Morgunblaðið - 29.02.1996, Blaðsíða 18

18 FIMMTUDAGUR 29. FEBRÚAR 1996
MORGUNBLAÐIÐ
ÚRVERINU
FRÉTTIR: EVRÓPA
Kynning á því námi sem er í boði hjá Vélskóla Islands
Skrúfudagurinn að renna upp
BJÖRN H. Herbertsson, endurmenntunarstjóri VÍ, Steingrímur
Erlingsson, formaður skólafélags VÍ, og Björgvin Þór Jóhanns-
son, skólameistari VÍ, í vélarrúmsherminum.
EGILL H. Bjarnason, Alfreð Halldórsson, Brynja Eyþórsdóttir.
SKRÚFUDAGURINN verður hald-
inn hátíðlegur í Vélskóla íslands
næstkomandi laugardag. Það er
Nemendafélag Vélskóla Islands sem
stendur fyrir uppákomunni og fylgir
svokölluð starfsvika í skólanum í
kjölfarið.
Skrúfudagurinn er haldinn til að
kynna námið í Vélskólanum og verð-
ur skólinn opinn gestum og gang-
andi. Þyrla varnarliðsins mun lenda
á lóð Sjómannaskólans, þar sem
Vélskólinn er til húsa, og verða til
sýnis.
Eins og áður mun Kvenfélagið
Keðjan, sem samanstendur af eigin-
konum véistjóra, sjá um kaffiveiting-
ar. Nemendur verða svo með kynn-
ingu á starfi skólans. Þá gefst tæki-
færi til að sjá þá vinna við verklegar
æfingar í vélasal, rafmagnssal og
smíðasölum.
Skólastarf tengt atvinnulífinu
Einnig verða fyrirtæki með kynn-
ingu á vörum og þjónustu, bæði í
kennslustofum og verklegum sölum.
Véiarrúmshermir sem byggður er
upp sem stjórnstöð í skipi með öllum
þeim búnaði sem því tilheyrir verður
í gangi, en það er tæki upp á um
30 milljónir króna, að sögn Björgvins
Þórs Jóhannssonar, skólameistara.
í starfsvikunni sem hefst í kjölfar-
ið á skrúfudeginum munu nemendur
fara í fyrirtæki, sem yfirleitt tengj-
ast starfsvettvangi vélstjóra. Sem
dæmi má nefna orkuver, alls konar
iðnfyrirtæki, . útgerðarfyrirtæki og
skip. „Það má segja að þetta sé liður
í því að tengja skólastarfið og at-
vinnulífið," segir Björgvin.
Það hefur líka tíðkast 5 starfsvik-
unni að nemendur sæki nám í Slysa-
vamaskóla sjómanna, en það er hluti
af starfsréttindum vélstjóra. „Það er
alltaf hluti af nemendum skólans sem
fer í nám þarna í starfsvikunni og
lýkur því svo í Sæbjörginni," segir
Björgvin.
Árshátíð nemenda um kvöldið
„Ég mæli með því við alla sem eru
að spá I nám að koma og kynna sér
það nám sem boðið er upp á Vélskól-
anum,“ segir Steingrímur Erlings-
son, formaður nemendafélags skól-
ans. Hann segir að það hljóti að vera
meðmæli með skólanum að yfirleitt
sé búið að ráða þá sem stundi fullt
nám við skólann áður en náminu
lýkur.
Að sögn Steingríms eru nemendur
mjög spenntir yfir skrúfudeginum,
en þeir eru nákvæmlega tvö hundr-
uð. „Nemendur munu enda daginn á
árshátíð á Hótel Loftleiðum með
Agga Slæ og Tamlasveitinni og
Spaugstofunni," segir hann. „Auk
þess verður gert góðlátlegt grín að
kennurum - að sjálfsögðu."
Stefnumótun
í endurmenntun
Skrifstofa Vélstjórafélags íslands
heldur utan um endur- og símenntun
vélstjóra. Boðið er upp á tólf nám-
skeið í átta greinum og hafa þau
verið sótt af um hundrað manns á
ári. Þau eru auglýst á fimm stöðum
á landinu og er farið með þau út á
land þegar fæst nóg þátttaka.
„Við verðum með kynningu á
þessu námi á skrúfudeginum," segir
Björn H. Herbertsson hjá Vélstjóra-
félagi íslands. Hann segir að náms-
efnið sem boðið er upp á sé í stöð-
ugri endurskoðun og að það sé snið-
ið að þeim þörfum sem vélstjórar
hafi til endurmenntunar.
„Starfshópur um endurmenntun
vélstjóra, sem samanstendur af full-
trúumjVélskólans, Vélstjórafélagsins
og LÍÚ, hefur unnið að gerð náms-
efnis í sameiningu," segir Björn.
