Morgunblaðið - 22.02.1996, Qupperneq 1
BLAÐ ALLRA LANDSMANNA
PtorjputfilafrUk
D
1996
FIMMTUDAGUR 22. FEBRUAR
BLAÐ
SKIÐI / HEIMSMEISTARAMÓTIÐ í ALPAGREINUM
Reuter
Girardelli fagnaði HM-sigri í fjórða sinn
MARC Girardelli frá Lúxemborg, sigraði í alpatvíkeppni karla á heimsmeistaramótinu í Slerra Nevada á Spáni
í gær. Þetta var í 13. slnn sem hann kemst á verðlaunapall á stórmóti, þ.e.a.s. ÓL og HM, og er það met.
Hann hefur þrisvar sinnum orðið heimsmeistari í alpatvíkeppni og einu sinni í svlgi.
■ Enn ein... / D8
Riley slapp með
áminningu
ÁSTRALSKA sundkonan Samantha Riley slapp
með alvarlega áminningu eftir að hafa fallið á
lyfjaprófí en Scott Volkers, þjálfari hennar, var
settur í tveggja ára bann. Riley féll á lyfjaprófi
á heimsmeistaramóti 125 metra laug í Rio de
Janeiro 1. desember sl. en Alþjóða sundsamband-
ið, FINA, sagði að efnið sem fannst og er á
bannlista hefði ekki haft áhrif á árangur henn-
ar. Volkers viðurkenndi að hafa gefið Riley töfl-
una með bannefninu vegna höfuðverks hennar
tveimur dögum fyrir keppni en Riley sagðist
ekki hafa vitað að um efni á bannlista hefði
verið að ræða enda aðeins beðið um eitthvað
við höfuðverk.
Riley setti heimsmet í 200 metra bringusundi
í stuttri laug sama dag og niðurstöður lyfjaprófs-
ins lágu fyrir og sigraði síðan í 100 metra bringu-
sundi daginn eftir.
Sigurður til Sví-
þjóðar í dag
SIGURÐUR Jónsson, landsliðsmaður i knatt-
spyrnu frá Akranesi, heldur til Svíþjóðar í dag
og mun mæta á fyrstu æfingu sína hjá Örebro
á morgun. „Ég ætlaði að vera mættur til Örebro
mun fyrr, en vildi klára að skíra dóttur okkar
áður en ég færi. Það var drifið í því um síðustu
helgi og því frestaðist för mín til Sviþjóðar í
smátíma,“ sagði Sigurður. Dóttir hans, sem er
tveggja vikna, var skirð Guðrún Karítas.
Sigurður sagði að það legðist vel í sig að leika
með sænska félaginu. „Þetta verður spennandi.
Það eru sex vikur í að keppnistimabilið hefjist
í Sviþjóð og nú er bara að koma sér í góða
æfingu fyrir þann tíma,“ sagði landsliðsmaður-
inn. Örebro fer í æfingaferð til Möltu um miðjan
mars.
Ekki hefur endanlega verið gengið frá samn-
ingum milli Örebro og í A varðandi félagaskipti
Sigurðar, en Sigurður sagði að það yrði gert
þegar hann kæmi út.
Bulls og Magic
beint á Stöð 2
STÖÐ 2 mun sýna leik Chicago Bulls og Or-
lando Magic í NBA deildinni í körfuknattleik
beint á sunnudaginn og hefst útsendingin kl.
18. Búast má við miklum hörkuleik þvi liðunum
hefur gengið n\jög vel í vetur og eru talin einna
liklegust til sigurs í deildinni. Þarna munu tveir
af bestu leikmönnum deildarinnar mætast, Mich-
ael Jordan hjá Bulls og Shaquille O’Neal hjá
Magic.
SKOTFIMI
Carli vikið úr UMFA
CARLI J. Eiríkssyni, skotmanni, hefur verið vikið úr Aftureld-
ingu, en þar hefur hann verið félagi síðan haustið 1991. Valdi-
mar Friðriksson, framkvæmdastjóri Aftureldingar, vildi hvorki
játa þessu né neita þegar Morgunblaðið ræddi við hann en
Jón S. Ólason, formaður Skotsambands íslands (STÍ), stað-
festi þetta hins vegar í samtali við Morgunblaðið í gærkvöldi.
