Morgunblaðið - 28.02.1996, Blaðsíða 4

HANDKNATTLEIKUR
Toppbaráttan á Akureyri
Ikvöld fer fram 20. umferðin í
1. deild karla í handknattleik
og eru margir spennandi leikir á
dagskrá. Stórleikur umferðarinnar
er þó án efa leikur efstu liðanna,
KA og Vals, í KA-húsinu á Akur-
eyri.
Morgunblaðið fékk Gauta Grét-
arsson, þjálfara Gróttu, til að spá
í leiki kvöldsins. Hann segir að leik-
ur KA og Vals verði hnífjafn frá
upphafi til enda. „Ég hallast að
jafntefli, eða þá að Valur vinni með
einu marki. KA-menn eru líkamlega
sterkari og leika kerfisbundið. Vals-
menn ráða yfir meiri tækni og spila
fijálsari handbolta. Þetta verður
mjög spennandi leikur frá upphafi
til enda,“ sagði Gauti.
FH og Haukar leika í Kapla-
krika. Haukar unnu fyrri leik lið-
anna en FH sló Hauka út úr bikarn-
um skömmu síðar. „Það verður
hart barist í þessum leik og ekkert
gefið eftir. Ég spái því að það verði
jafntefli í þessum leik eins og á
Akureyri."
Selfyssingar fá Víkinga í heim-
sókn. „Ég tippa á heimasigur en
hann verður naumur. Það verður
erfitt fyrir Víkinga að halda sér í
deildinni ef þeir tapa þessum leik
og þeir gera sér fulla grein fyrir
því.“
KR, sem er þegar fallið í 2. deild,
leikur við Stjörnuna í Laugardals-
höll. „Stjarnan á að vinna þennan
leik, en ég held að KR-ingar geti
strítt þeim. Sigur Stjömunnar verð-
ur ekki öruggur, svona eitt til tvö
mörk.“
ÍR-ingar fá Aftureldingu í heim-
sókn í Seljaskóla. „Ég er á því að
ÍR-ingar vinni því þeir eru með
mjög öflugan heimavöll."
Loks fær ÍBV Gróttu í heimsókn
til Vestmannaeyja. „Ég neita að spá
um þennan leik. Eyjamenn eru með
mjög skemmtilegt lið og það á fram-
tíðina fyrir sér. Þorbergur hefur
greinilega verið að gera góða hluti
með liðið í vetur. Það er alltaf gam-
an að leika í Eyjum og ég hlakka
til leiksins," sagði Gauti Grétarsson,
þjálfari Gróttu.
Allir leikirnir heflast kl. 20.
Leikir sem
eftir eru
EYJAMENN og Víkingar
beijast um að bjarga sér frá
faiii og Valur og KA um hvort
liðið verður deildarmeistari.
Þegar þijár umferðir eru eftir
í 1. deildarkeppninni, eiga
þessir keppinautar eftir þessa
leiki:
VALUR (34 stig): KA (Ú), Vík-
ingur (Ú), Afturelding (H).
KA (34 stig); Valur (H), ÍBV
(Ú), Víkingur (H).
ÍBV (11 stig); Grótta (H), KA
(H), KR (Ú).
VÍKINGUR (10 stig): Seifoss
(Ú), Valur (H), KA (U).
IÓN Kristjánsson, þjálfari og leikmaður Vals, mætir sínum
gömlu félögum í KA á Akureyri í kvöld.
Montpellier
styrkir
stöðu sína
GEIR Sveinsson og félagar
hans í Montpellier styrkti
stöðu sína í 3. sæti frönsku
deildarinnar í handknattleik
með 22:20 sigri á heimavelli
gegn Creteil um helgina.
Segja má að markvarsla hins
risavaxna rússneska bjarnar,
Igors Tchoumarks, haifi riðið
baggamuninn. Hann varði 16
skot fyrir Montpellier og þar
af víti á lokamínútunni er
staðan var 21:20. Fyrir leik-
inn voru þessi lið jöfn að stig-
um í 3. og 4. sæti, Montpellier
með betra markahlutfall.
Geir Sveinsson skoraði tvö
mörk.
Bróðurleg
skipti hjá
Dönum og
Svíum
DANIR og Svíar léku tvo
landsleiki í handknattleik á
dögunum — I Kaupmanna-
höfn og Maimö. Þeir skiptu
leikjunum bróðurlega á milli
sín. Danir fögnuðu sigri,
33:26, í Bröndby-höllinni fyr-
ir framan 3.500 áhorfendur
og Svíar síðan í Malmö, 31:32,
fyrir framan 2.000 áhorfend-
ur. Magnus Anderson skoraði
10 mörk fyrir Svía í leiknum
og hann var einnig marka-
hæstur i fyrri leiknum, með
sjö mörk. Frank Jörgensen
lék sinn 200. landsleik fyrir
Dani í fyrri leiknum — fagn-
aði sigri með því að skora
fimm mörk, eins og Morten
Bjerre.
