Morgunblaðið - 06.03.1996, Síða 48

^YHNDAl
Hátækni til framfara
m Tæknival
Skeifunni17 • Sími 568-1665
MORGUNBLADID, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
mSTHÓLF 3040, NETFANG MBLfa’CENTR UM. IS / AKUREYRl: HAFNARSTRÆTl 85
MIÐVIKUDAGUR 6. MARZ 1996
VERÐ í LAUSASÖLU 125 KR. MEÐ VSK
Þorskaflahámark
130tonna
viðbót til
Suðureyrar
SMÁBÁTAR sem gerðir eru út frá
Suðureyri fá mesta viðbót við þorsk-
aflahámark sitt, eða 131 tonn sem
skiptist á 14 báta, samkvæmt
ákvörðun stjórnar Byggðastofnunar
frá því í gær. Lauk þá úthlutun þess
þorskaflahámarks sem Byggða-
stofnun var falið að úthluta til báta
á stöðum sem háðastir eru útgerð
smábáta.
Þegar Alþingi samþykkti síðast
breytingar á lögum um stjórnun fisk-
veiða og gerði breytingar á reglum
um veiðar smábáta var tekinn frá
500 tonna kvóti sem Byggðastofnun
var falið að úthluta sem viðbót á
smábáta í þeim byggðarlögum sem
taiin eru aigerlega háð útgerð smá-
báta. Niðurstaða Byggðastofnunar
var að sjö sveitarfélög væru talin
næst því að falla undir þessa skil-
greiningu. Tvö þeirra féllu út vegna
þess að bátar voru seldir í burtu en
eitt bættist við vegna þess að togari
staðarins fór annað.
Hámark 10 tonn á bát
Ákveðið var að nota kvótann til
að auka þorskaflahámark báta á
"'þessum stöðum um 25%, þó að há-
marki 10 tonn á bát. Alls fengu 50
bátar úthlutun fyrir þetta fiskveiði-
ár, samtals 438 tonn. Mest fer til
Suðureyrar þar sem íjórtán bátar
fá samtals 131 tonn. Tólf bátar á
Tálknafirði fá 119 tonn, sjö bátar í
Grímsey skipta á milli sín 66 tonn-
um, tíu bátar á Bakkafirði fá 64
tonn, fimm bátar á Borgarfirði
eystra fá samtals 43 tonn og loks
fá tveir bátar á Breiðdalsvík 15
tonna viðbót við þorskaflahámark.
Sigurður Guðmundsson, forstöðu-
maður þróunarsviðs Byggðastofnun-
ar, segir að við meðferð málsins
hafi komið í ljós einstök dæmi þar
sem bátar væru gerðir út frá stöðun-
-um þó að eigendur þeirra væru flutt-
ir þaðan. Stjórn stofnunarinnar hefði
ákveðið að úthluta þessum bátum
með sama hætti og öðrum enda
væri útgerð þeirra hluti af atvinnu-
lífi staðarins að mati viðkomandi
sveitarstjóma. Fiskistofa sendir við-
komandi útgerðarmönnum tilkynn-
ingu um úthlutunina.
SÍB óskar endurskoðunar
á launalið samninga
Astæðan að samanburðarhópar í
BSRB og BHMR hafa hækkað meira
SAMBAND íslenskra bankamanna
hefur óskað endurskoðunar á launa-
lið kjarasamnings síns við bánkana
sem undirritaður var 8. júní í fyrra
og gildir til næstu áramóta og hefur
fyrsti samningafundurinn vegna
þessa verið boðaður á mánudaginn
kemur. Ástæðumar eru að saman-
burður við helstu viðmiðunarhópa
félaga í SÍB innan Bandalags starfs-
manna ríkis og bæja og Bandalags
háskólamenntaðra ríkisstarfsmanna
hefur leitt í ljós að þessir hópar
sömdu um meiri hækkanir en SÍB
á síðasta ári.
Endurskoðunin byggir á 4. grein
samkomulags um kjarasamninga
SÍB, en þar segir að „óski annar
hvor aðila, að gefnu tilefni, endur-
skoðunar á launalið kjarasamnings
á samningstímanum, skulu aðilar
þegar í stað hefja viðræður. Náist
ekki samkomulag innan þijátíu
daga skal ágreiningsatriðum skotið
til úrlausnar gerðardóms.“
Gerðardómurinn hefur einnig
einn mánuð til að komast að niður-
stöðu nema aðilar komi sér saman
um lengri tíma. Hann skal skipa
einum fulltrúa hvors aðila, auk
oddamanns sem aðilar koma sér
saman um og tveimur til viðbótar
sem oddamaður tilnefnir. „Skal úr-
skurðurinn taka tillit til starfskjara
og þróunar þeirra við sambærileg
störf á vinnumarkaði almennt, hvort
sem er hjá atvinnufyrirtækjum eða
ríki, ríkisstofnunum, sveitarfélögum
og stofnunum þeirra.“
Tvívegis áður
Helga Jónsdóttir, varaformaður
SÍB, segir að þau hafi ákveðið að
beita þessu ákvæði í framhaldi af
því að hafa skoðað samanburð frá
Þjóðhagsstofnun á samningum sem
gerðir voru á opinberum markaði.
Bankamenn teldu sig hafa borið
minna úr býtum en ríkisstarfsmenn
samkvæmt þessum . samanburði.
Samningar þeirra væru metnir til
8,5-8,6% hækkunar á samnings-
tíma, en mat á samningum opin-
berra starfsmanna væri allt upp í
20% ef miðað væri við þá hækkun
sem kennarar hefðu fengið.
Helga sagði að þessu ákvæði
hefði verið beitt tvívegis áður, síð-
ast árið 1985.
