Morgunblaðið - 23.02.1996, Blaðsíða 2

2 FÖSTUDAGUR 23. FEBRÚAR 1996
MORGUNBLAÐIÐ
FRÉTTIR
Samkeppnisráð um gjaldskrá heilbrigðisráðherra vegna skólatannlækninga
Úrelding MB
Mælst til að ráðherra
leggi gjaldskrána niður
SAMKEPPNISRÁÐ telur að útgáfa
heilbrigðisráðuneytisins á sérstakri
gjaldskrá fyrir þau skólabörn sem
leita þjónustu skólatannlækna í
Reykjavík stríði gegn markmiðum
samkeppnislaga og mælist til þess
að gjaldskráin verði lögð niður að
svo stöddu. Gjaldskráin er 20%
lægri en Tryggingastofnun og
Tannlæknafélagið höfðu samið um.
í áliti Samkeppnisráðs segir að
ljóst sé af fyrirliggjandi gögnum að
við ákvörðun heilbrigðisráðherra um
gjaldskrá fyrir skólatannlækningar
árið 1992 hafí aðeins verið höfð hlið-
sjón af hluta þess kostnaðar sem til
féll við rekstur skólatannlækna á
vegum Reylqavíkurborgar. Síðar
segir: „Heimild heilbrigðisráðherra
til þess að setja sérstaka gjaldskrá
fyrir skólatannlækningar er ótvíræð
en við beitingu heimildarinnar ber
ráðherra á grundvelli lögmætisregl-
unnar að taka tillit til samkeppnis-
laga og því skylt að gæta jafnræðis
í samkeppnislegu tilliti. Þar sem
ekki hefur verið sýnt fram á að
gjaldskrá sú sem heilbrigðisráðherra
gaf út fyrir skólatannlækningar
byggist á raunkostnaði við starfsem-
ina, rýrir gjaldskráin með ósann-
gjömum hætti samkeppnisstöðu
sjálfstætt starfandi tannlækna og
tryggir ekki jöfn samkeppnisskilyrði
þeirra við skólatannlækningar
Heilsuvemdarstöðvarinnar. Sam-
keppnisskilyrði sjálfstætt starfandi
tannlækna verða ekki viðunandi fyrr
en stofnað hefur verið sérstakt félag
um rekstur skólatannlækninga
Heilsuvemdarstöðvarinnar. Félag
sem greiði skatta og skyldur með
sama hætti og sjálfstætt starfandi
tannlæknar þurfa að gera, þar á
meðal tekju- og eignaskatt. Við
rekstur slíks félags, þ.m.t. tekjuút-
reikning, verður m.a. að hafa hlið-
sjón af mati á stofnfjárfestingu og
fjármögnun hennar og gæta þess
að reikna markaðsvexti af henni.“
Ekki sama
greiðslufyrirkomulag
Samkeppnisráð bendir einnig á
að sá háttur sem hafður sé á
greiðslu fyrir þjónustu skólatann-
lækna bijóti í bága við markmið
samkeppnislaga þar sem sjálfstætt
starfandi tannlæknar eigi ekki kost
á sama greiðslufyrirkomulagi og er
því beint til heilbrigðisráðherra að
jafnréttis verði gætt varðandi þetta.
Þeir sem nýta sér þjónustu skóla-
tannlæknanna fá sendan greiðslu-
seðil eftir á, en þeir sem fara til
einkatannlækna þurfa að stað-
greiða fyrir þjónustuna og þurfa
síðan að sækja lögbundna endur-
greiðslu til Tryggingastofnunar.
Þá gerir Samkeppnisráð einnig
athugasemd við að í kynningarbréfi
skólatannlækninga Heilsuverndar-
stöðvarinnar til forráðamanna
barna sem dreift sé til barna innan
skólanna sé vakin athygli á lægri
gjaldskrá heilbrigðisráðherra. Telur
Samkeppnisráð að skólatannlækn-
ingadeildin geti misnotað aðstöðu
þína með þeim hætti að það geti
takmarkað samkeppni.
Tugamilljóna-
tjón á Dagfara
LOÐNUSKIPIÐ Dagfari kom
til hafnar í Keflavík um klukk-
an eitt í fyrrinótt í fylgd varð-
skipsins Týs, en þá voru um
sautján klukkustundir liðnar
frá því skipið fékk á sig brot
út af Reykjanesi.
