Morgunblaðið - 02.03.1996, Blaðsíða 16

16 LAUGARDAGUR 2. MARZ 1996
MORGUNBLAÐIÐ
ÚRVERINU
FRÉTTIR: EVRÓPA
40 þúsund tonn fryst
af loðnu á vertíðinni
ÞETTA hefur verið algjör met-
loðnuvertíð hjá íslenskum sjáv-
arafurðum og Sölumiðstöð hrað-
frystihúsanna, en alls hafa farið í
frystingu um 40 þúsund tonn.
Frysting stendur ennþá yfir hjá
báðum framleiðendum, þannig að
búast má við að magnið eigi enn
eftir að aukast.
Loðnuvertíðinni lýkur ekki þeg-
ar frystingu lýkur vegna þess að
lýsi og mjöl verður áfram unnið í
verksmiðjum af fullum krafti. „Nú
er vertíðin rétt að byija hjá okk-
ur,“ segir Jón Reynir Magnússon,
forstjóri SR-mjöls. „Núna fáum við
allan fiskinn.“ Hann segist ekki
hafa tekið saman hversu mikið sé
komið til vinnslu hjá SR-mjöli, en
segir að það séu mörg þúsund tonn.
Framleiðslan komin yfir 21
þúsund tonn hjá SH
Það var ennþá verið að frysta í
gær,“ að sögn Halldórs Eyjólfsson-
ar, markaðsstjóra Sölumiðstöðvar
hraðfrystihúsanna. „Það er enn
verið að frysta smáloðnu fyrir Jap-
ansmarkað og einnig er verið að
framleiða blandaða loðnu og hæng
fyrir Bandaríkin og Austur-Evr-
ópu.“
Halldór segir að loðnufram-
leiðslan hafi gengið mjög vel og
framleiðendur innan SH hafi fram-
leitt yfir 21 þúsund tonn. „Það er
það mesta sem fryst hefur verið
af loðnu hjá SH á einni vertíð,“
segir hann.
Góður undirbúningur
„Þennan árangur ber að þakka
góðum undirbúningi framleiðenda
og einnig sölusamningum sem
náðu til mikils magns af smáloðnu,
Horfur á óvenju
lítilli frystingu
loðnuhrogna í ár
Morgunblaðið/Þorsteinn Kristjánsson
sem hægt var að frysta núna.
Áður fyrr hefur hún ekki verið
talin frystingarhæf fyrir Japans-
markað. Þetta hefur valdið því að
meiri verðmæti hafa skapast í
loðnufrystingunni.“
Algjör metvertíð hjá ÍS
Hann segir að hrognavinnslan
sé með því móti að japanskir kaup-'
endur séu ekki tilbúnir til að ganga
frá samningum enn sem komið er,
þar sem mjög miklar birgðir séu á
Japansmarkaði. „Kaupendur í Jap-
an hafa sýnt mjög lítinn áhuga á
kaupum á loðnuhrognum á þessari
vertíð," segir hann. „Það má búast
við að framleiðslan verði mjög lítil
og þá einungis af hrognum í mjög
góðum gæðaflokki."
„Frysting stóð ennþá yfir í gær
hjá íslenskum sjávarafurðum, að
sögn Víkings Gunnarssonar, fram-
leiðslustjóra árstíðabundinna af-
urða. „Við erum að frysta í nokkr-
um húsum á aðra markaði en Jap-
ansmarkað og ég veit ekki hvað
það stendur lengi yfir. Það er ver-
ið að keyra upp í aðra samninga
og ég vona bara að það geti stað-
ið sem lengst,“ sagði hann.
Hann sagði að vertíðin hefði
gengið alveg frábærlega og fryst-
ingin væri komin vel yfir átján
þúsund tonn; „Það hefur gengið
rosalega vel og við erum ennþá
með samning sem við erum að
frysta inn á og getum því haldið
áfram. Þannig að þetta verður al-
gjör metvértíð hjá okkur.“
Alltaf haft opnar leiðir
Víkingur þakkar það fyrst og
fremst góðri veiði og því að menn
hafi getað stýrt vinnslunni þannig
að alltaf hafi verið nóg hráefni.
Þannig hafi verið hægt að fram-
leiða alveg frá því veiðar byijuðu,
fyrst inn á Rússlandsmarkað, þá
Tæwan, svo Japan og loks aftur á
Rússlandsmarkað. „Menn hafa
alltaf haft opnar leiðir fyrir það
sem þeir hafa fengið á land,“ sagði
hann.
