Morgunblaðið - 27.02.1996, Blaðsíða 43
MORGUNBLAÐIÐ
ÞRIÐJUDAGUR 27. FEBRÚAR 1996 43
Félagsfundur með
frönsku sniði
FÉLAG íslenskra háskólakvenna og
Kvenstúdentafélag íslands halda
félagsfund fimmtudaginn 29. febr-
úar kl. 18 í Þingholti Hótel Holt. í
boði verður frönsk fiski- og græn-
metissúpa.
Gestur fundarins verður Elsa
Haraldsdóttir, hárgreiðslumeistari
og eigandi hárgreiðslustofunnar
Salon VEH. Hún mun halda fyrir-
lestur um hárið og vera með sýni-
kennslu þar sem hún sýnir nýjustu
hárlínuna frá París en Elsa er ný-
komið þaðan. Elsa rekur tvær hár-
greiðslustofur í Reykjavík. Hún
hefur setið í dómnefnd í Norður-
landa-, Evrópu- og heimsmeistara-
keppni, er meðlimur í Haute Coiff-
ure Francaise og hefur unnið mikið
með Mr. Alexandre í París. Hún
hefur víða tekið þátt í hárgreiðslu-
sýningum og má þar nefna Rio de
Janero, París, New York, Orlando,
Seattle, Suður-Afríku og Ástralíu.
Fundurinn er öllum opinn meðan
húsrúm leyfir, nauðsynlegt er að
bóka hjá formanni félagsins, Geir-
laugu Þorvalsdóttur, eða gjaldker-
anum Brynju Runólfsdóttur. Að-
gangur að fyrirlestri og hársýningu,
með mat, er 1.600 kr.
Aðalfundur félagsins var hal'dinn
15. febrúar sl. að Hótei Holti.
Stjórnin var endurkosin en hana
skipa: Geirlaug Þorvaldsdóttir for-
maður, Margrét Sigurðardóttir
varaformaður, Brynja Runólfsdóttir
gjaldkeri, Áslaug Ottesen, ritari við
útlönd, Ásdís Guðmundsdóttir ritari
og Kristín Njarðvík og Ragnheiður
Ágústsdóttir meðstjórnendur.
Fyrirlestur um
þjóðerni
ANNAR fyrirlestur Vísindafélags
Islands á þessu ári verður haldinn
í Norræna húsinu miðvikudaginn
28. febrúar nk. og hefst kl. 20.30.
Dr. Guðmundur Hálfdanarson,
sagnfræðingur, flytur fyrirlestur
sem hann nefnir: Hvað er það sem
gerir íslendinga að þjóð? Nokkrar
hugleiðingar um uppruna og eðli
þjóðernis.
í frétt frá Vísindafélaginu segir
m.a.: „Þjóðerni og þjóðernisstefna
hafa verið mjög vinsælt viðfangs-
nefni meðal fræðimanna í félags-
og hugvísindum undanfarna tvo
áratugi. Ástæðan er ekki síst sú
óvissa sem ríkir um framtíð þjóð-
ríkja Evrópu á tímum samruna og
sundrungar, sem hefur grafið und-
an trú margra á viðteknum hug-
myndum um samband þjóðernis og
samfélagsþróunar. Þessara hrær-
inga hefur ekki gætt verulega á
Islandi, enda draga fáir íslenskt
þjóðerni í efa. En hvað er það sem
gerir íslendinga að þjóð? Er íslenskt
þjóðerni ímyndun ein eða er það
eðlislæg hvöt? Leitast verður við
að svara þessum spurningum út frá
fræðilegri umræðu um eðli og þróun
þjóðernis og þjóðemisstefnu og með
sérstakri tilvísun í samanburðar-
rannsóknir Guðmundar á þjóðfé-
lagsþróun á íslandi og Bretagne-
skaga á síðari hluta 19. aldar og
fyrri hiuta þeirrar 20.“
Aðgangur að fyrirlestrinum er
ókeypis og öllum heimill. Kaffistofa
Norræna hússins verður opin að
loknum fyrirlestri.
