Morgunblaðið - 24.02.1996, Blaðsíða 60

TVÖFALDUR1. vinningur

MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAl'NARSTRÆTI 85
LAUGARDAGUR 24. FEBRÚAR 1996
VERÐ í LAUSASÖLU 125 KR. MEÐ VSK
Morgunblaðið/Árni Sæberg
Hlaðið í kringum sendiráð
NÝ sendiráðsbygging, sem
Bretar og Þjóðverjar reistu sér
í sameiningu, er nú risin af
grunni á mótum Laufásvegar,
Skothúsvegar og Þingholts-
strætis. Lóðin er girt af með
hlöðnum steinvegg og vanda
þeir vel til verksins, hleðslu-
mennirnir Guðni Tómasson og
Tómas Júlíusson.
Hagnaður Járnblendi-
félagsins 520 milljónir
HAGNAÐUR íslenska Járnblendi-
félagsins á síðasta ári nam 520
milljónum króna og er þetta um-
talsverð aukning frá því árið 1994
er hagnaðurinn nam 280 milljón-
um. Þetta kom fram á stjórnar-
fundiJjámblendifélagsins í gær,
þar sem jafnframt var ákveðið að
veita framkvæmdastjóra fyrirtæk-
isins heimild til þess að veija allt
að 50 milljónum króna til áfram-
haldandi undirbúnings stækkunar
á Járnblendiverksmiðjunni á
Grundartanga.
Að sögn Stefáns Ólafssonar,
stjórnarformanns j ámblendifélags-
ins, stafar þessi hagnaðaraukning
fyrirtækisins m.a. af talsverðum
verðhækkunum á jámblendi á síð-
Áfram unnið
að undirbúningi
stækkunar
asta ári. Þannig hafi meðalverð
síðasta árs verið um 12% hærra
en árið þar á undan. Eftirspurn á
mörkuðum hafi einnig aukist tals-
vert og því hafí sala aukist nokkuð.
Þá segir Stefán að nýting verk-
smiðjunnar hafi einnig verið mjög
góð á síðasta ári, en árið 1994
hafi hins vegar annar ofninn verið
bilaður í 6 vikur og hafí það haft
talsverð áhrif á afkomuna. Stefán
segir þessa góðu afkomu ánægju-
lega í ljósi þess að fyrirtækið greiði
nú umtalsvert hærra verð fyrir raf-
orku en á undanförnum árum.
Að sögn Jóns Sigurðssonar,
framkvæmdastjóra Járnblendifé-
lagsins, verður nú áhersla lögð á
markaðsþáttinn við frekari undir-
búning stækkunar á verksmiðj-
unni. Ljóst sé að sá þáttur muni
ráða úrslitum um hvort af stækkun
verður eða ekki. Þá verði einnig
leitað leiða til þess að auka hag-
kvæmni framleiðslunnar með
tækninýjungum. Hann bendir á að
uppbygging í greininni hafí verið
mjög lítil undanfarin 20 ár og því
sé framleiðslutæknin enn með svip-
uðu móti. '
■ Hálfur milljarður/16
Þjófar
gripnir á
bílastæðinu
TVEIR menn voru gripnir við
innbrot í bifreið á bílastæði
Sam-bíóanna í Mjóddinni í
gærkvöldi. Talið er að menn-
imir hafi undanfarin kvöld
stundað það að bijóta rúður í
bílum bíógesta og stela úr þeim
verðmætum, svo sem hljóm-
tækjum og geisladiskum.
Að sögn Alfreðs Árnasonar
hjá Sam-bíóunum vildu eig-
endur kvikmyndahússins
„ekki láta þjarma svona að
kúnnunum“ og fengu því tvo
vaktmenn til að fara upp á
þak kvikmyndahússins og
fylgjast með bílastæðinu.
Vaktmennirnir komu fljótlega
auga á þjófana, þar sem þeir
voru að bjástra við bíl, og
gerðu dyravörðum viðvart um
talstöð. Dyraverðirnir gripu
þjófana og komu þeim í vörzlu
lögreglu.
Morgunblaðið/Kristinn
Breyta þarf Leifsstöð vegna Schengen-aðildar og aukinnar umferðar
Blótað í
bamaskóla
NEMENDUR í Smáraskóla í
Kópavogi, á aldrinum 6-12 ára,
héldu þorrablót í gærkvöldi. Þeir
settu sig í fornmannastellingar,
byggðu eftirmynd Valhallar inn-
an veggja skólans, Miðgarðsorm-
ur hlykkjaðist um ganga og Loki
lét á sér kræla. Jafnvel yngstu
nemendurnir létu sig ekki muna
um að sporðrenna vel kæstum
hákarli, en eftir að allir höfðu
tekið hraustlega til matar síns
var slegið upp balli í íþróttahús-
inu Smáranum. Það voru því
þreyttir en ánægðir fornmenn
sem héldu heim á leið eftir vel
heppnað blót og án efa hafa allir
risið heilir úr rekkju að morgni.