Það verður aftur á móti tak-
markað magn sem menn ætla sér
að framleiða af hrognum, að sögn
Víkings, eða eingöngu hrogn sem
eru með 100% gæði. „Ég held að
menn ætli sér að standa saman
að því að vera eingöngu með fyrsta
flokks framleiðslu og framleiða
ekki upp í áhættu," segir hann.
„En það er alveg ljóst að það verð-
ur hrognavinnsla."
NUPO-DAGAR ! APÓ Nýtt og bragðbætt Nupo-létt á enn TEKUM betra verði. /\' “
ÚTSÖLUSTAÐIR: Kynntu þér verð og þjónustu.
Apótek Austurlands Borgar Apótek löunnar apótek
Apótek Blönduóss Dalvíkur Apótek, Dalvík Laugarnesapótek
Apótek Grindavíkur Dalvíkur Apótek, Ólafsfiröi Laugavegs Apótek
Apótek Noröurbæjar Egilsstaðaapótek Reykjavíkur Apótek
Apótek Ólafsvíkur Hafnarfjaröar Apótek Sauöárkróksapótek
Apótek Vestmannaeyja Hraunbergs Apótek Siglufjaröarapótek
Árbæjarapótek Húsavíkur Apótek Ölfussapótek
AUGLÝSING:
Gylfi Ægisson
LISTAMAÐUR
Þegar Nupo-létt kom á markaðinn á íslandi var ég
110 kg, sem er allt of mikið fyrir mig. Nupo er
lausn sem hentaði mér og á skömmum tíma komst
ég niður í 90 kg. Ég notaði síðan Nupo til þess að
viðhalda þeirri þyngd og reyndist það auðvelt, því
það er lítið mál að hrista sér einn skammt af Nupo.
Ég keppi í skotfimi og þar skiptir einbeitigin öllu
máli. Það er því ekki gott að borða þunga máltíð fyrir keppni, því fæ ég mér
eitt glas af Nupo. Þá líður mér vel, er hvorki svangur né saddur, sem sagt í
góðu formi.
En ég hef líka uppgötvað það að í baráttunni við aukakílóin má ekki sofa á
verðinum, því ég þyngdist aftur. Reynslunni ríkari er ég aftur byrjaður af
fullum krafti á Nupo og hef þegar lést um 6 kg. Nú ætla ég ekki að þyngjast
aftur.
Það sem mér finnst best við Nupo-létt er að það er engin „töfralausn", held-
ur læknisfræðilega viðurkennt, hitaeininganautt næringarduft - matur í duft-
formi. Það fer lítill tími í undirbúning, ekkert rafmagn og lítið uppvask.
SEM SAGT HIÐ BESTA MÁLM
HÖFUÐSTÖÐVAR Atlantshafsbandalagsins, NATO, í Brussel.
NATO getur veitt
Evrópu meiri
sveigjanleika
París. Reuter.
BANDARISKUR embættismaður
sagði í gær að hlutverk Atlantshafs-
bandalagsins (NATO) í friðargæslu
í Bosníu og aukin þátttaka Frakka
í starfi bandalagsins muni leiða til
þess að bandamenn Bandaríkja-
manna í Evrópu gegni stærra hlut-
verki í öryggisgæslu í kjölfar kalda
stríðsins.
Embættismaðurinn, sem ekki vildi
láta nafns getið, gerði hins vegar
lítið úr frönskum hugmyndum um
víðtækar breytingar: „Umbóta er
ekki þörf innan NATO. NATO getur
haldið áfram að þróast og aðlagast
þannig að bandalagið veiti Evr-
ópubúum meiri sveigjanleika til að
efla öryggi sitt.“
Bandaríkjamenn samþykktu í
grundvallaratriðum árið 1994 að
leyfa bandamönnum sínum að nota
getu NATO til flutninga og eftirlits
úr lofti í verkefnum, sem Bandaríkja-
stjórn ákvæði að taka ekki þátt í.
Ótti Bandaríkjamanna
Gert var ráð fyrir því að stofnaðar
yrðu sérstakar sameinaðar sveitir
(skammstafaðar CJTF í herbúðum
NATO og stendur það fyrir Comb-
ined Joint Task Forces) til að gegna
slíkum sérverkefnum, en enn hefur
slík sveit ekki verið sett saman vegna
ágreinings um það hvernig stjórn
hennar yrði háttað og ótta Banda-
ríkjamanna við að Evrópumenn dragi
þá inn í átök þeim óviðkomandi.
