Morgunblaðið - 29.02.1996, Blaðsíða 7

MORGUNBLAÐIÐ
FIMMTUDAGUR 29. FEBRÚAR 1996 D 7
BÖRN OG UNGLINGAR
íslandsmeistaramótið í þolfimi í Laugardalshöll á sunnudaginn
Meistaramir bjartsýnir
UNGLINGAMEISTARAMÓTIÐ í
þolfimi fer fram í Laugardals-
höllinni á sunnudaginn klukkan
hálf fjögur. Nærri þrjátíu kepp-
endur hafa skráð sig til leiks,
en keppt verður í flokki ein-
staklinga, tvenndarkeppni og
þrímenningi. Meistarar síðasta
árs i' einstaklingsflokkum pilta
og stúlkna, þau Hafþór Óskar
Gestsson og Maria Björk Her-
mannsdóttir, verða meðal þátt-
takenda og einnig Linda Björk
Unnarsdóttir og Steinunn Jóns-
dóttir en þær sigruðu í tvennd-
arkeppni. Þau eru á aldrinum
15-16 ára.
Ivar
Benediktsson
skrífar
Oll gáfu sér tíma til að hitta
Morgunblaðið nýlega, en upp
á síðkastið hafa þau æft daglega
til að allt verði í sem
bestu standi hjá
þeim þegar til alvör-
unnar kemur. „Alla
jafna æfum við fjór-
um sinnum í viku, en síðustu fjórar
vikurnar æfum við daglega, allt upp
í fimm til sex tíma á dag með hlé-
um,“ sagði Linda Björk aðspurð um
æfingatíðnina. En hvers vegna að
æfa svona mikið?
„Það fer mikill tími í að finna
spor og æfa þau, koma þeim í takt
við tónlistina sem flutt er með æf-
ingunum. Einnig þarf að huga vel
að liðleika og styrkja sig sem frek-
ast er kostur," sagði Stéinunn sem
hafði orð fyrir hópnum, en hin tóku
undir þessi orð hennar.
„Við verðum með talsvert erfið-
ari æfingar en í fyrra. Munurinn
liggur í meiri krafti og auknum lið-
leika," sögðu þær stöllur Linda og
Steinunn. Þær sögðu talsverðan
tíma fara í að stilla saman strengi
Morgunblaðið/Gunnlaugur Rögnvaldsson
VERÐLAUNAHAFAR í stúlknaflokki í fyrra. María Björk Her-
mannsdóttir sigraði, Svava Sigurbergsdóttir varð önnur og
Svanhildur Snæbjörnsdóttir í þriðja sæti.
svo þær yrðu eins samtaka og kost-
ur væri í æfingunum. Þar lægi mik-
ill munur á milli einstaklingskeppn-
innar og tvenndarkeppninnar. Ef
annar aðilinn gæti ekki gert
ákveðnar æfingar yrði að fínna
nýjar og þetta gæti skapað tals-
verða yfirlegu. „Við eigum von á
hörkukeppni og munum leggja okk-
ur fram um að vetja titilinn.“
María Björk fékk þriðju hæstu
einkunnina á meistaramótinu í
fyrra. Hún hefur verið meidd í baki
síðan í ágúst og hefur nýlega hafið
æfingar á ný. „Undirbúningur hefur
gengið ágætlega, en ég verð að
passa bakið. Ég geri mér vonir um
að mér takist að veija titilinn. Þó
gæti brugðið til beggja vona. Nú
eru fleiri keppendur og flestir þeirra
koma úr fimleikunum og hafa þar
af leiðandi góðan grunn fyrir þol-
fimina. í fyrra var ég ekki með
sérstaklega undirbúnar æfingar
fyrir mótið heldur spilaði ég „rútín-
una“ af fingrum fram og væntan-
lega verður svipað upp á teningnum
að þessu sinni.“
„Ég bytjaði að æfa þolfimi af
krafti fyrir tveimur árum. Nú æfi
ég á hvetjum degi og er auk þess
í fimleikum. Áður var ég í Tae-
kwon-do,“ sagði Hafþór Óskar. „Ég
er í sæmilegu formi núna, var betri
í fyrra. Reyndar kann ég skil á fleiri
æfingum nú en þá,“ bætti hann við
og sagðist vera búinn að setja sam-
an æfingar og tónlistin væri tilbúin
og nú biði hann bara eftir að mótið
hæfist. „Ég vonast til að mér takist
að gera eins vel og síðast."
