfakútar séu í öll-
um nýjum bílum til að draga enn
frekar úr mengun í útblæstri bíla,
en hvarfakútar þola ekki blýbland-
að bensín. Mjög hefur því dregið
úr notkun á blýbensíni. Talið er
að um þijú prósent af bílaflota í
nágrannalöndunum þurfi blýbens-
ín. Samkvæmt útreikningum olíu-
félaganna þurfa um það bil 5% af
bílum landsmanna á blýblönduðu
bensíni að halda. Olíufélögin hafa
gert samninga við erlenda birgja
um innflutning á blýbætiefni sem
ætlað er til íblöndunar á eldri bíla
sem hingað til hafa þurft á blý-
bensíni að halda. Notkun slíkra
bætiefna hefur verið reynd með
góðum árangri annars staðar á
Norðurlöndum og víðar í Evrópu
um nokkurra ára skeið, segir í
fréttatilkynningu olíufélaganna.
Þessi bætiefni verða til sölu á bens-
ínstöðvum félaganna og er miðað
við að ökumenn geti sjálfir séð um
íblöndun.
Cardigans
á Islandi
SÆNSKA hljómsveitin
Cardigans kom til landsins í
gær, en hún heldur tónleika í
kvöld á Hótel íslandi og á
föstudagskvöld á Akureyri. í
gærkvöldi hélt sænski sendi-
herrann hljómsveitinni hóf og
þar voru þau öll, Magnus Sven-
ingsson, bassaleikari, Bengt
Lagerberg, trommuleikari,
Lars-Olof Johansson, hljóm-
borðsleikari, Peter Svensson,
gítarleikari og Nina Persson
söngkona.
Morgunblaðið/Árni Sæberg
Minningargreinar
og aðrar greinar
FRÁ áramótum til 15. febrúar
sl. birti Morgunblaðið 890 minn-
ingargreinar um 235 einstakl-
inga. Ef miðað er við síðufjölda
var hér um að ræða 155 síður í
blaðinu á þessum tíma. I janúar
sl. var pappírskostnaður Morgun-
blaðsins rúmlega 50% hærri en
á sama tíma á árinu 1995. Er
þetta í samræmi við gífurlega
hækkun á dagblaðapappír um
allan heim á undanförnum miss-
erum. Dagblöð víða um lönd hafa
brugðizt við miklum verðhækk-
unum á pappír með ýmsu móti
m.a. með því að stytta texta,
minnka spássíur o.fl.
Af þessum sökum og vegna
mikillar fjölgunar aðsendra
greina og minningargreina er
óhjákvæmilegt fyrir Morgun-
blaðið að takmarka nokkuð það
rými í blaðinu, sem gengur til
birtingar bæði á minningargrein-
um og almennum aðsendum
greinum. Ritstjórn Morgunblaðs-
ins væntir þess, að lesendur sýni
þessu skilning enda er um hóf-
sama takmörkun á lengd greina
að ræða.
Framvegis verður við það mið-
að, að um látinn einstakling birt-
ist ein uppistöðugrein af hæfi-
legri lengd en lengd annarra
greina um sama einstakling er
miðuð við 2.200 tölvuslög eða
um 25 dálksentimetra í blaðinu.
í mörgum tilvikum er samráð
milli aðstandenda um skrif minn-
ingargreina og væntir Morgun-
blaðið þess, að þeir sjái sér fært
að haga því samráði á þann veg,
að blaðinu berist einungis ein
megingrein um hinn látna.
Jafnframt verður hámarks-
lengd almennra aðsendra greina
6.000 tölvuslög en hingað til
hefur verið miðað við 8.000 slög.
Lét hendur skipta gegn blaðakonu
Björk baðst afsökun-
ar og sendi blómvönd
BJÖRK Guðmundsdóttir er nú á
ferð um Asíu og lék á tónleikum
í Bangkok í Tælandi í gærkvöld.
í dag heldur hún til Singapore
og heldur þar tvenna tónleika, á
föstudag og laugardag. Að þeim
loknum fer hún til Astralíu og
þaðan til Nýja-Sjálands.
Aðgangshörð
blaðakona
Við komuna til Bangkok í Tæ-
landi á mánudagskvöld var Björk
á ferð með Sindra syni sínum og
aðstoðarkonu sinni, Netty Walker.
Þar var einnig hópur blaðamanna
sem vildi hafa tal af henni, þar á
meðal breska blaðakonan Julie
Kaufman.
Að sögn umboðsskrifstofu
Bjarkar þótti Björk blaðakonan
vera full aðgangshörð og fór svo
að hún lét hendur skipta. Við svo
búið hvarf Björk á braut, en hún
hafði síðan samband við blaðakon-
una, baðst afsökunar og sendi
henni blóm.
í frétt frá Reuter er haft eftir
Julie Kaufman að málinu sé lokið
af hennar hálfu.
Flestir breskir fjölmiðlar sögðu
frá þessu atviki og af því tilefni
sendi Björk frá sér yfirlýsingu í
gærdag þar sem hún biður alla
afsökunar. Hún segir meðal ann-
ars, að hún hafi verið úrvinda við
komuna til Tælands, án þess þó
að það sé afsökun fyrir hegðan-
inni, en hún voni að fólk geri sér
grein fyrir álaginu.
Félag eggja-
framleiðenda
Bænda-
samtökin
skoði
lagagrunn
„FUNDUR stjórnar Félags
eggjaframleiðenda ákvað að
beina því til Bændasamtak-
anna að þau hlutist til um það
við stjórnvöld að fá skýrar lín-
ur um það hvenær búvörulög
gilda og hvar samkeppnislög
taka við. Það er óþolandi að
starfa við þær aðstæður, að
menn séu sakaðir um að brjóta
gegn lögum, þegar þeir eru í
raun að starfa samkvæmt öðr-
um lögum," sagði Bjarni Stef-
án Konráðsson, framkvæmda-
stjóri Félags eggjaframleið-
enda í gær.
Fleiri mál hjá
Samkeppnisráði
Samkeppnisráð telur að Fé-
,ag eggjaframleiðenda hafi
brotið gegn samkeppnislögum,
m.a. með því að hvetja til sam-
ráðs um verð og afslætti á
eggjum. Félagið hefur svarað
því til, að það fari að búvöru-
lögum. Stjórn félagsins fund-
aði um álit samkeppnisráðs í
gær, en Bjarni Stefán segir
að það muni ekki hafast að
að sinni. „Fleiri mál af svipuð-
um toga eru hjá Samkeppnis-
ráði. Skilin milli samkeppnis-
laga og búvörulaga eru óljós
og við viljum að heildarsamtök
bænda kanni lagalega stöðu
félagsmanna."