Morgunblaðið - 01.03.1996, Blaðsíða 21
MORGUNBLAÐIÐ
FÖSTUDAGUR 1. MARZ 1996 21
Sitt sýnist
hverjum um
hlutskipti Díönu
London. Reuter.
BRESK blöð fjölluðu mikið og ítar-
lega í gær um þá ákvörðun Díönu
prinsessu af Wales að fallast á
skilnað að lögum við Karl Breta-
prins eftir 15 ára hjónaband. Veltu
þau því fyrir sér hvert yrði hlut-
skipti Díönu og sýndist sitt hveij-
um um það. Lögmenn hófu í gær
samninga um ákvæði skilnaðar-
samkomulags.
Yfirlýsing Díönu kom eins og
þruma úr heiðskíru lofti og skyggði
á fréttir af samkomulagi bresku
og írsku forsætisráðherranna um
að hefja allsheijar viðræður um
frið á Norður-írlandi. Virtist hún
jafnvel koma hirðinni í opna
skjöldu og fjölmiðlar höfðu gengið
út frá því að Díana væri andvíg
skilnaði.
„Þetta er dapurlegasti dagurinn
í lífi mínu,“ sagði hún í yfirlýsing-
unni. Þau Karl hittust í St. Ja-
mes’s-höllinni í fyrradag. Blaðið
Daily Mail sagði að þar hefði hún
sagt Karli: „Eg elskaði þig og mun
ætíð elska þig því þú ert faðir
barna minna.“
Kvænist Karl aftur?
Sum blaðanna leiddu að því get-
um, að Karl myndi ganga að eiga
hjákonu sína, Camillu Parker
Bowles þegar hæfilegur tími væri
liðinn frá lögskilnaði þeirra Díönu.
Hugsanleg framtíð Díönu fékk þó
mun meiri umíjöllun. Daily Ex-
press sagðist vona að skilnaðurinn
yrði algjör og séð yrði til þess að
Díana drægi sig alveg úr kastljósi
fjölmiðla, hirðin gæti ekki annað
þar sem hætta væri á að Díana
riði stjórnarskránni og þar með
konungdæminu að fullu.
Norman Stone, prófessor í sögu
við Oxford-háskóla, fjallaði um
skilnaðinn í sögulegu samhengi
fýrir blaðið The Guardian. Hann
sagði að á dögum Ottómana hefði
Díönu verið stungið í poka og
fleygt í hafið. Hefði hún verið uppi
í rússneska keisaradæminu hefði
hún verið lokuð inni í nunnu-
klaustri til æviloka. Niðurstaða
Stone var, í ljósi þess að hugur
hennar stæði til hlutverks sendi-
herra, að Díana yrði skipaður
landsstjóri á Falklandseyjum.
„Nú getur þjóðin andað léttar,
og prinsessan líka. Alténd verður
hún ævinlega móðir framtíðarkon-
ungs og sem slík á hún að njóta
virðingar og reisnar,” sagði Times.
Misvísandi yfirlýsingar
Blaðið Daily Mirror sagði hins
vegar, að svo virtist sem af hálfu
beggja aðila væri ætlunin að
klekkja á hinum. Með því væru þau
hins vegar aðeins að skaða kon-
ungdæmið.
Blaðið lét þessi ummæli falla í
tilefni misvísandi yfirlýsinga um
skilnaðinn. Talsmaður Díönu til-
kynnti að hún hefði fallist á beiðni
Karls um skilnað. Ennfremur að
hún yrði höfð með í ráðum þegar
teknar yrðu ákvarðanir um syni
þeirra, hún myndi halda prinsessu-
titlinum, búa áfram í Kensington-
höll og hafa skrifstofur í St.
James’s-höllinni.
Aðstoðarmenn drottningar gáfu
hins vegar í skyn að í þessu efni
hefði prinsessan þjófstartað. í frétt
frá höllinni sagði, að Elísabet
drottning hefði hlustað með mikilli
athygli er hún heyrði að prinsessan
af Wales hefði samþykkt skilnað.
„Við getum staðfest að prinsinn
og prinsessan af Wales áttu einka-
fund í dag í St. James’s-höllinni.
Þar voru einstök atriði skilnaðar-
samkomulagsins ekki rædd og
heldur ekki framtíðarhlutverk
prinsessunnar. Einstök atriði,
þ. á m. titlar, eru óútkljáð og
þarfnast umfjöllunar. Það tekur
tíma. Það sem prinsessan hefur
drepið á í þessu sambandi ber
fremur að taka sem óskir en
ákvarðanir,” sagði í tilkynningu
frá drottningarhirðinni í fyrra-
kvöld.
ERLENT
Reuter
KARL Bretaprins kannar olíumengun á strönd Wales vegna
strands olíuskipsins Sea Empress.
Ciller segir
veigamikil
mál óleyst
Ankara. Reuter.