Þau sögðu áhuga vera mikinn á
þolfimi meðal unglinga og von
þeirra er sú að sem flestir á þeirra
reki reki nefið inn í Höllina á sunnu-
daginn á meðan keppnin stendur
yfir.
Mamma og
pabbi glöð
„FRÆNDI minn æfði karate og
mér fannst spennandi að prófa. Mér
þótti strax mjög gaman en hann
hætti nokkru síðar,“ sagði Anton
Kaldal Ágústsson úr KFR. Hann
sigraði í flokki unglinga fæddir
1983 og ’84, hlaut 21,4 í einkunn.
Félagi hans úr KFR, Bjarni
Traustason, varð annar með 21,3.
Ég bjóst ekki við að vinna verð-
launapening, hvað þá gullverðlaun.
Þetta eru fyrstu gullverðlaun mín
á ævinni. Ég er mjög ánægður og
mamma og pabbi verða glöð.“ Þess
má einnig geta að Anton varð ásamt
félögum sínum í KFR í öðru sæti
í hópkata.
Anton er tólf ára og er í sjöunda
bekk Laugarnesskóla. Hann hefur
æft karate í fimm ár. Anton sagð-
ist hafa æft alveg sérstaklega vel
fyrir mótið. Jafnhliða karateæfing-
unum leggur hann einnig stund á
badminton hjá TBR, bytjaði þat- sl.
vor. „Ég æfi karate þrisvar í viku,
klukkutíma í hvert skipti og það
er pottþétt að ég held áfram að
æfa.“
Mamma
plataði mig
„ÞETTA var hörkukeppni og ég er
hæstánægður með annað sætið því
það voru tuttugu og sjö keppendur
í mínum flokki,“ sagði silfurhafinn,
Bjarni Þorsteinsson, félagi Antons.
„Mamma er í karate og hún plataði
mig á æfingu fyrir einu og hálfu
ári og mér finnst mjög gaman.
Næsta mót er Unglingameistara-
mótið í kumite í mars og þar ætla
ég að taka þátt,“ bætti hann við og
sagðist staðráðinn í að æfa áfram
og reyna að krækja í verðlaun á
Unglingameistaramótinu' á næsta
ári, þá á eldra ári í flokknum. Hann
er nemandi í Langholtsskóla.
Landsliðsmenn
framtíðarinnar?
ÞAÐ voru rúmlega níutíu þátt-
takendur í handboltaskóla sem
HSÍ stóð fyrir í íþróttahúsi
Fram nýlega. Þáttakendur voru
fæddir á árunum 1980-1982 og
komu af suður og suðvestur-
landi.
f haust sendi HSÍ öllum hand-
knattleiksdeildum á svæðinu
bréf þar sem þær voru beðnar
að tilkynna þá sem að þeirra
mati kæmu til greina. I fram-
haldinu fylgdust þjálfarar 16
ára landsliðanna með þeim í
leikjum vetrarins. Að athugun
lokinni voru valdir 30 strákar
fæddir 1980, sami fjöldi drengja
fæddir árið 1981 og loks rúm-
lega þrjátíu stúlkur fæddar
1980-82.
Nýlega voru hóparnir kallaðir
saman og voru í æfingabúðum
föstudag, laugardag og sunnu-
dag undir stjóm Heimis Rík-
harðssonar og Guðmundar Árna
Sigfússonar, en þeir þjálfuðu
drengina, og Svövu Baldvins-
dóttur og Reynis Stefánssonar
er þjálfuðu stúlkurnar. Æfingar
stóðu yfir í eiim og hálfan
klukkutíma hvem dag. Auk þess
komu Þorbjöra Jensson, lands-
liðsþjálfari karla, og Krislján
Halldórsson, landsliðsþjálfari
kvenna, og fóru yfir ýmsa töfra
íþróttarinnar. Jafnframt voru
fluttir fyrirlestarar um næringu
og annað í þcim dúr.
„Markiniðið með þessu er að
finna einstaklinga í unglinga-
landsliðin,“ sagði Heimir Rík-
harðsson. „Við verðuni með
sams konar skóla fyrir iðkendur
á norður og austurlandi á Akur-
eyri sextánda og sautjánda
mars og fá félögin á því svæði
tilkynningu þess efnis á næstu
dögum,“ bætti hann við. Taldi
Heimir að vel hefði tekist til.
Þátttakendur sem Morgunblað-
ið ræddi við voru almennt
ánægðir með helgina og það
sem boðið var upp á, sérstak-
lega höfðu drengirnir orð á að
þeir hefðu lært ýmislegt í varn-
arleik.