Brotið eyðilagði öll tæki í
brúnni auk loðnuskilju á dekki
og er talið að um tugamilljóna
tjón sé að ræða. Hafist var
handa strax og skipið kom til
hafnar að gera við skemmdir
og heldur skipið væntanlega
aftur til veiða um helgina, en
sjópróf eru ráðgerð í dag í
Héraðsdómi Reykjaness.
Ölduhæð var um 12 metrar
og meiri í verstu ólögunum
þegar varðskipið Týr kom að
loðnuskipinu Dagfara vestur af
Sandvík á Reykjanesi í fyrra-
dag eftir að brot hafði riðið
yfir skipið, en myndin er tekin
um það leyti. Týr hélt sjó í
grennd við Dagfara þar til veð-
ur gekk niður og fylgdi honum
síðan til hafnar.
■ Alltaf tvísýnt/11
Morgunblaðið/Jón Páll Ásgeirsson
Ekki fariö
að ráðum
Hagræð-
inganefndar
AFGREIÐSLA landbúnaðarráð-
herra, Guðmundar Bjarnasonar, á
úreldingu Mjólkursamlags Borg-
firðinga var ekki í samræmi við það
álit sem Hagræðinganefnd skilaði
ráðherra. Eins og fram kom í Morg-
unblaðinu í gær voru Kaupfélagi
Borgfírðinga greiddar tæpar 230
milljónir í úreldingarstyrk, jafn-
framt því sem það hélt eftir eignum
Mjólkursamlagsins.
Að sögn Guðmundar Gylfa Guð-
mundssonar og Björns Arnórsson-
ar, fulltrúa verkalýðshreyfingarinn-
ar í nefndinni, var afstaða nefndar-
innar skýr. Frestur til þess að gera
tilboð í eigur Mjólkursamlagsins
hafí verið ein vika. Þegar útboðið
bar ekki árangur, hafi nefndin lagt
til við ráðherra að frekari sölutil-
raunir yrðu gerðar.
Landbúnaðarráðherra segir hins
vegar að hann hafi miðað sína
ákvörðun við þau tímamörk sem
málinu hafi verið sett í upphafi og
hann hafí ekki viljað breyta þeim.
■ Ekki allir/10
♦ ♦ ♦-----
Unnu fjórar
skákir
ÍSLENZKU skákmennirnir fimm á
alþjóðlega skákmótinu í Dunkerque
í Frakklandi unnu í gær fjórar skák-
ir en töpuðu einni.
Það var aðeins Þröstur Þórhalls-
son sem tapaði sinni skák í sjöundu
umferð. Andstæðingur hans var
úkraínski stórmeistarinn Eingorn,
sjötti stigahæsti skákmaðurinn sem
tekur þátt í mótinu.
Efstur á mótinu er Míkhaíl Gúre-
vítsj ásamt fleirum með 6 vinninga
eftir sjö umferðir. Staða íslensku
skákmannanna er sú að Hannes
Hlífar Stefánsson og Helgi Áss
Grétarsson eru með 5 vinninga,
Þröstur og Andri Áss Grétarsson
eru með 4 vinninga og Sigurður
Daði Sigfússon er með 3,5 vinninga.
í sjöttu umferð á miðvikudag
unnu Þröstur, Hannes og Helgi Áss
sínar skákir, en Andri Áss og Sig-
urður Daði töpuðu sínum skákum.
Áttunda umferð mótsins verður
teflt í dag, en því lýkur á laugardag.
Minningargreinar
og aðrar greinar
FRÁ áramótum til 15. febrúar
sl. birti Morgunblaðið 890 minn-
ingargreinar um 235 einstakl-
inga. Ef miðað er við síðufjölda
var hér um að ræða 155 _síður
í blaðinu á þessum tíma. í jan-
úar sl. var pappírskostnaður
Morgunblaðsins rúmlega 50%
hærri en á sama tíma á árinu
1995. Er þetta í samræmi við
gífurlega hækkun á dagblaða-
pappír um allan heim á undan-
förnum misserum. Dagblöð víða
um lönd hafa brugðizt við mikl-
um verðhækkunum á pappír
með ýmsu móti m.a. með því
að stytta texta, minnka spássíur
o.fl.
