Morgunblaðið - 02.03.1996, Blaðsíða 1
88 SÍÐUR LESBÓK C/D
52. TBL. 84. ÁRG. LAUGARDAGUR 2. MARZ 1996 PRENTSMIÐJA MORGUNBLAÐSINS
Gorbatsjov
lýsir yfir for-
setaframboði
Moskvu. Reuter.
MIKHAÍL Gorbatsjov, sem var við
völd í Sovétríkjunum þegar þau liðu
undir lok, lýsti yfir því í gær að
hann hygðist bjóða sig fram til for-
seta þrátt fyrir að skoðanakannanir
bendi til þess að hann sé mjög óvin-
sæll í Rússlandi um þessar mundir.
Gorbatsjov svaraði játandi á
blaðamannafundi þegar hann var
spurður hvort hann gæfi kost á sér
og bætti við að hann mundi leggja
framboð sitt formlega fram síðar.
Gorbatsjov verður 65 ára á morgun
og er óflokksbundinn um þessar
mundir.
Mótvægi við Jeltsín
og Zhjúganov
Gorbatsjov kvaðst mynda mót-
vægi við Borís Jeltsín, sem komst
til metorða í sovéska kommúnista-
flokknum í skjóli Gorbatsjovs, en
varð keppinautur hans, og Gennadíj
Zjúganov, leiðtoga rússneska
kommúnistaflokksins.
Hann skoraði á „lýðræðisöflin“
að standa saman og finna leið til
að draga úr óvissunni, sem umlykur
framtíð lýðræðis í landinu.
„Lýðræðissinnamir verða að
sameinast og sigra í kosningunum,"
Þingkosningar í Ástralíu
Kærður
fyrir
stríðsglæpi
Haag. Reuter.
STRÍÐSGLÆPADÓMSTÓLL Sam-
einuðu þjóðanna vegna fyrrverandi
Júgóslavíu hefur ákveðið að ákæra
háttsettan yfirmann í her Bosníu-
Serba vegna stríðsglæpa í Sarajevo.
Talið er að um tíu þúsund manns
hafi látið lífið í umsátri um borgina.
Djordje Djukic var einn af æðstu
yfirmönnunun í her Ratkos Mladics
herforingja og er hanri sakaður um
að hafa átt aðiid að stórskotaliðs-
árásum á borgina á tímabilinu maí
1992 til desember 1995. Breska
blaðið Guardian sagði í gær að
Djukic hefði verið helsti tengiliður
Bosníu-Serba við stjórnina í
Belgrad í Serbíu.
Stórskotalið Serba framdi mörg
grimmdarverk meðan á umsátrinu
stóð. í maí 1992 féllu 20 og 70
særðust er sprengjukúla_ Ienti á
markaði í miðborginni. Ari síðar
féllu 15 þegar skotið var á bíla-
stæði þar sem nokkur ungmenni
voru í fótboltaleik og í febrúar 1994
lenti sprengikúla á markaðstorgi í
miðborginni með þeim afleiðingum
að 68 létu lífið og um 200 særð-
ust. Á einum sólarhring í júlí 1993
er talið að 3.777 fallbyssukúlum
hafi verið skotið á borgina.
Djukic hefur verið í haldi í Haag
ásamt Aleksa Krsmanovic, ofursta
í her Bosníu-Serba, eftir að her-
menn Atlantshafsbandalagsins
færðu þá frá fangelsi í Sarajevo.
sagði Gorbatsjov og gaf í skyn að
hann gæti vikið til hliðar ef ekki
yrði sátt um ha.nn sem eina fram-
bjóðanda lýðræðissinna.
Gorbatsjov hefur verið í meiri
metorðum á Vesturlöndum, en í
sínu heimalandi þar sem margir líta
svo á að hann heyri fortíðinni til.
Fylgi undir einum af hundraði
Samkvæmt nýlegum skoðana-
könnunum nær fylgi Gorbatsjovs
ekki einum af hundraði, en Zhjúg-
anov nýtur um 20% fylgis og Jelts-
ín um 10%.
Gorbatsjov komst til valda í Sov-
étrikjunum 11. mars 1985 og hóf
brátt víðtækar endurbætur. Lykil-
orðin voru glasnost og perestrojka,
en Gorbatsjov réð ekki við þau öfl,
sem hann leysti úr læðingi, hvorki
heima fyrir né erlendis. Þýskaland
sameinaðist og Austur- og Mið-Evr-
ópa losnaði undan oki Sovétríkj-
anna, sem sjálf tóku að liðast í
sundur. Hann hlaut friðarverðlaun
Nóbels, en heima fyrir kunnu fáir
honum þakkir fyrir. í ágúst 1991
var gerð tilraun til valdaráns og í
lok þess árs missti hann völd og
Sovétríkin liðu undir lok.