---» ♦ ♦-
Landsbankinn
Vextir óverð-
tryggðra
útlána lækka
Breytingar taldar kosta
allt að milljarði króna
BREYTINGAR eru nauðsynlegar
í Flugstöð Leifs Eiríkssonar á
Keflavíkurflugvelli vegna hugsan-
legrar aðildar íslands að Scheng-
en-samkomulaginu og vegna auk-
innar umferðar um flugvöllinn.
Halldór Ásgrímsson utanríkisráð-
herra kynnti í gær fyrir ríkisstjórn-
inni frumathuganir á kostnaði
vegna þessara breytinga.
I frumathugununum er gert ráð
fyrir þremur kostum. I fyrsta lagi
er rætt um varanlega lausn, sem
uppfylli bæði kröfur Schengen um
aðskilnað farþega sem ferðast inn-
an Schengen-vegabréfasvæðisins
og þarfir fyrir meira pláss í flug-
stöðinni. Þessi kostur gerir ráð
fyrir að byggð verði 3.800 fer-
metra viðbyggmg við enda nuver-
andi landgöngurana og að hæð
verði bætt við landganginn.
Þessar breytingar eru taldar
kosta um milljarð króna. Að sögn
Péturs Guðmundssonar flugvallar-
stjóra samræmast þær vel þeim
áformum, sem voru uppi um fram-
tíðarstækkun flugstöðvarinnar er
hún var reist.
í öðru lagi er rætt um að byggja
útbyggingar við landgönguranann
fyrir um 365 milljónir króna, en
slíkt yrði bráðabirgðalausn.
í þriðja lagi er sú leið að breyta
flugstöðinni til þess að hún upp-
fylli skilyrði Schengen um aðskiln-
að farþega og yrði þá bæði biðsöl-
um og landgöngurana skipt í
tvennt með veggjum eða skilrúm-
um. Þetta gæti kostað um 685
milljónir króna.
Milljón farþegar á þessu ári
Halldór Ásgrímsson lagði á það
áherzlu á ráðstefnu um Island og
Schengen, sem Islandsdeild Norð-
urlandaráðs hélt í gær, að veru-
legur hluti þessara kostnaðar-
talna væri óviðkomandi Scheng-
en-aðild, þar sem hvort sem er
þyrfti að gera breytingar vegna
aukinnar umferðar um Keflavík-
urflugvöll.
Pétur Guðmundsson benti á að
á álagstímum að sumri til væri
flugstöðin þegar orðin of lítil.
Hann sagði að á þessu ári væri
gert ráð fyrir að farþegar, sem
færu um Leifsstöð, yrðu í fyrsta
sinn yfir ein milljón talsins. Miðað
við flugáætlanir sumarsins myndi
koma upp sú staða nokkrum sinn-
um í viku að þjónusta þyrfti átta
flugvélar í einu, en aðeins væru
sex landgöngubrýr fyrir hendi.
Þess vegna yrði að forgangsraða
því flugi, sem fengi afgreiðslu.
Pétur sagði að auk þessa yrði
að fjölga innritunarborðum til að
fækka biðröðum og að rætt væri
um að færa komufríhöfnina í
Leifsstöð upp á aðra hæð bygging-
arinnar og bæta við þriðja farang-
ursfæribandinu í tollsalnum.
■ Aðeins hluti kostnaðar/4
BANKASTJÓRN Landsbanka ís-
lands hefur ákveðið að vextir bank-
ans á óverðtryggðum inn- og útlán-
um lækki frá og með 1. mars nk.
Lækkunin er á bilinu 0,25-0,6% á
útlánsvöxtum og 0,1-0,35% á inn-
lánsvöxtum.
Fram kemur í frétt frá bankan-
um að lækkunin sé framkvæmd í
kjölfar breyttra verðbólgufor-
sendna fyrstu sex mánaða ársins
og lækkandi ávöxtunarkröfu í út-
boðum ríkisvíxla og óverðtryggðra
ríkisverðbréfa að undanförnu.
Að sögn Brynjólfs Helgasonar,
aðstoðarbankastjóra Landsbank-
ans, sýna þau gögn sem liggja
fyrir um verðbólguforsendur nú
um 1% minni verðbólgu á fyrri
helmingi ársins en gert var ráð
fyrir í janúar. „Hins vegar er útlit
fyrir að verðbólgan verði eitthvað
hærri á fyrri helmingi ársins en
að meðaltali á síðasta ári. Þá hefur
ávöxtun á ríkisbréfum og ríkisvíxl-
um lækkað í nýafstöðnum útboð-
um. Hvort tveggja bendir til lækk-
unar á ávöxtun óverðtryggðra
verðbréfa á markaðnum," sagði
Brynjólfur.