Morgunblaðið - 02.03.1996, Blaðsíða 64
MORGUNBLAÐID, KRINGLAN I. 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRL HAFNARSTRÆTI 85
LAUGARDAGUR 2. MARZ 1996
VERÐ í LAUSASÖLU 125 KR. MEÐ VSK
Morgunblaðið/Ásdís
Reiknistofa
bankanna
Bilun olli
töfum á
innborg-
unum
SEINKUN varð á mánaðamóta-
vinnslu Reiknistofu bankanna í fyrri-
nótt vegna bilunar í hugbúnaði og
töfðust innborganir á launum og
öðru um nokkrar klukkustundir.
Þórður B. Sigurðsson, forstöðu-
maður Reiknistofu bankanna, sagði
að umframvélarafl hjá stofunni væri
það lítið að innborganir hefðu ekki
verið komnar inn á tölvukerfi bank-
anna fyrr en kl. 9 í gærmorgun. Þar
hefðu upplýsingarnar lent í biðröð
sem víkur fyrir annarri tölvuvinnslu
sem hefur forgang. Því hefði þurft
að nýta jafnframt þann hluta tölvu-
búnaðar sem kerfisdeild annars notar
og hefði það flýtt fyrir vinnsiunni,
en allar innborganir höfðu komist til
skila um hádegi Þá urðu tafir í gær
á því að innborganir Tryggingastofn-
unar til öryrkja skiluðu sér á til-
teknum tíma, en þær lentu aftast í
ofangreindri biðröð.
-----»-♦-♦-----
Sjúkrapróf í lagadeild
100% fall
TILKYNNT hefur verið niðurstaða
sjúkraprófs í almennri lögfræði
fyrsta árs nema í lagadeild Háskól-
ans. 14 þreyttu prófið og féllu þeir
allir.
Upphaflega gengust 133 nemend-
ur undir prófið og féllu 122 en 11
náðu. Þegar sjúkraprófið er meðtalið
gengust 147 undir prófið og féllu
136, eða 92,5%. Á mánudaginn verð-
ur svokölluð prófsýning, en þá munu
kennarar fara yfir prófið með þeim
nemendum sem þess óska.
Viðræðum strandríkja um norsk-íslenzka sfldarstofninn lauk án árangurs í Ósló
Evrópusambandið vill
veiða 150.000 tonn
Hart sleg-
ist í MR
ÁRLEGUR gangaslagur var í
-íttenntaskólanum í Reykjavík í
gær. Að sögn eins 6. bekkings, sem
tók virkan þátt í slagnum, var
„rosalegur hasar“. Slagurinn
gengur út á það að 6. bekkingar
reyna að hringja skólabjöllunni
og nemendur annarra bekkja
reyna að koma í veg fyrir að þeim
takist það. Viðmælandinn sagði
að allir hefðu tekið þátt í slagnum,
„nema stelpurnar, náttúrulega",
eins og hann orðaði það. Hann
sagði að sumir 6. bekkingar hefðu
borið á sig matarolíu til að vera
sleipari og þá væntanlega til að
renna yngri menntskælingum úr
greipum. Heimildarmaður sagði
að ekki hefði verið mikið um al-
r—-varleg meiðsl en „kannski nokkur
glóðaraugu“ og svo hefðu „nokkr-
ar stelpur úr þriðja bekk, sem
voru að þvælast fyrir, troðist eitt-
hvað undir“. Það tók 6. bekkinga
um fimm mínútur að komast að
bjöllunni og hringja henni en þeir
ryðjast úr anddyri og upp á pall
á milli fyrstu og annarrar hæðar
þar sem klukkan hangir.
Póstur
kærði
árás
hunds
PÓSTBURÐARKONA lagði í
fyrradag fram kæru til lög-
reglunnar í Reykjavík vegna
árásar hunds á sig við hús í
Gerðunum. Konan meiddist
ekki.
Sverrir Friðbjörnsson, úti- ,
bússtjóri Pósthússins á svæði
108, sagði að ekki kæmi oft
fyrir að póstburðarfólk yrði
fyrir ónæði hunda, hvað þá
árásum. Hann sagði að árásir
væru tilkynntar lögreglu og
samband haft við hundaeftir-
litsmann en þar sem hundar
eru lausir í görðum er haft
samband við eigendur og sam-
ið um að hundarnir séu hafðir
inni þegar póstur er borinn
út. í flestum tilfellum næðist
að leysa málin í samvinnu við
hundaeigendur. Póstburðar-
fólk getur sleppt því að fara
í hús þar sem ástæða er til
að hafa áhyggjur af hundum.