Bakarar vona
i að fleiri hefji
framleiðslu á
eggjum
í ÁLYKTUN frá Bakarameistarafé-
lagi íslands lýsir stjórn BMFÍ yfir
ánægju sinni með niðurstöðu Sam-
keppnisráðs vegna vinnubragða
Félags eggjaframleiðenda og vill
. BMFÍ ítreka fyrri yfirlýsingar
• vegna verðlagsmála og markaðs-
skiptingar Félags eggjaframleið-
enda.
„Samt sem áður virðist Félag
eggjaframleiðenda ætla að hundsa
ályktun ráðsins í skjóli þess að
eggjaframleiðendur lúti ekki nein-
um nútíma lögum.
Það er von okkar í BMFÍ að fleiri
I hefji framleiðslu á eggjum þar sem
j markaðurinn er að opnast og hugs-
t anlegt er fyrir bakara að hefja sjálf-
' ir framleiðslu á eggjum fyrir sína
félagsmenn,“ segir í ályktuninni.
Náttúruham-
farir og Vestur-
heimsferðir
ÞJÓÐHÁTTADEILD Þjóðminja-
safns íslands hefur nýlega sent frá
sér spurningaskrá nr. 89 um nátt-
úruhamfarir og aukaspurningablað
um Vesturheimsferðir.
í spurningaskrá nr. 89 er leitað
eftir hvers konar alþýðufróðleik og
arfsögnum um snjóflóð, sjávarflóð,
skriður, jarðskjálfta, eldgos og
ofsaveður. Spurt er um minjar eft-
ir slíka atburði, um reynslu manna,
t.d. aðstæður sem bjóða heim hættu
þar sem menn þekkja best, fyrir-
boða í hegðun dýra, í náttúrunni
eða með öðrum hætti, t.d. í draum-
um eða dularfullum fyrirbærum.
Jafnframt er leitað eftir sögnum
sem menn kunna að hafa heyrt í
tenglum við náttúruhamfarir svo
sem um álagabletti og huldubyggð-
ir, kveðskap og ljósmyndum eða
ábendingum um tilvist ljósmynda
sem efninu tengjast.
Með aukaspurningum um Vest-
urheimsferðir er leitast við að safna
saman þeim upplýsingum um Vest-
urfara og samskipti við þá, t.d.
bréf, muni og myndir, sem enn
kunna að liggja á lausu hjá eldra
fólki.
Fundur í Fjör-
gyn um sam-
skipti unglinga
og foreldra
FORELDRAFÉLAG Foldaskóla
efnir til fræðslufundar um sam-
skipti barna/unglinga og foreldra
í kvöld, þriðjudaginn 27. febrúar,
í félagsmiðstöðinni Fjörgyn kl. 20.
Fyrirlesari er Einar Gylfi Jóns-
son, sálfræðingur og deildarstjóri
foi’varnadeildar SÁÁ.
Erindi um mat
á umhverfis-
áhrifum
FUNDUR verður haldinn í Félagi
landfræðinga í stofu 102 í Lög-
bergi þriðjudagskvöldið 27. febrúar
kl. 20.
Þar mun Ásdís Hlökk Theodórs-
dóttir, landfræðingur og skipulags-
fræðingur hjá Skipulagi ríkisins,
halda erindi um mat á umhverfis-
áhrifum.
FRÉTTIR
Dagbók Lögreglunnar
Húsráðandi meiddi
innbrotsþjóf
23. - 26. febrúar 1996
UM helgina voru tæplega
fimmtíu umferðaróhöpp tilkynnt
til lögreglunnar. Meiðsli á fólki
voru í 4 tilvikum. Þá var tilkynnt
um 21 innbrot og 8 þjófnaði. Eign-
arspjöllin voru 8 og líkamsmeið-
ingarnar voru 3, sejn reyndar er
með minnsta móti. í öllum tilvik-
um var um ölvað fólk að ræða.
Tuttugu og tvær bókanir eru
vegna ölvunarástands fólks á al-
mannafæri og 15 sinnum var
kvartað vegna hávaða og ónæðis
í ölvuðu fólki að næturlagi. Tutt-
ugu og fimm manns vermdu bekki
fangageymslunnar um helgina.