Málið snýst einnig um það hversu
mikið af hergögnum sínum og her-
getu Bandaríkjamenn eru reiðubúnir
að láta lúta evrópskri stjórn.
John Kornblum, sem tilnefndur
hefur verið næsti aðstoðarutanríkis-
ráðherra Bandaríkjanna í Evrópu-
málum, kom með sendinefnd til Par-
ísar í þessari viku til viðræðna við
franska embættismenn. Ónefndi
bandaríski embættismaðurinn sagði
að Bandaríkjamenn fögnuðu því
mjög að Frakkar skyldu hafa ákveð-
ið að taka aukinn þátt í starfi NATO
og þessi ákvörðun geti greitt fyrir
því hvernig CJTF-sveitir verði mynd-
aðar og breytingar verði gerðar á
valdauppbygginbu bandalagsins.
Næsta skrefið í þessum málum
yrði stigið á fundi utanríkisráðherra
NATO í Berlín 4. júní þótt það væri
of snemmt til að búast mætti við því
að þá yrði gengið frá breytingunum.
Hins vegar væri ljóst að Bandríkja-
menn myndu ekki skuldbinda sig í
eitt skipti fyrir öll heldur vega og
meta hveija beiðni Evrópuríkja um
að nota bandarísk hergögn fyrir sig.
Jacques Chirac, forseti Frakk-
lands, ákvað í desember, 30 árum
eftir að Charles de Gaulle sleit hern-
aðarsamstarfi við NATO, að Frakkar
myndu setjast á ný í hermálanefnd
NATO og varnarmálaráðherra
Frakka sitja fundi bandalagsins, þótt
þeir myndu ekki snúa aftur í samein-
aða herstjóm þess. Um leið mæltist
Chirac til þess að Evrópustoð NATO
fengi meira vægi og stæði jafnfætis
' Bandaríkjunum.
Þrýstingur á umbætur
Evrópskir stjórnarerindrekar
segja að það skapi ákveðinn þrýsting
- á að hraða umbótum innan NATO
að Bandaríkjamenn hyggjast kveðja
herlið sitt brott frá Bosníu í árslok
og þá vilja Evrópuríki eiga þess kost
að halda áfram friðargæslu þar.
Bandaríski embættismaðurinn,
sem áður var getið, sagði að ekki
væru uppi neinar áætlanir um að
lengja lífdaga alþjóðlegu hersveit-
anna (IFOR), sem nú gæta friðar í
Bosníu undir forystu NATO.
Evrópskir stjórnarerindrekar
segja hins vegar að innan ríkisstjórna
í Evrópu sé enginn þeirrar hyggju
að bandamenn geti einfaldlega haft
sig á braut þegar árinu ljúki. Erfítt
verði fyrir Evrópuríki að halda uppi
friðargæslu án Bandaríkjamanna, en
það gæti einnig orðið afdrifaríkt ef
allt friðargæslulið hyrfí á braut og
tómarúm skapaðist í Bosníu.
Finnar og ríkjaráðstefnan
Vilja ríkjasamband
- ekki sambandsríki
Helsinki. Morgunblaðið.
STJÓRN Finnlands mun beijast fyrir
því á ríkjaráðstefnu Evrópusam-
bandsins, sem hefst eftir um mánuð,
að sambandið verði áfram ríkjasam-
band en verði ekki þróað í sambands-
ríki. Hins vegar útilokar finnska
stjórnin ekki að meirihlutaatkvæða-
greiðslum verði beitt í auknum mæli
innan sambandsins.
Finnar eru til að mynda hlynntir
því að ákvarðanir í umhverfismálum
verði teknar með meirihlutaatkvæða-
greiðslum en ekki samróma.
Markmið ríkisstjórnarinnar fyrir
ríkjaráðstefnuna voru kynnt á þriðju-
dag í skýrslu sem lögð var fram á
þinginu. Ole Norrback Evrópuráð-
herra lagði í ræðu áherslu á að sér
þætti mikilvægt að engar róttækar
breytingar yrðu á stjórnarháttum
sambandsins. Núverandi fyrirkomu-
lag taldi ráðherrann vera minni aðild-
arríkjum hagstætt.
í stefnuskrá ríkisstjórnarinnar
koma hins vegar einnig fram efa-
semdir um ágæti þess að sameiginleg
stefna í varnar- og öryggismálum
verði mótuð með meirihlutaákvörð-
unum. Hvað þau mál varðar eru
áherslur fínnsku stjórnarinnar óljós-
ar og var ríkisstjórnin gagnrýnd
harðlega á þinginu fyrir það.