Lífeyrissjóður bænda
VÍB og Kaup-
þing sjá um
ávöxtun
LÍFEYRISSJÓÐUR bænda hefur fal-
ið Verðbréfamarkaði íslandsbanka
hf. (VÍB) og Kaupþingi hf. ávöxtun
^ftármuna og vörslu eigna sinna.
Heildareignir sjóðsins nema um 7
milljörðum króna og skiptast þær til
helminga milli fyrirtækjanna.
Þetta er langstærsti samningur
sem lífeyrissjóður hefur gert við
verðbréfafyrirtæki um vörslu eigna
enda er sjóðurinn í hópi tíu stærstu
lífeyrissjóða landsins.
■ VÍB og Kaupþing taka/14
EVRÓPUSAMBANDIÐ hyggst
taka sér einhliða um 150.000 tonna
kvóta úr norsk-íslenzka síldarstofn-
inum, náist ekki samningar um
annað við strandríkin fjögur, sem
mestra hagsmuna eiga að gæta við
nýtingu stofnsins. Verði af þessu,
getur svo farið að veidd verði um
350.000 tonn úr stofninum á þessu
ári umfram það sem fiskifræðingar
ráðleggja.
Embættismenn frá ESB, íslandi,
Noregi* Rússlandi og Færeyjum
ræddu stjórn veiða úr síidarstofnin-
um í Ósló í Noregi í gær. Að sögn
Guðmundar Eiríkssonar, formanns
íslenzku viðræðunefndarinnar,
gerðu fulltrúar ESB grein fyrir því
að Emma Bonino, sjávarútvegs-
stjóri sambandsins, hefði boðað að
ESB myndi ákveða sér 150.000
tonna kvóta í Síldarsmugunni svo-
kölluðu, sem er alþjóðlegt haf-
svæði, næðist ekki heildarsam-
komulag við löndin fjögur áður en
síldin hæfi göngur sínar út á hafið.
Guðmundur segir ESB hafa fengið
þau svör að þetta væri alltof há
krafa og í mesta lagi 4% af ráðlögð-
um heildarafla, sem er um 40.000
tonn, væru til skiptanna handa
fimmtu ríkjum.
Noregur bauð aðgang að
lögsögu gegn 130.0001 lækkun
Guðmundur segir að möguleikar
á samkomulagi strandríkjanna við
ESB hafi ekki verið útilokaðir. Hins
vegar sé forsenda slíks samkomu-
lags að strandríkin semji fyrst sín
á milli. Slíkir samningar eru ekki
nær en áður eftir að viðræðum land-
anna fjögurra á miðvikudag og
fimmtudag lauk án samkomulags.
Norðmenn buðu íslandi og Fær-
eyjum aðgang að síldveiðum í lög-
sögu Noregs og Jan Mayen, féllust
löndin á að lækka síldarkvóta sinn,
sem ákveðinn hefur verið 330.000
tonn, um 100.000-f30.000 tonn. Á
móti buðust Norðmenn til að lækka
eigin kvóta, sem samkvæmt ein-
hliða ákvörðun Norðmanna er
725.000 tonn, um 20.000 tonn.
350.000 tonn umfram
ráðleggingar vísindamanna
Guðmundur segir að viðræðu-
nefndir íslands og Færeyja hafi
talið tilboðið fráleitt. Norðmenn
geri kröfu um alltof mikla lækkun
en vilji sjálfir lítið bjóða á móti.
Að óbreyttu stefnir í að saman-
lagður kvóti strandríkjanna fjög-
urra verði um 1,2 milljónir tonna,
en fiskifræðingar hafa lagt til að
ekki verði veitt meira en milljón
tonna. Þegar væntanlegur kvóti
ESB bætist við, er heildarkvótinn
orðinn 350.000 tonnum meiri en
vísindamenn telja ráðlegt.
Guðmundur Eiríksson segir að
enginn nýr samningafundur hafi
verið boðaður um skiptingu á síldar-
kvóta. Hins vegar muni ríkin, sem
í hlut eiga, koma saman á fundi
Norðaustur-Atlantshafsfiskveiði-
nefndarinnar (NEAFC) í London í
næstu viku.
Þar eigi að ræða um stjórnun á
úthafskarfastofninum á Reykjanes-
hrygg, en um leið gefist tækifæri
til að ræða um síldina ef menn telji
ástæðu til.