„Síðan er unnið að stefnumótun í
þessum endurmenntunarmálum. Það
hefur hjálpað okkur mikið að hafa
fengið styrk til að vinna námsefnið
frá Starfsmenntasjóði félagsmála-
ráðuneytisins."
Hann segir að þetta hafi verið
mikilvægur upplýsingavettvangur
milli atvinnulífs og skóla og bætir
við með bros á vör: „Þetta sem allir
eru að tala um og enginn framkvæm-
ir.“
Að lokum segir Björgvin að vél-
stjóranámið sé tækninám á breiðu
sviði sem byggt sé upp á almennum
verklegum og fræðilegum grunni.
Fyrir grunnskólanema sé hægt að
ná lægstu starfsréttindum á aðeins
einni önn, en til að öðlast hæstu rétt-
indi þurfi fimm ára skólagöngu.
„Vélstjóranámið er byggt upp í
áfangakerfi og eru margir áfangar
sameiginlegir með öðrum framhalds-
skólum," segir hann. „Þess vegna
geta nemendur lokið hluta af námi
sínu í sinni heimabyggð áður en far-
ið er í Vélskólann. Einnig eru reknar
vélstjórabrautir við Qölbrautaskóla
víða um Iand.“
Hann segir að atvinnumöguleikar
vélstjóra og vélfræðinga að námi
loknu séu íjölbreyttir bæði til sjós
og lands. Hann nefnir sem dæmi
lögvernduð atvinnuréttindi við vél-
stjórn á skipum og við rekstur eim-
katla í landi. Auk þess starfi vélstjór-
ar og vélfræðingar mikið í orkuver-
um, í málmiðnaði og við alls kyns
viðhald á tækjum og búnaði. „At-
vinnuleysi innan vélstjórastéttarinn-
ar er fátítt,“ segir hann.
Helmingi meira fryst af loðnu en í fyrra hjá Síldarvinnslunni hf.
Loðnuvertíðin á
síðasta snúningi
Morgunblaðið/HIynur Áraælsson
MENN hafa bókstaflega stað-
ið á haus í loðnu í Hólmaborg
SU 11.
„LOÐNUVERTÍÐIN hefur
gengið mjög vel, en hún er alveg
á síðasta snúningi," sagði Finn-
bogi Jónsson, framkvæmda-
stjóri Síldarvinnslunnar hf. á
Neskaupstað, í samtali við blaða-
mann í gær. „Ég geri ráð fyrir
því að þetta sé síðasti sólar-
hringpirinn."
Að hans sögn er hrognafyll-
ingin mismunandi: „Við fengum
loðnu við Ingólfshöfða í gær og
hún mældist rétt rúm 20%, en
það var smáloðna og erfið til
frystingar. Hrognafyllingin í
aðalgöngunni við Reykjanes er
fariij að nálgast 24% og þá er
hún ekki lengur frystingarhæf."
Þegar viðtalið átti sér stað var
Beitir við Reykjanes að flokka
síðustu flokkunina, en stefnt var
að því að hann hætti á veiðum
í gær. Börkur var að leita við
Ingólfshöfða, en ekki hafði
fundist nein loðna þar þegar síð-
ast fréttist.
„Við erum mjög ánægðir með
þessa vertíð,“ sagði Finnbogi.
„Það hefur gengið mjög vel. Við
erum búnir að frysta t-vö þúsund
tonn, sem er tvöfalt meira en í
fyrra. Alls höfum við fengið 50
þúsund tonn af loðnu eftir ára-
mótin, sem er meira en á allri
vetrarvertíðinni í fyrra.
Finnbogi segir að nú taki við
eingöngu veiðar fyrir bræðslu
og síðan verði eitthvað fryst af
hrognum, en trúlega ekki mikið
vegna þess að útlitið þar sé mjög
dapurt. „Verðið er mjög lágt og
miklar birgðir til í Japan, þann-
ig að áhuginn er mjög lítill,“
segir hann.
Frakkland og Þýzkaland samræma
stefnu sína fyrir ríkjaráðstefnuna
Vilja sameiginlega
vamarstefnu og
að meirihluti ráði
Freiburg, Stuttgart. Reuter.
UTANRÍKISRÁÐHERRAR Frakk-
lands og Þýzkalands hafa kynnt sam-
eiginlegar tillögur ríkjanna, sem
lagðar verða fyrir ríkjaráðstefnu
Evrópusambandsins, sem hefst í lok
næsta mánaðar. í tillögunum er
meðal annars gert ráð fyrir sameigin-
legri varnarstefnu og auknum sjálf-
stæðum hernaðarmætti ESB og að
meirihluti í ráðherraráðinu ráði við
töku flestra ákvarðana.
VES renni saman við ESB
Klaus Kinkel og Herve de Cha-
rette gengu frá tillögunum á fundi
í Freiburg^ í Þýzkalandi siðdegis á
þriðjudag. í þeim segir meðal annars
að gera eigi Vestur-Evrópusamband-
ið (VES) að varnarmálaarmi ESB.