Af innbrotunum voru 14 í bif-
reiðir. M.a. voru tveir ungir menn
handteknir á bifreiðastæðinu við
Bíóhöllina eftir að tveir starfs-
menn bíósins höfðu fylgst með
mannaferðum á svæðinu og séð
til þeirra athafna sig við eina bif-
reiðina. Piltarnir viðurkenndu inn-
brot í 10 aðrar bifreiðir, þar af 8
á bifreiðastæðinu við bíóið. Önnur
innbrot voru framin í fyrirtæki
við Háteigsveg og Síðumúla, í hús
í Mosfellsbæ, í sumarhús ofan við
bæinn og í verslun við Laugaveg.
Lögreglumenn höfðu 5 sinnum
afskipti af fólki vegna meðferðar
eða neyslu fíkniefna. M.a. fannst
hass í bifreið, sem stöðvuð var á
Suðurlandsvegi á föstudagskvöld.
Ætlað amfetamín fannst á manni,
sem stöðvaður var á Barónsstíg
sama kvöld. Hald var laggt á
smáræði af hassi í húsi í Grafar-
vogi aðfaranótt laugardags og
þrír menn voru fluttir á lögreglu-
stöðina eftir að þeir voru stöðvað-
ir á bifreið í Árbæjarhverfi. Fíkni-
efni fannst á einum þeirra.
Rúmlega tvítug stúlka varð
fyrir bifreið á Hverfisgötu við
Ingólfsstræti aðfaranótt laugar-
dags. Hún var flutt á slysadeild
með minniháttar meiðsli á fæti. Á
laugardag varð harður árekstur
þriggja bifreiða á Fríkirkjuvegi.
Tveir ökumenn og þrír farþegar
voru fluttir á slysadeild. Síðdegis
á laugardag þurfti að flytja far-
þega á slysadeild eftir árekstur
tveggja bifreiða á gatnamótum
Lönguhlíðar og Miklubrautar.
Á laugardag féll stórt klaka-
stykki af listaverki í Laugardal
og lenti á andliti 12 ára stúlku.
Talið er að þrjár tennur hafi brotn-
að við óhappið, auk annarra
meiðsla.
Sjaldan hefur verið eins fátt í
miðborginni og var aðfaranætur
laugardags- og sunnudags. Þegar
mest var voru þar aðeins nokkrir
tugir manna. Engir unglingar
undir 16 ára aldri sáust þar á
ferli. Þrátt fyrir fámennið þurftu
lögreglumenn í miðborginni að
hafa afskipti af ölvuðum ungum
manni sem barði þar á öðrum
aðfaranótt laugardags. Ástæða
þótti til að færa manninn á lög-
reglustöðina, sem varla telst í frá-
sögur færandi. Þangað eru nokk-
ur þúsund slíkir færðir á hveiju
ári. Það sem er öllu merkilegra
er það að þegar löreglumenn
blönduðu sér í slagsmálin lét við-
komandi hendur falla og gafst
umyrðalaust upp. Hann fékk að
fara að loknum viðræðum við
varðstjóra.
Annar ölvaður ungur maður,
sem lögreglumenn þurftu að hafa
afskipti af vegna ölvunaraksturs
þessa nótt brást hins vegar allt
öðru vísi við. Þegar ungi maðurinn
hafði verið stöðvaður lýsti hann
því strax yfir að frændi hans
væri lögfræðingur og hann myndi
sjá til þess að lögreglumennirnir
yrðu allir kærðir og síðan reknir
ef þeir svo mikið sem snertu hann.
Og ekki nóg með það. Vinkona
hans ynni hjá fjölmiðli og hann
skyldi sko sjá til þess að þeir yrðu
auk þess allir sviptir ærunni. Að
sjálfsögðu var maðurinn handtek-
inn, eins og 11 aðrir ökumenn
grunaðir um ölvunarakstur um
helgina, færður til skýrslutöku og
síðan til töku blóðsýnis.
Húsráðandi einn beitti borgara-
legri handtöku aðfaranótt laugar-
dags þegar maður braust inn á
heimili hans í Vesturbænum. Inn-
brotsþjófurinn, sem áður hefur
komið við sögu slíkra mála,
meiddist lítilsháttar við handtök-
una.
Skemmdarverk voru unnin á 8
bifreiðum við innanlandsflug
Flugleiða aðfaranótt sunnudags.
M.a. voru rúður og ljósker brotin
í bifreiðunum.