Guðinundur Árni sagði að sér
hefði fundist áberandi munur
hvað knattmeðferð drengja
fæddir 1981 hefði verið yfir
höfuð betri en þeirra eldri. „Ég
hef enga einhlíta skýringu
hvers vegna svo er, en ein
ástæðan tel ég geti verið sú að
sá árgangur hefur verið þátt-
takandi í fjölliðamótum HSI þar
sem allir hafa fengið að reyna
sig. Það hefur eldri árgangur
ekki gert. Fjöliðamótin voru
ekki byrjuð þegar þeir voru til
dæmis í fimmta flokki."
„Við emm að kanna hvort
ekki verði hægt að fara í sanis
konar ferð með úrvalslið úr
þessum drengjahópi tU Dan-
merkur í sumar eins og við fór-
um í fyrra með þann hóp sem
var í sautján ára landsliðinu sem
keppti í Þýskalandi um jólin.
Enn er verið að athuga þetta
en það væri vissulega gaman ef
af því gæti orðið, ég tel þá ferð-
ina hafa skilað góðum árangri,"
sagði Heimir Ríkharðasson.
Mikil breidd í kata
Morgunblaðið/ívar
HAUKAR sigruðu í hópkata unglinga fædd 1983 og ’85, Há-
kon Fannar Hákonarson, Örn Ingi Agústsson og Sigdís Vega.
UNGLINGAMEISTARAMÓT ís-
lands í kata karate fór fram í
Hveragerði nýlega. Mikil þátt-
taka var í mótinu, en alls tóku
þátt 172 einstaklingar frá tiu
félögum. Mótið gekk í alla staði
vel og tímaáætlanir stóðust
næstum upp á mínútu. Sveitir
og einstaklingar frá Karatefé-
lagi Reykjavíkur, Haukum og
Þórshamri kræktu í flest verð-
laun, en annars einkenndi
breiddin mótið öðru fremur.
Mótið var tvískipt og hófst fyrri
hlutinn klukkan tíu um
Ynorguninn með forkeppni en úrslit-
>n fóru fram eftir
hádegi. í hópkata
skildi aðeins 0,1 stig
á milli sveita í efstu sætum. Sama
var upp á teningnum í einstaklings-
keppninni, sáralítill munur var á
milli keppenda og gáfu stúlkurnar
piltunum eftir.
Kom á óvart
„Það kom tnér á óvart að lenda
í fyrsta sæti í dag,“ sagði Sólveig
Krista Einarsdóttir frá Þórshamri
er hún hafði tekið á móti gullverð-
launutn í flokki táninga fæddra
1979 og ’80. Annar varð Gunnar
Már Gunnarsson Akranesi. Bæði
fengu 21,9 í einkunn, en Sólveig
hlaut jafnari einkunnir og hlaut því
gullið. Þau höfðu nokkra yfirburði
í flokknum. Jóhanna Hólm, Fjölni,
varð í þriðja sæti, var 0,9 stiguin
á eftir. „Ég er nýkomin í flokkinn,
sigraði í flokknum fyrir neðan í
fvrra og ég átti alls ekki von á að
sigra á fyrsta ári,“ bætti Sólveig
við. Hún kvaðst hafa æft karate í
tvö og hálf ár og æfa jöfnum hönd-
um kata og kumite. „Hjá Þórs-
hamri er frábær féiagsskaput- og
ég er ekkert á þeim buxunum að
hætta.“
Hvatning til að halda áfram
Ekachai Saithong úr KFR sigraði
örugglega í flokknum fyrir neðan
Sólveigu, unglingar fæddir 1981
og ’82, hlaut 21,9 í einkunn. í öðru
og þriðja sæti letitu Eiríkur Krist-
jánsson, Haitkum, og Björgvin Þor-
steinsson úr KFR, hvor um sig hlaut
21,7. „Ég er tnjög ánægður með
sigurinn, hann kom mér í opna
skjöldu. í fyrra lenti ég í öðru sæti
í einstaklinga, en nú sigra ég, og
í þriðja sæti í hópkata. Nú tók ég
bara þátt í einstaklingakeppninni,“
sagði Ekachai eftir að hann hafði
fengið gullið um hálsinn. Ekachai
er fæddur í Thailandi en hefur búið
hér á landi í átta ár og líkar vel
við land og þjóð. „Það er engin
spurning, ég ætla að halda á áfram
að æfa á fullu og þessi sigur dreg-
ur ekki úr ætlun minni,“ bætti hann
við.