Þannig eigi leiðtogaráð Evrópusam-
bandsins að geta samþykkt stefnu,
sem VES hafi til hliðsjónar er sam-
bandið ráðist í hernaðarlegar aðgerð-
ir fyrir hönd Evrópusambandsins.
Jafnframt vilja Frakkland og Þýzka-
land að markmið og hlutverk VES
verði staðfest í sjálfum stofnsáttmála
Evrópusambandsins. Búast má við
að Bretland leggist eindregið gegn
þessum tillögum.
í fransk-þýzku tillögunum kemur
fram að ekki ætti að neyða neitt
aðildarríki ESB til að taka þátt í
hernaðaraðgerðum gegn vilja þess.
Hins vegar verði öll aðildarríkin að
sýna samstöðu sína með þeim, sem
leggi fram herafla, með pólitískum
og ef til vill fjárhagslegum stuðn-
ingi. „Grein um pólitíska samstöðu
ætti að setja í stofnsáttmála Evrópu-
sambandsins," segir í tillögunum. „í
bili höldum við okkur við það mark-
mið að VES verði hluti af ESB.“
Frakkland og Þýzkaland hafa
lengi viljað að Evrópumenn tækju á
sig aukna ábyrgð í varnarmálum.
Klaus Kinkel sagði á ráðstefnu í
Stuttgart á þriðjudag að aukin varn-
arsamvinna Evrópuríkjanna mætti
ekki koma niður á samstarfinu við
Bandaríkin- „Samstarf Evrópuríkja
má ekki verða til þess að breikka
Atlantshafið," sagði hann.
Frakkar hafa nýlega breytt um
stefnu í þessum efnum og vilja að
aukið frumkvæði og sjálfstæði Evr-
ópuríkja í varnarmálum eigi sér
fremur stað innan Atlantshafsbanda-
lagsins en utan og í góðri sátt við
Bandaríkin.
Frakkland og Þýzkaland vilja
flölga þeim málaflokkum, þar sem
ráðherraráð Evrópusambandsins
getur tekið ákvarðanir með atkvæða-
greiðslu, þar sem aukinn meirihluti
ræður, í stað þess að samhljóða sam-
þykkis sé krafizt. Margir telja að
sambandið verði nánast óstarhæft,
bætist því fleiri aðildarríki án þess
að meirihlutaatkvæðagreiðslum verði
íjölgað. Frakkar og Þjóðveijar vilja
ekki undanskilja öryggis- og varnar-
mál í þessu efni. I tillögum þeirra
segir að það þýði að ekkert ríki geti
beitt neitunarvaldi gegn ákvörðun
meirihlutans um að taka þátt í hern-
aðaraðgerðum. Hins vegar er ekki
fjallað nákvæmlega um hversu stór-
an meirihluta þyrfti í ráðinu til að
samþykkja sameiginlegar aðgerðir í
varnarmálum eða hvernig atkvæði
ættu að skiptast á mili aðildarríkjá.
Ein greining á stöðunni í stað
fimmtán
Frakkland og Þýzkaland eru sam-
mála um að skipa ætti sérstakan
embættismann, aðalritara eða fram-
kvæmdastjóra, til þess að stýra mót-
un hinnar sameiginlegu varnár- og
öryggismálastefnu sambandsins.
Hins vegar eru ríkin ekki fyllilega
sammála um hlutverk slíks embætt-
ismanns.
í tillögunum er einnig stungið upp
á því að komið verði á fót sérstökum
greiningar- og skipulagshópi ESB í
varnar- og öryggismálum, „til þess
að við höfum ekki áfram 15 mismun-
andi greiningar á stöðunni í upphafi
sérhverrar deilu i alþjóðamálum,"
eins og Klaus Kinkel orðar það.
Best í Hamborg,
Brussel og París
Brussel. Reuter.
RÍKUSTU svæði Evrópusambands-
ins eru borgirnar Hamborg, Brussel
og París, samkvæmt upplýsingum
Eurostat, byggðum á hagtölum árs-
ins 1993, þar sem þjóðarframleiðsla
á mann er greind allt niður í ein-
stakar borgir.
Auðlegðin er mest í Hamborg
sem fær einkunnina 190 en ESB-
meðaltalið er 100 vísitölustig.
Brussel er í öðru sæti með 182 og
París eða nánar tiltekið Ile-de-
France, París og úthverfi, í þriðja
sæti með 166.
I neðstu sætunum er að finna
borgina Alentejo í Portúgal og Az-
or-eyjar með 42 stig. Ekkert svæði
í Grikklandi, Portúgal og Spáni nær
ESB-meðaltalinu þó að Madrid og
Balear-eyjarnar komist nærri því
með 99 stig.
Það kemur á óvart að ef Stokk-
hólmur er undanskilinn eru öll hér-
uð Svíþjóðar undir meðaltalinu.