Af þessum sökum og vegna
mikillar fjölgunar aðsendra
greina og minningargreina er
óhjákvæmilegt fyrir Morgun-
blaðið að takmarka nokkuð það
rými í blaðinu, sem gengur til
birtingar bæði á minningar-
greinum og almennum aðsend-
um greinum. Ritstjórn Morgun-
blaðsins væntir þess, að lesend-
ur sýni þessu skilning enda er
um hófsama takmörkun á lengd
greina að ræða.
Framvegis verður við það mið-
að, að um látinn einstakling birt-
ist ein uppistöðugrein af hæfí-
legri lengd en lengd annarra
greina um sama einstakling er
miðuð við 2.200 tölvuslög eða
um 25 dálksentimetra í blaðinu.
í mörgum tilvikum er samráð
milli aðstandenda um skrif minn-
ingargreina og væntir Morgun-
blaðið þess, að þeir sjái sér fært
að haga því samráði á þann veg,
að blaðinu berist einungis ein
megingrein um hinn látna.
Jafnframt verður hámarks-
lengd almennra aðsendra greina
6.000 tölvuslög en hingað til
hefur verið miðað við 8.000
slög.
Um 20 milljóna króna sparnaður hjá Dagvist barna
Endurskoðun á
gjaldskrá gæsluvalla
GERT er ráð fyrir um 20 milljóna
króna sparnaði í rekstri hjá Dagvist
barna á þessu ári samkvæmt fjár-
hagsáætlun Reykjavíkurborgar. Að
sögn Árna Þórs Sigurðssonar, for-
manns stjórnar Dagvistar barna, er
meðal annars gert ráð fyrir lokun
gæsluvalla, endurskoðun á gjald-
skrá leikskólanna og á gæsluvöllum.
Dregið úr útgjöldum
Að sögn Áma Þórs var hluti
rekstrarsparnaðarins afgreiddur með
fjárhagsáætluninni eða um 6 millj.
Samþykkt var að 20 leikskólar tækju
þátt í samsvarandi tilraun og grunn-
skólarnir og fær hver skóli ákveðna
fjárveitingu til reksturs, sem leik-
skólastjórar ákveða sjálfír hvemig
farið er með. Gert er ráð fyrir að
þannig sparist um 6 millj.
„Síðan er gert ráð fyrir að dregið
verði úr útgjöldum til gæsluvalla,"
sagði Ámi Þór. „Tveimur völlum verð-
ur lokað en einn nýr kemur í staðinn
á mörkum Engja- og Rimahverfís í
Grafarvogi. Þá verður sennilega farið
í að skoða gjaldskrá gæsluvallanna
sem hefur verið óbreytt á annan ára-
tug. í dag kostar hvert skipti 50 krón-
ur. Er gert ráð fyrir að þessar aðgerð-
ir muni skila um 7 milljónum."
Ámi Þór sagði að jafnframt væri
gert ráð fyrir hagræðingu í rekstri
leikskólanna með auknum útboðum
og að sú aðgerð skili um 4 millj. í
spamaði. Loks yrði almennt farið
yfír reksturinn og gjaldskrár og
kannað hvort þar mætti breyta ein-
hveiju um.
Sagði hann að fyrirkomulag sum-
arleyfa á leikskólunum yrði óbreytt
miðað við síðustu ár og að flestir
leikskólar yrðu opnir yfír sumarið
nema í þeim tilvikum að þörf væri á
viðhaldi. „í rúm tvö ár hafa leikskói-
ar verið opnir yfír sumarið og það
verður óbreytt að minnsta kosti í
sumar,“ sagði Ámi Þór. „Það voru
uppi vangaveltur um lokun en okkur
fínnst það vera meira mál en svo að
það sé hægt að ákveða það með svo
skömmum fyrirvara. Félag leikskóla-
kennara hefur ítrekað ályktað um
að leikskólar eigi að vera lokaðir á
sumrin eins og skólarnir, þannig að
skólaárið hafi upphaf og endi eins
og í skólum."
■ Óánægja með lokun/9