Borgarstjórinn
hjálpar Spar-
tak Moskvu
BORGARSTJÓRINN í Moskvu,
Yuri Luzhkov, ákvað í gær að
hlaupa undir bagga með knatt-
spymuliði Spartak Moskvu sem
hefur verið í miklum fjárhagsk-
röggum. Borgarstjórinn ákvað
að héðan í frá þyrfti Spartak
ekki að greiða gjald i borgarsjóð
þegar félagið kaupir leikmenn
sem ekki eru búsettir í Moskvu
en gjaldið nam tæpum níu millj-
ónum islenskra króna. Forráða-
menn félagsins sjá nú fram á
bjartari tíma því þeir munu hafa
meira fé handbært og geta því
haldið í leikmenn eða keypt ef
þurfa þykir. Félagið hefur misst
marga leikmenn að undanf örnu
og því verða það ungir og
óreyndari leikinenn sem mæta
Nantes í átta liða úrslitum Evr-
ópukeppni bikarhafa.
Mál þetta á sér langan aðdrag-
anda en _ klögumál hafa
gengið á millí STI og Carls í mörg
ár. Sveinn Sæmundsson tók við
formennsku i STÍ fyrir rúmu ári
og sagðist þá ætla að gefa sér eitt
ár til að koma lagi á hlutina hjá
sambandinu því aðkoman hefði ver-
ið skelfileg. Honum tókst það en
ekki að setja niður deilur Carls og
STÍ og því vildi hann hætta.
Jón S. Ólason tók við af Sveini
og að undanförnu hafa verið haldn-
ir sáttafundir með STÍ og Carli
fyrir milligöngu Reynis Karlssonar,
íþróttafulltrúa ríkisins. Carl var
samvinnuþýður að eigin sögn og svo
virtist sem ætlaði að takast að ná
sáttum. En á föstudaginn þegar
búið var að funda tvívegis og ræða
um yfirlýsingu um missætti STÍ og
Carls og setja á blað sáttayfírlýs-
ingu kom babb í bátinn. Carl neit-
aði að skrifa undir vegna þess að
orðalagi hafði verið breytt. Þegar
ljóst var að ekki tækist að ganga
frá málum afhenti framkvæmda-
stjóri Aftureldingar Carli bréf þar
sem honum var vísað úr félaginu.
Carli var síðan meinuð þátttaka
á móti um helgina þar sem hann
var félagslaus þrátt fyrir að Ásgeir
Sverrisson, formaður Afturelding-
ar, reyndi að fá heimild svo að
Carl gæti keppt. Formaður STl tók
þá ákvörðun að bréfið frá Aftureld-
ingu frá því á föstudaginn skyldi
standa. Eftir helgina fékk STÍ síðan
staðfestingu frá Aftureldingu þar
sem sagði að Carli hefði verið vikið
úr félaginu.
Morgunblaðinu er kunnugt um
að Carl hefur skrifað undir sáttayf-
irlýsinguna sem hann vildi ekki
skrifa undir á föstudaginn en for-
maður STÍ segir að umboð sitt til
að skrifa undir hafi staðið fram á
föstudag og því hefði allt verið reynt
til að koma á sáttum.
Carl segist vera búinn að beygja
sig í duftið fyrir STÍ. „Ég er búinn
að skrifa undir allt sem Skotsam-
bandið hefur farið fram á og er í
raun búinn að beygja mig í duftið
fyrir STÍ og ég hef sýnt að ég vi!
sættir. Það hefðu ekki margir
íþróttamenn gert það sem ég hef
gert,“ sagði Carl í samtali við Morg-
unblaðið. Hann benti einnig á að
árið 1986 hafi hann verið rekinn
úr Skotfélagi Reykjavíkur, en sú
brottvísun hafi verið dregin til baka
þar sem hún var andstæð lögum
og reglum ÍSÍ.
HANDKNATTLEIKUR: ÍR VANN VÍKING í BOTNSLAG1. DEILDAR / D4