Morgunblaðið - 27.02.1996, Blaðsíða 13

MORGUNBLAÐIÐ
ÞRIÐJUDAGUR 27. FEBRÚAR 1996 13
LAIMDIÐ
HIÐ nýja hús hafnarvogarinnar. Á innfelldu myndinni eru Örn
Jóhannsson, formaður hafnarnefndar, Ólafur Krisljánsson, hafn-
arsljóri, Elísabet Gunnarsdóttir, arkitekt, og Guðfinnur Þórðar-
son, bæjartæknifræðingur.
Ný hafnarvog
í Bolungarvík
Bolungarvík - Ný hafnarvog
ásamt vogarhúsi var tekin í notk-
un við Bolungarvíkurhöfn um sl.
helgi. Fyrsta verkefni hinnar nýju
hafnarvogar var löndun á 1.000
Iestum af loðnu úr flutningaskip-
inu Mahdi er kom með farminn
af loðnumiðunum til vinnslu hjá
loðnubræðslu Gnáar. Hin nýja
hafnarvog leysir af hólmi eldri
vog og vogarhús sem tekið var í
notkun árið 1963.
Hið nýja vogarhús, sem hefur
útlínur skipsbrúar, er teiknað og
hannað af Elísabetu Gunnarsdótt-
ur, arkitekt, og er það rúmir 77
fm að stærð og skiptist í tvo meg-
inhluta. Á efri palli fer fram vigt-
un og gagnaskráning en á neðri
palli er tækjageymsla. Vogin er
tölvuvog af gerðinni Cardinal.
Hún er 18 metra löng og löggilt
fyrir 60 tonn en hægt er aðlög-
gilda hana fyrir 100 tonn. ÖIl vigt-
un skráist sjálfvirkt inn á tölvu-
forritið Lóðsinn sem tengt er
Fiskistofu.
Húsið ásamt undirstöðum vogar
var boðið út sl. sumar og voru til-
boð opnuð 12. júlí sl. Alls bárust
þijú tilboð og var Naglinn hf. á
Isafirði með lægsta tilboðið sem
var upp á 11,7 milljónir króna eða
115% af kostnaðaráætlun. Verk-
samningur var síðan undirritaður
19. júlí sl. Heildarkostnaður við
verkið að loknum lóðarfrágangi
er áætlaður um 20 milljónir króna.
Hafnarverðir við Bolungarvík-
urhöfn eru þeir Gunnar J. Egils-
son og Einar Helgason, hafnar-
stjóri er Ólafur Kristjánsson og
formaður hafnarnefndar er Örn
Jóhannsson.
Fjölmargir voru viðstaddir er
manrivirkið var tekið í notkun og
almenn ánægja með þessa nýju
og glæsilegu aðstöðu.
Alþýðubandalagsfélög
á Yestfjörðum sameinast
Á SAMEIGINLEGUM aðalfundi Al-
þýðubandalagsfélaganna í Dýrafirði,
Ónundarfirði, Suðureyri og á ísafirði,
sem haldinn var á Isafirði, laugar-
daginn 24. febrúar sl., voru félögin
sameinuð í eitt félag, Alþýðubanda-
lagsfélag Isafjarðarsýslu.
Stjórn hins nýja félags skipa:
Smári Haraldsson, formaður, Ágústa
Guðmundsdóttir, gjaldkeri, Snorri
Sturluson, ritari, Elísabet Gunn-
laugsdóttir og Sæmundur Þorvalds-
son meðstjórnendur. í varastjórn eru
þau Bryndís Friðgeirsdóttir og Kjell
Hymer.
Ráðstefnu um byggðamál, sem
fyrirhugað var að halda í tengslum
við sameiningu féiaganna, var frest-
að þar sem nokkrir frummælenda
komust ekki til ísafjarðar vegna sam-
gönguerfiðleika.
Stórtjón á vegamannvirkjum í Súgandafirði
Sjór gekk á
land á Suðureyri
Suðureyri - Nú er ljóst að stór-
tjón hefur orðið á veginum fyrir
Spilli í Súgandafirði eftir vestaná-
hlaupið sl. miðvikudag. Brimið
gekk látlaust yfir veginn á stór-
flóðinu og hefur brotið í hann
stór skörð og nánast skolað hon-
um í burtu á verstu köflunum.
Símastrengur og vatnslögn Súg-
firðinga sem grafin hafði verið í
veginn liggur nú berskjölduð á
stórum kafla og síminn rofnaði á
nokkrum stöðum.
Vegurinn fyrir Spilli liggur milli
Suðureyrar og Staðardals. Þar eru
tveir bæir í byggð, Staður og
Bær. Þeir einangruðust alveg um
tíma þar til bráðabirgðaviðgerð
hafði farið fram á veginum og sí-
malínunni. Þá urðu einnig
skemmdir á veginum utan við
byggðina á Suðureyri og sjór gekk
á land í neðsta hluta bæjarins. Þar
flæddi upp á Eyrargötu og voru
nokkur hús umflotin sjó þegar
verst lét. Skemmdir á fasteignum
urðu þó óverulegar og þakka
kunnugir því að vindur náði sér
aldrei á strik með flóðinu.