Morgunblaðið/Knstinn
Asigling
utan við
Sandgerði
MANNBJÖRG varð þegar Reykja-
borg RE 25 sigldi á Einar KE 52
í Sundinu utan við Sandgerðis-
höfn kl. 19.35 í gærkvöldi. Einn
maður var á Einari KE og var
honuni bjargað um borð í Reykja-
borgina. Björgunarskipið Hannes
Þ. Hafstein sótti síðan Einar KE
þar sem hann maraði í hálfu kafi
á Sundinu og dró hann til hafnar.
Samkvæmt upplýsingnm frá
lögreglunni voru bátarnir á leið
til hafnar í Sandgerði. Reykja-
borg RE, sem er 28 brúttórúm-
lesta eikarbátur, sigldi uppi Einar
KE, 5,7 brúttórúmlesta trefja-
plastbát, og lenti á stjórnborðshlið
hans. Við það brotnaði Einar og
fylltist af sjó. Báturinn maraði í
hálfu kafi og flaut líklega á lofti
sem lokaðist inni i stefni. Skip-
verjinn á Einari KE biotnaði upp
að mitti.
Ein kvennanna dregnr mál
gegn biskupi til baka
EIN þeirra kvenna, sem opinberlega
hafa ásakað biskup íslands fyrir
kynferðislega áreitni, sendi í gær
frá sér yfirlýsingu þar sem hún
dregur mál sitt gegn herra Ólafi
Skúlasyni, biskupi Islands, til baka.
Þá hefur siðanefnd Prestafélags ís-
lands borist bréf frá systur annarrar
konu, sem einnig hefur ásakað bisk-
up um áreitni, þar sem hún segist
enga endurminningu hafa um þetta
atvik.
„Ég lýsi því yfír að ég dreg mál
mitt á hendur Ólafi Skúlasyni til
baka er varðar samskipti okkar á
veitingastað í Kaupmannahöfn. Við
hjónin höfum náð sáttum við þjóð-
kirkjuna og hörmum mjög að þetta
viðkvæma mál skyldi fara í fjöl-
miðla og þann sársauka sem það
hefur valdið,“ segir í yfirlýsingu
fyrrnefndrar konu.
Siðanefnd prestafélagsins og lög-
mönnum biskups barst í gær bréf
frá systur konunnar, sem sakað
hefur biskup um kynferðislega
áreitni á sundnámskeiði á Laugum
í Aðaldal. í frásögn konunnar í fjöl-
miðlum segir að hún og systir henn-
ar hafi verið á námskeiðinu og orð-
ið fyrir áreitni biskups. „Samkvæmt
þessum fréttum eigum við systUr
að hafa verið saman í sundlauginni
á Laugum og hafi Ólafur Skúlason
þá komið til okkar og haft í frammi
við okkur óviðurkvæmilegt tal um
líkamsvöxt okkar og þroska og far-
ið um okkur höndum.
Af þessu tilefni vil ég lýsa yfir
eftirfarandi: Ég kannast ekki við
þennan atburð og hef enga endur-
minningu um hann. Ekki minnist
ég þess heldur að um þennan at-
burð eða þessu líkan hafi verið talað
á æskuheimili mínu né heldur um
persónu Ólafs Skúlasonar í neinu
því líku samhengi.“
Sigrún Pálína Ingvarsdóttir, sem
ásakað hefur biskup um nauðgun-
artilraun og er sú eina sem hefur
komið fram undir nafni, segir þetta
engin áhrif hafa á sitt mál. Hún
hafi greint satt og rétt frá og myndi
standa við þær yfirlýsingar sem hún
hafi gefið um það sem gerðist í
Bústaðakirkju árið 1979.
Valdabarátta
Þá segir Ragnar Aðalsteinsson,
lögmaður biskups íslands, að drög
að ályktun, sem Geir Waage, for-
maður Prestafélags íslands, lagði
fram á stjórnarfundi í fyrradag hafi
haft þann eina tilgang að vega að
biskupnum. Þetta sé liður í valda-
baráttu innan kirkjunnar. Sam-
kvæmt heimildum Morgunblaðsins
er óánægja innan stjórnar Prestafé-
lagsins með drögin og vinnubrögð
Geirs Waage.
■ Þáttur í valdabaráttu/6
Morgunblaðið/Jónas Erlendsson
Gulrótarupp-
skera á góu
ÞAÐ MA segja að óvenjulegt
sé að menn taki upp gulrætur
á miðri góu, en það gerði þó
Stefán Gunnarsson, bóndi á
Dyrhólum. Um er að ræða líf-
rækt ræktaðar gulrætur og
hefur Stefán þegar fengið
vottun vottunarstöðvarinnar
Tún fyrir gæði uppskerunnar.
Gulræturnar eru ræktaðar
undir plastdúk.
Reykjavíkur-
skákmótið
Agdestein
efstur með
4 vinninga
SIMEN Agdestein er efstur á
Reykjavíkurskákmótinu, með
4 vinninga eftir 4 umferðir.
Agdestein sigraði Nicolic í
gær. í 2.-4. sæti með 3'A vinn-
ing eru Hannes Hiífar Stefáns-
son, Jonathan Tisdall og Rune
Djurhus.
í gær vann Hannes Hlífar
sigur á Margeir Péturssyni,
Helgi Ólafsson vann Heini 01-
sen, Helgi Áss Grétarsson
vann Braga Halldórsson,
Benedikt Jónasson sigraði
David Bronstein. Þröstur Þór-
hallsson gerði jafntefli við
Curt Hansen og Magnús Örn
Úlfarsson gerði jafntefli við
Jonny Hector.
■ Skákþáttur/33