Morgunblaðið - 22.02.1996, Blaðsíða 19
MORGUNBLAÐIÐ
LISTIR
FIMMTUDAGUR 22. FEBRÚAR 1996 19
„Stríð og friður“ frá
morgni til kvölds
STÓRMYNDIN „Stríð og friður“,
byggð á samnefndri skáldsögu Lévs
Tolstoj verður sýnd í bíósal MÍR,
Vatnsstíg 10, laugardaginn 24.
febrúar næstkomandi.
Kvikmyndin verður sýnd í heild
sinni þennan dag, þ.e. allir 4 hlut-
arnir: 1) Andrei Bolkonsky, 2) Nat-
asha Rostova, 3) 1812 og 4) Pierre
Bezakhov. Heildarsýningartími
myndarinnar er um sex og hálf
klukkustund, en hlé verða gerð á
sýningunni milli einstakra myndar-
hluta, 2 hálftíma kaffihlé og
klukkustundar matarhlé. Bornar
verða fram kaffi- og matarveitingar
í hléunum, meðal annars þjóðlegir
rússneskir réttir.
Kvikmyndasýningin hefst kl. 10
að morgni laugardagsins 24. febr-
úar og lýkur um kl. 18.30 að
kvöldi.
Kvikmyndin „Stríð og friður" var
gerð í Sovétríkjunum á árunum
1966 og 1967 og var leikstjórinn
Sergei Bondartsjúk, sem jafnframt
fer með eitt aðalhlutverkið.
Myndin er talsett á ensku. Vegna
takmarkaðs sætaframboðs verður
aðgangur að bíósalnum aðeins
heimilaður gegn framvísun miða
sem seldir verða í MÍR fyrirfram,
daglega kl. 17-18. Innifalið í miða-
verði er máltíð og kaffiveitingar í
hléum.
Fjórtán
Lang-
brækur
IDAG verður opnuð sýning í
Gallerí Umbru á Bernhöftstorfu.
Það eru 14 Langbrækur sem þar
munu sýna verk sín en húsnæði
Úmbru er einmitt það sama og
hýsti Gallerí Langbrók lengst af.
Margir muna eftir Gallerí
Langbrók. Langbrækurnar voru
hópur listakvenna sem áttu sinn
þátt í menningarlífi borgarinnar
árum saman. I hópnum voru upp-
haflega 12 konur en hann tók
síðan breytingum. Þær hófu
rekstur Gallerí Langbrókar að
Vitastíg 12 sumarið 1978 og voru
meðal brautryðjenda í rekstri
slíkra gallería í Reykjavík.
Langbrækur voru fjórtán þeg-
ar þær gerðust landnemar á Torf-
unni 1980 og nokkrum árum
seinna fjölgaði um tíu. Árið 1986
var Langbrókin lögð niður.
Þær Langbrækur sem nú sýna
eru: Asrún Kristjánsdóttir, Elísa-
bet Haraldsdóttir, Eva Vilhelms-
dóttir, Guðný Magnúsdóttir, Guð-
rún Auðunsdóttir, Guðrún Gunn-
arsdóttir, Guðrún Marínósdóttir,
Jóhanna Þórðardóttir, Kolbrún
Björgólfsdóttir, Ragna Róberts-
dóttir, Sigrún Eldjárn, Sigrún
Guðmundsdóttir, Steinunn
Bergsdóttir oog Þorbjörg Þórð-
ardóttir.
í júní 1980 opnuðu fjórtán
Langbrækur sýningu á smá-
myndum sem þær kölluðu Smæli.
Það er til heiðurs minningunni
um þessa sýningu sem sýningin
núna er lialdin.
Aftur verða sýndar smámyndir
og verður hámarksstærð þeirra
14 sinnum 14 cm.
Sýningin stendur til 13. mars.
Hún er opin frá kl. 13-18 alla
daga nema kl. 14-18 sunnudaga
og lokuð mánudaga.
-----»-♦-■♦-
Dagur
tónlistar-
skólanna
FÖSTUDAGURINN 24. febrúar er
dagur tónlistarskólanna á Islandi. A
tólfta þúsund íslendinga á öllum
aldri stundar nú nám í tónlistarskól-
um.
í tilefni af degi tónlistarskólanna
verður opið hús í Tónlistarskóla
Seyðisfjarðar föstudaginn 24. fe-
brúar kl. 15-19. Heitt verður á könn-
unni og er gestum boðið að skoða
hljóðfæri skólans og fræðast um
starfsemi hans.
Engin hefðbundin kennsla verður
þennan dag, nema hvað kóræfing
verður kl. 16.
öryggi, kraftur
mm iú
og þægindi
Einstaklega vandaður og vel búinn fjölskyldubíll
I
Öryggisbúnaður í sérflokki
12 Öryggisloftpúðar (air bag)
Hliðarárekstrarvörn
Hæðarstilling á öryggisbeltum
Krumpsvæði framan og aftan
Rafstýrð hæðarstilling á framljósum
Helsti búnaður m.a.
Aflmikil 16 ventla vél 86 hestöfl
Vökvastýri/veltistýri
Rafdrifnar rúðuvindur
Samlæsingar
Rafstýrðir útispeglar
Útvarp/segulband 4 hátalarar
Upphituð framsæti
Dagljósabúnaður
$ SUZUKI
.....•////-
SUZUKI BILAR HF
Skeifunni 17-108 Reykjavík - sími: 568 5100
SUZUKI- afl og öryggi