Hreppsnefnd Suðureyrarhrepps
hefur lýst yfir áhyggjum vegna
seinagangs við gerð sjóvamagarða
neðan við byggðina og við haf-
skipabryggju. Eftir síðasta fund
hreppsnefndar var eftirfarandi
ályktun send frá henni:
„Með tilliti til þess að tvisvar á
þessu ári hefur sjór gengið á land
á og við Suðureyri með nokkru
tjóni skorar hreppsnefnd Suður-
eyrarhrepps á stjórnvöld að beita
sér fyrir því að sjóvarnargarðarnir
við hafskipabryggju og neðan við
byggðina verði kláraðir sem allra
fyrst. Hreppsnefnd telur afar
brýnt að ljúka þessum varnargörð-
um áður en meira tjón hlýst af
en orðið er.“
Iþróttamaður
ársins 1995
í Grindavík
Grindavík, Morgunblaðið.
GUÐMUNDUR Bragason körfu-
knattleiksmaður hefur verið valinn
íþróttamaður ársins 1995 í Grinda-
vík. Hann hlaut Kiwanisbikarinn
sem fylgir útnefningunni. Kjörinu
var lýst í hófi sem bæjarstjórn
Grindavíkur hélt og þar voru
kynntir þeir 10 sem hlutu tilnefn-
ingar frá deildum innan UMFG.
Guðmundur er fyrirliði hins sig-
ursæla körfuknattleiksliðs UMFG,
sem vann sinn fyrsta bikarmeist-
aratitil á síðasta ári og keppti til
úrslita við nágranna sína úr Njarð-
vík um íslandsmeistaratitilinn þar
sem þeir urðu að játa sig sigraða
eftir harða rimmu milli félaganna.
Guðmundur var valinn íþróttamað-
ur ársins í þriðja skiptið núna, en
fyrst var hann valinn árið 1988.
Viðurkenning fyrir
körfuboltann
„Fyrir mig er þetta mikill heiður
því að hér í Grindavík eru margir
góðir íþróttamenn sem væru vel
að þessu komnir. Ég iít á þetta
sem viðurkenningu fyrir körfubolt-
ann og það gekk vel hjá okkur á
síðasta ári, við urðum bikarmeist-
arar og kepptum til úrslita um
íslandsmeistaratitilinn. Þó ég hafi
fengið þessa viðurkenningu áður
er það alltaf hvatning að stefna
að henni og undir niðri veit maður
af henni, en það er ekkert sjálfgef-
ið að fá þessa viðurkenningu,"
sagði Guðmundur í samtali við
Morgunblaðið.
Eins og fyrr segir voru 10
íþróttamenn tilnefndir til íþrótta-
manns Grindavíkur og í kosningu
milli þeirra varð Milan Jankovic
knattspyrnumaður í öðru sæti og
Albert Sævarsson knattspyrnu-
maður í því þriðja. Helgi Jónas
Guðfinnsson, körfuknattleikur,
Gunnlaugur Sævarsson, golf, Ólaf-
ur Ingólfsson, knattspyrna, Marel
Guðlaugsson, körfuknattleikur,
Morgunblaðið/Frímann Ólafsson
GUÐMUNDUR Bragason
íþróttamaður ársins 1995 í
Grindavík.
Sigrún Sigurðardóttir, golf, Sig-
urður Kristmundsson og Hlynur
Helgason, júdó, voru einnig til-
nefndir. Guðmundur fékk ekki
mikið næði til að njóta veitinga
sem voru á boðstólum því fram-
undan var leikur með íslenska
landsliðinu gegn liði erlendra leik-
'manna í stjörnuleik þar sem hann
stóð vel fyrir sínu sem fyrirliði
landsliðsins.
Launin Hans
Launin Hennar
Skattar.
9S|»iariia«r«r
Verðbrét
Nauðsynjar
Iimiíwi

HEIMILISLINAN
Ódýra heimilishjálpin!
Hómer er einfaldur og þægilegur „Windows" hugbúnaöur, sérstaklega ætlaöur fyrir heimilis-
bókhaldiö. Þú þarft ekki bókhaldsþekkingu til aö nota hann, þú færir aðeins inn upphæð-
irnar og Hómer sér um framhaldið.
Hómer færöu í Búnaðarbankanum á 900 kr. og ef þú ert í Heimilislínunni kostar
hann aöeins 450 kr. Með Hómer veistu hvað þú átt - og hvað þú mátt!
BÚNAÐARBANKINN
- traustur heimilisbanki