KORFUKNATTLEIKUR
Morgunblaðið/Einar Falur
KARL Malone (27 stig) og John Stockton (16) voru stlgahæst-
ir í llði Utah Jazz sem sigraði Phoenix Suns 110:87.
Miller í ham gegn Boston
Reggie Miller og félagar hans í
Indiana Pacers gerðu góða
ferð til Boston og unnu 122:119 í
framlengdum leik. Miller gerði 39
stig í leiknum og þar af þriggja
stiga körfu þegar sex sekúndur
voru eftir af framlengingunni. Dino
Radja setti persónulegt stigamet á
tímabilinu með því að gera 33 stig
og David Wesley kom næstur með
23 stig fyrir heimamenn, sem töp-
uðu fimmta leiknum í röð.
Utah Jazz sigraði Phoenix Suns
í fyrrinótt 110:87. Karl Malone var
stigahæstur í liði Utah með 27 stig,
John Stocktofi kom næstur með 16
stig og átti auk þess 11 stoðsend-
ingar. Charles Barkley var með 17
stig fyrir Phoenix og Danny Mann-
ing 16.
Los Angeles Lakers átti ekki í
erfiðleikum með New York á heima-
velli sínum og vann 114:96. Lið
New York var án þeirra Patricks
Ewings og Charles Oakleys, sem
eru meiddir og J.R. Reid tók út leik-
bann. Cedric Ceballos var stiga-
hæstur í liði Lakers með 27 stig
og Elden Campbell kom næstur
með 17 stig. Þetta var níundi sigur
liðsins í síðustu tíu leikjum. Anth-
ony Mason var með 23 stig og
Derek Harper 16 fyrir gestina.
Detroit Pistons lagði Sacrametno
Kings að velli 93:78. Grant Hill
gerði 21 stig og Otis Thorpe 17 og
tók auk þess 13 fráköst fyrir Detro-
it, sem Vann sjötta leikinn af síð- tapa 11. leiknum í röð. Billy Owens
ustu níu. Ekki hefur gengið eins gerði 21 stig og Mitch Richmond
vel hjá Sacramento því liðið var að 17 fyrir Kings.
Green með 785 leiki í röð
MENN leggja ýmislegt á sig í íþróttum. Körfuknattleikskappinn
A.C. Green lýá Phoenix Suns kom inná í mýflugumynd í leik
Suns og Jazz í fyrrinótt og náði því að vera með í 785. NBA leikn-
um í röð. Green meiddist um helgina er J.R. Reid lyá Knicks gaf
honum svo hressilegt olnbogaskot að tvær tennur brotnuðu og
um tíma var talið að kjálkabein hefði brákast. Svo reyndist ekki
vera og Green lét sig hafa það á mánudagskvöldið að koma inná
í leiknum gegn Jazz. Enginn þeirra sem enn leika í NBA hefur
leikið fleiri leiki í röð og nú vantar kappann „aðems" 122 leiki til
að ná Randy Smith, sem lék með Buffalo Braves. Þess má geta
að Green hefur aðeins misst úr þtjá leiki síðustu 11 keppnistimabil.
Reid í bann og sektaður
Forráðamenn NBA-deildarinnar dæmdu á mánudagskvöldið J.R.
Reid hjá New York Knicks í tveggja leikja bann og 10 þúsund
dollara sekt, um 660 þúsund krónur, fyrir að gefa A.C. Green
olnbogaskot í leik Knicks og Suns fyrir helgi. Þetta er mesta
sekt sem leikmaður hefur fengið fyrir slíkt athæfi. Reid lék ekki
með Knicks í fyrrinótt og missir af leik liðsins gegn Sacramento
í kvöld. Charles Barkley, félagi Greens hjá Suns, er einn margra
sem segjast hafa heyrt Reid segja fyrir leikinn að hann ætlaði
að þjarma að Green í leiknum. „Deildin ætti að gera eitthvað í
þessu. Ég veit að forrmáðamenn NBA eru kjarklitlir en þeir verða
að gera eitthvað í svona máii," sagði Barkley, og forráðamenn
NBA settu Reid í tveggja leikja bann auk sektar.