Tekst Keatmg
það ómögulega?
Canberra. Reuter.
PAUL Keating, forsætisráðherra
Ástralíu, og Verkamannaflokkurinn
hafa sótt verulega í sig veðrið á síð-
ustu dögum en samt er almennt
búist við, að kosningabandalag
Fijálslynda flokksins og Þjóðar-
flokksins verði sigurvegari í þing-
kosningunum í dag.
í heilt ár hefur Verkamannaflokk-
urinn verið langt á eftir stjórnarand-
stöðunni í skoðanakönnunum en
samkvæmt þremur könnunum, sem
birtar voru í gær, hefur bilið minnk-
að mikið. I einni sagði, að stjórnar-
andstaðan fengi 7% meira fylgi,
önnur, að hún sigraði með 2% og
sú þriðja, að engu munaði á fylking-
unum.
Verkamannaflokkurinn í Ástralíu
hefur verið völd í 13 ár og í kosning-
unum 1993 má segja, að Keating
hafi „stolið sigrinum“ frá stjórnar-
andstöðunni, sem talin var örugg
um sigur fram á síðasta dag. Fáir
búast við, að honum takist að leika
það aftur nú.
■ Valdadögum að ljúka/20
Bilaðir hraðamælar
í Boeing-757 þotunni
Washington. Reuter.
HRAÐAMÆLAR Boeing-757 þotunnar, sem fórst undan ströndum Dómin-
íkanska lýðveldisins 6. febrúar sl., sýndu flugmönnunum að þotan væri
á miklu meiri hraða en hún raunverulega var. Ofreis hún vegna of lítils
flughraða og hrapaði í sjóinn á 84 sekúndum með þeim afleiðingum að
allir sem um borð voru, 189 manns, fórust.
Á miðvikudag náðust flugriti,
svarti kassinn svonefndi, og hljóðriti
þotunnar upp af hafsbotni og hófst
rannsókn á upplýsingum sem þeir
hafa að geyma í fyrradag. Sam-
kvæmt tilkynningu, sem Oryggis-
stofnun samgöngumála (NTSB) í
Bandaríkjunum sendi frá sér í gær,
var þotan í brottflugsklifri í 7.300
feta hæð þegar aðvörun um að ofris
væri í aðsigi heyrðist. Við það hrist-
ust stýrisstangir flugmannanna og
hljóðmerki heyrðust.
„Þotan hætti klifri og byijaði að
lækka flugið. Þegar aðvörunin kom
segir flugritinn, að hraðamælarnir
hafi sýnt 335 hnúta, 620 kílómetra,
hraða á klukkustund. Aðrar upplýs-
ingar af flugritanum og ratsjármæl-
ingar gefa hins vegar ótvírætt til
kynna að þotan hafi verið á miklu
minni hraða," sagði í tilkynningunni.
Engin skýring var gefin á bilun-
inni af hálfu NTSB eða hugsanlegum
ástæðum bilunarinnar. Hljóðritinn
leiddi í ljós að flugmennirnir hafi
gert sér grein fyrir henni því þær
ræddu um hraðamælana í flugtaks-
bruninu og aftur eftir að þotan fór
á loft. Tóku þeir eftir því að hraða-
mælir flugstjórans sýndi fyrst minni
hraða en mælir aðstoðarflugmanns-
ins. Með aukinni hæð steig mælir
flugstjórans hraðar og sýndi á end-
anum meiri hraða. Beri mælum ekki
saman er ætlast til að flugmennirnir
athugi þriðja mælinn til að ganga
úr skugga um hvað rétt sé en ekki
er vitað hvort þeir gerðu það.
Flugvélar ofrísa og missa flugið
þegar flughraði fer undir ákveðin
mörk.
Að sögn NTSB störfuðu stjórn-
tæki þotunnar, hreyflar og knývend-
ar eðlilega og engin vísbending var
um að óvenjuleg veðurskilyrði eða
utanaðkomandi kraftar hafi stuðlað
að því að þotan fórst.
Fórst í Andesfjöllum
STÉL perúsku Boeing 737-200
þotunnar sem fórst í Andesfjöll-
um í fyrrinótt. Allir sem um borð
voru, 123 manns, biðu bana.
Óljóst er hvað olli slysinu en flug-
vélin hafði fengið lendingar-
heimild í borginni Arequipa er
hún fórst.
■ 123 biðu bana/20
MÍKHAÍL Gorbatsjov, fyrrverandi forseti Sovétríkjanna, á blaðamannafundi í Moskvu í gær þar
sem hann tilkynnti að hann hygðist bjóða sig fram við forsetakosningarnar í Rússlandi í júní.