TANSU Ciller, forsætisráðherra
bráðabirgðastjórnar Tyrklands,
sagði í gær að enn væri ekki kom-
inn stjórnarsáttmáli milli hægri
flokka landsins þótt gert hefði verið
samkomulag í grundvallaratriðum
um myndun stjórnar til að koma í
veg fyrir að sigurvegarar þingkosn-
inganna í desember, íslamski vel-
ferðarflokkurinn, kæmist til valda.
Ciller, leiðtogi flokksins Sann-
Íeiksstígurinn, sagði að viðræður
hennar við Mesut Yilmaz, leiðtoga
Föðurlandsflokksins, hefðu gengið
vel. Þau hittast aftur í dag.
Sannleiksstígurinn og Föður-
landsflokkurinn hafa ekki meiri-
hluta þingsæta og þyrftu því að
reiða sig á stuðning vinstri afla til
að halda velli. Ekki hefur verið leyst
úr því hver verði forsætisráðherra,
en talað var um að Ciller og Yilmaz
myndu skiptast á.
Jeltsín skipar stj órn-
inni að bæta kjörin
Moskvu. Reuter.
BORÍS Jeltsín, forseti Rússlands,
hefur skipað ríkisstjórninni að
vinna harðar að því að bæta kjör
þeirra, sem höllustum fæti standa,
og vonast augljóslega til, að það
geti aukið líkur hans á endurkjöri
í forsetakosningunum í júní.
Jeltsín sagði á fundi með æðstu
mönnum stjórnarinnar í gær, að
áður fyrr hefðu flest ljós verið log-
andi í stjórnarráðinu þegar hann
sjálfur hefði farið heim klukkan
níu eða tíu á kvöldin en nú væri
hvergi ljóstýru að sjá. Sagði hann,
að ráðherrarnir yrðu að taka sér
tak því að það væri mikilvægasta
hlutverk þeirra að standa vörð um
velferð almennings.
Ekki kosningaáróður
„Þetta er enginn kosningaáróð-
ur, heldur sjálf forsenda umbóta-
starfsins. Að undanförnu 'nöfum
við þó verið uppteknir af allt öðru,“
sagði Jeltsín í reiðitón.
Fyrir um viku varaði Jeltsín
Víktor Tsjernomyrdín forsætisráð-
herra við og sagði, að stjórninni
yrði vikið frá tækist henni ekki
að bæta kjörin en Gennadíj Zjúg-
anov, forsetaframbjóðandi komm-
únista, segist ætla að afnema að
mestu þá nýskipan, sem Jeltsín
hefur beitt sér fyrir í efnahagsmál-
unum.
Samkvæmt skoðanakönnunum
hefur Zjúganov miklu meira fylgi
en Jeltsín.
Tsjernomyrdín sagði á fundin-
um í gær, að hann vissi, að þetta
ár gæti skipt sköpum fyrir um-
bótastarfið og Jeltsín sjálfan. Það
væri þó takmörkum háð hvað rík-
isstjórnin gæti leyft sér.
„Þáð má ekki slaka neitt á í
stjórn peninga- og fjármála, við
megum ekki grafa undan fjárlög-
unum í því skyni að kaupa okkur
vinsældir og við verðum að sporna
gegn ofstjórnaráráttu ríkisvalds-
ins í efnahagsmálunum. Við meg-
um ekki leggja stein í götu ein-
staklingsframtaksins og við verð-
um að halda einkavæðingunni
áfram,“ sagði Tsjernomyrdín og
Jeltsín tók undir það, að aðgerðirn-
ar mættu ekki vera verðbólgu-
hvetjandi.
„Eg veit hvað það er erfitt fyr-
ir ríkisstjórnina að sitja undir árás-
um „verðbólguflokksins“,“ sagði
Jeltsín og átti við kommúnista-
flokkinn. „Þetta stríð er ekki auð-
unnara en forsetakosningarnar en
þið eruð á réttri leið og ég stend
með ykkur.“
ATUIN
Veisla fyrir Iftið
MEÐAN BIRGÐIR
BESTU KAUPIN
1/2 lambaskrokkar
D1A niðursagaðir
pr.kg.
Grænar
baunir
Verslanir Nóatúns eru opnar til kl. 21, öll kvöld
NOATUN
Grænar baunir
1/2 dós 400 gr.
NÓATÚN 17 - S. 561 7000, ROFABÆ 39 - S. 567 1200, LAUGAVEG 116 - S. 552 3456, HAMRABORG 14, KÓP. - S. 554 3888, FURUGRUND 3, KÓP. - S. 554 2062,
ÞVERHOLT 6, MOS. - S. 566 6656, JL-HÚSINU VESTUR í BÆ - S. 552 8511, KLEIFARSEL 18 - S. 567 0900, AUSTURVER, HÁALEITISBR 68 - S. 553 6700