Morgunblaðið - 27.02.1996, Blaðsíða 2
2 ÞRIÐJUDAGUR 27. FEBRÚAR 1996
MORGUNBLAÐIÐ
FRÉTTIR
Ríkisstjórnin mun leggja fram frumvörpin þrátt fyrir hörð mótmæli
„Teljum að frumvörpin séu
ekki árás á einn eða neinn“
RÍKISSTJÓRNIN hyggst leggja fram á Alþingi
frumvörp um réttindi og skyldur starfsmanna
ríkisins, Lífeyrissjóð starfsmanna ríkisins og
um sáttastörf í vinnudeilum, þrátt fyrir kröftug
mótmæli frá samtökum opinberra starfsmanna,
sem telja frumvarpsdrög sem kynnt hafa verið
fela í sér grófa árás á starfskjör og réttindi
launafólks verði þau samþykkt.
Davíð Oddsson forsætisráðherra sagði að
loknum fundi nokkurra ráðherra ríkisstjómar-
innar með forystumönnum samtaka ríkisstarfs-
manna í gær að ríkisstjómin vildi eiga sam-
starf og samráð við samtökin á meðan á með-
ferð frumvarpanna í þinginu stæði.
„Við munum leggja þessi fmmvörp öllsömul
fram, leitast við að ná samkomulagi um þau
og leitast við að þau verði afgreidd. En það
mun auðvitað ganga betur ef við náum að vinna
sameiginlega að málinu með þessum aðilum,"
sagði Davíð.
Hann sagði að þegar hefðu verið gerðar all-
margar breytingar á frumvarpsdrögunum í
samræmi við gagnrýni sem fram hefði komið,
og ekki væri útilokað að frekari breytingar
gætu orðið á fmmvarpsdrögunum ef ábending-
ar fengjust um að eitthvað mætti betur fara.
„Við bentum þeim á að á meðan þeir lýsa
þessum framvörpum'eins og hrikalegum árásar-
framvörpum, þá er okkur auðvitað nauðugur
sá kostur að leggja framvörpin fram þannig
að allir megi þau sjá, því við teljum að frum-
vörpin séu ekki árás á einn eða neinn,“ sagði
Davíð.
Ekki fullnægjandi skýringar
Ögmundur Jónasson, formaður BSRB, sagði
að á fundinum hefðu ekki fengist fullnægjandi
skýringar á misræmi sem annars vegar væri á
milli yfírlýsinga ráðherra um að áunnin réttindi
ríkisstarfsmanna yrðu ekki skert og hins vegar
þeim framvarpsdrögum sem hefðu verið kynnt
og boðuðu stórfellda réttinda- og kjaraskerð-
ingu og gjörbreytingu á öllu samningsumhverfi
ríkisstarfsmanna. \
„Við erum að fjalla um kjör sem era lögbund-
in og að finna í reglugerðum en um þau hefur
verið samið í kjarasamningum, og þessum kjör-
um og réttindum verður að okkar mati ekki
breytt nema í tengslum við kjarasamninga.
Þeir hafa ekki tekið vel undir það og vilja halda
fast við það að leggja frumvörpin fram. Þeir
segjast vilja halda áfram viðræðum við okkur
og að sjálfsögðu munum við gera það, en mér
finnst vera of mikið óðagot á ríkisstjórninni,"
sagði Ögmundur.
Eiríkur Jónsson, formaður Kennarasam-
bands íslands, sagðist hafa gert ráðherrunum
grein fyrir því að hann teldi sig óbundinn af
því sem hann hefði undirritað varðandi flutning
grunnskólans til sveitarfélaganna og þá sér-
staklega varðandi lífeyrismálin. Frumvarps-
drögin gengju þvert á þá sátt sem orðið hefði
í verkefnisstjórn 1. febrúar og á meðan svo
væri, væri öli áframhaldandi vinna í sambandi
við flutninginn án samráðs við kennarasamtök-
in.
Morgunblaðið/Kristinn
Rannsókn
á fram-
göngu lög-
reglunnar
HILMAR Magnússon, lögmað-
ur Önnu Kristínar Sigurðar-
dóttur, nemanda í Fjölbrauta-
skólanum í Breiðholti, hefur
óskað eftir opinberri rannsókn
á framgöngu lögreglumanna
við veitingastaðinn Jakkar og
brauð um miðja síðustu viku
þar sem nemendur skólans og
gestir þeirra héldu teiti eftir
árshátíð skólans. Lögreglu-
menn beittu þar kylfum og
táragasi þegar þeir rýmdu veit-
ingastaðinn.
Anna Kristín missti meðvit-
und þegar hún fékk táragas í
vitin og kenndi særinda í aug-
um. Hilmar óskar rannsóknar
eingöngu fyrir hönd Önnu
Kristínar.
Hiimar segir að líðan Önnu
sé eftir atvikum. Hún er
ofnæmissjúklingur. Hilmar
kveðst áskilja sér rétt til þess
að kæra lögregluþjóna sem á
staðnum voru ef svo ber undir.