Um helgina könnuðu löreglu-
menn á Suðvesturlandi ástand og
búnað eftirvagna, sérstaklega þó
snjósleðakerra. Af u.þ.b. 22 kerr-
um, sem skoðaðar voru, reyndist
12 í engu ábótavant, 8 þurftu
smálagfæringa við, en ástæða
þótti til að stöðva frekari akstur
með 2 þeirra. Eigendur eftirvagna
eru beðnir um að huga að búnað
þeirra svo ekki þurfi að koma til
frekari afskipta lögreglu af þeim.
Auk eftirlits með eftirvögnum
hafði verið ákveðið að kannað
yrði ástand ökumanna stærri öku-
tækja, s.s. vöru- og flutningabif-
reiða, að morgni laugardags og
sunnudags með tilliti til hugsan-
legra áfengisáhrifa. Öndunarsýni
tveggja ökumanna sýndi svörun.
Þeir höfðu að sögn báðir neytt
áfnegis kvöldið áður. Rétt er að
minna á að áfengismagn í blóði
getur mælst allt að 12 klukku-
stundir eftir að neyslu var hætt.
Fjölmargir ökumenn, sem stöðv-
aðir hafa verið morguninn eftir
neyslu, hafa þurft að sæta sektum
og sviptingu ökuréttinda. Enginn
á því að aka bifreið í a.m.k. hálf-
an sólarhring hafi hann drukkið
áfengi. Það gildir jafnt um öku-
menn stærri ökutækja og ann-
arra.
Fyrirlestur um
norrænt sam-
starf o g Evr-
ópumál
FÉLAG stjómmálafræðinga gengst
fyrir fyrirlestri á efri hæð Sólons
íslandus í kvöld, þriðjudagskvöld,
kl. 20.30.
Páll Snævar Brynjarsson, MA í
stjórnmálafræði, heldur fyrirlestur
undir yfirskriftinni „ísland og nor-
rænt samstarf í ljósi aukins evr-
ópsks samruna", en um þetta efni
fjallaði hann í MA-ritgerð sinni við
Árósaháskóla í Danmörku.
Páll lauk MA-prófi á síðasta ári
en hann hafði áður lokið BA-gráðu
í stjórnmálafræði frá Háskóla ís-
lands. Hann starfar nú sem ritari
flokkhóps hægrimanna í Norður-
landaráði.
Að loknu erindi Páls mun Siv
Friðleifsdóttir, þingmaður Fram-
sóknarflokksins og varaformaður
Evrópunefndar Norðurlandaráðs,
tjá sig um fundarefnið í stuttu
máli. Að því búnu verða umræður
og fyrirspurnir.
- kjarni málsins!
Góugleði
Gjábakka
GÓUGLEÐI verður haldin í Gjá-
bakka miðvikudaginn 28. febrúar
kl. 14.
Meðal dagskráratriða verður
upplestur í umsjón Ástu Sigurðar-
dóttur, Guðrún Lóa Jónsdóttir syng-
ur einsöng við undirleik Vilhelmínu
Ólafsdóttur, spilað verður og sungið
með aðstoð Kára Gestssonar, Bogi
Guðjónsson flytur hugdettu og
danssýning frá Dansskóla Sigurðar
Hákonarsonar. Auk þess kemur
leynigestur.
Dagskráin er öllum opin.
Morgunverðarfundur
Fimmtudaginn 29. febrúar 1996, Skála, 2. hæð
Hótel Sögu frá kl. 8:00 - 9:30
Leiðirtil
A að einkavæða ríkisbankana?
FVH boðar til fundar um einkavæðingu. Fundurinn
verður haldinn á Hótel Sögu. Frummælendur eru
Gunnlaugur Sigmundsson, alþingismaður og
formaðurnefndar um einkavæðingu ríkisbankanna
og Benedikt Jóhannesson, framkvæmdastjóri
Talnakönnunar og útgefandi Frjálsrar verslunar og
Visbendingar.
Gunnlaugur Sigmundsson fjallarian
• Einkavæðingu rikisbankanna
• Pólitísk framkvæmd
Benedikt Jóhannesson fjallar um:
• Leiðir til einkavæðingar
• Framkvæmd einkavæðingarinnar
FELAG VIÐSKIPTAFRÆÐINGA
OG HAGFRÆÐINGA
Opinn fundur-gestir velkomnir