Hann áskilur sér einnig þann
rétt að höfða skaðabótamál á
hendur lögreglunni.
RLR staðfesti að beiðni hefði
borist frá lögmanninum um
opinbera rannsókn á málinu.
Fórst í
eldsvoða
MAÐURINN, sem fórst í eldsvoð-
anum á Árskógssandi, hét Bjarni
Höskuldsson til heimilis að Öldu-
götu 7. Bjarni var fæddur 3. októ-
ber árið 1957. Hann var fráskilinn
og lætur eftir sigþijú börn. Foreldr-
ar hans era Höskuldur Bjarnason
og Ingibjörg Ólafsdóttir í Hátúni á
Arskógsströnd. Bjarni starfaði sem
bifreiðastjóri.
■ Maður fórst/12
Flóðbylgja í Laxá
hreif bílinn með sér
*
Urum og skarti fyrir
á aðra milljón stolið
KLAKASTÍFLA brast í Laxá í
Kjós skömmu fyrir neðan
Þórufoss síðastliðinn sunnu-
dag og hreif flóðbylgja sem
þá myndaðist með sér bíl sem
lagt hafði verið á eyri við ána.
Á bílnum voru þeir Bernhard
Bernhardsson og Bárður Örn
Gunnarsson, en þeir voru í
fjallgöngu og horfðu á þegar
áin hreif bílinn og bar hann
með sér um 70 metra vega-
lengd. Bernhard sagði í sam-
tali við Morgunblaðið að þeir
félagar hefðu verið komnir
hátt upp í fjallið þegar þeir
heyrðu skyndilega miklar
drunur og sáu hvar klakastífla
í ánni hafði brostið. „Áin rudd-
ist fram alveg kolmórauð og .
ýtti á undan sér klakanum. Það
tók heillangan tíma áður en
hún náði bílnum en við vorum
að velta því fyrir okkur hvort
hann færi með eða ekki. Síðan
sáum við allt í einu að ekkert
nema toppurinn á honum stóð
upp úr,“ sagði Bernhard. Þeir
félagar reyndu hvað þeir gátu
að losa bilinn eftir að sjatnað
hafði í ánni en hann var fast-
skorðaður í klakahröngli sem
áin hafði borið með sér. Þeir
urðu því að skilja bílinn eftir
og ætla þeir að freista þess að
ná honum upp úr ánni með
aðstoð gröfu í dag. Bernhard
sagði að ómögulegt væri að
segja til um hve skemmdimar
á bílnum væru miklar, en telja
yrði líklegt að þær væru veru-
legar.
ÚRUM og skartgripum fyrir á
aðra milljón króna var stolið í
tveimur innbrotum hjá Jóni og
Óskari við Laugaveg um helgina.
Lögreglan handtók í gær tvo menn
sem grunaðir voru um innbrotin.
í fórum þeirra fundust úr sem stol-
ið var í versluninni í fyrrinótt, að
sögn Óskars Óskarssonar, kaup-
manns í Jóni og Óskari.
Óskar segir að undanfarið hálft
ár hafi fjórum sinnum verið brotn-
ar rúður í versluninni og stolið úr
gluggum verðmætum fyrir samtals
á þriðju milljón króna. í gluggun-
um er öryggisgler með öryggis-
filmu og öryggiskerfi sem er bein-
tengt öryggisgæslufyrirtæki. „Við
erum orðnir hálfráðþrota,“ sagði
Tveir menn hand-
teknir í gær
Óskar. „Ég vil helst ekki láta þá
yfirbuga mig með því að setja rimla
fyrir gluggana en kannski maður
neyðist til þess,“ sagði hann. Hann
kvaðst nú vera að íhuga að setja
eftirlitsmyndavélar við verslunar-
gluggann. „En koma þeir þá ekki
bara með lambhúshettur?" sagði
Óskar.
Aðfaranótt sunnudags var brot-
in rúða og skartgripum, aðallega
hringum, fyrir um 800 þúsund
krónur stolið úr versluninni. í fyrri-
nótt var svo rúða í sýningarglugga
fyrir úr brotin og úr glugganum
stolið sex armbandsúrum og trúlof-
unarsetti, hringum og úrum, sam-
tals að verðmæti á þriðja hundrað
þúsund krónur.
Sjónvarvottar sáu til tveggja
manna við verslunina í gærmorg-
un. Lögregla gerði að þeim leit og
handtók tvo síbrotamenn fyrir há-
degi í gær vegna málsins. Óskar
Óskarsson sagði að síðdegis í gær
hefðu rannsóknarlögreglumenn
komið til sín með úr sem fundust
á mönnunum til að kanna hvort
þau væru úr versluninni. Svo
reyndist vera. Mennirnir eru í haldi
lögreglu sem hefur málið til rann-
sóknar. Óskar hafði í gær ekki
endurheimt neitt af þýfinu.